Wasaaradda cadaaladda,Arrimaha Diinta iyo Dastuurka Dawladda waqooyi bari

03/09/2026

WASAARADDA CADAALADDA, ARRIMAHA DIINTA IYO DASTUURKA DOWLADDA WAQOOYI BARI SOOMAALIYA OO 500 NUQUL OO DASTUURKA JFS AH LAGU WAREEJIYAY

Muqdisho – 2 September 2026: Wasaaradda Cadaaladda, Arrimaha Diinta iyo Dastuurka Dowladda Waqooyi Bari Soomaaliya ayaa maanta lagu wareejiyay 500 nuqul oo ka mid ah Dastuurka Jamhuuriyadda Federaalka Soomaaliya (JFS).

Nuqullada Dastuurka waxaa Wasaaradda ku wareejiyay Agaasimaha Guud ee Arrimaha Dastuurka, Mudane Saalax Xiirey Kheyre, oo uu weheliyo Agaasimaha Guud ee Arrimaha Caddaaladda, Mudane Cabdnuur Xasan Maxamed, waxaana si rasmi ah uga guddoomay Wasiir Ku-xigeenka Wasaaradda Cadaaladda, Arrimaha Diinta iyo Dastuurka Dowladda Waqooyi Bari Soomaaliya, Mudane Cabdulqaadir Ibraahim Ciise.

Wareejinta 500-ka nuqul ayaa qeyb ka ah dadaallada lagu ballaarinayo baahinta, barashada iyo fahamka Dastuurka ee bulshada iyo hay’adaha dowladeed, iyadoo Dastuurku yahay saldhigga dowladnimada, ku dhaqanka sharciga, ilaalinta xuquuqda muwaadiniinta iyo dhismaha hay’adaha qaranka.

Wasiir Ku-xigeenka Wasaaradda Cadaaladda, Arrimaha Diinta iyo Dastuurka Dowladda Waqooyi Bari Soomaaliya, Mudane Cabdulqaadir Ibraahim Ciise, ayaa uga mahadceliyay Wasaaradda Caddaaladda iyo Arrimaha Dastuurka JFS dadaalka ay ku bixinayso sidii nuqullada Dastuurka loo gaarsiin lahaa Dowlad-goboleedyada dalka, isagoo xusay muhiimadda ay leedahay in bulshada iyo hay’adaha dowladdu ay si wanaagsan u bartaan una fahmaan Dastuurka dalka.

Kadib wareejinta nuqullada Dastuurka, Agaasimayaasha Guud iyo Wasiir Ku-xigeenka ayaa booqasho indho-indheyn ah ku tagay qaar ka mid ah xafiisyada shaqada ee Wasaaradda Cadaaladda, Arrimaha Dastuurka Dawladda Federaalka Soomaaliya, gaar ahaan Waaxda Shuruucda iyo Heshiisyada, oo door muhiim ah ku leh diyaarinta, dib-u-eegista iyo horumarinta nidaamka sharci-dejinta.

Wasaaradda Cadaaladda, Arrimaha Diinta iyo Dastuurka Dowladda Waqooyi Bari Soomaaliya waxay sii wadi doontaa dadaallada lagu xoojinayo wacyigelinta Dastuurka, dowladnimada, ku dhaqanka sharciga iyo helitaanka caddaaladda, iyadoo mudnaan gaar ah la siinayo in Dastuurka iyo shuruucda dalka ay si wanaagsan u fahmaan hay’adaha dowladeed iyo bulshada.

𝗗𝗛𝗔𝗠𝗠𝗔𝗔𝗗-
━━━━━━━━━━━━━━━━━━
𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐝𝐚𝐚𝐥𝐚𝐝𝐝 𝐀𝐫𝐢𝐦𝐚𝐡𝐚 𝐝𝐢𝐢𝐧𝐭𝐚 𝐃𝐚𝐬𝐭𝐮𝐮𝐫𝐤𝐚 𝐃𝐨𝐰𝐥𝐚𝐝𝐝𝐚 𝐖𝐚𝐪𝐨𝐨𝐲𝐢 𝐁𝐚𝐫𝐢,𝐒𝐨𝐨𝐦𝐚𝐚𝐥𝐢𝐲𝐚

📧 Email:
[email protected]
📘 Facebook:
https://www.facebook.com/share/1DFBCJ2HaM/

