Col. Fatima Abdulkader Ali

Col. Fatima Abdulkader Ali Commander | Environmental Protection Unit- Puntland Police Force

15/09/2026

Maanta waxaan ka qaybgalay kulan looga hadlayay la-dagaallanka ka ganacsiga duurjoogta, ilaalinta duurjoogta iyo khayraadka dabiiciga ah.

Kulanka waxaa ka qaybgalay Wasiirka iyo Wasiiru-dawlaha Wasaaradda Deegaanka, masuuliyiin ka socday Wasaaradda Amniga, Booliska iyo masuuliyiin kale. Waxaa diiradda lagu saaray xoojinta wada-shaqaynta Wasaaradda Deegaanka, Booliska, hay’adaha amniga iyo bulshada, si looga hortago ugaarsiga iyo ka ganacsiga sharci-darrada ah, loona hirgeliyo shuruucda deegaanka.

Ilaalinta duurjoogta iyo khayraadka dabiiciga ahi waa masuuliyad wadajir ah. Waxaan bulshada ugu baaqayaa inay ka qaybqaataan ilaalinta deegaanka, kana fogaadaan fal kasta oo waxyeello u geysanaya duurjoogta iyo khayraadka dabiiciga ah.

Aan si wadajir ah u ilaalinno duurjoogteenna iyo khayraadkeenna dabiiciga ah, si jiilasha maanta iyo kuwa soo socda ay uga dhaxlaan deegaan nadiif ah, nabdoon oo waara.

—DHAMMAAD—

X: https://x.com/colfatimaabdi
Tiktok: https://tiktok.com/

08/09/2026

Waxaan safar shaqo ku tagay Deegaano hoos-taga Degmadda Garoowe ee Gobolka Nugaal kadib cabasho nooga timid dadka reer guuraaga ah taas oo la xiriirta xannibaad iyo qabsasho sharci-darro ah oo lagu sameeyay dhul daaqsimeed iyo ceelal dabiici ah.

Annaga oo kaashanayna Wasaaradda Deegaanka Puntland, waxaan deegaanka ka sameynay hawlgal iyo kormeer lagu xaqiijinayo cabashada, waxaana lagu xaqiijiyey 13 goobood oo si sharci-darro ah loo xirtay loona qabsaday, kuwaas oo ay ku jiraan ceelal dabiici ah iyo dhul daaqsimeed ay bulshadu wada isticmaasho.

Intii hawlgalku socday, waxaan sidoo kale Safar ugu baxnay Deegaanka Caano-yaskax ka dib markaan ogaanay falal kale oo deegaanka waxyeello u geysanaya, waxaana burburinnay saddex goobood oo dhuxul lagu gubayay, gacantana ku dhignay hal gaadhi oo loo adeegsanayay falalkaas. Sidoo kale, waxaa la qabtay hilib ugaareed iyo raqda duurjoog la dilay.

Waxaan u mahadcelinayaa Taliska Qaybta Booliska Gobolka Nugaal, Isuduwaha Wasaaradda Deegaanka ee Gobolka Nugaal iyo bulshada deegaanka oo gacan ka geystay hawlgalkan.

Dhammaan dadka ku lugta leh falalkan iyo caddeymaha la qabtay waxaa laga qaadi doonaa tallaabo waafaqsan sharciga. Waxaan bulshada ugu baaqayaa inay ilaaliyaan dhulka daaqsimeedka, ceelasha dabiiciga ah iyo duurjoogta, isla markaana ay soo gudbiyaan xogta ku saabsan fal kasta oo waxyeello u geysanaya deegaanka.

—DHAMMAAD—

X: https://x.com/colfatimaabdi
Tiktok: https://tiktok.com/

03/09/2026

Hoggaanka Ilaalinta Deegaanka wuxuu bogaadinayaa Ciidanka Booliska Gobolka Sanaag gaar ahaan kuwa ka hawlgala Rugta Cawsane iyo Ciidamada Daraawiishta Puntland ee ururka 21aad oo fadhigoodu yahay deegaanka Cawsane, hawlgalka ay Fuliyeen ee lagu soo qabtay kooxo lagu eedeeyay ugaarsiga sharci-darrada ee ugaadha.

