Wasaaradda Waxbarashada, Hiddaha iyo Tacliinta Sare ee Waqooyi-Bari

Wasaaradda Waxbarashada, Hiddaha iyo Tacliinta Sare ee Waqooyi-Bari Ministry of Education, Culture And Higher Education North-Eastern State

Wasaaradda Waxbarashada, Hiddaha iyo Tacliinta Sare ee Dowladda Waqooyi Bari ayaa shaacisay liiska ardayda buuxisay shur...
30/05/2026

Wasaaradda Waxbarashada, Hiddaha iyo Tacliinta Sare ee Dowladda Waqooyi Bari ayaa shaacisay liiska ardayda buuxisay shuruudaha deeq waxbarasho oo dibedda ah oo ay bixiyeen dalalka Marooko iyo Aljeeriya, kuwaas oo isugu jirtay Bachelor, Master iyo PhD.

Ardayda ayaa lagu kala saaraya darajooyinka shahaadooyinkooda waxaana ay ku tartamayaan kulliyadaha Engineering, IT, Beeraha, Xannaanada Xoolaha, Cilmiga Badda, Dhaqaalaha, Waxbarashada, Caafimaadka iyo Sharciga.

Guuleystayaasha ayaa waxbarashadooda u aadi doona jaamacadaha dalalka deeqda bixiyey.

π‹πšπšπ¬πœπšπšπ§π¨π¨π- 24 𝐌𝐚𝐲-2026Agaasimaha Guud ee Wasaaradda Waxbarashada, Hiddaha iyo Tacliinta Sare ee Dowladda Waqooyi Bari ...
24/05/2026

π‹πšπšπ¬πœπšπšπ§π¨π¨π- 24 𝐌𝐚𝐲-2026

Agaasimaha Guud ee Wasaaradda Waxbarashada, Hiddaha iyo Tacliinta Sare ee Dowladda Waqooyi Bari Soomaaliya, Mudane Mukhtaar Maxamed Culujood, oo ay weheliso Agaasimaha Waaxda Qorsheynta Marwo Rooda Cumar Maxamuud, ayaa ka qayb galay shir Aqoon-is-weydaarsi ah oo ku saabsanaa Isku-dubbaridka Qorshaha Isbeddelka Qaranka (NTP), kaas oo maanta lagu soo gebagebeeyey magaalada Laascaanood.

Shirkan ayaa waxaa kasoo qayb galay Agaasimaha Waaxda Qorsheynta Qaranka, Agaasimayaasha Guud ee Wasaaradaha Dowladda Waqooyi Bari, Agaasimayaasha Waaxaha Qorsheynta, iyo hawl-wadeennada farsamo ee heer Federaal iyo heer Dowlad-goboleed.

Intii uu socday shirku, waxaa si qoto dheer looga dooday tiirarka Qorshaha Isbeddelka Qaranka (NTP), diyaarinta qorshayaasha sannadlaha ah iyo kuwa shanta sano, iyo sidii loo waafajin lahaa mudnaanta qorshayaasha Dowladda Waqooyi Bari.

Sidoo kale, waxaa lagu soo bandhigay qorshayaasha mudnaanta u leh Dowladda Waqooyi Bari, kuwaas oo laga soo dheegtay qorshayaasha sannadlaha ah ee wasaaradaha kala duwan, isla markaana waafaqsan Qorshaha Isbeddelka Qaranka (NTP), si loo xoojiyo horumarka iyo isku-duwidda qorsheyaasha dowladda Waqooyi-Bari.

