OICC -Hafar al Batin

23/08/2026

📢 നോർക്ക കെയർ പ്ലസ് | പ്രവാസികൾക്കായി സഹായഹസ്തവുമായി OICC

പ്രിയ പ്രവാസി മലയാളികളേ, ❤️

പ്രവാസി മലയാളികൾക്കായി NORKA Roots ഒരുക്കിയിരിക്കുന്ന നോർക്ക കെയർ പ്ലസ് പദ്ധതിയുമായി ബന്ധപ്പെട്ട വിവരങ്ങൾക്കും സഹായങ്ങൾക്കുമായി സൗദി OICC കിഴക്കൻ പ്രവിശ്യയുടെ വിവിധ പ്രദേശങ്ങളിൽ ഹെൽപ് ഡെസ്കുകൾ ആരംഭിച്ചിരിക്കുന്നു.

📞 ബന്ധപ്പെടേണ്ട നമ്പറുകൾ

📍 Dammam
056 707 3516 | 055 158 3206

📍 Al Khobar
056 869 3375 | 055 494 6561

📍 Jubail
053 859 2311 | 059 303 7510

📍 Al Hassa
056 279 4634 | 050 940 8524

📍 Hafr Al Batin
050 216 1528 | 050 046 8441

👤 Co-ordinator
050 295 9891

🕕 സേവന സമയം:
എല്ലാ ദിവസവും | വൈകിട്ട് 6:00 മുതൽ രാത്രി 10:00 വരെ

🤝 നോർക്ക കെയർ പ്ലസ് സംബന്ധമായ വിവരങ്ങൾക്കും രജിസ്ട്രേഷൻ സഹായത്തിനും ബന്ധപ്പെടുക.

🇮🇳 OICC EASTERN PROVINCE
📍 Dammam – Saudi Arabia

16/08/2026

ഹഫർ അൽ ബാത്തിനിൽ സ്വാതന്ത്ര്യദിനം ആഘോഷിച്ച് ഒ.ഐ.സി.സി

ഹഫർ അൽ ബാത്തിൻ: സ്വാതന്ത്ര്യസമര സേനാനികൾ തങ്ങളുടെ ജീവനും ജീവിതവും രാജ്യത്തിനായി സമർപ്പിച്ച് നേടിയെടുത്ത സ്വാതന്ത്ര്യത്തിന്റെ മഹത്വം ഓർമ്മിച്ചുകൊണ്ട് ഒ.ഐ.സി.സി ഹഫർ അൽ ബാത്തിൻ കമ്മിറ്റി സ്വാതന്ത്ര്യദിനം ആഘോഷിച്ചു.

ചടങ്ങിൽ ഒ.ഐ.സി.സി ഹഫർ അൽ ബാത്തിൻ പ്രസിഡന്റ് വിബിൻ മറ്റത്ത് അധ്യക്ഷനായി ദേശീയപതാക ഉയർത്തി. തുടർന്ന് സ്വാതന്ത്ര്യസമര സേനാനികളുടെ ത്യാഗങ്ങളും രാജ്യത്തിനായി അവർ നടത്തിയ പോരാട്ടങ്ങളും അനുസ്മരിച്ചു.

ഒ.ഐ.സി.സി ഹഫർ അൽ ബാത്തിൻ ജനറൽ സെക്രട്ടറി സൈഫുദ്ധീൻ പള്ളിമുക്ക് സ്വാഗതം പറഞ്ഞു. ഈസ്റ്റേൺ പ്രൊവിൻസ് ഭാരവാഹികളായ സെക്രട്ടറി സലീം കീരിക്കാട്, നിർവാഹക സമിതി അംഗം ഇക്ബാൽ ആലപ്പുഴ, എന്നിവർ സ്വാതന്ത്ര്യദിനാശംസകൾ നേർന്നു.

