Wasaaradda Ganacsiga iyo Warshadaha - Soomaaliya

27/08/2026

Mogadishu, August 26, 2026; Wasiirka Wasaaradda Ganacsiga iyo Warshadaha DFS Danjire. Jamaal Maxamed Xasan ayaa sameeyey isku-shaandhayn Agaasime Waaxeedyada Wasaaradda si loo dardar galiyo hawlaha shaqo iyo dib uhabaynta adeegyada ganacsi ee wasaaraddu bixiso.

Isku-shaandhaynta ayaa u dhacday sidan:

•⁠ ⁠Mudane Cabdirisaaq Xasan Yusuf — Waaxda Horumarinta Warshadaha
•⁠ ⁠Mudane Axmed Maxamed Cumar — Waaxda Qorsheynta iyo Siyaasadda
•⁠ ⁠Mudane Cabdulqaadir Siciid Maxamuud — Waaxda Diiwaangelinta iyo Shatiyada Ganacsiga

Agaasimayaasha ayaa la faray inay si rasmi ah ula kala wareegaan xilalka, masuuliyadaha, dukumentiyada iyo agabka la xiriira waaxyaha loo kala wareejiyey.

Wasaaraddu waxay Agaasimayaasha u rajaynaysaa guul iyo gudasho wanaagsan oo waajibaadkooda cusub ah.

-DHAMMAAD-

27/08/2026

25/08/2026

Muuqaallo kooban oo ku saabsan waxyaabihii maanta ugu muhiimsanaa ee Shirweynaha Xiriirinta Ganacsiga Soomaaliya iyo Shiinaha, oo maanta lagu qabtay magaalada Muqdisho.

25/08/2026

𝐌𝐔𝐐𝐃𝐈𝐒𝐇𝐎: 𝐒𝐎𝐎𝐌𝐀𝐀𝐋𝐈𝐘𝐀 𝐈𝐘𝐎 𝐒𝐇𝐈𝐈𝐍𝐀𝐇𝐀 𝐎𝐎 𝐗𝐎𝐎𝐉𝐈𝐍𝐀𝐘𝐀 𝐈𝐒𝐊𝐀𝐀𝐒𝐇𝐈𝐆𝐀 𝐆𝐀𝐍𝐀𝐂𝐒𝐈 𝐈𝐘𝐎 𝐌𝐀𝐀𝐋𝐆𝐀𝐒𝐇𝐈

Wasaaradda Ganacsiga iyo Warshadaha ee Dowladda Federaalka Soomaaliya ayaa maanta magaalada Muqdisho ku qabatay 𝐒𝐡𝐢𝐫𝐰𝐞𝐲𝐧𝐢𝐡𝐢𝐢 𝐮𝐠𝐮 𝐡𝐨𝐫𝐫𝐞𝐞𝐲𝐚𝐲 𝐞𝐞 𝐗𝐢𝐫𝐢𝐢𝐫𝐢𝐧𝐭𝐚 𝐆𝐚𝐧𝐚𝐜𝐬𝐢𝐠𝐚 𝐒𝐨𝐨𝐦𝐚𝐚𝐥𝐢𝐲𝐚 𝐢𝐲𝐨 𝐒𝐡𝐢𝐢𝐧𝐚𝐡𝐚, kaas oo isu keenay madaxda Dowladda, wafdi ganacsato iyo maalgashadayaal ah oo ka socda Shiinaha, ganacsatada Soomaaliyeed, rugaha ganacsiga iyo horumariyeyaasha mashaariicda.

Shirweynaha, oo hal-ku-dheggiisu ahaa “𝐃𝐡𝐢𝐬𝐢𝐝𝐝𝐚 𝐈𝐬𝐤𝐚𝐚𝐬𝐡𝐢 𝐢𝐲𝐨 𝐀𝐛𝐮𝐮𝐫𝐢𝐝𝐝𝐚 𝐅𝐮𝐫𝐬𝐚𝐝𝐨” waxaa si rasmi ah u furay Ra’iisul Wasaare Ku-xigeenka Jamhuuriyadda Federaalka Soomaaliya, Mudane Saalax Axmed Jaamac, waxaana martigelisay Wasaaradda Ganacsiga iyo Warshadaha

Shirweynuhu wuxuu soo bandhigay horumarka Soomaaliya ka sameysay xasilloonida, dib-u-dhiska hay’adaha, hagaajinta hannaanka ganacsiga iyo furitaanka fursado cusub oo maalgashi ah. Waxaa si gaar ah loo soo bandhigay Qorshaha Isbeddelka Qaranka 2025–2029, hannaanka maalgashiga dalka iyo fursadaha ka jira kalluumaysiga, tamarta, tiknoolajiyadda, kaabayaasha dhaqaalaha, beeraha, warshadaynta iyo saadka.

