Maamulka Degmada Dayniile

Maamulka Degmada Dayniile Degmada Dayniile waa mid ka mid ah degmooyinka Gobolka Banaadir ee magaalada Muqdisho.

Maamulka degmada waxaa hoggaamiya guddoomiye degmada (District Commissioner), waxaana hoos yimaada guddoomiye ku-xigeenno, xoghayn, iyo waaxyo kala duwan oo ka shaqeeya

Maamulka Degmada Dayniile ayaa u mahadceliyay shacabka ku dhaqan degmada, kaddib markii ay si wanaagsan uga jawaabeen ba...
29/08/2026

Maamulka Degmada Dayniile ayaa u mahadceliyay shacabka ku dhaqan degmada, kaddib markii ay si wanaagsan uga jawaabeen baaqii iyo amarkii uu h**ey u soo saaray Guddoomiyaha Degmada Dayniile, Mudane Cabdiraxmaan Macallin Xuseen, kaasoo ku saabsanaa in shacabka ay nadiifiyaan waddooyinka iyo hareeraha guryahooda.

Shacabka Degmada Dayniile ayaa si wanaagsan u qaatay amarka Guddoomiyaha, iyagoo muujiyay iskaashi iyo wada-shaqeyn dhow oo ay la leeyihiin Maamulka Degmada iyo Laamaha Amniga.

Tallaabadan ayaa gacan weyn ka geysatay in waddooyinka iyo goobaha muhiimka ah ee degmada ay noqdaan kuwo nadiif ah oo hagaagsan, taasoo sidoo kale fududeysay howlgallada iyo shaqada ay hayaan Laamaha Amniga.

Maamulka Degmada Dayniile ayaa shacabka uga mahadceliyay sida masuuliyadda leh ee ay uga qeyb qaadanayaan nadaafadda, bilicda iyo amniga degmada, isagoo ku boorriyay inay sii xoojiyaan wada-shaqeynta ay la leeyihiin Maamulka iyo Laamaha Amniga.

“Wada-shaqeynta shacabka iyo laamaha amniga waa tiirka ugu muhiimsan ee lagu xaqiijin karo nabadgelyo, nadaafad iyo bilicda Degmada Dayniile.”

Maamulka Degmada ayaa sidoo kale caddeeyay in dadaallada lagu horumarinayo nadaafadda, amniga iyo bilicda degmada ay sii socon doonaan, iyadoo shacabka lagu dhiirrigelinayo inay si joogto ah uga qeyb qaataan howlaha danta guud.

DHAMMAAD

27/08/2026

Maamulka Degmada Dayniile wuxuu ugu baaqayaa dhammaan shacabka ku nool degmada inay si wadajir ah uga qeybqaataan ilaalinta nadaafadda, bilicda iyo fayo-qabka deegaanka.

Nadaafaddu waa masuuliyad wadajir ah, waxaana muhiim ah in qof walba uu kaalin ka qaato nadiifinta iyo qurxinta goobaha ay bulshadu wada isticmaasho, si loo helo deegaan nadiif ah, caafimaad qaba oo qurux badan.

Maamulka Degmada Dayniile wuxuu sidoo kale ku boorrinayaa bulshada inay ka fogaadaan qashin-qubista aan habboonayn, isla markaana ay garab istaagaan dadaallada lagu horumarinayo bilicda iyo nadaafadda degmada.

“Nadaafaddu waa caafimaad, bilicduna waa horumar. Aan si wadajir ah u ilaalinno Degmadeenna Dayniile.”

27/08/2026

Guddoomiyaha Degmada Dayniile ee Gobolka Banaadir, Mudane Cabdiraxmaan Macallin Xuseen, ayaa xarunta Degmada Dayniile ku qaabilay Qoraa Axmed Nuux Diiriye (Beer-Hooyo), iyo Sacad Farah Mohamed iyo Cabdullaahi Bashiir Maxamuud (Bariise), kuwaas oo Guddoomiyaha u gudbiyay buugga uu qoray Qoraa Axmed Lasso, oo lagu magacaabo “Abaal Hooyo.”

Kulanka ayaa sidoo kale looga hadlay casuumaad ku saabsan xafladda furitaanka buugga “Abaal Hooyo”, taas oo lagu qaban doono magaalada Muqdisho, iyadoo lagu soo bandhigi doono nuxurka iyo muhiimadda uu buuggan u leeyahay bulshada.