അനൂപ് പ്രഭാകരൻ, ഷബ്‌നാസ് കണ്ണൂർ,സമദ് കരുനാഗപ്പള്ളി, രതീഷ് ചിറക്കൽ, ഉസ്മാൻ പള്ളങ്ങൽ , ജംഷാദ് അലി, അബ്ദുൽ ഗഫൂർ, ആൻസിഫ് മദീൻ എന്നിവർ പരിപാടികൾക്ക് നേതൃത്വം നൽകി. ജോമോൻ ജോസഫ് ചടങ്ങിൽ നന്ദി അറിയിച്ചു.

തുടർന്ന് മധുരവിതരണം നടത്തി. ഒ.ഐ.സി.സി പ്രവർത്തകരും അംഗങ്ങളും പങ്കെടുത്ത ചടങ്ങ് രാജ്യസ്നേഹത്തിന്റെയും ഐക്യത്തിന്റെയും സന്ദേശം പകർന്നുകൊണ്ട് ശ്രദ്ധേയമായി.

പ്രവാസി സമൂഹത്തിനിടയിൽ രാജ്യസ്നേഹവും ദേശീയബോധവും ശക്തിപ്പെടുത്തുന്നതിനൊപ്പം, സ്വാതന്ത്ര്യസമര സേനാനികളുടെ ത്യാഗങ്ങൾ പുതുതലമുറയ്ക്ക് പകർന്നുനൽകേണ്ടതിന്റെ പ്രാധാന്യവും ചടങ്ങിൽ ഓർമ്മിപ്പിച്ചു.

14/08/2026

സൗദിയിൽ ഹഫർ അൽ ബാത്തിന് സമീപം തമിഴ്നാട് സ്വദേശി ട്രക്കിൽ മരിച്ച നിലയിൽ

ഹഫർ അൽ ബാത്തിൻ: തമിഴ്നാട് പുതുക്കോട്ട സ്വദേശിയായ പ്രഭാകർ (49) സൗദി അറേബ്യയിൽ ഹൃദയാഘാതത്തെ തുടർന്ന് മരണപ്പെട്ടു. ഹഫർ അൽ ബാത്തിനിൽ നിന്ന് ഏകദേശം 180 കിലോമീറ്റർ അകലെയുള്ള അൽ സൈറ പ്രദേശത്ത് നിർത്തിയിട്ടിരുന്ന ട്രക്കിനുള്ളിലാണ് അദ്ദേഹത്തെ മരിച്ച നിലയിൽ കണ്ടെത്തിയത്.

കഴിഞ്ഞ രണ്ടുവർഷമായി സൗദി അറേബ്യയിലെ ഒരു ട്രാൻസ്പോർട്ടിങ് കമ്പനിയിൽ ട്രക്ക് ഡ്രൈവറായി ജോലി ചെയ്തുവരികയായിരുന്നു പ്രഭാകർ. ദമാമിൽ നിന്ന് ഹഫർ അൽ ബാത്തിനിലേക്ക് ചരക്കുമായി പുറപ്പെട്ട ഒമ്പത് ട്രക്കുകളുടെ സംഘത്തിലായിരുന്നു അദ്ദേഹം ഓടിച്ചിരുന്ന ട്രക്കും.

നിശ്ചിത സമയത്തിനുള്ളിൽ മറ്റ് വാഹനങ്ങൾ ഹഫർ അൽ ബാത്തിനിൽ എത്തിയിട്ടും പ്രഭാകറിന്റെ ട്രക്ക് എത്താതിരുന്നതോടെയാണ് സഹപ്രവർത്തകർക്ക് സംശയം തോന്നിയത്. ഫോണിൽ ബന്ധപ്പെടാൻ പലതവണ ശ്രമിച്ചെങ്കിലും പ്രതികരണമുണ്ടായില്ല. തുടർന്ന് സഹപ്രവർത്തകർ നടത്തിയ അന്വേഷണത്തിലാണ് ഹഫർ അൽ ബാത്തിനിൽ നിന്ന് ഏകദേശം 180 കിലോമീറ്റർ അകലെയുള്ള അൽ സൈറയിൽ നിർത്തിയിട്ടിരുന്ന ട്രക്ക് കണ്ടെത്തിയത്.

