LIFE WING

LIFE WING LIFE WING COMMUNITY

الفريق الحقيقي ...هو البسمعك قبل ما يحكم عليك.البصحح ليك لما تغلط.البيحتفل بنجاحك كأنه نجاحه.البيشجعك تكمل حتى لو إنت فق...
17/08/2026

الفريق الحقيقي ...

هو البسمعك قبل ما يحكم عليك.

البصحح ليك لما تغلط.

البيحتفل بنجاحك كأنه نجاحه.

البيشجعك تكمل حتى لو إنت فقدت الحماس.

وجود ناس بالشكل ده...
نعمة

لأن أقوى الإنجازات ما بيحققها شخص واحد.

منشن فريقك ❤️


⭐ نجوم الفروع⭐ أسبوع جديد.. وإنجازات جديدة🎊 في كل فرع في ناس حضورهم بيفرق، ومجهودهم بيظهر في النتيجة....في ناس ما بستنوا...
15/08/2026

⭐ نجوم الفروع⭐
أسبوع جديد.. وإنجازات جديدة🎊

في كل فرع في ناس حضورهم بيفرق، ومجهودهم بيظهر في النتيجة....
في ناس ما بستنوا الظروف المثالية عشان ينجزوا، لكن بيواصلوا، بيتطوروا، وبيخلوا لكل أسبوع بصمته الخاصة❤️ .

👏 مبروك لنجوم الأسبوع، تعبكم ظهر في نتائجكم، وإنجازكم اليوم ممكن يكون الدافع البخلي غيركم يرفع سقف طموحه بكرة.😍


ما كنت متخيل إني في يوم أكون واقف قدام فريق...كنت داخل Life Wing عشان أجرب.أتعلم.وأشوف التجربة دي حتاخدني وين.لكن مع كل ...
14/08/2026

ما كنت متخيل إني في يوم أكون واقف قدام فريق...
كنت داخل Life Wing عشان أجرب.
أتعلم.
وأشوف التجربة دي حتاخدني وين.
لكن مع كل مسؤولية...
كنت بتغير.
اكتشفت إن القيادة ما معناها تكون الأعلى صوتًا...
لكن تكون أكثر شخص يقدر يسمع، يدعم، ويجمع الناس حول هدف واحد.!
واليوم، لما أنظر للرحلة...
أجمل حاجة ما كانت المنصب.
كانت الأشخاص...
والنسخة الجديدة البقيت عليها.❤️
دي قصة.. من قصص كتيرة ولحظات جميلة لأفراد عائلة لايف وينغ..❤️
أنت!
شنو أكثر لحظة غيرتك في Life Wing؟


في النهاية...الناس ما بتتذكر عدد الاجتماعات… ولا عدد الساعات… بتتذكر الأشخاص..! الضحكة قبل بداية الشغل… الكلمة البترفع ا...
10/08/2026

في النهاية...
الناس ما بتتذكر عدد الاجتماعات…
ولا عدد الساعات…
بتتذكر الأشخاص..!

الضحكة قبل بداية الشغل…
الكلمة البترفع المعنويات..
الموقف البخليك تحس إنك مابراك!

لأن أقوى الفُرق ما بتتبني بالخطط وحدها...
بتتبني بالعلاقات!

وده واحد من أجمل الحاجات البتميز رحلاتنا في لايف وينغ ❤️
وهي العلاقات الطيبة الجميلة والمفيدة البنكوّنها أثناء رحلة لايف وينغ! ❤️

اعمل منشن للزول /الزولة اللي وجوده معاك في لاف وينغ خلّى الرحلة أجمل. ❤️


⭐نجوم الفروع⭐في طريق النجاح الطويل، ما بيحصد القمة زول قرر يلمع يوم ويغيب أيام...القمة دي بتبنيها الخطوات الهادئة والثاب...
08/08/2026

⭐نجوم الفروع⭐

في طريق النجاح الطويل، ما بيحصد القمة زول قرر يلمع يوم ويغيب أيام...

القمة دي بتبنيها الخطوات الهادئة والثابتة، والتفاصيل الصغيرة الصادقة، والزول البخلي الجودة والإتقان هما عادته اليومية حتى في أبسط التفاصيل.

الناس البتواصل بنفس الشغف والقوة، وما بتعرف المستحيل، هما البسيبوا الأثر الحقيقي في كل فرع من فروعنا.

واليوم، بكل فخر واعتزاز، بنرفع القبعة لنجوم أثبتوا إن التميز الحقيقي ما هو إلا انعكاس لروح عالية والتزام ما بيعرف الخذلان. 💕✨

ألف مبروك لكل نجمة نورت مكانها واستحقت تكون قدوة، وخطوة مباركة نحو آفاق أكبر وإنجازات ما توقف! 👏⭐



تخيل معانا الموقف ده : قبل فعالية من فعاليات لايف وينغ المهمة بيوم واحد.. واحد من أعضاء فريقك اختفى فجأة ! وما بيرد على...
05/08/2026

تخيل معانا الموقف ده :

قبل فعالية من فعاليات لايف وينغ المهمة بيوم واحد..
واحد من أعضاء فريقك اختفى فجأة !
وما بيرد على الاتصالات.!
باقي الفريق بدأ يتوتر..
والوقت بيمشي.. .

في اللحظة دي… حا تتصرف كيف؟ 🤔
- هل بتركز تفتش عليه عشان تلومو وتعاقبه ؟
- ولا بتفتش عن الحل؟
- ولا بتحاول تعرف السبب الأول؟

يمكن ما يكون في إجابة واحدة صحيحة..
لكن أكيد في طريقة تفكير بتغير النتيجة!