Intii uu socday shirweynuhu, Rugta Ganacsiga iyo Warshadaha Soomaaliyeed iyo Rugta Ganacsiga Shiinaha–Afrika ee Zhejiang/Yiwu waxay kala saxiixdeen 𝐇𝐞𝐬𝐡𝐢𝐢𝐬 𝐈𝐬-𝐚𝐟𝐠𝐚𝐫𝐚𝐝, kaas oo dhidibada u aasaya iskaashi hay’adeed, is-dhaafsi ganacsi iyo xiriir toos ah oo dhexmara shirkadaha labada dal.

Waxaa sidoo kale shirweynaha barbar socday bandhig lagu soo bandhigay badeecooyinka lagu sameeyo lagana soo saaro Soomaaliya, iyadoo shirkadaha Soomaaliyeed ay wafdiga Shiinaha u soo bandhigeen wax-soo-saarkooda iyo fursadaha ka jira dhoofinta, farsamaynta, baakadaynta, qiima-kudaridda iyo gaarsiinta suuqyada caalamiga ah.

Shirweynahani wuxuu muujinayaa sida ay Dowladda Federaalka Soomaaliya uga go’an tahay in khayraadka, goobta istaraatiijiga ah iyo awoodda ganacsi ee dalka loo beddelo maalgashi wax-soo-saar leh, warshado, dhoofin iyo shaqo-abuur—iyadoo Soomaaliya ay diyaar u tahay iskaashi waara oo ku dhisan danaha labada dhinac.

24/08/2026

𝐎𝐆𝐄𝐘𝐒𝐈𝐈𝐒 𝐌𝐔𝐇𝐈𝐈𝐌 𝐀𝐇

𝐆𝐚𝐚𝐝𝐢𝐢𝐝𝐤𝐚 𝐊𝐚-𝐪𝐚𝐲𝐛𝐠𝐚𝐥𝐚𝐲𝐚𝐚𝐬𝐡𝐚 𝐒𝐡𝐢𝐫𝐰𝐞𝐲𝐧𝐚𝐡𝐚 𝐗𝐢𝐫𝐢𝐢𝐫𝐧𝐭𝐚 𝐆𝐚𝐧𝐚𝐜𝐬𝐢𝐠𝐚 𝐒𝐨𝐨𝐦𝐚𝐚𝐥𝐢𝐲𝐚 𝐢𝐲𝐨 𝐒𝐡𝐢𝐢𝐧𝐚𝐡𝐚

Dhammaan martida iyo ka-qaybgalayaasha lagu casuumay Shirweynaha Xiriirinta Ganacsiga Soomaaliya iyo Shiinaha waxaa lagu wargelinayaa inay yimaadaan 𝐒𝐚𝐡𝐚𝐥 𝐓𝐞𝐫𝐦𝐢𝐧𝐚𝐥, halkaas oo laga raaci doono gaadiidka loo diyaariyey goobta shirweynaha ee gudaha garoonka diyaaradaha.

𝐆𝐚𝐚𝐝𝐢𝐢𝐝𝐤𝐚 𝐭𝐚𝐠𝐚𝐲𝐚 𝐠𝐨𝐨𝐛𝐭𝐚 𝐬𝐡𝐢𝐫𝐰𝐞𝐲𝐧𝐚𝐡𝐚

- Gaadiidku wuxuu Sahal Terminal ka bilaabanayaa 𝟖:𝟎𝟎 𝐬𝐮𝐛𝐚𝐱𝐧𝐢𝐦𝐨.
- Baska ugu dambeeya wuxuu Sahal Terminal ka dhaqaaqayaa 𝟗:𝟑𝟎 𝐬𝐮𝐛𝐚𝐱𝐧𝐢𝐦𝐨.

𝐆𝐚𝐚𝐝𝐢𝐢𝐝𝐤𝐚 𝐤𝐚𝐬𝐨𝐨 𝐧𝐨𝐪𝐨𝐧𝐚𝐲𝐚 𝐠𝐨𝐨𝐛𝐭𝐚 𝐬𝐡𝐢𝐫𝐰𝐞𝐲𝐧𝐚𝐡𝐚

- Gaadiidka kasoo laabanaya goobta shirweynaha kuna soo laabanaya Sahal Terminal waxey bilaabanayaan 2:30 duhurnimo.
- Baska ugu dambeeya wuxuu goobta shirweynaha kasoo dhaqaaqayaa 4:30 galabnimo.

