Wasaaradda Beeraha Iyo Waraabka JFS

Wasaaradda Beeraha Iyo Waraabka JFS Ministry of Agriculture & Irrigation Federal Republic of Somalia.
đź“ž Hotline (Call Center): 507

07/09/2026

Wasiirka Wasaaradda Beeraha iyo Waraabka JFS, Xil. Maxamed Cabdi Xayir (Maareeye), ayaa xarunta dhexe ee Wasaaradda ugu qabtay kulan soo dhaweyn iyo dhiirigelin taasoo loo sameeyay gabdhihii ku guuleystay imtixaankii loo galay Greenhouse-yada.

___

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Wasiirka Wasaaradda Beeraha iyo Waraabka JFS, Xil. Maxamed Cabdi Xayir (Maareeye), ayaa xarunta dhexe ee Wasaaradda ugu ...
07/09/2026

Wasiirka Wasaaradda Beeraha iyo Waraabka JFS, Xil. Maxamed Cabdi Xayir (Maareeye),
ayaa xarunta dhexe ee Wasaaradda ugu qabtay kulan soo dhaweyn iyo dhiirigelin taasoo loo sameeyay gabdhihii ku guuleystay imtixaankii loo galay Greenhouse-yada.

Wasiirka ayaa mar kale muujiyay sida ay Wasaaradda uga go’antahay dhiirigelinta haweenka iyo kobcinta wax soosaarka beeraha abuurista fursad shaqo.

Barnaamijkaan wuxuu gabdhaha siinaysaa fursad ay ku helaan aqoon, khibrad iyo waayo aragnimo ku saabsan wax soosaarka beeraha casriga ah, iyagoo sidoo kale tusaale iyo dhiirigelin u noqon karaan gabdhaha kale ee Soomaaliyeed.

Ugu danbeyntii 20 gabdhood ayaa ku guuleystay fursadaan, iyagoo loo qoondeeyay 10 Greenhouse, waxaana labadii gabdhoodba si wadajir ah loogu qoondeeyay hal Greenhouse.

_________

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Agaasimaha Guud ee Wasaaradda Beeraha iyo Waraabka JFS, Eng. Maxamed Xasan Cabdulle, ayaa furay kulan wadatashi kaasoo k...
06/09/2026

Agaasimaha Guud ee Wasaaradda Beeraha iyo Waraabka JFS, Eng. Maxamed Xasan Cabdulle, ayaa furay kulan wadatashi kaasoo ku saabsanaa Barnaamijka Quudinta Dugsiyada ee Ku Saleysan Wax soosaarka Gudaha (Home Grown School Feeding–HGSF)

Kulankaan ayaa diiradda lagu saaray xoojinta wax soosaarka gudaha, quudinta iyo nafaqada carruurta, iyadoo fursado suuq oo joogto ah loo abuurayo beeraleyda Soomaaliyeed.

Waxaana kulanka ka qayb galay wakiillo ka socday Wasaaradaha Xannaanada Xoolaha, Kalluumeysiga, Waxbarashada iyo Caafimaadka, Iskaashatooyinka beeraleeyda, sidoo kale hay’adda FAO-Soomaaliya.

Sidoo kale kulanka ayaa looga hadlay Beeraha u Adkeysta Cimilada, ka qaybgalka haweenka iyo dhalinyarada iyo dhisidda nidaam quudin dugsiyeed oo waara, kaas oo taageera beeraleyda, nafaqada carruurta iyo kobaca dhaqaalaha maxalliga ah.

Agaasimaha Guud ayaa hadalkiisa kusoo gaba gabeeyay muhiimadda ay leedahay wada shaqayn dhow oo dhex marta hay’adaha dowladda, beeraleyda, jaamacadaha iyo bahwadaagta horumarinta wax soosaarka beeraha, si loo hirgeliyo nidaam waara oo isku xira wax soosaarka beeraha, nafaqada iyo quudinta ardayda Soomaaliyeed.

_________

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Wasaaradda Beeraha iyo Waraabka JFS. waxaa si habsami leh uga socda Tartanka 10-ka Greenhouse, oo loogu talagalay xoojin...
06/09/2026

Wasaaradda Beeraha iyo Waraabka JFS. waxaa si habsami leh uga socda Tartanka 10-ka Greenhouse, oo loogu talagalay xoojinta ka qaybgalka gabdhaha Soomaaliyeed ee ganacsiga beeraha.

