Wasaaradda Qoyska & Horumarinta Xuquuqul Insaanka JFS

Wasaaradda Qoyska & Horumarinta Xuquuqul Insaanka JFS Waa Bogga Rasmiga ah ee Wasaaradda Qoyska iyo Horumarinta Xuquuqul Insaanka JFS ✅

WARSAXAAFADEED :- Xaqiijinta Qoondada Haweenka iyo Naafada ee Doorashooyinka Qof iyo Cod
26/05/2026

WARSAXAAFADEED :- Xaqiijinta Qoondada Haweenka iyo Naafada ee Doorashooyinka Qof iyo Cod

Soomaaliya oo hormarrada ay ka gaartay Xuquuqul Insaanka kusoo bandhigtay kulanka 52aad ee dib u eegista mudeysan ee Caa...
08/05/2026

Soomaaliya oo hormarrada ay ka gaartay Xuquuqul Insaanka kusoo bandhigtay kulanka 52aad ee dib u eegista mudeysan ee Caalamiga ah UPR

Wasiirka Wasaaradda Qoyska iyo Hormarinta Xuquuqul Insaanka XFS Amb Khadiijo Maxamed Al-Makhzoumi iyo wafdi ballaaran oo ay hogaamineyso ayaa ka qeybgalay kulanka 52aad ee dib u eegista mudeysan ee Caalamiga(Universal Periodic Review) kulankaasi oo ay kasoo qeybgaleen wufuud ka socota 108 dal oo caalamka ah waxaana wafdiga Soomaaliya ay kusoo bandhigeen kulankan hormarrada ay dowladda Soomaaliya ka gaartay hormarinta Xuquuqul Insaanka Dalkeeda Afartii sano iyo barkii lasoo dhaafay.

Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi oo khudbad dhinacyo badan taabaneysa ka jeedisay kulankan oo ka qabsoomay xarunta QM ee magaalada Geneva ayaa kusoo bandhigtay khudbaddeeda guullaha isdaba joogga ah ee ay Dowladda Federaalka Soomaaliya ka gaartay sanadihii lasoo dhaafay hormarinta Xuquuqul Insaanka, guullahaasi oo ay ka mid ahaayeen lasoo wareegiddii Madax banaannida Arrimaha Xuquuqul Insaanka iyo dhismaha guddiga Qaran ee Xuquuqul Insaanka Qaranka waxaana ay Wasiiraddu uga mahad celisay dowladaha caalamka soo talooyinkooda ku aadan warbixinta dowllada federaalka Soomaaliya ay soo bandhigtay.

Kulanka waxaa talooyin iyo soo jeedimo kala duwan ka jeediyey Wufuud ka kala socota 108da dal oo kamid ah wadamada qeybta ka ah qaramada midoobeey, waxaana 104 ka mid ah ka qeybgalayaasha kala duwan ee beesha caalamku ay aad u bogaadiyeen guullaha iyo hormarrada ay Soomaaliya ka sameysay Xuquuqul Insaanka Dalkeeda oo maanta ay Dowladda Soomaaliya kusoo bandhigtay Kulanka 52aad ee qaramada midoobey ee arrimaha warbxinadda caalamka, ayadoo wafdiga Wasiiradda Qoyska ay qeyb ka ahaayeen xubno ka socday Xafiiska Madaxweynaha, Xafiiska Ra’isulwasaaraha Soomaaliya, Wasaaradda Cadaalladda, Xeer ilaalinta, kuwaas oo dhammaantood bandhigga warbixinta qeyb ka ahaa.

Dowladda Soomaaliya waxa ay rajeyneysaa in nidaamka dhaqan gelinta tallooyinka guddiga dib u eegista mudeysan ee UPR ay mudadan ka duwanaan doonto sanadihii h**e marka loo eego heshiiskii ay Soomaaliya la gashay Xafiiska Sare ee Xuquuqul Insaanka QM (OHCHR), heshiiskaasi oo suurtagelinaya iney wax badan ka bedel naadaan waxyaabihii h**e maadaama la socodka kormeerka iyo warbixintuba aanay noqon doonin mid bannaanka laga weriyo oo gudaha dalka laga hirgelinayo Xafiiska Sare ee Xuquuqul Insaanka QM (OHCHR).