02/09/2026

𝐖𝐀𝐒𝐀𝐀𝐑𝐀𝐃𝐃𝐀 𝐂𝐀𝐃𝐀𝐀𝐋𝐀𝐃𝐃𝐀, 𝐀𝐑𝐑𝐈𝐌𝐀𝐇𝐀 𝐃𝐈𝐈𝐍𝐓𝐀 𝐈𝐘𝐎 𝐃𝐀𝐒𝐓𝐔𝐔𝐑𝐊𝐀 𝐎𝐎 𝐊𝐔 𝐒𝐎𝐎 𝐃𝐇𝐀𝐖𝐄𝐄𝐘𝐒𝐄𝐘 𝐗𝐀𝐑𝐔𝐍𝐓𝐀 𝐖𝐀𝐒𝐀𝐀𝐑𝐀𝐃𝐃𝐀 𝐇𝐀𝐁𝐋𝐀𝐇𝐀 𝐂𝐔𝐋𝐈𝐌𝐀𝐃𝐀 𝐀𝐇 𝐄𝐄 𝐖𝐀𝐃𝐀 𝐁𝐀𝐑𝐍𝐀𝐀𝐌𝐈𝐉𝐊𝐀 “قلبي مطمئن – 𝐐𝐚𝐥𝐛𝐢𝐠𝐚𝐲𝐠𝐮 𝐖𝐮𝐮 𝐃𝐞𝐠𝐠𝐚𝐧 𝐘𝐚𝐡𝐚𝐲”

𝐋𝐚𝐚𝐬𝐜𝐚𝐚𝐧𝐨𝐨𝐝 – 𝟐 𝐒𝐞𝐩𝐭𝐞𝐦𝐛𝐞𝐫 𝟐𝟎𝟐𝟔

Wasaaradda Cadaaladda, Arrimaha Diinta iyo Dastuurka Dowladda Waqooyi Bari Soomaaliya ayaa Xarunta Wasaaradda ee Laascaanood ku soo dhaweysay hablaha culimada ah ee wada barnaamijka Qur’aanka Kariimka ah ee “قلبي مطمئن – Qalbigaygu Wuu Deggan Yahay”.

Wasiirka Wasaaradda, Mudane 𝐘𝐮𝐮𝐬𝐮𝐟 𝐌𝐚𝐱𝐚𝐦𝐞𝐝 𝐂𝐚𝐥𝐢, oo ay weheliyaan Agaasimaha Guud ee Wasaaradda, Mudane. 𝗖𝗮𝗯𝗱𝗶𝗿𝗮𝘅𝗺𝗮𝗮𝗻 𝗖𝗮𝗯𝗱𝗶𝗹𝗹𝗮𝗮𝗵𝗶 𝗔𝘅𝗺𝗲𝗱 iyo Agaasimayaasha Waaxyaha Wasaaradda, ayaa kulan la yeeshay hablaha culimada ah, kuwaas oo masuuliyiinta Wasaaradda la wadaagay warbixin ku saabsan ujeeddooyinka barnaamijka, habka loo fuliyo iyo dadaallada lagu dhiirrigelinayo bulshada akhriska Qur’aanka Kariimka ah, dhammeystirkiisa iyo qabashada khatimaadka Qur’aanka.

Wasaaraddu waxay si weyn u bogaadisay dadaalka qiimaha leh ee ay hablaha culimada ahi ugu adeegayaan bulshada, gaar ahaan ku xidhidda bulshada Kitaabka Alle, dhiirrigelinta akhriska Qur’aanka Kariimka ah iyo kobcinta dhaqanka barashada iyo ku dhaqanka Qur’aanka.

Wasiirka Wasaaradda iyo masuuliyiinta kale ee Wasaaradda ayaa ku dhiirrigeliyey hablaha inay sii xoojiyaan barnaamijka “قلبي مطمئن – Qalbigaygu Wuu Deggan Yahay”, isla markaana ballaadhiyaan dadaallada lagu gaadhsiinayo Qur’aanka Kariimka ah qaybaha kala duwan ee bulshada.

Wasaaradda Cadaaladda, Arrimaha Diinta iyo Dastuurka waxay mar walba dhiirrigelinaysaa oo garab istaagaysaa dadaallada wanaagsan ee lagu horumarinayo barashada, akhriska, xifdinta iyo ku dhaqanka Qur’aanka Kariimka ah, iyadoo muhiimad gaar ah siinaysa doorka culimada iyo bulshada ee arrimaha diinta.