Dadka lagu soo qabtay falalkan waxaa la horgeynayaa cadaaladda, waxaanuna marsiinayaa sharciga.

Sido kale Waxaan ugu baaqeynaa bulshada inay ilaaliyaan duurjoogta iyo deegaanka, ayna ciidamada la shaqeeyaan cid kasta oo ku howlan ugaarsiga sharci-darrada ah iyo falalka la xirira waxyeelada deegankana ay soo sheegaan.

Garoowe, 01-Sep-2026: Waxaan ka qaybgalay shir uu hoggaaminayey Taliyaha Ciidanka Booliska Puntland, Sarreeye Guuto Muda...
02/09/2026

Garoowe, 01-Sep-2026: Waxaan ka qaybgalay shir uu hoggaaminayey Taliyaha Ciidanka Booliska Puntland, Sarreeye Guuto Mudane Muumin Cabdi Shire, kaas oo looga hadlayey xoojinta amniga, horumarinta adeegga Booliska iyo dardargelinta hawlaha shaqo ee Ciidanka Booliska Puntland.

Intii uu shirku socday, waxaan soo jeediyey waxqabadadii noo qabsoomay intii aan xilka joogay, gaar ahaan hawlihii iyo dadaalladii Hoggaanka Ilaalinta Deegaanka ee ku aaddanaa ilaalinta deegaanka, ka hortagga xaalufinta iyo xoojinta wada shaqaynta hay’adaha ay khusayso ilaalinta deegaanka.

Waxaan sidoo kale adkeeyey muhiimadda ay leedahay sii wadidda dadaallada lagu ilaalinayo deegaanka iyo xoojinta wada shaqaynta Booliska, hay’adaha dowladda iyo bulshada, si loo xaqiijiyo deegaan ammaan ah oo waara.

—DHAMMAAD—

X: https://x.com/colfatimaabdi
Tiktok: https://tiktok.com/

27/08/2026

Waxaan bogaadinayaa waxgaradka iyo bulshada Degmada Ceelbuh sida ay uga go’an tahay ilaalinta deegaanka iyo ka hortagga xaalufinta dhulka iyo duurjoogta.

Isku-duubnida iyo masuuliyadda ay muujiyeen waa tallaabo mudan in lagu daydo. Waxaan rajaynayaa in bulshada kale ee degmooyinka Puntland ay ku daydaan, kana qaybqaataan ilaalinta khayraadka dabiiciga ah.

Waxaan sidoo kale dhiirrigelinayaa wada-shaqaynta bulshada iyo Ciidanka Booliiska, si si wadajir ah looga hortago wax kasta oo waxyeello u geysanaya deegaanka, loona xaqiijiyo in sharciga la ilaaliyo.

—DHAMMAAD—

X: https://x.com/colfatimaabdi
Tiktok: https://tiktok.com/

26/08/2026

Hawlgalkii deegaanka Margaaga ee hoostaga Degmada Bacaadweyn, Gobolka Mudug, ee ay Ciidanka Booliska Puntland ka fuliyeen iyago kaashanaya Wasaaradda Deegaanka, Daaqa iyo Isbeddelka Cimilada.

Hawlgalkan wuxuu qayb ka ahaa hawlgalo guud oo an ka wadnay Gobolka Mudug kuwaas oo ka dhan ah xaalufinta deegaanka iyo dhuxulaysiga sharci-darrada ah.

X: https://x.com/colfatimaabdi
Tiktok: https://tiktok.com/

Waxaan bogaadinayaa Ciidanka Booliska Gobolka Mudug gaar ahaan ciidamada ka hawlgala deegaannada hoos yimaada Degmooyink...
26/08/2026

Waxaan bogaadinayaa Ciidanka Booliska Gobolka Mudug gaar ahaan ciidamada ka hawlgala deegaannada hoos yimaada Degmooyinka Bacaadweyn iyo Xarfo, dadaalka ay ku bixiyeen hawlgallada lagu xakameynayo xaalufinta deegaanka iyo dhuxulaysiga sharci-darrada ah.

Hawlgadan waxaa Booliska ku wehelisay Wasaaradda Deegaanka, Daaqa iyo Isbeddelka Cimilada, iyadoo si wadajir ah looga shaqeynayay ilaalinta khayraadka dabiiciga ah iyo ka hortagga falalka waxyeellada u geysanaya deegaanka.