Wasiirka Qoyska iyo Hormarinta Xuquuqul insaanka oo Geneva kulan kula qaadatay Danjiraha Xuquuqul Insaanka Dowladda Ingi...
07/05/2026

Wasiirka Qoyska iyo Hormarinta Xuquuqul insaanka oo Geneva kulan kula qaadatay Danjiraha Xuquuqul Insaanka Dowladda Ingiriiska .

Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi ayaa magaalada Geneva ee dalka Switzerland kulan mira dhal ah kula qaadatay Danjiraha Xuquuqul Insaanka Dowladda Ingiriiska Eleanvor Sanders, kulankan oo ku saabsanaa xoojinta wada shaqeynta dowladaha Soomaaliya iyo Ingiriiska iyo sidii loosii kordhin lahaa hormarrada ay Soomaaliya ka sameyneyso Xuquuqul Insaanka.

Danjiraha Xuquuqul Insaanka Dowladda Ingiriiska Eleanvor Sanders oo ah Qalin hayaha Xuquuqul Insaanka ayaa ugu h**eyn ku bogaadisay guullaha isdaba joogga ah ee ay Wasaaradda Qoyska iyo Hormarinta Xuquuqul Insaanka Soomaaliya ka gaartay Hormarinta Xuquuqul Insaanka dalkeeda waxa ay si gaar ah u bogaadisay ku guuleeysiga dhismaha Guddiga Madaxa bannaan ee Xuquuqul Insaanka Qaranka iyo heshiiskii taariikhiga ahaa ee shalay ay magaalada Geneva ku kala saxiixdeen Wasaaradda Qoyska iyo Hormarinta Xuquuqul insaanka Soomaaliya iyo Xafiiska Sare ee Xuquuqul Insaanka QM (OHCHR).

Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi oo kulanka ka hadashay ayaa uga mahad celisay Dowladda Ingiriiska taageerrada joogtada ah ee ay la garab taagan yihiin Dowladda iyo Shacabka Soomaaliyeed , sidoo kale wada shaqeynta Shaw ay la leeyihiin Wasaaradda Qoyska iyo Hormarinta Xuquuqul Insaanka XFS.

Dowladda Federaalka Soomaaliya oo ku guuleysatay in Soomaaliya markii ugu h**eyso laga furo Xafiiska Sare ee Xuquuqul In...
06/05/2026

Dowladda Federaalka Soomaaliya oo ku guuleysatay in Soomaaliya markii ugu h**eyso laga furo Xafiiska Sare ee Xuquuqul Insaanka QM (OHCHR).

Dowladda Federaalka Soomaaliya oo ay meteleyso Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi iyo Xafiiska Wakiilka Sare ee Qaramada Midoobay ee Xuquuqda Aadanaha ayaa maanta oo Arbaco ah magaalada Geneva ee dalka Switzerland ku kala saxiixday Heshiis lagu Hirgelinayo Qaraarkii Golaha Xuquuqul Insaanka QM Lambarkiisu ahaa A/HRC/RES/60/28 kaasoo suntanaa lasoo wareegidii Maareynta Madaxa bannaan ee Xuquuqul Insaanka Soomaaliya, qaraarkaas oo tilmaamayey iskaashiga iyo taageerrada farsamo ee ay u baahan tahay Soomaaliya si ay u hormariso Xuquuqul Insaanka islamarkaana u maareeyso waajibaadkeeda Qaran ee Xuquuqul Insaanka iyo midka caalamiga ah.

Tani ay waxa ay ka dhigan tahay iney Dowladda Federaalka Soomaaliya markale fagaarayaasha Caalamka kasoo hoysay guul muhiim ah ayadoo dowladdu ay dadaal xooggan u gashay in markii ugu h**eysay taariikhda ay QM Soomaaliya ka furato xafiiska Sare ee Xuquuqul Insaanka QM(OHCHR) kaasi oo dhowaan laga furi doono magaalada Muqdisho , tani oo noqoneysa in markii ugu h**eysay taariikhda QM ay u fuliso heshiis noociisa ah mudo taasi oo ku timid dadaalka iyo ka go’naashaha Wasaaradda Qoyska iyo Hormarinta Xuquuqul Insaanka.