Guddoomiye Cabdiraxmaan Macallin Xuseen ayaa si rasmi ah uga guddoomay buugga Abaal Hooyo iyo casuumaadda xafladda furitaanka, isaga oo bogaadiyay dadaalka qoraaga iyo doorka qoraallada noocan oo kale ah ay ka qaadan karaan dhiirrigelinta bulshada, gaar ahaan xoojinta qiimaha iyo karaamada hooyada.

Guddoomiyaha ayaa sidoo kale ammaan iyo bogaadin u jeediyay Qoraa Axmed , isaga oo ku tilmaamay qorista buugga mid mudan in la dhiirrigeliyo, lana garab istaago dadaallada suugaanta iyo qoraalka ee wax ka tari kara wacyiga iyo dhaqanka bulshada Soomaaliyeed.

Ugu dambeyn, Guddoomiyaha Degmada Dayniile ayaa u rajeeyay Qoraa Axmed Lasso iyo dhammaan bahda ka shaqeysay buugga Abaal Hooyo guul iyo in xafladda furitaanka ay noqoto mid miro-dhal ah, iyadoo bulshada Soomaaliyeed lagu boorriyay in ay taageeraan qoraalka, suugaanta iyo hal-abuurka dalka.

— Xafiiska Warfaafinta iyo Xiriirka Dadweynaha
Degmada Dayniile, Gobolka Banaadir

Guddoomiyaha Degmada Dayniile, Mudane Cabdiraxmaan Macallin Xuseen, ayaa soo saaray amar ku saabsan nadaafadda, bilicda ...
24/08/2026

Guddoomiyaha Degmada Dayniile, Mudane Cabdiraxmaan Macallin Xuseen, ayaa soo saaray amar ku saabsan nadaafadda, bilicda deegaanka iyo xoojinta amniga waddooyinka waaweyn ee degmada, isagoo shacabka iyo ganacsatada ugu baaqay inay si dhow ula shaqeeyaan maamulka degmada.

Guddoomiyuhu wuxuu faray in dhulka ku yaalla hareeraha laamiyada waaweyn laga nadiifiyo geedaha iyo dhirta si aan qorshaysnayn uga baxda, kuwaas oo sababi kara in waddooyinka iyo hareerahooda ay noqdaan goobo aan si wanaagsan loo arki karin, isla markaana caqabad ku noqda sugidda amniga iyo bilicda deegaanka.

Sidoo kale, muwaadiniinta leh dhulka ku dhow waddooyinka ayaa lagu amray inay dayactiraan oo hagaajiyaan dhulkooda, isla markaana, haddii ay awoodaan, ay dhulalkooda ku wareejiyaan derbiyo si loo ilaaliyo nadaafadda, bilicda iyo nidaamka deegaanka.

Dhanka kale, Guddoomiyaha Degmada Dayniile ayaa shacabka iyo ganacsatada ka codsaday inay maamulka degmada kala shaqeeyaan hirgelinta qorshahan, si loo helo deegaan nadiif ah, qurux badan oo amni leh.

Guddoomiyuhu wuxuu si gaar ah ugu adkeeyay in guri kasta iyo goob kasta oo ganacsi hortooda lagu rakibo nalal, si habeenkii loo helo iftiin ku filan oo gacan ka geysta sugidda amniga, ilaalinta hantida shacabka iyo fududeynta dhaqdhaqaaqa dadka.

Amarkan ayaa si gaar ah u khuseeya laamiyada waaweyn ee Degmada Dayniile, oo ay kamid yihiin Laamiga Dheer ee Dayniile iyo Laamiga Oodweyne. Ganacsatada ku ganacsata hareeraha waddooyinkaas ayaa lagu wargeliyay inay afka h**e ee goobahooda ganacsi ku rakibaan nalal.

Maamulka Degmada Dayniile ayaa sheegay in tallaabooyinkan ay qeyb ka yihiin qorshaha lagu hagaajinayo bilicda deegaanka, kor loogu qaadayo nadaafadda, laguna xoojinayo amniga, si loo abuuro jawi wanaagsan oo ay shacabka iyo ganacsatadu si nabad ah ugu noolaadaan uguna shaqeystaan.

Ugu dambeyn, Maamulka Degmada Dayniile ayaa digniin u diray cid kasta oo ku xadgudubta ama aan u hoggaansamin amarkan, isagoo sheegay in qofkii ama ganacsigii diida fulinta awaamiirta maamulka laga qaadi doono tallaabo waafaqsan xeerarka nabad galyada Guud iyo xeerarka Dowladda hoose ee xamar.

