Wakaaladda Horumarinta Biyaha Puntland

Wakaaladda Horumarinta Biyaha Puntland Official page, Puntland Water Development Agency

Garowe, 18 Agoosto 2026: Maareeyaha Guud ee Wakaaladda Horumarinta Biyaha Puntland ayaa si rasmi ah u soo xiray tababar ...
18/08/2026

Garowe, 18 Agoosto 2026: Maareeyaha Guud ee Wakaaladda Horumarinta Biyaha Puntland ayaa si rasmi ah u soo xiray tababar muddo laba maalmood ah socday, kaas oo lagu xoojinayay aqoonta iyo xirfadaha Isku-duwayaasha Gobollada iyo Xiriirka Dadweynaha ee Wakaaladda.

Tababarkan ayaa diiradda lagu saaray sidii loo xoojin lahaa wada-shaqeynta Wakaaladda, gobollada iyo degmooyinka, iyadoo si wanaagsan looga jawaabayo baahiyaha bulshada, lana xoojinayo xiriirka iyo wada-shaqeynta ka dhexeeya bulshada iyo hay’adaha adeegga bixiya.

Sidoo kale, tababarku wuxuu qayb ka yahay dadaallada Wakaaladda Horumarinta Biyaha Puntland ee lagu horumarinayo adeegyada biyaha, kor loogu qaadayo ka-qaybgalka bulshada iyo in bulshada gobollada Puntland loo helo adeegyo biyo oo tayo leh oo ka jawaabaya baahiyahooda.

Tababarka waxaa ka qaybgalay Maareeye Ku-xigeenka, Agaasimayaasha waaxyaha kala duwan iyo Isku-duwayaasha Gobollada ee Wakaaladda.

Injinerka guud ee wakalada biyaha injiner Maxamed Cabdiraxmaan Axmed – Agaasimaha Waaxyaha Biyaha ee Wakaaladda.Injiner ...
18/08/2026

Injinerka guud ee wakalada biyaha injiner Maxamed Cabdiraxmaan Axmed – Agaasimaha Waaxyaha Biyaha ee Wakaaladda.
Injiner Cabdirisaaq Aadan (injiner . Caamir). Ayaa kormeer kutagay degamo laga fulinayay shaqooyin

Mas’uuliyiinta ayaa kormeer ku sameeyey shaqooyin kala duwan oo la xiriira horumarinta adeegyada biyaha, kuwaas oo ka socda deegaano ka tirsan Puntland. Kormeerku wuxuu u dhacay sidan:

1. Magaalada Dangorayo:
Waxaa la kormeeray halka ay ka socoto dhismaha haan biyo oo qaadda 400m³, iyo rakibidda dhuumaha biyaha (pipeline) oo dhererkoodu gaarayo 5 km.
1. Deegaanka Higla-Fardood ee Degmada Dangorayo:
Waxaa la kormeeray shaqooyinka horumarinta adeegyada biyaha, kuwaas oo ay ka mid yihiin dhismaha haan biyo oo qaadda 50m³, laba dar xoolaad, laba kiyoski, rakibidda dhuumaha biyaha (pipeline), iyo dhismaha qolalka waardiyaha iyo matoorka.
1. Magaalada Burtinle:
Waxaa la kormeeray shaqooyinka ka socda magaalada Burtinle, kuwaas oo ay ka mid yihiin dhismaha haan biyo oo qaadda 600m³, qodista ceel cusub oo biyood, iyo rakibidda dhuumaha biyaha (pipeline) oo dhererkoodu gaarayo 6 km.
1. Deegaanka Dhextaal ee Degmada Burtinle:
Waxaa la kormeeray shaqooyinka horumarinta adeegyada biyaha, oo ay ka mid yihiin dhismaha haan biyo oo qaadda 50m³, laba dar xoolaad, laba kiyoski, rakibidda dhuumaha biyaha (pipeline), iyo dhismaha qolalka waardiyaha iyo matoorka.

Wakaaladda Horumarinta Biyaha Puntland, oo mar walba u taagan kor u qaadista iyo horumarinta adeegyada biyaha Puntland, ...
17/08/2026

Wakaaladda Horumarinta Biyaha Puntland, oo mar walba u taagan kor u qaadista iyo horumarinta adeegyada biyaha Puntland, si bulshada loo gaarsiiyo biyo ku filan oo nadiif ah, ayaa dayactir ku samaysay ceelka biyaha ee deegaanka Mayle, oo hoostaga Degmada Buurtinle ee Gobolka Nugaal.

Shaqooyinka ceelka laga qabtay ayaa isugu jiray beddelidda qalabkii h**e ee ceelka iyo rakibidda qalab cusub, waxaana ka mid ah:

1. Rakibidda nidaam cusub oo tamarta cadceedda ah (Solar System).
2. Beddelidda bamka biyaha (Submersible Pump).
3. Beddelidda xarigga korontada (Electric Cable).
4. Beddelidda tuubooyinka ceelka gudaha gala (Main Riser Pipes).