ട്രക്ക് പരിശോധിച്ചപ്പോഴാണ് വാഹനത്തിനുള്ളിൽ പ്രഭാകറിനെ മരിച്ച നിലയിൽ കണ്ടെത്തിയത്. തുടർന്ന് വിവരം അൽ സൈറ പോലീസ് സ്റ്റേഷനിൽ അറിയിച്ചു. പോലീസ്, ഫോറൻസിക് വിഭാഗം എന്നിവർ സ്ഥലത്തെത്തി പരിശോധന നടത്തി. തുടർന്ന് നടത്തിയ മെഡിക്കൽ പരിശോധനയുടെയും റിപ്പോർട്ടിന്റെയും അടിസ്ഥാനത്തിൽ ഹൃദയാഘാതമാണ് മരണകാരണമെന്ന് സ്ഥിരീകരിച്ചു. കഴിഞ്ഞ ആഴ്ചയാണ് മരണം സംഭവിച്ചതെന്നാണ് ലഭ്യമായ വിവരം.

മരണവിവരം അൽ സൈറ പോലീസ് സ്റ്റേഷനിൽ നിന്ന് ഹഫർ അൽ ബാത്തിൻ ഒ.ഐ.സി.സി. പ്രസിഡന്റ് വിബിൻ മറ്റത്തിനെ അറിയിച്ചതിനെ തുടർന്ന്, ഇന്ത്യൻ എംബസിയുടെ സഹകരണത്തോടെ ആവശ്യമായ നിയമനടപടികൾ പൂർത്തിയാക്കി മൃതദേഹം ഇന്ത്യയിലെത്തിക്കുന്നതിനുള്ള നടപടികൾക്ക് നേതൃത്വം നൽകി.

മരണവുമായി ബന്ധപ്പെട്ട പോലീസ്, ഫോറൻസിക്, മെഡിക്കൽ നടപടികൾ പൂർത്തിയാക്കിയ ശേഷം മൃതദേഹം എംബാമിംഗ് നടത്തി നാട്ടിലേക്ക് അയക്കുന്നതിനുള്ള ക്രമീകരണങ്ങൾ നടത്തി. മൃതദേഹം നാട്ടിലെത്തിക്കുന്നതിനുള്ള എംബാമിംഗ്, ട്രാൻസ്പോർട്ടേഷൻ ഉൾപ്പെടെയുള്ള ചെലവുകൾ പ്രഭാകർ ജോലി ചെയ്തിരുന്ന കമ്പനി വഹിച്ചു.

തുടർന്ന് മൃതദേഹം വിമാനമാർഗം ഇന്ത്യയിലെത്തിക്കുകയും ചെന്നൈ വിമാനത്താവളത്തിൽ ബന്ധുക്കൾ ഏറ്റുവാങ്ങുകയും ചെയ്തു.

പ്രഭാകറിന്റെ പിതാവ് പളനിവേൽ, മാതാവ് വേലായു. ഭാര്യ യോഗലക്ഷ്മി. മക്കൾ മണികണ്ഠൻ, മനോജ് കുമാർ.

14/08/2026

🇮🇳 സ്വാതന്ത്ര്യദിനാശംസകൾ 🇮🇳

രാജ്യത്തിന്റെ സ്വാതന്ത്ര്യത്തിനായി ജീവൻ സമർപ്പിച്ച ധീര ദേശാഭിമാനികളുടെ ത്യാഗസ്മരണകൾക്ക് മുന്നിൽ പ്രണാമം അർപ്പിച്ചുകൊണ്ട്, പ്രവാസഭൂമിയിലും ഭാരതത്തിന്റെ അഭിമാനവും ഐക്യവും ഉയർത്തിപ്പിടിക്കാം.

നാടിന്റെ നന്മയ്ക്കും പുരോഗതിക്കും വേണ്ടി ഒരുമിച്ച് മുന്നേറാം.