----DHAMAAD----
Xafiiska Warfaafinta Wasaaradda Waxbarashada Hiddaha iyo Tacliinta sare
Email:[email protected]

Jawdalka Imtixaanka Shahaadiga ah Ee Fasalka 12aad.Sannad Dugsiyeedka 2025-2026
20/05/2026

Jawdalka Imtixaanka Shahaadiga ah Ee Fasalka 12aad.
Sannad Dugsiyeedka 2025-2026

Tar: 16 may 2026Shaacinta Jadwalka Imtixaanaadka Fasalka 8-aad ee Dowladda Waqooyi BariWasaaradda Waxbarashada Hiddaha i...
16/05/2026

Tar: 16 may 2026

Shaacinta Jadwalka Imtixaanaadka Fasalka 8-aad ee Dowladda Waqooyi Bari

Wasaaradda Waxbarashada Hiddaha iyo Tacliinta Sare ee Dowladda Waqooyi Bari waxay si rasmi ah u shaacinaysaa jadwalka Imtixaanaadka Fasalka 8-aad ee sannad-dugsiyeedka 2025–2026.

Wasaaraddu waxay dhammaan ardayda, waalidiinta, iyo maamulka dugsiyada ku wargelinaysaa inay si wanaagsan ugu diyaar garoobaan imtixaanaadka, isla markaana la ilaaliyo nidaamka iyo anshaxa imtixaanka.

Sidoo kale, Wasaaraddu waxay ardayda u rajaynaysaa guul, horumar, iyo natiijooyin wanaagsan oo ay ku gaaraan mustaqbal ifaya.

----DHAMAAD----
Xafiiska Warfaafinta Wasaaradda Waxbarashada Hiddaha iyo Tacliinta sare
Email:[email protected]

14/05/2026

Muqaal Guud Agaasimaha cusub ee Wasaaradda Waxbarashada Dowladda Goboleedka Waqooyi-Bari Mudane Mukhtaar mahamed culujoog

Ayaa manta la wareegay shaqada wasaradda isagoo kulan la qaatey shaqaalaha Weynaha wasaradda

Tar: 14 may 2026 Wasiirka Wasaaradda Waxbarashada Hiddaha iyo Tacliinta Sare ee Dowladda Goboleedka Waqooyi-Bari Mudane ...
14/05/2026

Tar: 14 may 2026


Wasiirka Wasaaradda Waxbarashada Hiddaha iyo Tacliinta Sare ee Dowladda Goboleedka Waqooyi-Bari Mudane Daahir Cabdirisaaq Ingeydh oo uu weheliyo Agaasimaha Guud ee Wasaaradda Mukhtaar Maxamed Culujoog ayaa maanta kulan la qaatey shaqaalaha Wasaaradda ugu soo dhaweeyey Agaasimaha cusub ee Wasaaradda, kaas oo maanta si rasmi ah shaqada u bilaabay.

Shaqaalaha kala duwan ee Wasaaradda ayaa Agaasimaha cusub si diirran usoo dhaweeyey, iyagoo muujiyey diyaar garow iyo wada shaqeyn wanaagsan.

Wasiirka ayaa shaqaalaha Wasaaradda iyo Agaasimaha cusub kula dardaarmay in la dardargeliyo howlaha shaqo ee Wasaaradda, isla markaana si wadajir ah loogu shaqeeyo horumarinta adeegyada waxbarashada iyo tayeynta howlaha Wasaaradda.

Sidoo kale, Wasiirka ayaa faray dhammaan shaqaalaha inay si dhow ula shaqeeyaan Agaasimaha cusub si loo xaqiijiyo hufnaan iyo wada shaqeyn miro dhal ah.

----DHAMAAD----
Xafiiska Warfaafinta Wasaaradda Waxbarashada Hiddaha iyo Tacliinta sare
Email:[email protected]

Laascaanood Waqooyi-Bari Tar: 14 may 2026 Wasiirka Wasaaradda Waxbarashada, Hiddaha iyo Tacliinta Sare ee Dowladda Gobol...
14/05/2026

Laascaanood Waqooyi-Bari
Tar: 14 may 2026


Wasiirka Wasaaradda Waxbarashada, Hiddaha iyo Tacliinta Sare ee Dowladda Goboleedka Waqooyi-Bari Mudane Daahir Cabdirisaaq Axmed ayaa maanta xilka u kala wareejiyey Agaasimaha cusub iyo Agaasimihii h**e ee Wasaaradda.

