Ministry of Rural Development & Resilience-Southwest State of Somalia

Ministry of Rural Development & Resilience-Southwest State of Somalia Ministry of Rural Development & Resilience-Southwest State of Somalia.

The ministry of rural development & resilience (MRDR) is a cornerstone institution in the SWS of Somalia

Xeer Hogaamiye kuna Saabsan Beddelida Magaca Wasaarada Hormarinta Reer Miyiga iyo Xasalinta loona BedeleyWasaarada Horma...
23/07/2026

Xeer Hogaamiye kuna Saabsan Beddelida Magaca Wasaarada Hormarinta Reer Miyiga iyo Xasalinta loona Bedeley

Wasaarada Hormarinta Reer Miyiga iyo Adkaysiga ee Dowladda Koonfur Galbeed Soomaaliya.

21/07/2026

Munaasabadii Xilwareejinta Maanta ka dhacdey Xarunta Wasaarada Qorsheynta iyo Horumarinta Dhaqaalaha ee Dowladda Koonfur Galbeed,

Munaasabadan ayaa waxaa Xilalka ku kala wareegayay Wasiirkii h**e ee Wasaarada Horumarinta Reer Miyiga iyo Adkeysiga Mudane Maxamuud Maxamed Kheyre iyo Wasiirka cusub ee Wasaarada Mudane Cabdirashiid Sheekh Axmed Xasan.

Munaasabada ayaa waxaa ka soo qayb galay Wasiiru-Dowlaha Madaxtooyada Mudane Cabdiraxiin Maxamed Xasan (Laamey), Wasiiro, Shaqaalaha Wasaarada iyo Marti sharaf kale.

Baydhabo, 21 Luulyo 2026: Wasiirka cusub ee Wasaaradda Hormarinta Reer Miiga iyo Adkeysiga Dowladda Koonfur Galbeed Soom...
21/07/2026

Baydhabo, 21 Luulyo 2026: Wasiirka cusub ee Wasaaradda Hormarinta Reer Miiga iyo Adkeysiga Dowladda Koonfur Galbeed Soomaaliya Mudane Abdirashid Sheikh Ahmed ayaa maanta si rasmi ah xilka ugala wareegay Wasiirkii h**e ee Wasaaradda munaasabad ka dhacday Hoolka Shirarka ee Wasaaradda Hormarinta Reer Miiga iyo Adkeysiga.

Munaasabadda xil-wareejinta waxaa goob-joog ka ahaa Wasiiru Dowlaha Madaxtooyada DKGS, xubno ka tirsan Golaha Wasiirrada Dowladda Koonfur Galbeed, qaar ka mid ah xildhibaanada Golaha Wakiilada DKGS, agaasimeyaasha waaxyaha, shaqaalaha Wasaaradda, iyo marti sharaf kale.

Kusimaha Agaasimaha Guud ee Wasaaradda Hormarinta Reer Miiga iyo Adkeysiga, Mudane Mohamud Mohamed Ibrahim ayaa munaasabadda ka jeediyay warbixin dhammaystiran oo ku saabsan waxqabadka, waajibaadka iyo howlaha Wasaaradda, isagoo ka warbixiyay horumarradii iyo qorshayaasha socda.

Mas’uuliyiintii iyo madaxdii ka hadashay munaasabadda ayaa bogaadiyay dadaallada ay Wasaaradda Hormarinta Reer Miiga iyo Adkeysiga ku bixisay horumarinta adeegyada, iyagoo Wasiirka cusub Alle uga baryay inuu ku garab galo gudashada mas’uuliyadda culus ee loo igmaday, kuna asturo xilkiisa.

Wasiirkii h**e ee Wasaaradda Hormarinta Reer Miiga iyo Adkeysiga DKGS mudane Mohamud Mohamed Kheyre, oo munaasabadda ka jeediyay kalmadiisa ayuu uga mahadceliyay dhammaan shaqaalaha Wasaaradda wada-shaqeyntii wanaagsaneyd ee ay muujiyeen muddadii uu hoggaaminayay Wasaaradda. Waxa uu sidoo kale xusay waxqabadyadii mudnaanta lahaa ee la hirgeliyay iyo muhiimadda ay leedahay in la sii ambaqaado dadaallada lagu horumarinayo adeegyada Wasaaradda Hormarinta Reer Miiga iyo Adkeysiga Dowladda Koonfur Galbeed .