𝐅𝐢𝐢𝐫𝐨 𝐠𝐚𝐚𝐫 𝐚𝐡

Gaadiidka waxaa loo oggolaanayaa oo keliya dadka:

- Magacyadoodu ay ku jiraan liiska martida iyo ka-qaybgalayaasha la ansixiyey; ama
- Helay tigidhka rasmiga ah ee ka-qaybgalka oo loogu diray iimaylkooda.

Fadlan, inta aadan iman Sahal Terminal, hubi in qabanqaabiyeyaashu ay si rasmi ah kuu casuumeen ama aad iimaylkaaga ku heshay tigidhka ka-qaybgalka. Qof aan ku jirin liiska la ansixiyey ama aan haysan tigidh rasmi ah looma oggolaan doono inuu raaco gaadiidka tagaya goobta shirweynaha.

Waxaa ka-qaybgalayaasha lagu boorrinayaa inay yimaadaan waqti h**e, si loo xaqiijiyo habsami-u-socodka hubinta, raacitaanka gaadiidka iyo gelitaanka goobta.

Mahadsanidiin.

24/08/2026

𝗪𝗔𝗙𝗗𝗜 𝗚𝗔𝗡𝗔𝗖𝗦𝗜 𝗢𝗢 𝗦𝗛𝗜𝗜𝗡𝗔𝗛𝗔 𝗞𝗔 𝗦𝗢𝗖𝗗𝗔 𝗢𝗢 𝗦𝗢𝗢 𝗚𝗔𝗔𝗥𝗔𝗬 𝗠𝗨𝗤𝗗𝗜𝗦𝗛𝗢

Wafdi ganacsi oo Shiinaha ka socda ayaa maanta soo gaaray Muqdisho si ay uga qeybqaataan Shirweynaha Xiriirinta Ganacsiga Soomaaliya iyo Shiinaha oo berri furmi doona.

Wafdiga waxaa Garoonka Caalamiga ah ee Aadan Cadde ku soo dhaweeyay Safiirka Soomaaliya ee Shiinaha, Marwo Danjire Hodhan Osman Abdi, iyadoo ay goob-joog ka ahaayeen masuuliyiin ka tirsan Wasaaradda Ganacsiga iyo Warshadaha.

Shirweynahan ayaa isu keeni doona ganacsatada, maalgashadayaasha, shirkadaha iyo wakiillada dowladda ee Soomaaliya iyo Shiinaha, si ay uga wada hadlaan fursadaha ganacsi, maalgashi iyo iskaashi, isla markaana loo abuuro xiriirro ganacsi oo toos ah iyo fursado cusub oo ganacsi oo u dhexeeya labada dal. 🇸🇴🤝🇨🇳

=DHAMMAAD=

24/08/2026

Xoojinta Iskaashiga Ganacsiga Gobolka IGAD

Mudane Abdirizak Hassan Yusuf, Agaasimaha Waaxda Qorsheynta iyo Siyaasadda ee Wasaaradda Ganacsiga iyo Warshadaha, Dowladda Federaalka Soomaaliya, ayaa ka qayb galay Shirka Farsamo ee Gobolka IGAD ee Heshiisyada Is-aqoonsiga (Mutual Recognition Agreements – MRAs) iyo Tallaabooyinka Istaraatiijiyadeed ee Xiga ee Dowladaha Xubnaha ka ah IGAD, kaas oo lagu qabtay 17–18 Agoosto 2026, Nairobi, Kenya.

Shirkaas waxaa xigay Kulanka Wadatashiga ee Aasaasidda Shabakadda IGAD ee Is-weydaarsiga Aqoonta Ganacsiga Xuduudaha, oo qabsoomay 20–21 Agoosto 2026, Nairobi, Kenya.

Kulamada waxaa ka qayb galay wakiillo ka socday Soomaaliya, Suudaan, Kenya, Itoobiya, Jabuuti, Koonfurta Suudaan, Uganda, ARSO iyo Xoghaynta AfCFTA, iyadoo diiradda lagu saaray Heshiisyada Is-aqoonsiga (MRAs), ganacsiga xuduudaha ka gudba, iyo tallaabooyinka istaraatiijiyadeed ee lagu xoojinayo is-dhexgalka dhaqaale ee gobolka.