23/08/2026

Maamulka Degmada Dayniile ayaa dardar gelinaya howlaha dib-u-habeynta, dayactirka iyo horumarinta waddooyinka xaafadaha degmada, iyadoo howlahan ay si gaar ah u bilaabmeen horraantii bishii h**e.

Howlaha socda ayaa isugu jira falista iyo hagaajinta waddooyinka, ballaarinta marinnada iyo jarista geedaha yahuudka ee hareeraha waddooyinka, kuwaas oo caqabad ku ahaa isu socodka bulshada iyo gaadiidka.

Guddoomiyaha Degmada Dayniile, Mudane Cabdiraxmaan Macallin Xuseen, ayaa maanta kormeer shaqo ku tagay Waaxda Halgan, halkaas oo uu ka socday qorshaha horumarinta waddooyinka iyo hagaajinta bilicda deegaanka.

Guddoomiyaha ayaa sheegay in maamulka degmada ay ka go’an tahay dardargelinta horumarka Dayniile, dib-u-dhiska waddooyinka xaafadaha iyo hirgelinta waddooyin casri ah oo lagu dhisayo Interlock, si loo fududeeyo isu socodka bulshada, loo helo waddooyin ammaan ah oo waara, isla markaana kor loogu qaado bilicda degmada.

Sidoo kale, Guddoomiye Cabdiraxmaan ayaa tilmaamay in jarista geedaha yahuudka ee hareeraha waddooyinka ay qeyb muhiim ah ka tahay qorshaha ballaarinta iyo hagaajinta marinnada, iyadoo ujeeddadu tahay in bulshada loo sameeyo waddooyin furan, ammaan ah oo si wanaagsan loo adeegsan karo.

Maamulka Degmada Dayniile ayaa ugu dambeyn shacabka degmada ugu baaqay inay garab istaagaan dadaallada horumarineed ee socda, ayna si wadajir ah uga qeyb qaataan ilaalinta, dhowrista iyo daryeelka kaabeyaasha cusub ee laga hirgelinayo degmada.

23/08/2026

Xarunta Degmada Dayniile waxaa maanta booqasho ku yimid qaar ka mid ah masuuliyiinta hay’adda Wacyi Consulting, oo uu hoggaaminayay Mudane Cabdulqaadir Aamusane iyo Mudane Cabdiraxmaan Fanax, kuwaas oo Degmada Dayniile ugu deeqay geedo loogu talagalay in lagu beero xarunta Degmada.

Guddoomiyaha Degmada Dayniile, Mudane Cabdiraxmaan Macalin Xuseen, ayaa si weyn ugu mahadceliyay Wacyi Consulting dadaalka ay ugu jiraan ilaalinta deegaanka, kobcinta dhirta iyo ka qaybqaadashada bilicda iyo nadaafadda deegaanka.

Guddoomiyaha ayaa sheegay in tallaabadan ay muujinayso muhiimadda ay leedahay in si wadajir ah looga shaqeeyo ilaalinta deegaanka, isagoo xusay in beerista geeduhu ay qayb muhiim ah ka tahay dadaallada lagu wajahayo isbeddelka cimilada iyo abuurista deegaan caafimaad qaba.

“Beerista geeduhu ma aha oo keliya in aan maanta geed beeranno, balse waa in aan mustaqbalka ubadkeenna uga tagno deegaan caafimaad qaba, cagaaran oo nadiif ah.”

Guddoomiyaha Degmada Dayniile ayaa sidoo kale ugu baaqay bulshada Degmada iyo guud ahaan shacabka Soomaaliyeed inay ka qaybqaataan ilaalinta deegaanka, beerista dhirta iyo daryeelka geedaha, isagoo tilmaamay in masuuliyadda deegaanka ay tahay mid wadajir ah.

Waxa uu intaas ku daray:

“Geed kasta oo aan beerno waa nolol aan abuurnay, mustaqbal aan dhisnay, iyo Soomaaliya cagaaran oo aan hiigsanayno.”

Maamulka Degmada Dayniile ayaa carrabka ku adkeeyay in dadaallada noocan ah ay muhiim u yihiin horumarinta bilicda xarumaha bulshada, kor u qaadista nadaafadda iyo abuurista deegaan u adkaysata saameynta isbeddelka cimilada.

21/08/2026

Guddoomiyaha Degmada Dayniile ee Gobolka Banaadir, Mudane Cabdiraxmaan Macallin Xuseen, ayaa maanta degmada ku qaabilay Guddoomiyihii h**e ee Gobolka Hiiraan ee Maamulka Hirshabeelle, Mudane Muuse Salaad Weheliye, qaar ka mid ah Xildhibaanada Hirshabeelle, saraakiil ka howlgasha Maamulka Hirshabeelle iyo qurba-joog dalka dib ugu soo laabtay.