Soomaaliya waxaa heshiiskan u saxiixay Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi ayadoo dhanka QM uu u saxiixay Volker Türk Madaxa Xafiiska Sare QM ee Xuquuqul Insaanka, waxaana heshiiskan uu yahay mid Soomaaliya muhiimad gaar ah u leh maadaama dalkeenu uu ku jiro marxalad soo kabasho ah.

Magaalada Geneva ee dalka Switzerland waxaa ku sugan wafdi sare oo ka socda Dowladda Federaalka Soomaaliya oo ay hogaamineyso Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed A-Makhzoumi ayadoo wafdigaasi ay ka mid yihiin Agaasimaha Guud ee Wasaaradda Maxamed Bashiir Cumar, la taliyeyaal iyo quburrada Wasaaradda , waxaana guushani ay qeyb ka tahay dadaallada ay Dowladda Federaalka Soomaaliya ku bixisay sanad iyo barkii lasoo dhaafay hormarinta Xuquuqul Insaanka iyo maareyntiisa, ayadoo ka sokoow guushii weyneyd ee Octobar ay Soomaaliya ka gaartay Shirkii Xuquuqul Insaanka QM ee Geneva iyo dhismihii Guddiga Madaxa bannaan ee Xuquuqul Insaanka Qaranka ay tanitahay guul kale oo ballaaran.

Wasiirka Wasaaradda Qoyska iyo Hormarinta Xuquuqul Insaanka ayaa maanta magaaladda Muqdiho ku daah furtay Mashruuca Barn...
27/04/2026

Wasiirka Wasaaradda Qoyska iyo Hormarinta Xuquuqul Insaanka ayaa maanta magaaladda Muqdiho ku daah furtay Mashruuca Barnaamijka Wadajirka ah ee Nabadda & Ilaalinta Haweenka - Wajiga II (WPP-II) kaasoo socon doona muddo laba sano ah.

Waxaa kulanka daah furka kalmado ka jeediyay Goerge Conwey Ku-xigeenka Ergeyga Gaarka ah ee Qaramada Midoobay ahna Iskuduwaha Bani'aadannimada iyo Deegaanka ee Xafiiska Qaramada Midoobey Marwo Anna Mutavati Isuduwaha Bariga iyo Koonfurta Qaaradda Afrika ee Hay’adda UN Women, Madaxa Hay’adda UNDP Mr Lionel Laurens, Madaxa Barnaamijyadda Hay’adda UN Women Marwo Rukia, Wasiiradda Haweenka ee DXDFS iyo Marwo Sahra oo ku hadashay magaca bulshada Rayidka, waxaana si rasmi ah u daah furay mashruuca Wasiirka Wasaaradda Qoyska iyo Hormarinta Xuquuqul Insaanka Marwo Khadiija Maxamed Almakhzoumi.

Mashruuca maanta la daahfuray ayaa loogu tagalaglay in wax looga qabto guud ahaan xaqiijinta hormarinta arrimaha haweenka iyo in la xoojiyo ka-qaybgalka haweenka ee nabad-dhisidda, hoggaaminta, iyo go’aan qaadashada. Mashruucu wuxuu diiradda saarayaa in haweenka lagu taageero dhaqangalinta sharuuc, siyaasado iyo hannaano nabadeed oo ka dhigaya ka-qaybgalkooda mid muuqda oo wax ku ool ah, si loo helo nabad waarta iyo bulsho loo wada dhan yahay.