U guurista nidaamka tamarta cadceedda (Solar System) ayaa si weyn ay bulshada deegaanka u soo dhoweysay, maadaama ceelku h**e ugu shaqeyn jiray matoor (Generator) shidaal ku shaqeeya.

Nidaamka tamarta cadceedda ayaa bulshada deegaanka u sahlaya helitaanka il tamareed waarta, isla markaana deegaanka u ah xal waara. Waxa kale oo uu hoos u dhigayaa ku tiirsanaanta shidaalka iyo kharashaadka ka dhasha hawlgelinta matoorka.

Dayactirkan ayaa qayb ka ah dadaallada Wakaaladda Horumarinta Biyaha Puntland ee lagu horumarinayo kaabayaasha biyaha, laguna xaqiijinayo in bulshada Puntland ay hesho biyo nadiif ah, ku filan, oo adeegoodu waara.

Ceelka mareer, degmada jariiban, waxaa lagu rakibay solar system.
17/08/2026

Ceelka mareer, degmada jariiban, waxaa lagu rakibay solar system.

Garowe,16 ogoosto 2026-: Mareeyaha Guud ee Wakaaladda Horumarinta Biyaha Puntland, ayaa si rasmi ah u daahfuray waxaana...
16/08/2026

Garowe,16 ogoosto 2026-: Mareeyaha Guud ee Wakaaladda Horumarinta Biyaha Puntland, ayaa si rasmi ah u daahfuray waxaana ka qaybgalay shaqaalaha Shaybaarka Tayada Biyaha Puntland, injineerro ka socday Wasaaradda Biyaha Puntland, hay’ado maxalli ah, Dawladda Hoose ee Garoowe iyo Buurtinle, xubno ka socday bulshada rayidka ah ee Garoowe, farsamayaqaanno ka socday shirkadaha biyaha macaaniya ee Garoowe, iyo wakiillo ka socday shirkadaha bixiya adeegyada biyaha ee Garoowe iyo Buurtinle.

Tababarku wuxuu diiradda saarayaa sidii loo hirgelin lahaa hab wax-ku-ool ah oo lagu kormeero looguna dabagalo silsiladda tayada biyaha, laga bilaabo ilaha ay biyuhu ka soo burqadaan ilaa heerka ugu dambeeya ee uu qofka isticmaalahu ka helayo biyaha.

Sidoo kale, tababarku wuxuu si gaar ah u taabanayaa tayada biyaha la macaanaysiiyo, biyaha laga helo qasabadaha, iyo biyaha laga isticmaalo goobaha biyo-dhaanka, gaar ahaan xilliyada ay dhacaan abaaraha iyo fatahaaduhu.

Mareeyaha Guud ee Wakaaladda Horumarinta Biyaha Puntland ayaa xusay muhiimadda ay leedahay in la xoojiyo kormeerka iyo dabagalka tayada biyaha, si bulshada Puntland loo gaarsiiyo biyo nadiif ah, ammaan ah oo tayo leh, iyadoo la adeegsanayo aqoon, xirfad iyo nidaamyo casri ah oo lagu hubinayo badqabka biyaha.

Dayactirka iyo Qalabaynta Ceelka Balibusle Degmada JariibanWakaaladda Horumarinta Biyaha Puntland (PWDA), iyadoo ka jawa...
16/08/2026

Dayactirka iyo Qalabaynta Ceelka Balibusle Degmada Jariiban
Wakaaladda Horumarinta Biyaha Puntland (PWDA), iyadoo ka jawaabaysa baahiyaha biyaha ee bulshada ku nool deegaannada Puntland, ayaa dayactir iyo qalabayn ku samaysay ceelka biyaha ee deegaanka Balibusle, Degmada Jariiban, Gobolka Mudug.
Shaqooyinka muhiimka ah ee laga fuliyey ceelka waxaa ka mid ah:
1. Rakibida nidaam cusub oo Solar ah (Solar System).
2. Bedelida bamka biyaha ee ceelka (Submersible Pump).
3. Bedelida tuubooyinka biyaha ee gudaha ceelka (Main Riser Pipes).
4. Bedelida Xariga korontada (Electric Cable).
Dayactirkan iyo qalabayntan ayaa qayb ka ah dadaallada joogtada ah ee Wakaaladda Horumarinta Biyaha Puntland (PWDA) ay ku horumarinayso adeegyada biyaha, iyadoo ujeeddadu tahay in bulshada iyo xooluhuba helaan biyo nadiif ah, ammaan ah, la isku halayn karo, oo waara.
PWDA – Horumarinta iyo Joogteynta Adeegyada Biyaha Puntland.