Mas’uuliyiintan ayaa degmada u yimid booqasho iyo kulan is-dhexgal bulsho, iyadoo kulanka diiradda lagu saaray xoojinta xiriirka, iskaashiga iyo wada-shaqeynta ka dhaxaysa maamulka Degmada Dayniile iyo mas’uuliyiinta ka tirsan Maamulka Hirshabeelle.

Guddoomiyaha Degmada Dayniile ayaa martida u soo bandhigay horumarka la taaban karo ee degmada laga sameeyay, gaar ahaan dhinacyada amniga, xasilloonida, adeegyada bulshada iyo horumarinta deegaanka.

Mudane Cabdiraxmaan Macallin Xuseen ayaa sheegay in Degmada Dayniile ay sannadihii u dambeeyay ku tallaabsatay isbeddel muuqda oo dhinacyada amniga iyo horumarka ah, isagoo xusay in maamulka degmadu uu sii wadi doono dadaallada lagu adkeynayo nabadda, wadajirka bulshada iyo horumarinta adeegyada aasaasiga ah ee shacabka.

Sidoo kale, martidii ka socotay Hirshabeelle ayaa bogaadisay horumarka iyo xasilloonida ay maanta ku naaloonayso Degmada Dayniile, iyagoo tilmaamay muhiimadda ay leedahay xoojinta xiriirka bulshada iyo iskaashiga hay’adaha dowliga ah iyo bulshada Soomaaliyeed.

Kulanka ayaa kusoo dhammaaday jawi wanaagsan oo ay ka muuqatay wadajir, is-faham, kalsooni iyo walaaltinimo, taasoo muujinaysa doorka ay Degmada Dayniile ka qaadan karto horumarinta iskaashiga bulshada iyo isku-xirka shacabka Soomaaliyeed.

Degmada Dayniile waxay sii wadi doontaa dadaallada lagu xoojinayo nabadda, amniga, wadajirka bulshada iyo horumarinta adeegyada shacabka.

20/08/2026

Guddoomiyaha Degmada Dayniile ayaa ku guuleystay Somali Leadership Awards 2026 – Special Leadership Award (SLA Winner 2026), abaalmarin sharaf iyo aqoonsi u ah hoggaamintiisa, dadaalka joogtada ah iyo adeegga uu u hayo bulshada.

Guushan ayaa markhaati u ah dadaalka iyo hoggaaminta hufan ee Guddoomiyaha, gaar ahaan doorka uu ka qaadanayo horumarinta, bilicda, amniga iyo adeegyada bulshada ee Degmada Dayniile.

Guddoomiyaha ayaa sheegay in abaalmarintan aysan u ahayn sharaf isaga u gaar ah oo keliya, balse ay tahay guul ay wada leeyihiin shacabka Degmada Dayniile iyo guud ahaan bulshada Soomaaliyeed, isagoo xusay in ay dhiirrigelin u tahay in la sii xoojiyo dadaallada loogu adeegayo bulshada.

“Guushan waxay ii tahay sharaf weyn, balse waxaan u arkaa inay tahay guul u soo hoyatay Degmada Dayniile iyo shacabkeeda. Waxaan sii wadi doonnaa dadaalka, hoggaanka hufan iyo adeegga shacabka, si aan u gaarno horumar iyo guulo ka waaweyn kuwa maanta,” ayuu yiri Guddoomiyaha Degmada Dayniile.

Guddoomiyaha ayaa sidoo kale caddeeyay in mudnaanta koowaad ay tahay danta shacabka, horumarka degmada, amniga, nadaafadda iyo midnimada bulshada, isaga oo ballanqaaday in uu sii wadi doono dadaallada lagu horumarinayo Degmada Dayniile.

Abaalmarintan ayaa noqonaysa dhiirrigelin dheeraad ah oo ku aaddan sii wadidda dadaallada horumarineed iyo hoggaamineed ee loogu adeegayo shacabka.

Dayniile Nadiif ah – Dayniile Ammaan ah.

19/08/2026

Maamulka Degmada Dayniile ayaa maanta ka sameeyay Laamiga Dheer ee degmada olole ballaaran oo nadaafadeed, kaas oo lagu xoojinayo bilicda deegaanka, nadaafadda guud iyo amniga degmada.