Doodaha ayaa si gaar ah diiradda u saaray is-aqoonsiga heerarka iyo habraacyada qiimeynta waafaqsanaanta, fududeynta ganacsiga xuduudaha, yareynta caqabadaha farsamo ee ganacsiga, iyo xoojinta wadaagga aqoonta iyo khibradaha ee dalalka gobolka.

Kulamadu waxay sidoo kale fursad muhiim ah u noqdeen in dib loo eego Daraasadda IGAD ee Qiimeynta Ganacsiga Beeraha (Agricultural Trade Assessment) iyo in la isla meel dhigo tallaabooyinka xiga ee lagu horumarinayo iskaashiga ganacsi ee gobolka.

Kulamadan waxay yihiin tallaabo muhiim ah oo loo qaaday dhismaha suuq goboleed isku dhafan, la saadaalin karo, ganacsigana u fudud, kaas oo gacan ka geysanaya kordhinta ganacsiga gudaha gobolka iyo abuurista fursado dhaqaale oo cusub.

23/08/2026

OGEYSIIS: SHIRWEYNAHA XIRIIRINTA GANACSIGA SOOMAALIYA IYO SHIINAHA

Wasaaradda Ganacsiga iyo Warshadaha waxay si rasmi ah u shaacinaysaa qabashada 𝐒𝐡𝐢𝐫𝐰𝐞𝐲𝐧𝐚𝐡𝐚 𝐗𝐢𝐫𝐢𝐢𝐫𝐢𝐧𝐭𝐚 𝐆𝐚𝐧𝐚𝐜𝐬𝐢𝐠𝐚 𝐒𝐨𝐨𝐦𝐚𝐚𝐥𝐢𝐲𝐚 𝐢𝐲𝐨 𝐒𝐡𝐢𝐢𝐧𝐚𝐡𝐚, oo isu keenaya ganacsato Shinees ah, hay’adaha dowladda, ganacsatada Soomaaliyeed, maalgashadayaasha, shirkadaha iyo warbaahinta.

Shirweynuhu wuxuu fursad u noqonayaa ka qaybgalayaasha inay xiriirro ganacsi abuuraan, iskaashi cusub sameeyaan, isla markaana xog ka helaan fursadaha maalgashi iyo ganacsi ee ka dhexeeya Soomaaliya iyo Shiinaha.

📅 𝐓𝐚𝐚𝐫𝐢𝐢𝐤𝐡𝐝𝐚: Talaado, 25 Agoosto 2026
⏰ 𝐖𝐚𝐪𝐭𝐢𝐠𝐚: 8:30 subaxnimo–5:00 galabnimo
📍 𝐆𝐨𝐨𝐛𝐭𝐚: Hangarka SNA, Garoonka Caalamiga ah ee Aadan Cadde, Muqdisho

Ka qaybgalka shirweynuhu waa mid furan, hase yeeshee tirada ka qaybgalayaashu waa xaddidan tahay, waxaana codsi kasta la eegi doonaa ka hor inta aan la ansixin.

Si aad uga qayb gasho, iska diiwaangeli link-ga hoose hoose, kadibna dooro tigidhka kugu habboon:

𝐆𝐚𝐧𝐚𝐜𝐬𝐚𝐝𝐞 𝐏𝐚𝐬𝐬 — Ganacsatada, shirkadaha iyo maalgashadayaasha
𝐆𝐨𝐯𝐞𝐫𝐧𝐦𝐞𝐧𝐭 𝐏𝐚𝐬𝐬— Mas’uuliyiinta iyo shaqaalaha hay’adaha dowladda
𝐌𝐞𝐝𝐢𝐚 𝐏𝐚𝐬𝐬 — Suxufiyiinta iyo xarumaha warbaahinta

Fadlan raac tilmaamaha ku qoran qaybta tigidhka aad dooratay, kadibna buuxi xogta lagaa codsado. Marka codsigaaga la ansixiyo, tigidhka iyo QR code-ka waxaa laguugu soo diri doonaa email-kaaga.

