Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS

Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS Waa Facebook-ga Rasmiga ah ee Wasaaradda Arrimaha Gudaha, Dowladaha Hoose & Dib-U-Heshiisiinta Dowladda Koonfur Galbeed Soomaaliya.

Baydhabo: Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS ayaa magaalada Baydhabo ku qabatay Aqoon...
22/08/2026

Baydhabo: Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS ayaa magaalada Baydhabo ku qabatay Aqoon-is-weydaarsiga Wadatashiga Dowladda-Goboleedka Koonfur Galbeed ee Dib-u-eegista Istaraatiijiyadda Qaran ee Xasilinta.

Aqoon-is-weydaarsiga ayaa lagu gorfeeyay muhiimadda ay leedahay dib-u-eegista Istaraatiijiyadda Qaran ee Xasilinta, iyadoo diiradda la saaray sidii loo xoojin lahaa nabadda, amniga, dowladnimada iyo dadaallada xasilinta ee ka socda deegaannada Koonfur Galbeed.
Waxaa ka qeyb galay Wasiirro, Xildhibaano, Agaasimeyaal, Guddoomiye Ku-xigeenka Degmada Baydhabo, Taliyaha Saldhigga Degmada Baydhabo iyo masuuliyiin ka socotay Wasaaradda Arrimaha Gudaha, Federaalka iyo Dib-u-heshiisiinta Dowladda Federaalka Soomaaliya.

Masuuliyiintii ka qeyb gashay kulanka ayaa khudbado ka jeediyay goobta, iyagoo tilmaamay muhiimadda ay leedahay in hay’adaha dowladda iyo bulshada ay si wadajir ah uga qeyb qaataan qorshayaasha lagu xoojinayo xasiloonida iyo nabadgelyada.

Wasiirka Wasaaradda Amniga Gudaha ee Dowladda Koonfur Galbeed, Mudane Isxaaq Maxamed Isxaaq (Korsaar), ayaa si rasmi ah u daahfuray aqoon-is-weydaarsiga, isagoo adkeeyay muhiimadda ay leedahay wadatashiga iyo iskaashiga hay’adaha dowladda si loo gaaro xasilooni waarta.

Aqoon-is-weydaarsigan ayaa qeyb ka ah dadaallada lagu xoojinayo wadatashiga Dowladda Federaalka iyo Dowlad-goboleedyada, iyo sidii loo horumarin lahaa qorshayaasha xasilinta iyo nabadeynta dalka.

Wasiir Ku-xigeenka Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS, Abdirizak Hussein Adan, ayaa m...
22/08/2026

Wasiir Ku-xigeenka Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS, Abdirizak Hussein Adan, ayaa maanta gaaray deegaanka Gandershe ee Gobolka Shabeellaha Hoose Wafdiga wasiirka ayaa ka koobnaa xubno ka tirsan Golaha Wasiirrada Koonfur Galbeed, Xildhibaano iyo Guddoomiyaha Gobolka Shabeellaha Hoose. Socdaalkooda ayaa ujeeddadiisu ahayd u-kuurgelidda xaaladda deegaanka, kormeerida adeegyada bulshada iyo qiimeynta baahiyaha ay qabaan bulshada ku nool Gandershe,

Wasiir Ku-xigeenka ayaa sheegay in Dowladda Koonfur Galbeed ay muhiimad gaar ah siinayso dardargelinta maamulka iyo dib-u-heshiisiinta.
Intii uu socday booqashada, Wasiir Ku-xigeenku wuxuu dhagax-dhigay xarunta maamulka deegaanka Gandershe, taas oo muhiim u noqon doonta bulshada deegaanka, isla markaana fursad u siin doonta in adeegyada maamulka iyo amniga si dhow loogu gaarsiiyo dadka deegaanka

16/08/2026

Daawo Muuqaalka guud ee wasiirka Arrimaha Gudaha Dowladaha hoose-iyo Dib-Uheshiisiinta KGS Mudane Abdraxman ibraahim Adan (sate) ee hadal jeedinta munaasabada xilwareejinta mamulka degmada baydhabo,

DHAMMAAD
Xafiiska Warbaahinta iyo La-falgalka Dadweynaha
📧 [email protected]
🌐 www.moilgr.sw.so
🐦
📘 Wasaaradda Arrimaha Gudaha KGS

Baydhabo: August, 16/2026Wasaaradda Arrimaha Gudaha, Dowladaha Hoose iyo Dib-u-heshiisiinta ee Dowlad Goboleedka Koonfur...
16/08/2026

Baydhabo: August, 16/2026

Wasaaradda Arrimaha Gudaha, Dowladaha Hoose iyo Dib-u-heshiisiinta ee Dowlad Goboleedka Koonfur Galbeed Soomaaliya ayaa magaalada Baydhabo ku qabatay munaasabad rasmi ah oo lagu qabtay xilwareejinta maamulka cusub ee Degmada Baydhabo.