Ololahan ayaa qayb ka ah dadaallada joogtada ah ee Maamulka Degmada Dayniile ugu jiro hagaajinta bilicda iyo nadaafadda deegaanka, iyadoo sidoo kale si gaar ah diiradda loo saarayo xoojinta amniga iyo ka hortagga wax kasta oo khatar ku noqon kara xasilloonida bulshada.

Maamulka ayaa sheegay in nadiifinta waddooyinka iyo goobaha ay ku badan yihiin qashinka ay muhiim u tahay bilicda deegaanka iyo sugidda amniga, maadaama meelaha mugdiga ah iyo kuwa qashinku ku badan yahay ay fursad u noqon karaan in laga qariyo ama laga fuliyo falal wax u dhimaya amniga iyo xasilloonida degmada.

Guddoomiyaha Degmada Dayniile, Mudane Cabdiraxmaan Macallin Xuseen, ayaa bulshada iyo ganacsatada ku dhaqan ama ka shaqeeya hareeraha Laamiga Dheer ugu baaqay inay si wadajir ah uga qayb qaataan ilaalinta nadaafadda, bilicda iyo amniga deegaanka.

Guddoomiyaha ayaa xusay in nadaafaddu ay tahay masuuliyad wadajir ah oo u baahan iskaashi iyo ka qaybgal bulsho, si loo helo deegaan nadiif ah, bilicsan oo ammaan ah.

“Nadaafaddu waa bilic, amniguna waa wadajir.”

Dayniile Nadiif ah – Dayniile Ammaan ah.

17/08/2026

Hoolka Shirarka Xarunta Degmada Dayniile waxaa maanta lagu qabtay shirweyne ay isugu yimaadeen Maamulka Degmada Dayniile iyo dhammaan laamaha amniga ee ka howlgala gudaha degmada, kaas oo looga hadlay xoojinta amniga, wada-shaqeynta hay’adaha amniga iyo maamulka, iyo horumarinta bilicda iyo nadaafadda deegaanka.

Shirka ayaa si gaar ah diiradda loogu saaray xoojinta iskaashiga, isku-xirka iyo wada-shaqeynta Laamaha Amniga iyo Heerarka Maamulka Degmada, si loo mideeyo dadaallada lagu xaqiijinayo amniga, xasilloonida iyo badqabka bulshada ku nool degmada.

Ajandayaasha ugu muhiimsanaa ee shirka looga hadlay waxaa ka mid ahaa:

Isku-xirka iyo wada-shaqeynta Laamaha Amniga iyo Maamulka Degmada.

Ka hortagga iyo la-dagaallanka mukhaadaraadka, iyo sidii bulshada loogu wacyigelin lahaa dhibaatooyinka ay leeyihiin.

Ka shaqeynta iyo jarista geedaha iyo dhirta caqabadda ku ah amniga iyo xasilloonida deegaanka.

Nadiifinta iyo nalaynta xaafadaha, si loo helo deegaan ammaan ah, nadiif ah oo bilicsan.

Xoojinta wada-shaqeynta bulshada iyo hay’adaha amniga, si bulshada ay door muuqda uga qaadato sugidda amniga iyo xasilloonida degmada.

Ugu dambeyn, Guddoomiyaha Degmada Dayniile, Mudane Cabdiraxmaan Macallin Xuseen, oo kulanka isugu yeeray saraakiisha laamaha amniga iyo maamulka degmada, ayaa ku adkeeyay dhammaan dhinacyada muhiimadda ay leedahay in si wadajir ah looga shaqeeyo amniga, nadaafadda, nalaynta iyo bilicda deegaanka.

Guddoomiyaha ayaa xusay in amniga iyo horumarka degmada ay yihiin mas’uuliyad wadajir ah oo ka dhexeysa maamulka, laamaha amniga iyo bulshada, isagoo carrabka ku adkeeyay in la sii wadi doono dadaallada lagu xaqiijinayo in Degmada Dayniile ay noqoto degmo ammaan ah, nadiif ah, bilicsan oo xasilloon.

Maamulka Degmada Dayniile ayaa uga mahadceliyay dhammaan laamaha amniga iyo bulshada dadaallada ay ku bixinayaan sugidda amniga iyo horumarinta deegaanka, isagoo ku boorriyay in la sii xoojiyo wada-shaqeynta iyo isku-duubnida.

DHAMMAAD

Xafiiska Warbaahinta iyo Xiriirka Dadweynaha
Maamulka Degmada Dayniile

Address

Daynile Street Community Center Dayniile District
Mogadishu
252

Website

Alerts

Be the first to know and let us send you an email when Maamulka Degmada Dayniile posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Maamulka Degmada Dayniile:

Shortcuts

Share

Category