Mashruucan waxaa hoggaaminaya Wasaaradda Qoyska iyo Horumarinta Xuquuqda Aadanaha ee Dowladda Federaalka Soomaaliya, iyadoo ay fulinayaan UN Women iyo UNDP, isla markaana ay taageerro farsamo ka bixinayso UNTMIS. Mashruucan Wajigiisa labaad waxa uu ka dhashay casharradii iyo guulihii laga bartay wejigii koobaad, waxaana lagu xoojinayaa isku-duwidda hawlaha muhiimka ah ee ku saabsan hormarinta arrimaha haweenka ee heer federaal iyo heer dowlad-goboleed, iyadoo kor loo qaadayo doorka haweenka iyo adkeynta nidaamyada ilaalinta iyo ka hortagga xadgudubyada ka dhanka ah haweenka.

Mashruucani waxa uu si toos ah u gaadhi doonaa 6,000 oo qof, halka saameyntiisa guud ay gaari karto ilaa 42,000 oo qof, iyadoo mudnaan gaar ah la siinayo haweenka, gabdhaha, dumarka naafada ah, dadka laga tirada badan yahay, iyo barakacayaasha. Mashruuca Waxaa laga fulin doonaa guud ahaan dalka oo dhan muddo 24 bilood ah, taasoo ka dhigaysa mashruuc leh saameyn qaran oo xooggan oo ku wajahan nabad, caddaalad, iyo xoojinta xuquuqda haweenka Soomaaliyeed.

Wafdi ka socda Dowladda Soomaaliya oo ay Hoggaamineyso Wasiir Ku-xigeenka Wasaaradda Qoyska iyo Horumarinta Xuquuqda Aa...
18/04/2026

Wafdi ka socda Dowladda Soomaaliya oo ay Hoggaamineyso Wasiir Ku-xigeenka Wasaaradda Qoyska iyo Horumarinta Xuquuqda Aadanaha XFS, Maryan Cali Abuukar ayaa ka qayb galay Kalfadhigii 47-aad ee Guddiga Khubarada Afrika ee Xuquuqda iyo Daryeelka Carruurta, Intii uu socday kalfadhiga oo ka dhacay Dalka Lesotho ayaa Wasiir Maryan waxaa ay jeedisay khudbad muhiim ah oo muujisay muhiimadda ansixinta Axdiga Afrika ee Xuquuqda iyo Daryeelka Carruurta iyo doorkiisa ku aaddan horumarinta iyo ilaalinta xuquuqda carruurta Soomaaliyeed.

Dhinaca kale Wasiir Maryan Abuukar ayaa ayaa intii uu socday shirka waxaa ay kulamo gaar gaar ah la-yeelatay qaar kamid ah masuuliyiintii ka soo qeybgalay, waxayna kala hadashay in wadashaqeyn rasmi ah la-layeesho Soomaaliya.

Wasiirka Wasaaradda Qoyska oo maanta si rasmi ah u gudbisay Axdiga Afrika ee Xuquuqda iyo Daryeelka Carruurta.Wasiirka W...
14/04/2026

Wasiirka Wasaaradda Qoyska oo maanta si rasmi ah u gudbisay Axdiga Afrika ee Xuquuqda iyo Daryeelka Carruurta.

Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi ayaa maanta si rasmi ah u gudbisay nuqulka Axdiga Afrika ee Xuquuqda iyo Daryeelka Carruurta kaasi oo ay Soomaaliya h**ey u meel marisay.

Munaasabadda oo ka dhacday xarunta Midowga Afrika ee magaalada Addis Ababa waxaa si rasmi ah nuqulka loogu wareejiyey Mudane Moussa Mohamed Omar ku xigeenka Madaxa xafiiska Guddoonka ayadoo sidoo kalena ay goobjoog aheyd Prof. Hajer Gueldich, Agaasimaha arrimaha Sharciga ee Midowga Afrika.

Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi oo Munaasabadda wareejinta ka hadashay ayaa sheegtay in tallaabadani ka turjumeyso sida ay Soomaaliya uga go'an tahay dhaqan gelinta Axdigan ayadoo tani ay tahay tallaabo muhiim ah oo lagu xoojinayo ilaalinta iyo kor u qaadista xuquuqda carruurta.

Soomaaliya ayaa h**ey u ansixisay Axdiga Afrika ee Xuquuqda iyo Daryeelka Carruurta ayadoo wareejinta nuqulka Axdigan ay ka marqaati kaceyso sida ay Soomaaliya uga go'an tahay hormarinta iyo ilaalinta Xaquuqda Carruurteeda.