شاركنا طريقة تفكيرك!
واكتب في التعليقات :
كيف كنت حتتصرف/تتصرفي في موقف زي دا؟ 👇


بعد أي برنامج تدريبي، في ناس بتطلع وهي متحمسة...وفي ناس بتطلع وهي جاهزة تبدأ🤷 ليه؟! لأنو الحماس ممكن يختفي بعد أيام...لك...
03/08/2026

بعد أي برنامج تدريبي، في ناس بتطلع وهي متحمسة...
وفي ناس بتطلع وهي جاهزة تبدأ🤷
ليه؟!
لأنو الحماس ممكن يختفي بعد أيام...
لكن القائد الحقيقي هو البحوّل كل فكرة اتعلمها لعادة، وكل معلومة لاختبار، وكل اختبار لنتيجة! 😉

يمكن أول أسبوع بعد التدريب ما يكون فيه إنجاز كبير..
لكن فيه أهم قرار:
هل حتكتفي باللي اتعلمته؟
ولا حتبدأ تطبقه؟!! 🤔

لأنو القيادة ما بتبدأ داخل القاعة...
القيادة بتبدأ أول ما ترجع لفريقك.🤷❤️

لو شاركت أو تابعت التدريبات في لايف وينغ ، أكتب أهم حاجة ناوي تطبقها من التدريب؟ 👇


🎊 مناديب شهر يونيو 🎊في كل شهر...في ناس بتقرر إنها تعمل المطلوب.وفي ناس بتقرر إنها تكون السبب في رفع سقف التحدي للجميع. 🔥...
01/08/2026

🎊 مناديب شهر يونيو 🎊

في كل شهر...
في ناس بتقرر إنها تعمل المطلوب.

وفي ناس بتقرر إنها تكون السبب في رفع سقف التحدي للجميع. 🔥

نجوم الشهر ما وصلوا للمقدمة بالحظ، وصلوا بالالتزام، والانضباط، والاستمرار حتى في الأيام الصعبة!

اليوم بنحتفل بمناديب أثبتوا إن الإنجاز بيجي من خطوات صغيرة اتكررت كل يوم. 💕✨

مناديب شهر يونيو بالترتيب:

أولاً: لبابة الأمين
فرع بورتسودان

ثانياً: ريان بكر
فرع القضارف

ثالثاً: شمس حيدر
فرع دنقلا

رابعاً: وجدان عبده
فرع القضارف

خامساً: ريان تاج السر
فرع دنقلا

سادساً: سامية عبيد
فرع بورتسودان

سابعاً: رماز عمر
فرع سنار

ثامناً: إيمان عبد الله
فرع دنقلا

تاسعاً: ريماز كمال
فرع كسلا

عاشراً: عبير محمد
فرع القضارف

ألف مبروك لنجوم شهر يونيو! 👏✨

وشدوا الهمة!
يمكن الشهر الجاي يكون اسمك هو البنتظر الكل يشوفه. ⭐

خلونا نبارك لنجوم الشهر في التعليقات، ونشجع كل شخص شغال عشان يكون اسمه في القائمة القادمة. ❤️




يمكن وصلت للصفحة بسبب فيديو...أو منشور..أو صورة.. وفي كل الأحوال، أهلًا بيك. 🤍لكن قبل ما تطلع...اعرف إن اللي شفته ما كان...
31/07/2026

يمكن وصلت للصفحة بسبب فيديو...
أو منشور..
أو صورة..

وفي كل الأحوال، أهلًا بيك. 🤍

لكن قبل ما تطلع...

اعرف إن اللي شفته ما كان مجرد تغطية لفعالية…!

في Life Wing..
إحنا مؤمنين إن القيادة ما بتنتهي بانتهاء التدريب..
وإن الفريق القوي ما بيتبني في يوم..
وإن أكبر أثر ممكن يصنعه الإنسان هو الأثر البيتركه في الناس.❤️!
عشان كدا..
ومن هنا ولقدّام...
حتتعرف على معنى القيادة في Life Wing..
وكيف بنبني فرقًا قوية…
وكيف بنحوّل التحديات لفرص..
وحتسمع قصصنا وتجاربنا الحقيقية من أعضاء عاشوا الرحلة..
وحتشوف كيف بنصنع الأثر مع بعض...

يمكن تكون دي أول زيارة ليك...
لكن لو ما عملت متابعة ح يفوتك كتير 🤍!
بعد تعمل متابعة
تعال وشاركنا اكتر صورة لفتت نظرك في برنامج الليدرشيب أي صورة؟ وليه؟


⭐ نجوم الفروع ⭐في فرق بين الواحد يعمل حاجة كويسة مرة... وبين الزول البخلي الجودة تبقى أسلوبه كل يوم. 💛الناس البتحافظ على...
25/07/2026

⭐ نجوم الفروع ⭐

في فرق بين الواحد يعمل حاجة كويسة مرة...
وبين الزول البخلي الجودة تبقى أسلوبه كل يوم. 💛

الناس البتحافظ على نفس المستوى من الالتزام والاجتهاد، حتى في الأيام العادية، هم البصنعوا الفرق الحقيقي، وبيستحقوا يكونوا قدوة لغيرهم. 👏🔥

واليوم بنبارك لنجوم الأسبوع... 🌟
ناس أثبتوا إنو التميز ما صدفة، ولا ضربة حظ؛ التميز عادة، واستمرار
وهم حافظوا عليها. ❤️
ألف مبروك ليكم، وعقبال نجاحات أكبر وإنجازات مستمرة 💕✨


Address

شوارع
Khartoum
الخرطوم

Website

Alerts

Be the first to know and let us send you an email when LIFE WING posts news and promotions. Your email address will not be used for any other purpose, and you can unsubscribe at any time.

Shortcuts

Share