𝗗𝗛𝗔𝗠𝗠𝗔𝗔𝗗-
━━━━━━━━━━━━━━━━━━
𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐝𝐚𝐚𝐥𝐚𝐝𝐝 𝐀𝐫𝐢𝐦𝐚𝐡𝐚 𝐝𝐢𝐢𝐧𝐭𝐚 𝐃𝐚𝐬𝐭𝐮𝐮𝐫𝐤𝐚 𝐃𝐨𝐰𝐥𝐚𝐝𝐝𝐚 𝐖𝐚𝐪𝐨𝐨𝐲𝐢 𝐁𝐚𝐫𝐢,𝐒𝐨𝐨𝐦𝐚𝐚𝐥𝐢𝐲𝐚

📧 Email:
[email protected]
📘 Facebook:
https://www.facebook.com/share/1DFBCJ2HaM/

29/08/2026

OGEYSIIS KU SAABSAN SHURUUDAHA IYO HABRAACA MUSHARRAXNIMADA GUDDOONKA URURKA QAREENNADA

Laascaanood -29 August 2026: Guddiga Doorashada Guddoonka Ururka Qareennada Dowladda Waqooyi Bari, isaga oo gudanaya waajibaadka iyo masuuliyadda loo igmaday, isla markaana tixraacaya Xeerarka Qareennada iyo habraacyada doorashada iyo maamulka Ururka Qareennada, waxa uu si rasmi ah ugu wargelinayaa dhammaan qareennada danaynaya inay u tartamaan xilalka Guddoomiyaha iyo Guddoomiye Ku-xigeenka Ururka Qareennada Dowladda Waqooyi Bari in la shaaciyey shuruudaha iyo habraaca musharraxnimada.

Sidaa awgeed, dhammaan qareennada doonaya inay isu soo taagaan xilalka kor ku xusan waxaa lagu wargelinayaa inay si buuxda u waafajiyaan musharraxnimadooda shuruudaha, habraacyada iyo waqtiyada uu Guddigu cayimay.

Faahfaahinta shuruudaha musharraxnimada, habka codsiga, dukumentiyada looga baahan yahay musharraxa iyo jadwalka gudbinta codsiyada waxa lagu caddeeyay Warqadda ku lifaaqan ogaysiiska.

𝗗𝗛𝗔𝗠𝗠𝗔𝗔𝗗-
━━━━━━━━━━━━━━━━━━
𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐝𝐚𝐚𝐥𝐚𝐝𝐝 𝐀𝐫𝐢𝐦𝐚𝐡𝐚 𝐝𝐢𝐢𝐧𝐭𝐚 𝐃𝐚𝐬𝐭𝐮𝐮𝐫𝐤𝐚 𝐃𝐨𝐰𝐥𝐚𝐝𝐝𝐚 𝐖𝐚𝐪𝐨𝐨𝐲𝐢 𝐁𝐚𝐫𝐢,𝐒𝐨𝐨𝐦𝐚𝐚𝐥𝐢𝐲𝐚

📧 Email:
[email protected]
📘 Facebook:
https://www.facebook.com/share/1DFBCJ2HaM/

27/08/2026

𝗚𝗨𝗗𝗗𝗜𝗚𝗔 𝗥𝗨𝗤𝗦𝗔𝗗-𝗕𝗜𝗫𝗜𝗡𝗧𝗔 𝗜𝗬𝗢 𝗗𝗜𝗜𝗪𝗔𝗡𝗚𝗘𝗟𝗜𝗡𝗧𝗔 𝗤𝗔𝗥𝗘𝗘𝗡𝗡𝗔𝗗𝗔
𝗗𝗢𝗪𝗟𝗔𝗗𝗗𝗔 𝗪𝗔𝗤𝗢𝗢𝗬𝗜 𝗕𝗔𝗥𝗜
𝗦𝗛𝗔𝗔𝗖𝗜𝗡𝗧𝗔 𝗪𝗔𝗝𝗜𝗚𝗔 𝗟𝗔𝗕𝗔𝗔𝗗 𝗘𝗘 𝗤𝗔𝗥𝗘𝗘𝗡𝗡𝗔𝗗𝗔.

Guddiga Ruqsad-bixinta iyo Diiwaangelinta Qareennada Dowladda Waqooyi Bari ayaa maanta si rasmi ah u shaaciyey wajiga labaad ee liiska qareennada ee buuxiyey shuruudihii iyo habraacyadii looga baahnaa ruqsad-bixinta iyo diiwaangelinta mihnadda qareennimada.