Waxaan bulshada ugu baaqayaa inay la shaqeeyaan ciidamada iyo hay’adaha ay khusayso, kana fogaadaan jarista dhirta iyo soo saarista dhuxusha, iyadoo cid kasta oo ku xadgudubta amarrada iyo xeerarka ilaalinta deegaanka laga qaadi doono tallaabo waafaqsan sharciga.

X: https://x.com/colfatimaabdi
Tiktok: https://tiktok.com/

22/08/2026

Kormeerka Ilaalinta Deegaanka –

Gobolka Nugaal

Ku-xigeenka Hoggaanka Ilaalinta Deegaanka ee Booliska Puntland iyo Isuduwaha Wasaaradda Deegaanka ee Gobolka Nugaal.

Ayaa booqasho shaqo ku tagay Degmada Awr-Culus ee Gobolka Nugaal.
Booqashada ayaa looga gol lahaa u kuurgelidda xaaladda deegaanka iyo xoojinta dadaallada lagu ilaalinayo khayraadka dabiiciga ah.
Intii ay booqashadu socotay, waxaa la sameeyay guddiyo deegaanka u xilsaaran, iyadoo sidoo kale ciidan loo diyaariyey fulinta howlgallada ilaalinta deegaanka iyo ka hortagga falalka waxyeellada u geysanaya khayraadka dabiiciga ah.
Tallaabooyinkan ayaa qayb ka ah dadaallada Hoggaanka Ilaalinta Deegaanka ee Booliska Puntland iyo Wasaaradda Deegaanka ee Gobolka Nugaal ee lagu xoojinayo ilaalinta deegaanka, sharciga iyo ka qaybgalka bulshada. Deegaanka Puntland.

X: https://x.com/colfatimaabdi
Tiktok: https://tiktok.com/

20/08/2026

Bosaso: Waxaan ka qaybgalay kulan ay isugu yimaadeen Booliska Gobolka Bari iyo dadweynaha, kaas oo looga hadlay xoojinta iskaashiga bulshada iyo hay’adaha amniga.

Intii uu kulanku socday, waxaan ka jeediyey hadal ku saabsan ilaalinta deegaanka iyo muhiimaddiisa, gaar ahaan dhibaatada bacaha iyo qashinka, iyo dhibaatooyinka ka jira xeebaha, anigoo bulshada ku boorriyey inay kaalin muuqata ka qaataan ilaalinta deegaanka.

ilaalinta deegaanka waa masuuliyad wadajir ah, Waxaana loo baahan yahay wacyigelin joogto ah iyo iskaashi bulsho si loo yareeyo waxyeellada deegaanka, loona ilaaliyo xeebaha iyo khayraadka dabiiciga ah ee jiilasha maanta iyo kuwa soo socda.

—DHAMMAAD—

X: https://x.com/colfatimaabdi
Tiktok: https://tiktok.com/

Ceeldaahir: Ciidanka Ilaalinta Deegaanka ee Gobolka Bari ayaa Gacanta ku soo dhigay saddex eedaysane iyo gaadhi nooca Pr...
19/08/2026

Ceeldaahir: Ciidanka Ilaalinta Deegaanka ee Gobolka Bari ayaa Gacanta ku soo dhigay saddex eedaysane iyo gaadhi nooca Probox ah, kaas oo siday dhuxul.

Howlgalkan ayaa qayb ka ah dadaallada lagu xoojinayo ilaalinta deegaanka iyo ka hortagga jarista iyo ka ganacsiga sharci-darrada ah ee dhuxusha.

Waxaan bulshada ugu baaqaynaa inay ka qayb qaataan ilaalinta deegaanka, isla markaana ay la shaqeeyaan ciidanka amniga, kana fogaadaan jarista iyo ka ganacsiga sharci-darrada ah ee dhuxusha.

—DHAMMAAD—

X: https://x.com/colfatimaabdi
Tiktok: https://tiktok.com/

Address

Garowe

Website

Alerts

Be the first to know and let us send you an email when Col. Fatima Abdulkader Ali posts news and promotions. Your email address will not be used for any other purpose, and you can unsubscribe at any time.

Shortcuts

Share

Category