Wasiirka Wasaaradda Qoyska oo kormeertay Tuullada SOS ayadoo goobjoog ka aheyd heshiis ay kala saxiixdeen Wasaaradda iyo...
09/04/2026

Wasiirka Wasaaradda Qoyska oo kormeertay Tuullada SOS ayadoo goobjoog ka aheyd heshiis ay kala saxiixdeen Wasaaradda iyo SOS.

Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi ayaa maanta kormeer howleed ku tagtay xarunta Tuullada Carruurta SOS ee magaalada Muqdisho halkaasi oo ay ugu kuurgashay xaaladaha ay ku sugan yihiin Carruurta ku jirta xarunta SOS iyo baahiyahooda.

Kahor kormeerka Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi ayaa goobjoog ka aheyd heshiis iskaashi oo u jeedkiisu yahay in lagu hormariyo adeegyada daryeelka carruurta, lana ballaariyo mashaariicda kor u qaadaya badbaadada, waxbarashada iyo faya-qabka carruurta nugul waxaana heshiiskaasi kala saxiixday Agaasimaha Maamulka iyo Maaliyadda ahna ku simaha Agaasimaha Guud ee Wasaaradda Qoyska Faysal Nuur Faarax iyo Madaxa Barnaamijyada Hay’adda SOS Bashiir Saciid Xasan.

Intii ay ku gada jirtay kormeerkeeda tuullada Carruurta SOS waxa ay Wasiirrada booqatay qeybaha kala duwan ee xarunta oo ay ka mid yihiin qeybta xannaaneynta Carruurta , qeybta isbitaalka, qeybta waxbarashada Jaamacadda SOS oo ay wax ku bartaan arday Soomaaliyeed iyo qeybta bukaan jiifka ee hooyada iyo dhallaanka.

Sidoo kale Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi ayaa xarigga ka jartay qeyb cusub oo lagu soo kordhiyay xanaaneeynta carruurta Tuulada SOS waxaana ay si gaar ah u dhiiri gelisay Carruurta Gabdhaha ah ee ku jira Tuullada SOS ayada oo ku boorisay iney isku diyaariyaan hogaaminta wadankooda.

Wasaaradda Qoyska iyo Hormarinta Xuquuqul Insaanka XFS ayaa mudooyinkii ugu danbeeyey aad u xoojisay dadaallada ay ku bixineyso Hormarinta iyo wax u qabashada carruurta Soomaaliyeed waxaana kormeerka Wasiirka Wasaaradda Qoyska iyo Hormarinta Xuquuqul Insaanka Soomaaliya ku tagtay Tuullada Carruurta SOS ku wehliyey Xoghayaha maamulka gobolka Banaadir Bilan Bile Maxamuud .

Wasiirka Qoyska iyo Horumarinta Xuquuqul Insaanka XFS oo Baydhabo kula kulantay ururrada Haweenka Baay.Wasiirka Wasaarad...
04/04/2026

Wasiirka Qoyska iyo Horumarinta Xuquuqul Insaanka XFS oo Baydhabo kula kulantay ururrada Haweenka Baay.

Wasiirka Wasaaradda Qoyska iyo Horumarinta Xuquuqul Insaanka XFS Amb Khadija Mohamed Al-makhzoumi ayaa magaalada Baydhabo ee xarunta KMGka dowlad goboleedka koonfur Galbeed kulan kula qaadatay ururrada Haweenka, kulankaasi oo ku saabsanaa xaaladaha ay ku sugan yihiin Haweenka Koonfur Galbeed fursadaha, caqabadaha iyo daruufaha ku xeeran.

Xubno ka mid ah Haweenka kulanka kasoo qeybgalay oo ku hadlay magaca ururrada Haweenka ayaa Wasiiradda uga waramay xaaladaha ay ku sugan yihiin Haweenka gobollada Koonfur Galbeed ku dhaqan, caqabadaha heysta iyo baahiyahooda waxaana ay dhammaantood bogaadiyeen guullaha baaxada leh ee ay gaartay Wasaaradda Qoyska iyo Horumarinta Xuquuqul Insaanka Soomaaliya.