Guddigu waxa uu caddeynayaa in qareennada ku xusan liiskan ay dhammaystireen shuruudihii iyo habraacyadii loo dejiyey, isla markaana ay xaq u leeyihiin in loo soo saaro Ruqsadda Qareennimada.

Guddigu waxa uu sidoo kale adkeynayaa in mihnadda qareennimadu ku dhisan tahay daacadnimo, caddaalad, masuuliyad, hufnaan iyo ilaalinta xuquuqda dadka ay qareennadu u adeegayaan, iyadoo la dhowrayo shuruucda iyo anshaxa mihnadda qareennimada.

Guddiga Ruqsad-bixinta iyo Diiwaangelinta Qareennada
Dowladda Waqooyi Bari.

𝗗𝗛𝗔𝗠𝗠𝗔𝗔𝗗-
━━━━━━━━━━━━━━━━━━
𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗪𝗮𝘀𝗮𝗮𝗿𝗮𝗱𝗱𝗮 𝗖𝗮𝗱𝗮𝗮𝗹𝗮𝗱𝗱𝗮, 𝗔𝗿𝗶𝗺𝗮𝗵𝗮 𝗱𝗶𝗶𝗻𝘁𝗮 𝗶𝘆𝗼 𝗗𝗮𝘀𝘁𝘂𝘂𝗿𝗸𝗮 𝗗𝗼𝘄𝗹𝗮𝗱𝗱𝗮 𝗪𝗮𝗾𝗼𝗼𝘆𝗶 𝗕𝗮𝗿𝗶, 𝗦𝗼𝗼𝗺𝗮𝗮𝗹𝗶𝘆𝗮
📧 Email:
[email protected]
📘 Facebook:
https://www.facebook.com/share/1DFBCJ2HaM/

26/08/2026

𝐌𝐔𝐐𝐃𝐈𝐒𝐇𝐎: 𝐀𝐫𝐛𝐚𝐜𝐨, 𝟐𝟔 𝐀𝐠𝐨𝐨𝐬𝐭𝐨 𝟐𝟎𝟐𝟔

Wasiir Ku-xigeenka Wasaaradda Cadaaladda, Arrimaha Diinta iyo Dastuurka Dowladda Waqooyi Bari Soomaaliya, Mudane Cabdiqaadir Ibraahim Ciise, iyo Taliyaha Ciidanka Asluubta Waqooyi Bari, G/sare Maxamed Cabdi Jaamac, ayaa kulan muhiim ah la qaatay Taliska Guud ee Ciidanka Asluubta Soomaaliyeed, oo uu hoggaaminayo Taliyaha Guud ee Ciidanka Asluubta Soomaaliyeed, S/G Maxamed Sheekh Xasan Xaamud.

Kulanka ayaa looga hadlay arrimo muhiim ah oo la xiriira dardargelinta iyo horumarinta hawlaha shaqo ee Ciidanka Asluubta, xoojinta iskaashiga labada dhinac iyo sidii loo tayeyn lahaa adeegyada iyo habsami-u-socodka shaqada Ciidanka Asluubta Dowladda Waqooyi Bari.

Kulanka waxaa sidoo kale lagu heshiiyey in usbuuca soo socda ay magaalada Laascaanood, caasimadda Dowladda Waqooyi Bari Soomaaliya, safar shaqo ku yimaadaan saraakiil ka tirsan Ciidanka Asluubta Dowladda Federaalka Soomaaliya, oo uu hoggaaminayo Taliyaha Guud ee Ciidanka Asluubta Soomaaliyeed, S/G Maxamed Sheekh Xasan Xaamud.