Wakaaladda Horumarinta Biyaha Puntland (PWDA) oo ka jawaabaysa baahiyaha biyaha ee bulshada ku nool deegaannada Puntland...
11/08/2026

Wakaaladda Horumarinta Biyaha Puntland (PWDA) oo ka jawaabaysa baahiyaha biyaha ee bulshada ku nool deegaannada Puntland, ayaa dayactir iyo qalabayn ku samaysay ceelka biyaha degaanka Dhinowda Degmada Jariiban ee Gobolka Mudug.

Shaqooyinka laga fuliyey ceelka waxaa ka mid ahaa saarista Soolar cusub sidoo kale Beddelidda qalabka gudaha ceelka sida (Pump iyo Xariga dabka "Electric Cable").

Shaqooyinka ayaa qeyb ka ah dadaallada joogtada ah ee Wakaaladda Horumarinta Biyaha Puntland ay ku horumarinayso adeegyada biyaha, si bulshada iyo xooluhuba u helaan biyo nadiif ah, ammaan ah, oo waara.

Garoowe, 11 Agoosto 2026 :– Maareeyaha Guud ee Wakaaladda Horumarinta Biyaha Puntland, Maxamed Cabdiqaadir Maxamed, ayaa...
11/08/2026

Garoowe, 11 Agoosto 2026 :– Maareeyaha Guud ee Wakaaladda Horumarinta Biyaha Puntland, Maxamed Cabdiqaadir Maxamed, ayaa ka qaybgalay daahfurka Nadiif Plus Model, oo ah hannaan lagu xoojinayo fayadhowrka, nadaafadda iyo adeegyada WASH, laguna dhisayo nidaam waara oo bulshada loogu adeegayo.

Nadiif Plus Model wuxuu diiradda saarayaa horumarinta adeegyada fayadhowrka, xoojinta awoodda shaqaalaha caafimaadka iyo kooxaha xaqiijinta ODF, iyo fududaynta helitaanka adeegyo fayadhowr iyo nadaafadeed oo tayo leh.

Daahfurka waxaa ka qaybgalay Agaasimaha Guud ee Wasaaradda Caafimaadka, mas’uuliyiin ka tirsan Wasaaradda Caafimaadka, wakiillo ka socday UNICEF, PMWDO, iyo bah-wadaagta kale ee horumarinta.

DHAMMAAD

XAFIISKA WARFAAFINTA
WAKAALADDA HORUMARINTA BIYAHA PUNTLAND

Garoowe: 1 August 2026: Wakaaladda Horumarinta Biyaha Puntland oo maanta ka mid ahayad ha’adaha Dawladda ee maraayay maa...
01/08/2026

Garoowe: 1 August 2026: Wakaaladda Horumarinta Biyaha Puntland oo maanta ka mid ahayad ha’adaha Dawladda ee maraayay maanta xuska sanad guurada 28aad ee Dawladda Puntland ayaa soo bandhigtay qaar kamid ah Qalbka culus iyo wiishashka dayactirka ee har iyo habeen diyaarka u ah in ay ka jawaabaan in ay dayactiraan ceelasha sida ugu dhakhsiyaha badan .

Wakaaladda Horumarinta Biyaha Puntland waxay hambalyo udiraysa shacabka reer Puntland, Sanad guuro wacan.

=DHAMMAAD=
XAFIISKA WARFAAFINTA IYO WACYI GALINTA WAKAALADDA HORUMARINTA BIYAHA PUNTLAND.

Maareeyaha Guud ee Wakaaladda Horumarinta Biyaha Puntland Maxamed Cabdulqadir Maxamed ayaa hambalyo iyo bogaadin u diray...
31/07/2026

Maareeyaha Guud ee Wakaaladda Horumarinta Biyaha Puntland Maxamed Cabdulqadir Maxamed ayaa hambalyo iyo bogaadin u diray dhammaan shacabka reer Puntland munaasabadda qiimaha badan ee 1-da Agoosto, oo ku beegan Sannad-guurada 28-aad ee aas-aaska Dowladda Puntland (1998–2026).

Munaasabaddan waxay astaan u tahay midnimo, nabad, horumar iyo dadaalkii lagu dhidibada u taagay dowladnimada Puntland. Waxaan Alle uga baryayaa inuu dalkeenna ku manneysto nabad waarta, barwaaqo iyo horumar joogto ah.

Hambalyo 1-da Agoosto! Hambalyo Sannad-guurada 28-aad ee Dowladda Puntland.

Address

Garowe

Telephone

+252907796503

Website

Alerts

Be the first to know and let us send you an email when Wakaaladda Horumarinta Biyaha Puntland posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wakaaladda Horumarinta Biyaha Puntland:

Shortcuts

Share

Category