എല്ലാ പ്രവാസി ഇന്ത്യക്കാർക്കും ഹൃദയം നിറഞ്ഞ സ്വാതന്ത്ര്യദിനാശംസകൾ! 🇮🇳❤️

ഒഐസിസി ഹഫർ അൽ ബാത്തീൻ

05/08/2026

04/08/2026

സൗദിയിൽ പാമ്പ് കടിയേറ്റ് മരണപ്പെട്ട പഞ്ചാബ് സ്വദേശിയുടെ മൃതദേഹം നാട്ടിലെത്തിച്ച് സംസ്കരിച്ചു

ഹഫർ അൽ ബാത്തിൻ: സൗദി അറേബ്യയിലെ ഹഫർ അൽ ബാത്തിനിൽ നിന്ന് ഏകദേശം 160 കിലോമീറ്റർ അകലെയുള്ള മരുഭൂമിയിൽ പാമ്പ് കടിയേറ്റ് മരണപ്പെട്ട പഞ്ചാബ് സ്വദേശിയായ ഗർവിന്ദർ സിംഗ് (26) ന്റെ മൃതദേഹം സൗദിയിലെ നിയമനടപടികൾ പൂർത്തിയാക്കിയ ശേഷം ഇന്ത്യയിലെത്തിച്ച് സ്വദേശത്ത് സംസ്കരിച്ചു.

ഷിപ്പിംഗ് കമ്പനിയിൽ ട്രക്ക് ഡ്രൈവറായി ജോലി ചെയ്തിരുന്ന ഗർവിന്ദർ സിംഗ് ട്രക്കുമായി യാത്ര തിരിച്ചതിന് ശേഷം രണ്ട് ദിവസത്തോളം യാതൊരു വിവരവും ലഭിക്കാതിരുന്നതിനെ തുടർന്ന് വാഹനത്തിന്റെ ജിപിഎസ് പരിശോധിച്ചാണ് ട്രക്ക് കണ്ടെത്തിയത്. എന്നാൽ ഗർവിന്ദർ സിംഗിനെ കണ്ടെത്താൻ കഴിഞ്ഞില്ല.

തുടർന്ന് പോലീസ് സ്റ്റേഷനിൽ പരാതി നൽകിയതിന്റെ അടിസ്ഥാനത്തിൽ പോലീസ് നടത്തിയ തിരച്ചിലിൽ ട്രക്ക് കണ്ടെത്തിയ സ്ഥലത്തിന് സമീപമുള്ള മരുഭൂമിയിൽ ഗർവിന്ദർ സിംഗിന്റെ മൃതദേഹം കണ്ടെത്തുകയായിരുന്നു. ട്രക്കിൽ അദ്ദേഹത്തിന്റെ മൊബൈൽ ഫോൺ, പേഴ്സ്, മറ്റ് വ്യക്തിഗത വസ്തുക്കൾ എന്നിവ ഉണ്ടായിരുന്നതായും ആവശ്യത്തിന് ഇന്ധനമുണ്ടായിരുന്നുവെന്നും വാഹനത്തിന് യാതൊരു കേടുപാടുകളും സംഭവിച്ചിരുന്നില്ലെന്നും അന്വേഷണത്തിൽ വ്യക്തമായി.

പോലീസ് അന്വേഷണം, ഫോറൻസിക് പരിശോധന, പോസ്റ്റ്മോർട്ടം റിപ്പോർട്ട് എന്നിവയുടെ അടിസ്ഥാനത്തിൽ പാമ്പ് കടിയേറ്റതാണ് മരണകാരണമെന്ന് അധികൃതർ സ്ഥിരീകരിച്ചു. സംഭവത്തിൽ മറ്റേതെങ്കിലും ദുരൂഹതയോ കുറ്റകൃത്യത്തിന്റെ സൂചനകളോ ഇല്ലെന്നും അന്വേഷണത്തിൽ വ്യക്തമായി.