Munaasibad kooban oo ka dhacday hoolka Wasaaradda Waxbarashada ayaa waxaa xilka kula kala wareegay Agaasimaha cusub ee Wasaaradda Waxbarashada, Hiddaha iyo Tacliinta Sare Mudane Mukhtaar Maxamed Culujoog iyo Agaasimihii h**e ee Wasaaradda Marwo Farduus Ibraahim Cali Shire.

Agaasimihii h**e ee Wasaaradda ayaa ka warbixisay shaqadii u qabsoontay muddadii ay ka shaqaynaysay Wasaaradda, iyadoo si faahfaahsan u soo bandhigtay waxqabadkii jiray, isla markaana soo dhaweysay Agaasimaha cusub.

Sidoo kale, Agaasimaha cusub ee Wasaaradda ayaa dhankiisa ka sheegay qorshayaasha iyo waxyaabaha uu mudnaanta siin doono muddada uu xilka hayo.

Xil-wareejinta waxaa kasoo qayb galay xildhibaano, agaasimayaal, masuuliyiin kale

Wasiirka oo munaasibadda soo xiray ayaa ku dheeraaday muhiimadda dowladnimada iyo in xilalku yihiin masuuliyad la isugu dhiibo si nidaamsan, maadaama qof walba mar uun xilka qaban doono.

Wasiirka ayaa si weyn ugu mahadceliyey Agaasimihii h**e ee Wasaaradda shaqadii ay soo qabatay, isaga oo u rajeeyey horumar.

Sidoo kale, Wasiirka ayaa si diirran u soo dhaweeyey Agaasimaha cusub, isaga oo faray dardargelinta howlaha shaqo ee Wasaaradda, isla markaana xusay in ay muhiim tahay in bulshada loo shaqeeyo, lagana fogaado in shaqada loo arko meel keliya oo la imaado.

Ugu dambeyn, Wasiirka ayaa carrabka ku adkeeyey muhiimadda ay leedahay horumarinta iyo kor u qaadista howlaha Wasaaradda mar walba.

----DHAMAAD----
Xafiiska Warfaafinta Wasaaradda Waxbarashada Hiddaha iyo Tacliinta sare
Email:[email protected]

Laascaanood Waqooyi-Bari Tar: 13 may 2026 Wasiirka Wasaaradda Waxbarashada Hiddaha iyo Tacliinta Sare ee Dowladda Gobole...
13/05/2026

Laascaanood Waqooyi-Bari Tar: 13 may 2026


Wasiirka Wasaaradda Waxbarashada Hiddaha iyo Tacliinta Sare ee Dowladda Goboleedka Waqooyi-Bari Mudane Daahir Cabdirisaaq Ingaydh ayaa maanta kulan la qaatay Damal Relief Organization oo kamid ah ururrada samafalka ee ka shaqeeya Deegaannada Waqooyi-Bari.

Ururka ayaa door muuqata ka qaatay taageerada waxbarashada carruurtii ku agoomowday dagaalladii ka dhacay deegaanka sannadkii 2023, iyaga oo soo bandhigay waxqabadkooda ku aaddanaa sidii carruurtaas ay u heli lahaayeen waxbarasho iyo taageero joogto ah.

Wasaaradda Waxbarashada ayaa uga mahadcelisay ururka dadaalka iyo masuuliyadda ay iska saareen waxbarashada agoonta, iyadoo xustay muhiimadda ay leedahay in la garab istaago carruurta

Ugu dambayn, wasaaraddu waxay sheegtay inay ka go’an tahay sidii dhammaan carruurta agoonta ah ay u heli lahaayeen waxbarasho tayo leh, taas oo qayb ka ah dadaallada lagu ballaarinayo adeegyada waxbarashada iyo horumarinta bulshada.