Wasiirka Wasaaradda Qoyska iyo Horumarinta Xuquuqul Insaanka XFS Khadija Al-Makhzoumi oo kulanka khudbad ka jeedisay ayaa Haweenka warbixin ka siisay guullaha ay Wasaaradda Qoyska gaartay iyo tallaabooyinka ay Wasaaradda u qaaday wax ka qabashada tacadiyada iyo Horumarinta haweenka kuwaasi oo ay ka mid yihiin:- In markii ugu h**eysay qoondada Haweenka lagu cadeeyey 30% sharciga Doorashooyinka iyo Sharciga Axsaabta, Ansixinta Sharciga ka hortagga Tacadiyada ka dhanka ah arrimaha Jinsiga ,Sharciga ka hortagga Gudniinka Fircooniga, Sharciga Arrimaha Qoyska oo waxbadan xuquuq siinaya Haweenka.

Wasiirka Wasaaradda Qoyska iyo Horumarinta Xuquuqul Insaanka Soomaaliya Amb Khadija Al-Makhzoumi ayaa dhinaca kale Haweenka kulanka kasoo qeybgalay uga warbixisay tallaabooyinka u qorsheysan iney Wasaaraddu u qaado Horumarinta Haweenka Soomaaliyeed iyo in guud ahaanba meesha laga saaro tacadiyada ay la kulmaan Haweenka ayadoo ugu dambeynna ku boorisay Haweenka kulanka kasoo qeybgalay isku duubni iyo wadajir iney uga gudbaan daruufaha ku xeeran islamarkaana wadajir looga faa'ideysto fursadaha jira.

Wabillaahi Towfiiq

Wasiirka Qoyska iyo Horumarinta Xuquuqul Insaanka XFS oo Muqdisho ku qaabishay Madaxa Xafiiska OHCHR ee Bariga Afrika. W...
30/03/2026

Wasiirka Qoyska iyo Horumarinta Xuquuqul Insaanka XFS oo Muqdisho ku qaabishay Madaxa Xafiiska OHCHR ee Bariga Afrika.

Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi ayaa magaalada Muqdisho ku qaabishay ku xigeenka xafiis goboleedka Xafiiska Wakiilka Sare ee Qaramada Midoobay ee Xuquuqda Aadanaha OHCHR ahna Madaxa Xafiiska OHCHR ee Bariga Afrika Marwo Maymuchka Lauriston iyo wafdi ay hogaamineyso.

Kulanka ayaa diiradda lagu saaray xoojinta iskaashiga u dhexeeya Soomaaliya iyo OHCHR , hirgelinta Qaraarka Golaha Xuquuqul Insaanka ee A/HRC/RES/60/28, gaar ahaan dejinta Qorshe-Hawleedka labada sano ee 2026-2027 iyo dardargelinta dhismaha xafiiska rasmiga ah ee OHCHR ay ku yeelaneyso gudaha Dalka.

Kulankan waxa uu qeyb ka yahay dadaallada ay Wasaaradda Qoyska iyo Hormarinta Xuquuqul Insaanka Soomaaliya ugu jirto Hormarinta Xuquuqul Insaanka Dalka oo sanadkii lasoo dhaafay ay hormar ballaaran ka sameysay dhinacaas Wasaaradda, hormarradaas oo ay ugu h**eeyaan inaan 32sano kadib dib ula soo noqotay madax bannaanideeda Xuquuqul Insaanka si la mid dowladaha Caalamka iyo in lagu guuleystay dhismaha Guddiga Madaxa bannaan ee Xuquuqul Insaanka Qaranka oo markii ugu h**eysay taariikhda ay Soomaaliya yeelatay.

Address

Jamaal Cabdinasir Road
Mogadishu

Website

Alerts

Be the first to know and let us send you an email when Wasaaradda Qoyska & Horumarinta Xuquuqul Insaanka JFS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wasaaradda Qoyska & Horumarinta Xuquuqul Insaanka JFS:

Shortcuts

Share

Category