മൃതദേഹം നാട്ടിലെത്തിക്കുന്നതിനുള്ള നിയമനടപടികൾ ഇന്ത്യൻ എംബസിയുടെ സഹായത്തോടെ ഹഫർ അൽ ബാത്തിൻ ഒ.ഐ.സി.സി പ്രസിഡന്റ് വിബിൻ മറ്റത്ത് പൂർത്തിയാക്കി. തുടർന്ന് അമൃത്സർ വിമാനത്താവളത്തിലെത്തിച്ച മൃതദേഹം ബന്ധുക്കൾ ഏറ്റുവാങ്ങി സ്വദേശത്ത് സംസ്കരിച്ചു.

ഗർവിന്ദർ സിംഗിന്റെ മാതാവ് ബാൽവിന്ദർ കൗർ, പിതാവ് ബാൽവിന്ദർ സിംഗ്, ഭാര്യ ഗുർപീത് കൗർ എന്നിവരാണ്.

ഈ സംഭവം ദീർഘദൂര ട്രക്ക് ഡ്രൈവർമാർക്കും മരുഭൂമി മേഖലകളിൽ ജോലി ചെയ്യുന്നവർക്കും ഒരു മുന്നറിയിപ്പാണ്. മരുഭൂമി പ്രദേശങ്ങളിൽ വാഹനം പാർക്ക് ചെയ്ത് പുറത്തേക്കിറങ്ങുന്ന സാഹചര്യങ്ങളിൽ ചുറ്റുപാടുകൾ ശ്രദ്ധാപൂർവം നിരീക്ഷിക്കുകയും ആവശ്യമായ സുരക്ഷാ മുൻകരുതലുകൾ സ്വീകരിക്കുകയും ചെയ്യണമെന്ന് ബന്ധപ്പെട്ടവർ നിർദേശിക്കുന്നു.

26/07/2026

'ഓപ്പറേഷൻ തൂഫാൻ' ക്യാമ്പയിന് ഐക്യദാർഢ്യം; ഒഐസിസി ഹഫർ അൽ-ബാത്തിൻ കമ്മിറ്റി ലഹരിവിരുദ്ധ ബോധവൽക്കരണ പരിപാടിയും ഉമ്മൻ ചാണ്ടി അനുസ്മരണവും സംഘടിപ്പിച്ചു

ഹഫർ അൽ-ബാത്തിൻ: കേരള സർക്കാർ നടപ്പിലാക്കുന്ന 'ഓപ്പറേഷൻ തൂഫാൻ' ലഹരിവിരുദ്ധ ക്യാമ്പയിനോട് ഐക്യദാർഢ്യം പ്രഖ്യാപിച്ചുകൊണ്ട് ഒഐസിസി ഹഫർ അൽ-ബാത്തിൻ കമ്മിറ്റി ലഹരിവിരുദ്ധ ബോധവൽക്കരണ പരിപാടിയും മുൻ കേരള മുഖ്യമന്ത്രി ശ്രീ ഉമ്മൻ ചാണ്ടിയുടെ ചരമവാർഷിക അനുസ്മരണവും സംഘടിപ്പിച്ചു.

ഒഐസിസി ഹഫർ അൽ-ബാത്തിൻ കമ്മിറ്റി പ്രസിഡന്റ് വിബിൻ മറ്റത്ത് അധ്യക്ഷത വഹിച്ച യോഗം ഒഐസിസി ഈസ്റ്റേൺ പ്രൊവിൻസ് സെക്രട്ടറി സലീം കീരിക്കാട് ഉദ്ഘാടനം ചെയ്തു. ലഹരിക്കെതിരായ പോരാട്ടം സർക്കാർ സംവിധാനങ്ങളുടെ മാത്രം ഉത്തരവാദിത്തമല്ലെന്നും കുടുംബങ്ങളും വിദ്യാഭ്യാസ സ്ഥാപനങ്ങളും സാമൂഹിക-സാംസ്കാരിക സംഘടനകളും പ്രവാസി സമൂഹവും കൈകോർക്കുമ്പോഴേ ലഹരിമുക്ത സമൂഹം സൃഷ്ടിക്കാനാകൂവെന്നും അദ്ദേഹം പറഞ്ഞു.