Tartanka ayaa soo maray marxalado kala duwan, iyadoo tartanka wareysiga (Interview) ay galeyn ku dhawaad 50 gabdhood, kuwaas oo la doonaayo in ay guuleystaan 20 gabdhood oo leh karti, aqoon, dadaal iyo diyaargarow ay ugu hawlgalaan wax soosaarka beeraha casriga ah ee la jaanqaadi kara isbeddelka cimilada.

20-ka gabdhood ee la filaayo in ay kasoo baxaan ayaa loo qaybin doonaa 10-ka Greenhouse, iyadoo labadii gabdhoodba ay wada heli doonaan hal Greenhouse, barnaamijkaan ayaa ujeedkiisu yahay abuurista fursado dhaqaale, shaqo abuur iyo ganacsi iyo dhiirrigelinta haweenka inay hormuud ka noqdaan wax soosaarka iyo silsiladda qiimaha beeraha.

_________

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Wasiirka Wasaaradda Beeraha iyo Waraabka ee JFS, Xil. Maxamed Cabdi Xayir (Maareeye), iyo wafti uu hogaaminaayo ayaa mag...
05/09/2026

Wasiirka Wasaaradda Beeraha iyo Waraabka ee JFS, Xil. Maxamed Cabdi Xayir (Maareeye), iyo wafti uu hogaaminaayo ayaa magaalada Kigali ee dalka Rwanda kaga qeyb galay Shirka Sanadlaha ah ee Madasha Nidaamyada Cunnada Afrika.

Shirkaan oo ay ka qeyb galayeen Madax kala duwan, Wasiirro, khubaro, hay’ado caalami ah iyo daneeyayaal ka shaqeeya horumarinta nidaamka cuntada Afrika, taasoo diiradda lagu saaray sidii loo xoojin lahaa wax soosaarka beeraha, sugnaanta cuntada, iskaashiga, maalgelinta iyo horumarinta nidaam cunto ee qaaradda Afrika.

Ka qeybgalka Soomaaliya ee shirka ayaa fursad muhiim ah u ah in la soo bandhigo fursadaha iyo baahiyaha dalka ee dhinaca beeraha, lana xoojiyo iskaashiga iyo maalgelinta ku wajahan horumarinta wax soosaarka beeraha iyo sugnaanta cuntada.

Wasiirka ayaa inta uu shirka socday ka qeyb qaatay kulamo iyo doodo looga hadlaayay mustaqbalka nidaamka cuntada Afrika iyo sidii loo dardargelin lahaa horumar waara oo ku saleysan wax soosaarka gudaha.

_________

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Agaasimaha Guud ee Wasaaradda Beeraha iyo Waraabka JFS, Eng. Maxamed Xasan Cabdulle, ayaa labadii maalmood ee la soo dha...
31/08/2026

Agaasimaha Guud ee Wasaaradda Beeraha iyo Waraabka JFS, Eng. Maxamed Xasan Cabdulle, ayaa labadii maalmood ee la soo dhaafay guddoominayay kulamo farsamo oo lagu soo bandhigay laguna falanqeeyay Nidaamka Maareynta Macluumaadka Beeraha ( AMIS– Agricultural Management Information System).

Nidaamkan dijitaalka ah wuxuu noqon doonaa madal dhexe oo isku xirta Wasaaradda Beeraha iyo Waraabka JFS iyo Wasaaradaha Beeraha ee Dowlad Goboleedyada, isaga oo mideynaya ururinta, kaydinta, maaraynta iyo wadaagista xogta beeraha dalka.

Kulamada waxaa si gaar ah diiradda loogu saaray qaab dhismeedka farsamo ee nidaamka, dashboards-ka, warbixinnada, maamulka xogta iyo sidii Dowlad Goboleed kasta loogu samayn lahaa marin iyo awood uu ku maareeyo xogtiisa.

Hirgelinta AMIS waxay gacan ka geysan doontaa helitaanka xog sugan oo waqtigeeda ku habboon, yaraynta shaqada gacanta ah iyo in qorsheynta iyo go’aannada horumarinta beeraha Soomaaliya lagu saleeyo xog mideysan oo sax ah.