Wasiirka cusub ee Wasaaradda Mudane Abdirashid Sheikh Ahmed Hassan ayaa uga mahadceliyay Hoggaanka Dowladda Koonfur Galbeed kalsoonidiisa, isagoo si gaar ah ugu mahadnaqay Wasiirkii h**e shaqadii iyo dadaalkii uu geliyay horumarinta Wasaaradda intii uu xilka hayay. Wasiirku waxa uu ballanqaaday inuu sii ambaqaadi doono waxqabadyada socda, isla markaana uu laba jibbaari doono dadaallada lagu horumarinayo adeegyada si waafaqsan siyaasadda Dowladda Koonfur Galbeed Soomaaliya.

Ugu dambeyn, Wasiiru Dowlaha Madaxtooyada Dowladda Koonfur Galbeed Soomaaliya mudane Abdirahin Mohamed Hassan oo guddoominayay munaasabadda, ayaa si rasmi ah xilka ugu kala wareejiyay Wasiirkii h**e iyo Wasiirka cusub ee Wasaaradda Hormarinta Reer Miiga iyo Adkeysiga DKGS, isagoo Wasiirka cusub ugu hambalyeeyay xilka loo magacaabay una rajeeyay guul iyo inuu Alle u fududeeyo gudashada waajibaadka loo igmaday.

———
‘’𝐃𝐇𝐀𝐌𝐌𝐀𝐀𝐃’’
Wixii Faafaahin ah kala xariir Xafiiska Warfaafinta iyo Xiriirka Dadweynaha Wasaaradda Hormarinta Reer Miiga iyo Adkeysiga DKGS.
Email: [email protected]
Website: https://www.mrdr.sw.so/webmail

Hambalyo iyo Bogaadin,Dhammaan shaqaalaha Wasaaradda Hormarinta Reer Miyiga iyo Adkaysiga DKGS waxay hambalyo iyo bogaad...
11/07/2026

Hambalyo iyo Bogaadin,

Dhammaan shaqaalaha Wasaaradda Hormarinta Reer Miyiga iyo Adkaysiga DKGS waxay hambalyo iyo bogaadin kal iyo laab ah u dirayaan Wasiirka cusub ee Wasaaradda Hormarinta Reer Miyiga iyo Adkaysiga,

Mudane Abdirashid Ahmed Hassan, iyagoo ugu hambalyeynaya kalsoonida loo muujiyey iyo magacaabistiisa hoggaanka Wasaaradda.

Waxaan Alle SWT uga baryeynaa inuu ku garab galo gudashada mas’uuliyadda culus ee loo igmaday, siiyana, xigmad, daacadnimo, iyo karti hoggaamineed oo uu ku xaqiijiyo himilooyinka wasaaradda.

Waxaan kaloo u rajaynaynaa inuu horseedo horumar la taaban karo oo lagu xoojinayo hormarinta reer miyga iyo adkaysiga, kaasoo kor loogu qaadayo tayada adeegyada la gaarsiiyo shacabka ku miyga , lana xoojiyo wada-shaqeynta hay’adaha dowladda, bah-wadaagta horumarinta, iyo adkaysiga, si loo gaaro hormar fiican, loo siman yahay, isla markaana waara.

Illaahay ha ka dhigo xilkiisa mid ku astaysan guul, caddaalad, daacadnimo, iyo waxqabad shacabka reer Koonfur Galbeed ay ku diirsadaan inshaa Allah.

Hambalyo iyo guul ayaan kuu rajaynaynaa, Mudane Wasiir.

04/07/2026

Aqoon yahan Idiris Abdi dhaqtar ayaa kulankii maanta ay soo qaban qaabisey Wasaarada Horumarinta Reer Miyiga iyo Adkeysiga Koonfur Galbeed ee ku saabsanaa talo bixinta iyo ansixinta Sharciga Wasaarada ayaa mudane Idiris weydiiyey khubaradii bixinaysey sharaxaada sharciga su'aal aad muhiim u ahayd.