ഒഐസിസി ഈസ്റ്റേൺ പ്രൊവിൻസ് ഭാരവാഹി ഇക്ബാൽ ആലപ്പുഴ ലഹരിവിരുദ്ധ ബോധവൽക്കരണ ക്ലാസിന് നേതൃത്വം നൽകി. ലഹരി ഉപയോഗത്തിന്റെ സാമൂഹിക, കുടുംബ, ആരോഗ്യപരമായ പ്രത്യാഘാതങ്ങൾ വിശദീകരിച്ച അദ്ദേഹം, യുവതലമുറയെ ലഹരിയുടെ പിടിയിൽ നിന്ന് സംരക്ഷിക്കുന്നതിന് സമൂഹവും പ്രവാസി സംഘടനകളും കൂടുതൽ ജാഗ്രതയോടെയും ഉത്തരവാദിത്വത്തോടെയും പ്രവർത്തിക്കണമെന്ന് ആഹ്വാനം ചെയ്തു.

തുടർന്ന് ജനറൽ സെക്രട്ടറി സൈഫുദ്ദീൻ പള്ളിമുക്ക് ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. ചടങ്ങിൽ അനൂപ് പ്രഭാകരൻ, സജി പടിപ്പുര എന്നിവർ സംസാരിച്ചു. മുൻ മുഖ്യമന്ത്രി ശ്രീ ഉമ്മൻ ചാണ്ടിയുടെ ജനകീയ നേതൃത്വവും പൊതുസേവന രംഗത്തെ നിസ്വാർത്ഥ സേവനങ്ങളും അനുസ്മരിച്ചുകൊണ്ട് അദ്ദേഹത്തെക്കുറിച്ചുള്ള ഓർമ്മകൾ പങ്കുവെച്ചു.

ലഹരിക്കെതിരായ പോരാട്ടത്തിൽ സമൂഹവും പ്രവാസികളും ഏറ്റെടുക്കേണ്ട ഉത്തരവാദിത്വങ്ങളെക്കുറിച്ചും കുടുംബങ്ങളിലും സമൂഹത്തിലും ബോധവൽക്കരണം ശക്തിപ്പെടുത്തേണ്ടതിന്റെ ആവശ്യകതയെക്കുറിച്ചും യോഗം വിശദമായി ചർച്ച ചെയ്തു. യുവതലമുറയെ ലഹരിയുടെ അപകടങ്ങളിൽ നിന്ന് സംരക്ഷിക്കുന്നതിനായി എല്ലാവരും ഒരുമിച്ച് പ്രവർത്തിക്കണമെന്ന് യോഗം ആഹ്വാനം ചെയ്തു.

നിസാം കരുനാഗപ്പള്ളി സ്വാഗതവും റാഫി പരുതൂർ നന്ദിയും രേഖപ്പെടുത്തി.

ജിതേഷ് തെരുവത്ത്, ജോമോൻ ജോസഫ്, രതീഷ് ചിറക്കൽ , സമദ് കരുനാഗപ്പള്ളി, ഉസ്മാൻ പള്ളങ്ങൽ , മുഹമ്മദ്‌ അസ്‌ലം, ജംഷാദ് അലി, സുനിൽകുമാർ വി. ബി,ഷാനവാസ് മതിലകം, അബ്ദുൾ ഗഫൂർ, റഷീദ് വി. പി , സാജിദ് കളത്തിൽ എന്നിവർ പരിപാടിക്ക് നേതൃത്വം നൽകി.