𝗗𝗛𝗔𝗠𝗠𝗔𝗔𝗗-
━━━━━━━━━━━━━━━━━━
𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐝𝐚𝐚𝐥𝐚𝐝𝐝 𝐀𝐫𝐢𝐦𝐚𝐡𝐚 𝐝𝐢𝐢𝐧𝐭𝐚 𝐃𝐚𝐬𝐭𝐮𝐮𝐫𝐤𝐚 𝐃𝐨𝐰𝐥𝐚𝐝𝐝𝐚 𝐖𝐚𝐪𝐨𝐨𝐲𝐢 𝐁𝐚𝐫𝐢,𝐒𝐨𝐨𝐦𝐚𝐚𝐥𝐢𝐲𝐚

📧 Email:
[email protected]
📘 Facebook:
https://www.facebook.com/share/1DFBCJ2HaM/

26/08/2026

📢 𝐎𝐆𝐄𝐘𝐒𝐈𝐈𝐒

Wasaaradda Cadaaladda, Arrimaha Diinta iyo Dastuurka Dowladda Waqooyi Bari Soomaaliya waxay ku wargelinaysaa dhammaan shirkadaha bixiya adeegyada Xajka iyo Cumrada ee ka hawlgala deegaanada Dowladda Waqooyi Bari inay iska diiwaangeliyaan Wasaaradda Cadaaladda, Arimahadiina iyo Dastuurka.

Muddada diiwaangelintu waa 15 maalmood, laga bilaabo maalinta uu soo baxay ogeysiiskani.

Ujeeddadu waa nidaaminta iyo xaqiijinta shirkadaha bixiya adeegyada Xajka iyo Cumrada, si loo ilaaliyo xuquuqda iyo danaha muwaadiniinta.

Shirkadaha ay khusayso waxaa laga codsanayaa inay u hoggaansamaan ogeysiiskan, isla markaana ku soo gudbiyaan xogta iyo dukumentiyada looga baahan yahay muddada loo cayimay.

𝗗𝗛𝗔𝗠𝗠𝗔𝗔𝗗-
━━━━━━━━━━━━━━━━━━
𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐝𝐚𝐚𝐥𝐚𝐝𝐝 𝐀𝐫𝐢𝐦𝐚𝐡𝐚 𝐝𝐢𝐢𝐧𝐭𝐚 𝐃𝐚𝐬𝐭𝐮𝐮𝐫𝐤𝐚 𝐃𝐨𝐰𝐥𝐚𝐝𝐝𝐚 𝐖𝐚𝐪𝐨𝐨𝐲𝐢 𝐁𝐚𝐫𝐢,𝐒𝐨𝐨𝐦𝐚𝐚𝐥𝐢𝐲𝐚

📧 Email:
[email protected]
📘 Facebook:
https://www.facebook.com/share/1DFBCJ2HaM/

24/08/2026

GUDDIGA RUQSAD-BIXINTA IYO DIIWAANGELINTA QAREENNADA DOWLADDA WAQOOYI BARI

Guddiga Ruqsad-bixinta iyo Diiwaangelinta Qareennada Dowladda Waqooyi Bari ayaa maanta si rasmi ah u soo saaray wajigii labaad ee qareennada, kuwaas oo loo kala saaray laba qaybood:

1. Qareennada Imtixaanka Laga Dhaafay oo ah
Qareennada buuxiyey shuruudaha imtixaan-dhaafista, si waafaqsan sharciga iyo habraacyada u degsan ruqsad-bixinta qareennada.

2. Qareennada Gelaya Imtixaanka

Qareennadan ayaa laga doonayo inay maraan imtixaanka ruqsad-bixinta, ka hor inta aan la siin ruqsadda qareennimo.

Sidoo kale, Guddigu wuxuu shaaciyey muddada soo gudbinta codsiyada imtixaan-gelista, iyo taariikhda rasmiga ah ee la qabanayo imtixaanka.

Faahfaahinta liisaska, muddada codsiyada iyo jadwalka imtixaanka waxaa lagu caddeeyey ogeysiiska rasmiga ah ee Guddiga.

𝗗𝗛𝗔𝗠𝗠𝗔𝗔𝗗-
━━━━━━━━━━━━━━━━━━
𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗪𝗮𝘀𝗮𝗮𝗿𝗮𝗱𝗱𝗮 𝗖𝗮𝗱𝗮𝗮𝗹𝗮𝗱𝗱𝗮, 𝗔𝗿𝗶𝗺𝗮𝗵𝗮 𝗱𝗶𝗶𝗻𝘁𝗮 𝗶𝘆𝗼 𝗗𝗮𝘀𝘁𝘂𝘂𝗿𝗸𝗮 𝗗𝗼𝘄𝗹𝗮𝗱𝗱𝗮 𝗪𝗮𝗾𝗼𝗼𝘆𝗶 𝗕𝗮𝗿𝗶, 𝗦𝗼𝗼𝗺𝗮𝗮𝗹𝗶𝘆𝗮
📧 Email:
[email protected]
📘 Facebook:
https://www.facebook.com/share/1DFBCJ2HaM/