04/07/2026

Afhayeenka Golaha Malaaqyada Koonfur Galbeed, Malaaq Deerow ayaa kulankii maanta ee ay soo qaban qaabisay Wasaarada Horumarinta Reer Miyiga iyo Adkeysiga ee ku saabsanaa talo bixinta iyo ansixinta Sharciga Adkeysiga,

Ayaa waxaa uu sheegay in ay tahay wax lagu farxo in sharci loo sameeyo Xalka Waara ee Bulshada KG.

04/07/2026

Guddoomiye ku-xigeenka Amniga iyo Siyaasada Degmada Baydhabo ayaa ka hadlay kulankii ay soo qaban qaabisay Wasaarada Horumarinta Reer Miyiga iyo Adkeysiga Koonfur Galbeed kaasoo ku saabsanaa talo bixin iyo ansixinta Sharciga Wasaaradan.

Wasaaradda Horumarinta Reer Miyiga ee Dowladda Koonfur Galbeed ayaa maanta magaalada Baydhabo ku qabatay kulan talo-bixi...
04/07/2026

Wasaaradda Horumarinta Reer Miyiga ee Dowladda Koonfur Galbeed ayaa maanta magaalada Baydhabo ku qabatay kulan talo-bixin iyo ansixin loogu sameynayay Siyaasadda Adkeysiga Reer Miyiga ee Dowladda Koonfur Galbeed.

Kulanka waxaa ka qeyb galay Wasiirka Wasaaradda Horumarinta Reer Miyiga, masuuliyiin ka socotay Dowladda Koonfur Galbeed, khubaro iyo daneeyayaal kale.
Wasiirka Wasaaradda Horumarinta Reer Miyiga ayaa sheegay in siyaasaddan ay door muhiim ah ka qaadan doonto xoojinta adkeysiga bulshada reer miyiga, iyadoo hagaysa qorsheynta iyo hirgelinta adeegyada iyo mashaariicda horumarineed, si loo yareeyo saameynta abaaraha loona horumariyo adeegyada aasaasiga ah.

Masuuliyiintii iyo daneeyayaashii ka hadlay kulanka ayaa soo dhaweeyay diyaarinta siyaasaddan, iyagoo ku tilmaamay tallaabo muhiim u ah horumarinta bulshada reer miyiga iyo xoojinta adkeysigooda.

Xogtan waxaa laga soo ururiyay bulshada ku nool deegaannada miyiga ee hoos taga degmooyinka Wajid (Bakool), Burhakaba (Baay) iyo Afgooye (Shabeellaha Hoose), iyadoo degmo kasta ay mataleyso baahiyaha iyo duruufaha gaarka ah ee ka jira gobolka ay ka tirsan tahay.

Diyaarinta Siyaasadda Adkeysiga Reer Miyiga waxaa Dowladda Koonfur Galbeed ku taageeraya Midowga Yurub (EU).

Anigoo ku hadlaya afkooda dhamaan Mas'uuliyiinta iyo Shaqaalaha Wasaaradda Horumarinta Reer Miyiga iyo Adkeysiga Koonfur...
10/06/2026

Anigoo ku hadlaya afkooda dhamaan Mas'uuliyiinta iyo Shaqaalaha Wasaaradda Horumarinta Reer Miyiga iyo Adkeysiga Koonfur Galbeed,

Waxaan halkan Hanbalyo iyo Duco uga dirayaa Mudane Sheekh Aadan Maxamed Nuur (Madoobe) oo Maanta loo doortay Madaxweynaha Koonfur Galbeed ee 5ta sano ee soo socota.

Address

Presidencial Palace
Baydhabo
N/A

Website

Alerts

Be the first to know and let us send you an email when Ministry of Rural Development & Resilience-Southwest State of Somalia posts news and promotions. Your email address will not be used for any other purpose, and you can unsubscribe at any time.

Shortcuts

Share

Category