_________

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Agaasimaha Guud ee Wasaaradda Beeraha iyo Waraabka JFS, Eng. Maxamed Xasan Cabdulle, ayaa xarunta Wasaaradda ku soo dhaw...
31/08/2026

Agaasimaha Guud ee Wasaaradda Beeraha iyo Waraabka JFS, Eng. Maxamed Xasan Cabdulle, ayaa xarunta Wasaaradda ku soo dhaweeyay madax ka socota Jaamacadda Sayniska iyo Teknoolojiyadda ee Jamhuriya (JUST),

Xarunta Wasaaradda ayaa waxa ka dhacay munaasabadd lagu kala saxiixday Heshiis Is fahan (MoU) kaasoo astaan u ah xoojinta iyo sii horumarinta iskaashiga istiraatiijiga ah ee u dhexeeya Wasaaradda iyo Jaamacadda, iyadoo labada dhinac ay ka wada shaqeyn doonaan horumarinta aqoonta, cilmi baarista iyo hal abuurka ku saleysan baahiyaha dhabta ah ee qeybta beeraha.

Heshiiskaan ayaa diiradda saari doona cilmi baarista iyo hal abuurka teknoolojiyadda beeraha, gaar ahaan adeegsiga teknoolojiyadda casriga ah iyo xalalka dijitaalka ah ee wax soosaarka beeraha. iyo in la xoojiyo tababarrada iyo dhisidda xirfadaha dhalinyarada, iyadoo la abuurayo fursado shaqo iyo awood siinta dhalinyarada iyo haweenka si ay door muuqda uga qaataan horumarinta beeraha.

Wadashaqeyntaan waxay sii ballaarinaysaa guulihii h**e ee ay wada gaareen Wasaaradda iyo Jaamacadda, gaar ahaan Xarunta Hal-abuurka CIAD ee Wasaaradda iyo Jamhuriya Innovation Center (JIC), halkaas oo ay dhawaan ka qalin jabiyeen dufcaddii ugu horreysay ee barnaamijka “IoT Solutions for Smart Farming.” Iskaashigan ayaa muhiim u ah sidii hal abuurka iyo teknoolojiyadda loogu adeegsan lahaa kordhinta wax soosaarka beeraha, horumarinta dhaqaalaha miyiga iyo xoojinta sugnaanta cuntada Soomaaliya.

_________

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Agaasimaha Guud ee Wasaaradda Beeraha iyo Waraabka JFS, Eng. Maxamed Xasan Cabdulle, ayaa furay tababar ku saabsan Beer-...
30/08/2026

Agaasimaha Guud ee Wasaaradda Beeraha iyo Waraabka JFS, Eng. Maxamed Xasan Cabdulle, ayaa furay tababar ku saabsan Beer-guriga (Home Gardening), kaasoo loo qabtay dhalinyaro ka kala socotay hay’ado, iskuulo, jaamacado iyo Wasaarado kala duwan.

Tababarka ayaa diiradda lagu saarayay muhiimadda beer guriga iyo doorka uu ka qaadan karo kordhinta wax soosaarka cuntada gudaha, intii uu socday tababarka, waxaa la soo bandhigay buug-yare ku saabsan Beer-guriga oo lagu diyaariyey laguna tarjumay Af-Soomaali, si uu hage wax ku ool ah ugu noqdo dadka danaynaya bilaabista iyo horumarinta beer-guriga.

Agaasimaha Waaxda Wax soosaarka iyo Sugnaanta Cuntada, Eng: Maxamed Musse ayaa sharxay ujeedada barnaamijkaan iyo muhiimadda beeraha magaalooyinka, iyadoo Wasaaradda xoojinayso dadaallada lagu kordhinaayo wax soosaarka gudaha, laguna yareynaayo saameynta isbeddelka cimilada iyo kororka qiimaha cuntada.

Ugu danbeyntii, ka qeybgalayaasha ayaa booqday beerta tijaabada ee laga hirgeliyey gudaha Wasaaradda, halkaas oo si toos ah loogu tababarto looguna soo bandhigay farsamooyinka Beer-guriga, waxaa tababarkaan si weyn uga qeybgalay haween, taasoo muujinaysa doorkooda muhiimka ah ee horumarinta wax soosaarka cuntada iyo faafinta aqoonta Beer-guriga.