𝐈𝐬𝐤𝐚 𝐝𝐢𝐢𝐰𝐚𝐚𝐧𝐠𝐞𝐥𝐢 𝐱𝐢𝐫𝐢𝐢𝐫𝐤𝐚 𝐡𝐨𝐨𝐬𝐞:

https://halmid.com/e/shirweynaha-xiriirinta-ganacsiga-soomaaliya-iyo-shiinaha-7687

19/08/2026

Agaasimaha Waaxda Ganacsiga Dibadda ee Wasaaradda Ganacsiga iyo Warshadaha Dowladda Federaalka Soomaaliya, Mudane Abdihalim Osman, ayaa maanta si rasmi ah u daah-furay kulan wada-tashi ah oo qayb ka ah hannaanka diyaarinta Siyaasadda Ganacsiga Qaranka ee 2027–2031.

Kulanka waxaa lagu soo bandhigay laguna lafa-guray warbixinta hordhaca ah ee ka soo baxday daraasad lagu qiimeeyay xaaladda ganacsiga dalka. Ka qaybgalayaashu waxay si qoto dheer uga doodeen caqabadaha jira iyo galdaloolooyinka ka jira dhinacyada siyaasadda, sharciga iyo hay’adaha, iyadoo sidoo kale laga hadlay fududeynta ganacsiga, nidaamyada kastamyada, maalgelinta ganacsiga iyo habraacyada ruqsad-bixinta.

Wada-tashigan ayaa fursad u siinaya daneeyayaasha inay soo gudbiyaan aragtiyahooda, talooyinkooda iyo mudnaanta ay muhiimka u arkaan in lagu saleeyo siyaasadda cusub. Siyaasadda Ganacsiga Qarankuna waxay gacan ka geysan doontaa dhismaha aragti mideysan oo lagu horumarinayo ganacsiga gudaha iyo kan dibadda, laguna xoojinayo tartanka ganacsatada Soomaaliyeed.

Marka la dhammaystiro daraasadda iyo hannaanka wada-tashiyada, waxaa la filayaa in la dejiyo Siyaasad Ganacsi Qaran oo dhammaystiran, xog iyo talo-wadaag ku dhisan, taas oo hagta horumarinta ganacsiga dalka, fududeysa isu-socodka badeecadaha iyo adeegyada, isla markaana xoojisa ka faa’iidaysiga fursadaha ka jira suuqyada gobolka iyo kuwa caalamka.

Wasaaradda Ganacsiga iyo Warshadaha waxaa ka go’an dejinta siyaasad ganacsi oo wax-ku-ool ah, ka jawaabaysa baahiyaha dalka, taageeraysa koboca dhaqaalaha, isla markaana ballaarinaysa fursadaha ganacsi ee ganacsatada Soomaaliyeed.

=DHAMMAAD=

19/08/2026

𝐗𝐈𝐋-𝐖𝐀𝐑𝐄𝐄𝐉𝐈𝐍 𝐊𝐀 𝐃𝐇𝐀𝐂𝐃𝐀𝐘 𝐖𝐀𝐒𝐀𝐀𝐑𝐀𝐃𝐃𝐀 𝐆𝐀𝐍𝐀𝐂𝐒𝐈𝐆𝐀 𝐈𝐘𝐎 𝐖𝐀𝐑𝐒𝐇𝐀𝐃𝐀𝐇𝐀

Waxaa maanta Wasaaradda Ganacsiga iyo Warshadaha Dowladda Federaalka Soomaaliya ka dhacday munaasabad xil-wareejin ah, iyadoo Wasiir-ku-xigeenkii h**e ee Wasaaradda, Mudane Maxamuud Cabdullaahi Axmed (Abukaate), uu si rasmi ah xilka ugu wareejiyay Wasiir-ku-xigeenka cusub, Mudane Cismaan Maxamed Cabdi (Cismaan Daalo).

Munaasabadda waxaa guddoomiyay Wasiirka Ganacsiga iyo Warshadaha XFS Mudane Gamal Maxamed Xassan, waxaana ka qeyb galay Wasiiru-dowlaha Wasaaradda, Mudane Maxamed Nuur Abubakar Sharif, Agaasimaha Guud Mudane Ibrahim Cisman , madax iyo mas’uuliyiin ka socday Rugta Ganacsiga iyo Warshadaha Soomaaliyeed, Hay’adda Taya-dhowrka Soomaaliyeed, xildhibaanno, howlwadeennada Wasaaradda iyo mas’uuliyiin kale.

Wasiirka ayaa uga mahadceliyay Mudane Maxamuud Cabdullaahi Axmed (Abukaate) dadaalkii iyo adeegii uu muddadii uu xilka hayay ugu adeegay Wasaaradda, isagoo u hambalyeeyay Mudane Cismaan Maxamed Cabdi (Cisman Daalo), una rajeeyay guul.

=DHAMMAAD=