----DHAMAAD----
Xafiiska Warfaafinta Wasaaradda Waxbarashada Hiddaha iyo Tacliinta sare
Email:[email protected]

12/05/2026

Wasiirka Wasaaradda Waxbarashada hidaha iyo Tacliinta sare ee Dowladda Goboleedka Waqooyi-Bari ayaa maanta kormeer shaqo ku tagay Dugsiga dadka maqalka nafada ka ah

Wasiirka ayaa bulshada la wadaagay in ay ka qayb qataan ibinta bas ushaqeeya dadka baahiyaha garka ah qaba Ee dhigta dugsiga

Tar: 12 may 2026 Wasiirka Wasaaradda Waxbarashada, Hiddaha iyo Tacliinta Sare ee Dowladda Goboleedka Waqooyi-Bari Mudane...
12/05/2026

Tar: 12 may 2026

Wasiirka Wasaaradda Waxbarashada, Hiddaha iyo Tacliinta Sare ee Dowladda Goboleedka Waqooyi-Bari Mudane Daahir Cabdirisaaq Axmed ayaa maanta booqasho iyo kormeer shaqo ku tegay dugsiga waxbarashada dadka maqalka naafada ka ah.

Wasiirka ayaa waxaa soo dhaweeyey maamulka, macallimiinta kuwaasi oo wasiirka uga warbixiyey marxaladaha kala duwan ee uu soo maray dugsigu, xaaladaha waxbarasho ee ardayda iyo hababka gaarka ah ee loo adeegsado waxbaridda dadka maqalka naafada ka ah.

Maamulka iyo macallimiinta dugsiga ayaa si qoto dheer uga hadlay dadaalka joogtada ah ee ay ugu jiraan sidii ay ardaydan u heli lahaayeen waxbarasho, iyagoo tilmaamay caqabadaha jira iyo baahiyaha muhiimka ah ee u baahan in wax laga qabto.

Wasiir, ayaa fasal fasal isku dultaagay isagoo si dhow ugu kuurgalay qaabka waxbarashadu u socoto, nidaamka fasallada iyo dadaalka ay macallimiintu geliyaan kor u qaadidda aqoonta dadka leh baahiyaha gaarka ah.

Wasiirka ayaa ku ammaanay maamulka iyo macallimiinta juhdiga iyo samirka ay u muujiyeen adeegga bulshada, gaar ahaan daryeelka iyo waxbaridda dadka maqalka naafada ka ah, isagoo sheegay in ay yihiin laf-dhabarta horumarka bulshada iyo mustaqbalka jiilka soo koraya.

Sidoo kale, Wasiirka ayaa tilmaamay muhiimadda ay leedahay in ardaydan loo helo gaadiid u gaar ah oo kasoo qaada guryahooda isla markaana dib ugu celiya, si loo fududeeyo helitaanka waxbarashada iyo badqabka ardayda.

Ugu dambeyn, Wasiirka Wasaaradda Waxbarashada ayaa bulshada reer Waqooyi-Bari ugu baaqay in ay ka qeyb qaataan taageerada dugsiga, gaar ahaan sidii loo heli lahaa bas cusub oo loogu adeego ardayda maqalka naafada ka ah, isagoo xusay in taageerada bulshada ay door weyn ka qaadan karto horumarinta waxbarashada iyo dhiirrigelinta carruurta leh baahiyaha gaarka ah.

----DHAMAAD----
Xafiiska Warfaafinta Wasaaradda Waxbarashada Hiddaha iyo Tacliinta sare
Email:[email protected]

Address

Laascaanood

Website

Alerts

Be the first to know and let us send you an email when Wasaaradda Waxbarashada, Hiddaha iyo Tacliinta Sare ee Waqooyi-Bari posts news and promotions. Your email address will not be used for any other purpose, and you can unsubscribe at any time.

Shortcuts

Share

Category