_________

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Wasiirka Wasaaradda Beeraha iyo Waraabka JFS, Xil. Maxamed Cabdi Xayir (Maareeye), ayaa shir guddoomiyay kulan looga had...
29/08/2026

Wasiirka Wasaaradda Beeraha iyo Waraabka JFS, Xil. Maxamed Cabdi Xayir (Maareeye), ayaa shir guddoomiyay kulan looga hadlayay xaaladda dhibaatooyinka saameeyay beeraleyda iyo wax soosaarka beeraha ee Balcad iyo Afgooye.

Kulanka waxaa goob joog ka ahaa Wasiiru Dowlaha Wasaaradda Gaashaandhigga Mudane: Cumar Cali, Taliyaha Ciidanka Lugta, Janaraal Khaalid, Guddoomiyayaasha Beeraleeyda labada Shabeellaha iyo beeraleyda labadaas deegaan.

Kulankan ayaa daba socda dhacdo dhowaan ka dhacday Beerta Dahir Jicmaalle, halkaas oo lagu gubay laguna burburiyay hanti muhiim u ahayd wax soosaarka beeraha, oo ay ka mid ahaayeen makiinadaha beeraha, matooro iyo beero. Wasiirka ayaa ku adkeeyay hadalkiisa muhiimadda ay leedahay ilaalinta beeraleyda, beerahooda iyo hantidooda, maadaama amniga goobaha wax soosaarka uu muhiim u yahay sugnaanta cuntada iyo kobcinta wax soosaarka gudaha.

Kulanka ayaa la isla qaatay in la xoojiyo wacyigelinta ciidamada, lana dhiso iskaashi joogto ah oo dhex mara ciidamada, maamullada deegaanka iyo beeraleyda. Sidoo kale, waxaa la isku raacay in la sameeyo nidaam iyo shaqaalle u gaar ah ilaalinta beeraha, qalabka iyo hantida beeraleyda, si looga hortago burbur iyo dayac ku yimaado agabka iyo beeraha halkaas yaalo, loona abuuro jawi amaan oo ay beeraleyda si nabad ah ugu shaqeeyaan.

_________

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Agaasimaha Guud ee Wasaaradda Beeraha iyo Waraabka JFS, Eng: Maxamed Xasan Candulle, ayaa soo xeray Aqoon Is weydaarsi s...
29/08/2026

Agaasimaha Guud ee Wasaaradda Beeraha iyo Waraabka JFS, Eng: Maxamed Xasan Candulle, ayaa soo xeray Aqoon Is weydaarsi si heer sare ah loosoo agaasimay kaasoo ku saabsan Horumarinta Beeraha la qabsan kara Isbeddelka Cimilada iyada oo loo maraayo Xalalka Dijitaalka ah.

Aqoon Is weydaarsigaan oo ay si wada jir ah u soo agaasimeen Wasaaradda Beeraha & Waraabka gaar ahaan xarunta CIAD iyo Hay'adda SOS Children’s Villages, ayaa waxaa bixinayay khubaro farsamo oo ka socday PeaceEye (shirkad caalami ah oo ku xeeldheer xogta satalaytka iyo GeoAI oo ka dhisan Austria), iyo Jaamacadda Federaalka ee Beeraha ee Abeokuta (FUNAAB) ee dalka Nigeria ayagoo kusoo bandhigay hababka casri ah ee lagu horumarinaayo qeybta beeraha Dalka.

Doodaha iyo soo jeedintii maanta ka dhacay madasha ayaa diiradda lagu saaray sidii xogta satarleyka (Earth Observation), GIS, iyo aaladaha dijitaalka ah loo adeegsan lahaa si loo qiimeeyo tayada dhulka, kheyraadka biyaha hoose, iyo kor u qaadista waxsoosaarka beeralayda Soomaaliyeed, tani waxay gundhig u tahay dadaallada loogu jiro xaqiijinta badbaadada cuntada iyo dhisidda beero u doog roonaada isbeddelka cimilada.

_________

DHAMMAAD
Wixii Faah-faahin ah kala xiriir
Xafiiska Xiriirka iyo Warbaahinta
Wasaaradda Beeraha iyo Waraabka JFS
Call Center:- 507
[email protected]
www.moa.gov.so
Muqdisho, Soomaaliya.

Address

Mogadishu

Website

Alerts

Be the first to know and let us send you an email when Wasaaradda Beeraha Iyo Waraabka JFS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wasaaradda Beeraha Iyo Waraabka JFS:

Shortcuts

Share

Category