18/08/2026

18/08/2026

𝗕𝗼𝗼𝗾𝗮𝘀𝗵𝗼 𝗦𝗵𝗮𝗾𝗼 𝗼𝗼 𝗟𝗮𝗴𝘂 𝗫𝗼𝗼𝗷𝗶𝗻𝗮𝘆𝗼 𝗜𝘀𝗸𝗮𝗮𝘀𝗵𝗶𝗴𝗮 𝗪𝗮𝘀𝗮𝗮𝗿𝗮𝗱𝗱𝗮 𝗖𝗮𝗱𝗮𝗮𝗹𝗮𝗱𝗱𝗮, 𝗔𝗿𝗿𝗶𝗺𝗮𝗵𝗮 𝗗𝗶𝗶𝗻𝘁𝗮 𝗶𝘆𝗼 𝗗𝗮𝘀𝘁𝘂𝘂𝗿𝗸𝗮 𝗗𝗼𝘄𝗹𝗮𝗱 𝗚𝗼𝗯𝗮𝗹𝗲𝗲𝗱𝗸𝗮 𝗪𝗮𝗾𝗼𝗼𝘆𝗶 𝗕𝗮𝗿𝗶

𝐌𝐮𝐪𝐝𝐢𝐬𝐡𝐨 – 𝟏𝟖 𝐀𝐠𝐨𝐨𝐬𝐭𝐨 𝟐𝟎𝟐𝟔: Agaasimaha Guud ee Wasaaradda Cadaaladda, Arrimaha Diinta iyo Dastuurka Dowladda Goboleedka Waqooyi Bari, Mudane 𝘾𝙖𝙗𝙙𝙞𝙧𝙖𝙭𝙢𝙖𝙖𝙣 𝘾𝙖𝙗𝙙𝙪𝙡𝙡𝙖𝙖𝙝𝙞 𝘼𝙭𝙢𝙚𝙙, ayaa booqasho shaqo ku tagay Labada Xarun ee Wasaaradda Cadaaladda iyo Arrimaha Dastuurka iyo Wasaaradda Diinta iyo Awqaafta ee Dowladda Federaalka Soomaaliya.

Intii uu booqashada ku guda jiray, Agaasimaha Guud wuxuu kulan-wadaag la yeeshay Agaasimaha Guud ee Wasaaradda Cadaaladda iyo Arrimaha Dastuurka Dowladda Federaalka Soomaaliya, Mudane 𝘼𝙫𝙫. 𝘾𝙖𝙗𝙙𝙞𝙣𝙪𝙪𝙧 𝙓𝙖𝙨𝙖𝙣 𝙈𝙖𝙭𝙖𝙢𝙚𝙙, iyo Agaasimaha Guud ee Wasaaradda Diinta iyo Awqaafta, Mudane 𝘿𝙧. 𝘾𝙖𝙗𝙙𝙞𝙣𝙖𝙖𝙛𝙖𝙘 𝘼𝙭𝙢𝙚𝙙 𝘾𝙖𝙗𝙙𝙪𝙡𝙡𝙖𝙖𝙝𝙞.

Kulamada ayaa diiradda lagu saaray xoojinta wada-shaqeynta iyo isku-duwidda hay’adaha, is-dhaafsiga khibradaha iyo aqoonta, iyo dardargelinta iskaashiga dhinacyada cadaaladda, arrimaha diinta iyo dastuurka.

Booqashooyinkan ayaa sidoo kale muhiim u ah dhisidda xiriir shaqo oo joogto ah, is-faham iyo wada-shaqeyn wax-ku-ool ah oo u dhexeeya hay’adaha Dowladda Federaalka Soomaaliya iyo Dowladda Goboleedka Waqooyi Bari, si loo horumariyo adeegyada dowladeed loona gaaro himilooyinka dowlad-dhiska.

Wasaaradda Cadaaladda, Arrimaha Diinta iyo Dastuurka Dowladda Goboleedka Waqooyi Bari waxay uga mahadcelinaysaa madaxda iyo bahda Wasaaradaha Federaalka soo-dhoweynta, wada-shaqeynta iyo is-dhexgalka shaqo ee ay muujiyeen.