Munaasabadda waxaa ka qeybgalay Guddoomiye Ku-xigeenka Koowaad ee Baarlamaanka Koonfur Galbeed, Mudane Aadan Xasan Usama, iyo Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta Koonfur Galbeed, Mudane Cabdiraxmaan Ibraahim Aadan (Sate).

Sidoo kale, munaasabadda waxaa ka qeybgalay Wasiiru Dowlaha Madaxtooyada, Wasiirka Amniga Xildhibaano, Odayaasha Dhaqanka, Waxgaradka iyo qeybaha kala duwan ee bulshada magaalada Baydhabo.

Xafladda oo si heer sare ah loo soo agaasimay ayaa waxaa si rasmi ah xilka ula wareegay Guddoomiyaha cusub ee Degmada Baydhabo iyo ku-xigeennadiisa, iyadoo munaasabadda lagu adkeeyay muhiimadda ay leedahay in maamulka cusub uu si hufan ugu adeego shacabka degmada.

Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta Koonfur Galbeed, Mudane Cabdiraxmaan Ibraahim Aadan (Sate), ayaa maamulka cusub kula dardaarmay inay si daacadnimo, hufnaan iyo masuuliyad leh u gutaan waajibaadka loo igmaday.

Wasiirka ayaa sidoo kale kula dardaarmay maamulka cusub inay mudnaanta siiyaan amniga, adeegyada bulshada, horumarinta degmada, wada shaqeynta bulshada, nabadda iyo dib-u-heshiisiinta, isla markaana ay si dhow ula shaqeeyaan shacabka iyo qeybaha kala duwan ee bulshada.

Mas’uuliyiintii, Odayaasha Dhaqanka, Waxgaradka iyo bulshada ka qeybgalay munaasabadda ayaa maamulka cusub ugu hambalyeeyay xilka loo igmaday, iyagoo u rajeeyay inay si wanaagsan uga soo baxaan waajibaadka loo xilsaaray.

Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta Dowlad Goboleedka Koonfur Galbeed Mudane Cab...
13/08/2026

Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta Dowlad Goboleedka Koonfur Galbeed Mudane Cabdiraxmaan Ibraahim Aadan (Sate) ayaa maanta booqasho shaqo ku tagay Wasaaradda Caafimaadka Koonfur Galbeed.

Intii uu booqashada ku guda jiray, Wasiirku wuxuu kulan la qaatay mas’uuliyiinta Wasaaradda Caafimaadka, oo ay ka mid yihiin Wasiirka Wasaaradda Caafimaadka, Wasiir Ku-xigeenka iyo Wasiiru-dowlaha.

Kulanka ayaa looga hadlay xoojinta wada-shaqeynta hay’adaha dowladda, horumarinta adeegyada bulshada, gaar ahaan adeegyada caafimaadka, iyo sidii loo dardar-gelin lahaa howlaha muhiimka ah ee loogu adeegayo bulshada Koonfur Galbeed.

Mas’uuliyiinta labada wasaaradood ayaa isla soo qaaday muhiimadda ay leedahay isku-xirka iyo wada-shaqeynta hay’adaha dowladda, si loo xaqiijiyo in bulshada loo gaarsiiyo adeegyo tayo leh oo wax ku ool ah.

Booqashadan ayaa qeyb ka ah dadaallada lagu xoojinayo wada-shaqeynta hay’adaha kala duwan ee Dowladda Koonfur Galbeed iyo horumarinta adeegyada aasaasiga ah ee bulshada.

