13/02/2025
أبرز ما ورد في تقرير ود المصطفى ليوم الخميس الموافق 13 فبراير 2025 بتوقيت القوات المسلحة السودانية.
العناوين:
🛑ابشروا.
🛑هدنة رمضان.
🛑الموقف العملياتي الكامل.
_____________________________________________________
📌 ابشروا:
● الأيام دي أيام بشريات و شغل الا زول ما داير يشوف أو زول قحاتي أو زول حاسد و حاقد على الجيش.
● الجيش و القوات المساندة شغالين و قدموا الغالي و النفيس و ماف جيش اتوضع في الإختبار الإتوضغ فيه الجيش السوداني.
● جيشنا اشتغل برااهو رغم الطوابير الاشتغلوا من جوة و الطابور المدني الكان شغال إرشاد و يوصفوا بيوت الضباط و يخذلوا في الناس و يصوروا ليك أنو الجنجويد منتصرين رغم ذلك الجيش استطاع الإنتصار في الحرب بأقل مجهود.
● الليلة شهداء القوات المسلحة بهلكى الجنجويد ماف أي مقارنة ، الحمد لله الجيش قدر يمتص الصدمة و يستنزف القوات دي و يكلفها الكثير.
● الجنجويد كقوة انتهوا ما عندهم قادة ولا عندهم إمداد ما قادرين يأكلوا في جنوب الخرطوم ولا في شرق النيل و محاصرين في القصر و السوق العربي الناس ديل خلاص انتهوا و من اسي المزيكا مفترض تدق.
📌 هدنة رمضان:
● في هدنة عرضت على البرهان بخصوص شهر رمضان ، ف الرد عليها أنو نحن ما عندنا علاقة بالهدنة و شوفتوا كلام البرهان قبيل.
📌 بحري:
● في كافوري تم إستلام عدد من المدافع الثنائية و المدافع و تم تحيد عدد من القناصين و كافوري في مرحلة التشطيب.
● القنطرة ما حتأخد زمن و الجنجويد في حلة كوكو سحبوا السلاح التقيل و القاعدين متعاونين فقط.
📌 شرق النيل:
● تحية كبيرة للدراعة تأمين شغل تمام و تحية كبير للواء النخبة و الجيش و أبو طيرة و العمل الخاص.
● أهداف كبيرة تم تحيدها في سوبا و العمليات النوعية شغالة داخل سوبا ، عمليات خاتفة و عمل عدائي و إقتحام مباغت.
● أكثر من 12 عربة تم تحيدها في سوبا + عشرات الجنجويد تم تحيدهم.
● عدد من الجنجويد إستسلموا و ديل انقذوا روحهم.
● جزء من الأحياء محاصرة و شغالين فيه شغل حرب مدن و شوارع.
● أحمد دهرين قطع تذكرة ، اطلع مشط تاني كنتقدر.
📌 وسط الخرطوم:
● أبطال القيادة ماشين كويس و شغالين.
● بإذن الله يا جنجا حنباغتكم من مكان تحتاروا فيه.
● القصر الجمهوري محاصر و تبقت توجيها الإقتحام فقط و جنجويد كتار ما عارفين حاجة.
● اتجاه السوق العربي الجنجويد "مزرورين زرة" و اقنعوا من موضوع الفزع.
● خرطوم 2 و الخرطومات دي كلها و اتجاهات أبو حمامة و السجانة و الديم دي ما مناطق بتأخد وقت ديل عبارة عن متعاونين بس.
● عدد 6 عربات تم تحيدها في السوق العربي.
● أبطال المقرن شغالين و أمورهم تمام.
● هدف تم التعامل معاه في الرياض.
● هدفين تم التعامل معاهم في الجريف.
📌 الإستراتيجة:
● لم يتم تسجيل دخول للإستراتيجة ، فيها قناصين و في جزء منهم "اتملصوا"
📌 جنوب الخرطوم:
● محور جبرة انفتاح ممتاز و شغل ممتاز و مربعات كتيرة دخلت الحذية ، المربع التابع للقائد بتاعهم زاتو دخل الحذية.
● جنجويد المدينة الرياضة داقين بلي بيناتهم و خلافات حادة.
● المدفعية اشتغلت في الصحافة + تم تحيد عدد 2 عربة اتجاه جنوب الحزام.
📌 الهروب بجبل أولياء:
● الهروب مستمر و ما توقف.
📌 الجزيرة:
● أبطال الجزيرة شغالين و حصروا الجنجويد في جيوب معينة و ماشين عليهم.
● عندهم تجمعات تجاه الباقير و حيتم رفع تماما.
📌 شمال كردفان:
● متحرك الصياد ماشي كويس و بأدي في مهمتو.
● الجنجويد بدوا ينحسبوا من الرهد و الله كريم.
📌 النيل الأبيض:
● كمية من الجنجويد قاعدين كمواطنين و النيل الأبيض أمنياً هشة لا الجهاز ولا الشرطة شغالين!.
● الشيء الحاصل في بعض قرى النيل الأبيض يفسد طعم الإنتصارات و الجيش قاعد بكل أسلحتو!.
📌 شمال دارفور:
● الجنجويد مركزين مع معسكر زمزم و ما شوفنا أي إدانة دولية!
● 183 معركة في الفاشر الجنجويد ما كبسوا فيها ولا معركة و لله الحمد.
● في متحركات زاحفة للفاشر والله يا جنجا ما بتقدروا تقيفوا قدامها مرقت من الدبة [جيش ، جهاز ، هيئة، براؤون، شرطة ...الخ] و مهمتهم نظافة دارفور.
📌 الحلو:
● الأرزقي الحلو اعتقل عدد 144 فرد من حركتو قالوا ليه "ليه تدون أهلنا و ليه تشتغل شغل الجنجويد انت كدا بديل للجنجويد و الكلام دا ما بجي" فقام اعتقلهم.
● داير يفرفر جهة اللواء 54 و الفرقة 14 طقعوا طقيع زي الطقيع.
_____________________________________________________
إذا وصلت للنهاية لايكك و شيرك بحافظوا على الصفحة 🇸🇩✅️❤️