𝗗𝗛𝗔𝗠𝗠𝗔𝗔𝗗-
━━━━━━━━━━━━━━━━━━
𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐝𝐚𝐚𝐥𝐚𝐝𝐝 𝐀𝐫𝐢𝐦𝐚𝐡𝐚 𝐝𝐢𝐢𝐧𝐭𝐚 𝐃𝐚𝐬𝐭𝐮𝐮𝐫𝐤𝐚 𝐃𝐨𝐰𝐥𝐚𝐝𝐝𝐚 𝐖𝐚𝐪𝐨𝐨𝐲𝐢 𝐁𝐚𝐫𝐢,𝐒𝐨𝐨𝐦𝐚𝐚𝐥𝐢𝐲𝐚
Email:
[email protected]
📘 Facebook:
https://www.facebook.com/share/1DFBCJ2HaM/

18/08/2026

𝐔𝐉𝐄𝐄𝐃𝐃𝐎: 𝐌𝐀𝐆𝐀𝐂𝐀𝐀𝐁𝐈𝐒𝐓𝐀 𝐆𝐔𝐃𝐃𝐈𝐆𝐀 𝐃𝐎𝐎𝐑𝐀𝐒𝐇𝐀𝐃𝐀 𝐔𝐑𝐔𝐑𝐊𝐀 𝐐𝐀𝐑𝐄𝐄𝐍𝐍𝐀𝐃𝐀 𝐒𝐎𝐎𝐌𝐀𝐀𝐋𝐈𝐘𝐄𝐄𝐃 𝐄𝐄 𝐃𝐎𝐖𝐋𝐀𝐃𝐃𝐀 𝐖𝐀𝐐𝐎𝐎𝐘𝐈 𝐁𝐀𝐑𝐈 𝐒𝐎𝐎𝐌𝐀𝐀𝐋𝐈𝐘𝐀

Wasiirka Wasaaradda Cadaaladda, Arrimaha Diinta iyo Dastuurka Dowladda Waqooyi Bari Soomaaliya

Markuu Tixgeliyey: Baahida loo qabo in la helo hannaan doorasho oo hufan, caddaalad ah, madax-bannaan oo lagu soo doorto hoggaanka Ururka Qareennada Soomaaliyeed ee Dowladda Waqooyi Bari Soomaaliya

Markuu Garwaaqsaday: Muhiimadda ay leedahay in doorashada Guddoonka Ururka Qareennada Soomaaliyeed ay ku qabsoonto si hufan, caddaalad ah, dhexdhexaadnimo iyo waafaqsanaan la leh xeerarka iyo habraacyada xirfadda qareennimada

Markuu Qiimeeyey: Baahida loo qabo Guddi madax-bannaan oo maamula, kormeera, isla markaana xaqiijiya habsami-u-socodka doorashada Guddoonka Ururka Qareennada Soomaaliyeed ee Dowladda Waqooyi Bari Soomaaliya;

Markuu Ku Qancay: Aqoonta, khibradda, daacadnimada, dhexdhexaadnimada iyo masuuliyadda xubnaha Guddiga loo magacaabayo inay si hufan u gutaan waajibaadka loo igmaday;

WUXUU GO’AAMIYEY:

In la magacaabo Guddiga Doorashada Ururka Qareennada Soomaaliyeed ee Dowladda Waqooyi Bari Soomaaliya, kuwaas oo kala ah:

Maxamed Yuusuf Warsame – Guddoomiyaha Guddiga
Cabdinuur Maxamed Axmed – Xoghayaha Guddiga
Mubaarak Xuseen Sugulle – Xubin
Maxamed Manamuud Jaamac – Xubin
Maxamed Siciid Xuseen – Xubin

𝗗𝗛𝗔𝗠𝗠𝗔𝗔𝗗-
━━━━━━━━━━━━━━━━━━
𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐝𝐚𝐚𝐥𝐚𝐝𝐝 𝐀𝐫𝐢𝐦𝐚𝐡𝐚 𝐝𝐢𝐢𝐧𝐭𝐚 𝐃𝐚𝐬𝐭𝐮𝐮𝐫𝐤𝐚 𝐃𝐨𝐰𝐥𝐚𝐝𝐝𝐚 𝐖𝐚𝐪𝐨𝐨𝐲𝐢 𝐁𝐚𝐫𝐢,𝐒𝐨𝐨𝐦𝐚𝐚𝐥𝐢𝐲𝐚
📧 Email:
[email protected]
📘 Facebook:
https://www.facebook.com/share/1DFBCJ2HaM/