25/07/2026

'ഓപ്പറേഷൻ തൂഫാൻ' ക്യാമ്പയിന് ഐക്യദാർഢ്യം; ഒഐസിസി ഹഫർ അൽ-ബാത്തിൻ കമ്മിറ്റി ലഹരിവിരുദ്ധ ബോധവൽക്കരണ പരിപാടിയും ഉമ്മൻ ചാണ്ടി അനുസ്മരണവും സംഘടിപ്പിച്ചു

ഹഫർ അൽ-ബാത്തിൻ: കേരള സർക്കാർ നടപ്പിലാക്കുന്ന 'ഓപ്പറേഷൻ തൂഫാൻ' ലഹരിവിരുദ്ധ ക്യാമ്പയിനോട് ഐക്യദാർഢ്യം പ്രഖ്യാപിച്ചുകൊണ്ട് ഒഐസിസി ഹഫർ അൽ-ബാത്തിൻ കമ്മിറ്റി ലഹരിവിരുദ്ധ ബോധവൽക്കരണ പരിപാടിയും മുൻ കേരള മുഖ്യമന്ത്രി ശ്രീ ഉമ്മൻ ചാണ്ടിയുടെ ചരമവാർഷിക അനുസ്മരണവും സംഘടിപ്പിച്ചു.

ഒഐസിസി ഹഫർ അൽ-ബാത്തിൻ കമ്മിറ്റി പ്രസിഡന്റ് വിബിൻ മറ്റത്ത് അധ്യക്ഷത വഹിച്ച യോഗം ഒഐസിസി ഈസ്റ്റേൺ പ്രൊവിൻസ് സെക്രട്ടറി സലീം കീരിക്കാട് ഉദ്ഘാടനം ചെയ്തു. ലഹരിക്കെതിരായ പോരാട്ടം സർക്കാർ സംവിധാനങ്ങളുടെ മാത്രം ഉത്തരവാദിത്തമല്ലെന്നും കുടുംബങ്ങളും വിദ്യാഭ്യാസ സ്ഥാപനങ്ങളും സാമൂഹിക-സാംസ്കാരിക സംഘടനകളും പ്രവാസി സമൂഹവും കൈകോർക്കുമ്പോഴേ ലഹരിമുക്ത സമൂഹം സൃഷ്ടിക്കാനാകൂവെന്നും അദ്ദേഹം പറഞ്ഞു.

ഒഐസിസി ഈസ്റ്റേൺ പ്രൊവിൻസ് ഭാരവാഹി ഇക്ബാൽ ആലപ്പുഴ ലഹരിവിരുദ്ധ ബോധവൽക്കരണ ക്ലാസിന് നേതൃത്വം നൽകി. ലഹരി ഉപയോഗത്തിന്റെ സാമൂഹിക, കുടുംബ, ആരോഗ്യപരമായ പ്രത്യാഘാതങ്ങൾ വിശദീകരിച്ച അദ്ദേഹം, യുവതലമുറയെ ലഹരിയുടെ പിടിയിൽ നിന്ന് സംരക്ഷിക്കുന്നതിന് സമൂഹവും പ്രവാസി സംഘടനകളും കൂടുതൽ ജാഗ്രതയോടെയും ഉത്തരവാദിത്വത്തോടെയും പ്രവർത്തിക്കണമെന്ന് ആഹ്വാനം ചെയ്തു.

തുടർന്ന് ജനറൽ സെക്രട്ടറി സൈഫുദ്ദീൻ പള്ളിമുക്ക് ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. ചടങ്ങിൽ അനൂപ് പ്രഭാകരൻ, സജി പടിപ്പുര എന്നിവർ സംസാരിച്ചു. മുൻ മുഖ്യമന്ത്രി ശ്രീ ഉമ്മൻ ചാണ്ടിയുടെ ജനകീയ നേതൃത്വവും പൊതുസേവന രംഗത്തെ നിസ്വാർത്ഥ സേവനങ്ങളും അനുസ്മരിച്ചുകൊണ്ട് അദ്ദേഹത്തെക്കുറിച്ചുള്ള ഓർമ്മകൾ പങ്കുവെച്ചു.

