29/06/2025
Khudbad Fureed iyo Duco – Shirweynaha Beesha Cabdalle Xaamud
Bismillaahi Raxmaani Raxiim,
Mahad oo idil waxa ay u Sugnaatay Ilahy oo maanta inoo suurta geliyay in aynu shirweynahan muhiimka ah u furanno si nabad ah, walaaltinimo ah iyo wada tashi Ah
Anigoo ah Chief Caaqil caynaashe caynab. Caaqil cali. Aamus, waxaan si kal iyo laab ah uga mahadnaqayaa dhammaan odayaasha, waxgaradka, dhalinyarada, haweenka, iyo marti sharafta kale ee kasoo qeyb gashay shirkan. Waa shir ka turjumaya midnimo, xasilooni, iyo rabitaan beeleed oo ku saleysan horumar, wada tashi, iyo xoojinta qaranimada.
Shirkan maanta furmay, waxa uu ka tarjumayaa baahida ay beesha Cabdalle Xaamud u qabto isku duubni, isu tanaasul, iyo xal u helid arrimaha hortayada taagan. Waxaan rajeynaynaa in go’aamada kasoo baxa ay noqdaan kuwo khayr ah, midnimo horseeda, oo dalka iyo dadkaba anfaca.
Waxaan Illaahay weydiisaneynaa:
"Illaahayow shirkan noo barakee, qalbiyadeenna midee, go'aamada kasoo baxa ka yeel kuwo toosan, caddaalad ku dhisan, dan guudna ah. Ilaahayow naga yeel kuwo samaha isku raaca, xumaantana iska duwa. Nabad, wadajir, iyo horumar dalka iyo dadka u horseeda."
Ugu dambeyn, waxaan ku boorinayaa dhammaan ka qeybgaleyaasha in shirka lagu wado kalgacayl, ismaqal, is-ixtiraam, iyo dulqaad, si aynu u gaadhno gunaanad barakeysan oo faa’iido u leh dhammaan beesha iyo guud ahaan bulshada
Wabilaahi Tawfiiq.