Wasiirka Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS Mudane Abdraxman ibraahim Adan (Sate) aya...
11/08/2026

Wasiirka Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS Mudane Abdraxman ibraahim Adan (Sate) ayaa Ibrahim maxamed nuur kalaay umagacaabey gudomiyaha Degmada baydhabo ahna duqa magaalada,

Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta KGS, Mudane Cabdiraxmaan Ibraahim Aadan (Sat...
10/08/2026

Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta KGS, Mudane Cabdiraxmaan Ibraahim Aadan (Sate), oo uu wehliyo Agaasimaha Guud, ayaa Muqdisho kulan kula yeeshay madaxda UN-Habitat.

Kulanka ayaa diiradda lagu saaray horumarka mashaariicda Dowlad-Kaab iyo SAAMEENTA, guulaha la gaaray, caqabadaha jira iyo xoojinta iskaashiga lagu dardargelinayo hirgelinta mashaariicda dowladaha hoose iyo xalalka waara.

Wasiirka Arrimaha Gudaha KGS, Mudane Cabdiraxmaan Ibraahim Aadan (Sate), ayaa kulan shaqo kula yeeshay xarunta Wasaarada...
09/08/2026

Wasiirka Arrimaha Gudaha KGS, Mudane Cabdiraxmaan Ibraahim Aadan (Sate), ayaa kulan shaqo kula yeeshay xarunta Wasaarada Arimaha Gudaha XFS Wasiirka Wasaaradda, Mudane Cali Yuusuf Cali (Xoosh)

Kulanka, oo ay goobjoog ka ahaayeen Agaasimayaasha Guud, Mudane Cabdulqaadir Cilmi iyo Mudane Mustafa Adaf, iyo Lateliyaasha farsamo ayaa diiradda lagu saaray xaaladda guud ee Koonfur Galbeed, dardargelinta dib-u-heshiisiinta, xoojinta hay’adaha dowladda iyo adkeynta wada-shaqeynta Dowladda Federaalka iyo KGS.

Labada dhinac ayaa sidoo kale isla qaatay xoojinta nabadda, wada-tashiga bulshada iyo geeddi-socodka dowlad-dhiska.

Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta Dowladda Koonfur Galbeed, Mudane Cabdiraxmaa...
06/08/2026

Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta Dowladda Koonfur Galbeed, Mudane Cabdiraxmaan Ibraahim Aadan (Sate), oo safar shaqo ku jooga caasimadda Muqdisho, ayaa kulamo miro-dhal ah la yeeshay hay’adaha taageera maamul-daadejinta, horumarinta dakhliga gudaha, iyo xoojinta awoodaha dowladaha hoose.

Wasiirku wuxuu la kulmay madaxda barnaamijyada ee UNCDF iyo UNICEF (Mashruuca Dowlad Kaab), iyadoo kulamada lagu xoojiyay iskaashiga iyo dardargelinta barnaamijyada horumarinta dowladaha hoose.

Kulamada waxaa Wasiirka ku weheliyay Agaasimaha Guud ee Wasaaradda iyo La-taliyaha Sare ee Arrimaha Dhaqaalaha, Maamul-daadejinta iyo Cilmi-baarista.

Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta KGS, Mudane Cabdiraxmaan Ibraahim Aadan (Sat...
06/08/2026

Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta KGS, Mudane Cabdiraxmaan Ibraahim Aadan (Sate), iyo Agaasimaha Guud ee Wasaaradda ayaa magaalada Muqdisho uga qayb galay Meertada 3-aad ee Kulanka Guddiga Hagidda Mashruuca Sinnaan, oo ay soo qabanqaabisay Wasaaradda Arrimaha Gudaha, Federaalka iyo Dib-u-heshiisiinta XFS.

Kulanka ayaa lagu falanqeeyay horumarka Mashruuca Sinnaan tan iyo bilowgiisii, iyadoo dib loo eegay guulaha la gaaray, caqabadaha jira, iyo sidii loo xoojin lahaa iskaashiga si loo dardargeliyo hirgelinta mashruuca.

Wasaaradda Arrimaha Gudaha KGS iyo Dowladda Hoose ee Baydhabo ayaa soo bandhigay guulaha , Caqabadaha iyo natiijooyinka la taaban karo ee laga gaaray mashruuca, iyagoo adkeeyay muhiimadda iskaashi joogto ah si loo sii xoojiyo saameynta iyo waarta natiijooyinka la gaarayo.

Address

Baydhabo

Website

Alerts

Be the first to know and let us send you an email when Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS:

Shortcuts

Share

Category