ലഹരിക്കെതിരായ പോരാട്ടത്തിൽ സമൂഹവും പ്രവാസികളും ഏറ്റെടുക്കേണ്ട ഉത്തരവാദിത്വങ്ങളെക്കുറിച്ചും കുടുംബങ്ങളിലും സമൂഹത്തിലും ബോധവൽക്കരണം ശക്തിപ്പെടുത്തേണ്ടതിന്റെ ആവശ്യകതയെക്കുറിച്ചും യോഗം വിശദമായി ചർച്ച ചെയ്തു. യുവതലമുറയെ ലഹരിയുടെ അപകടങ്ങളിൽ നിന്ന് സംരക്ഷിക്കുന്നതിനായി എല്ലാവരും ഒരുമിച്ച് പ്രവർത്തിക്കണമെന്ന് യോഗം ആഹ്വാനം ചെയ്തു.

നിസാം കരുനാഗപ്പള്ളി സ്വാഗതവും റാഫി പരുതൂർ നന്ദിയും രേഖപ്പെടുത്തി.

ജിതേഷ് തെരുവത്ത്, ജോമോൻ ജോസഫ്, രതീഷ് ചിറക്കൽ , സമദ് കരുനാഗപ്പള്ളി, ഉസ്മാൻ പള്ളങ്ങൽ , മുഹമ്മദ്‌ അസ്‌ലം, ജംഷാദ് അലി, സുനിൽകുമാർ വി. ബി,ഷാനവാസ് മതിലകം, അബ്ദുൾ ഗഫൂർ, റഷീദ് വി. പി , സാജിദ് കളത്തിൽ എന്നിവർ പരിപാടിക്ക് നേതൃത്വം നൽകി.

21/07/2026

ഹഫർ അൽ ബാത്തിനിൽ മരണപ്പെട്ട പ്രവാസിയുടെ മൃതദേഹം ഖബറടക്കി.

സൗദി അറേബ്യ :ഹഫർ അൽ ബാത്തിനിൽ ഉത്തർപ്രദേശ് സ്വദേശിയായ അഷ്‌റഫ് അൻസാരി (53) മരണപ്പെട്ടു. കഴിഞ്ഞ 15 വർഷമായി ഹഫർ അൽ ബാത്തിനിൽ താമസിച്ച് വരികയായിരുന്ന അദ്ദേഹം സ്പോൺസറുടെ വീട്ടിൽ ജോലി ചെയ്തുവരികയായിരുന്നു.

കഴിഞ്ഞ ഞായറാഴ്ച താമസ സ്ഥലത്തെ കിടപ്പുമുറിയിലാണ് അഷ്‌റഫ് അൻസാരിയെ മരിച്ച നിലയിൽ കണ്ടെത്തിയത്. തുടർന്ന് ബന്ധപ്പെട്ട അധികൃതരുടെ നേതൃത്വത്തിൽ തുടർ നടപടികൾ സ്വീകരിച്ചു. മരണകാരണം സ്ഥിരീകരിക്കുന്നതിനായി മൃതദേഹം പോസ്റ്റ്മോർട്ടത്തിന് വിധേയമാക്കി. പോസ്റ്റ്മോർട്ടം റിപ്പോർട്ട് പ്രകാരം ഹൃദയാഘാതമാണ് മരണകാരണമെന്ന് വ്യക്തമായി.

ഭാര്യ: ഹസീന. മക്കൾ: ഇമ്രാൻ അൻസാരി, സുബീന, റുബീന.

പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം ഖബറടക്കുന്നതിനുള്ള നിയമപരമായ നടപടികൾ ഇന്ത്യൻ എംബസിയുടെ സഹായത്തോടെ പൂർത്തിയാക്കി. ഒഐസിസി ഹഫർ അൽ ബാത്തിൻ പ്രസിഡന്റ് വിബിൻ മറ്റത്തിന്റെ നേതൃത്വത്തിലാണ് ആവശ്യമായ നടപടികൾ ഏകോപിപ്പിച്ചത്.

തുടർന്ന് ഹഫർ അൽ ബാത്തിനിൽ തന്നെ മൃതദേഹം മതാചാര പ്രകാരം ഖബറടക്കി.