SERP Project Somalia

Website

SERP Project Somalia Somalia Enhancing Public Resource Management Project (SERP).

The objective of this Project is to support the FGS/FMS to strengthen accountability, transparency and institutional capacity in public resource management, across participating entities.

Shirka Guddiga Hagidda Mashruuca SERP oo Nairobi lagu soo gebagebeeyay Nairobi, 24 September 2026: Waxaa lagu soo gebage...
24/09/2026

Shirka Guddiga Hagidda Mashruuca SERP oo Nairobi lagu soo gebagebeeyay

Nairobi, 24 September 2026: Waxaa lagu soo gebagebeeyay magaalada Nairobi shir muhiim ah oo ay yeesheen Guddiga Hagidda Mashruuca SERP Project Somalia, kaas oo diiradda lagu saaray horumarka guud ee mashruuca, hawlaha muhiimka ah ee socda, iyo dardargelinta fulinta qorshayaasha iyo qaybaha kala duwan ee mashruuca.

Shirka ayaa lagu gorfeeyay halbeegyada muhiimka ah ee mashruuca, iyadoo si gaar ah loo qiimeeyay heerka guud ee fulinta qorshayaasha hawleed ee Mashruuca SERP, caqabadaha jira, iyo tallaabooyinka loo baahan yahay si loo dardargeliyo hirgelinta hawlaha mudnaanta leh.

Intii uu shirku socday, waxaa sidoo kale si qoto dheer looga hadlay qaybaha muhiimka ah ee Mashruuca, oo ay ka mid yihiin Dakhliga (DRM), Maamulka Maaliyadda Guud (PFM), Dib-u-habaynta Maamulka Adeegga Dadweynaha (Public Sector Management), Nidaamka Isku-dhafan ee Maamulka Maaliyadda Soomaaliya (SFMIS), iyo Nidaamka Maamulka Kheyraadka Aadanaha (HRMIS).

Kulanka waxaa Guddoomiyay Guddoomiyaha Guddiga Hagidda Mashruuca ahna Agaasimaha Guud ee Wasaaradda Maaliyadda Xukuumadda Federaalka Soomaaliya, Dr. Saleiman Sheikh Umar, waxaana ka qeybgalay xubnaha Guddiga Hagidda Mashruuca iyo hawlwadeennada Mashruuca SERP.

Shirka ayaa sidoo kale fursad u noqday xubnaha Guddiga iyo Hawlwadeennada Mashruuca in ay dib u eegaan horumarka laga sameeyay hawlaha socda, qorshayaasha xiga, iyo mudnaanta la siinayo qaybaha kala duwan ee mashruuca.

Ugu dambayn, Guddiga Hagidda Mashruuca SERP waxay isla qaateen in la dardargeliyo hirgelinta hawlaha mudnaanta leh ee qaybaha kala duwan ee Mashruuca, lana xaqiijiyo in qorshayaasha hawleed ee lagu heshiiyay si hufan oo waafaqsan jadwalkooda loo fuliyo.

Ansixinta Siyaasadda Shaqo Barashada iyo Mutadawacnimada ee SoomaaliyaMuqdisho, 3 Sebtembar 2026: Waxaa maanta magaalada...
03/09/2026

Ansixinta Siyaasadda Shaqo Barashada iyo Mutadawacnimada ee Soomaaliya

Muqdisho, 3 Sebtembar 2026: Waxaa maanta magaalada Muqdisho lagu soo gabagabeeyay kulan aqoon-is-weydaarsi ah oo muddo laba maalmood ah socday, kaas oo diiradda lagu saaray ansixinta Siyaasadda Shaqo-Barashada iyo Mutadawacnimada (Internship and Volunteer Policy – IVP) ee Dowladda Federaalka Soomaaliya (FGS) iyo Dowlad Goboleedyada (FMS).

Kulanka waxaa ka qeyb galay wakiillo ka socday hay’adaha dowladda, Guddiga Shaqaalaha Rayidka ee Dowladda, ganacsatada, Jaamacadaha, iyo daneeyayaal kale oo muhiim ah.

Intii uu socday kulanka, ka-qaybgalayaashu waxay si qoto dheer u gorfeeyeen Siyaasadda Shaqo-Barashada iyo Mutadawacnimada ee Soomaaliya, oo dhawaan la diyaariyay, iyagoo dib-u-eegis iyo xaqiijin ku sameeyay qodobbada muhiimka ah ee siyaasadda. Qodobbadaas waxaa ka mid ahaa habraacyada qorista iyo meelaynta shaqo-barashada iyo mutadawacnimada, kormeerka iyo hagidda, ilaalinta iyo badqabka, sinnaanta iyo ka-qaybgalka loo siman yahay, nidaamka cabashooyinka, hababka iyo dabagalka.

Aqoon-is-weydaarsigan waxaa fududeeyay oo taageero farsamo ka geystay Mashruuca SERP Project Somalia, waxaana soo qabanqaabiyay oo hoggaaminayay Wasaaradda Shaqada iyo Arrimaha Bulshada Soomaaliya (MoLSA), iyadoo iskaashi dhow la yeelatay Wasaaradaha Shaqada iyo Arrimaha Bulshada ee Dowlad-Goboleedyada.

Siyaasadda Shaqo-Barashada iyo Mutadawacnimada (IVP) ayaa markii ugu horreysay si rasmi ah loo diyaariyay, iyadoo ujeeddadeedu tahay in la sameeyo hannaan mideysan oo lagu hago fursadaha shaqo-barashada iyo mutadawacnimada ee dalka. Siyaasaddan waxaa hoggaaminaysa Wasaaradda Shaqada iyo Arrimaha Bulshada ee Dowladda Federaalka Soomaaliya, iyadoo iskaashi iyo wada-shaqeyn dhow la yeelanaysa Dowlad Goboleedyada xubnaha ka ah Dowladda Federaalka.

Ugu dambayn, kulankani waxa uu tallaabo muhiim ah u yahay dhammaystirka siyaasad mideysan oo kor u qaadaysa fursadaha xirfad-barashada iyo waayo-aragnimada shaqo, isla markaana fududaynaysa u gudbidda dhalinyarada Soomaaliyeed ee ka faa’iideysanaysa fursadaha shaqo-barashada iyo mutadawacnimada una gudbaya fursado shaqo oo waara.

05/08/2026

Shirkii Sadex-Biloodlaha ahaa ee Miisaaniyadaha Dowladda Federaalka iyo Dowlad Goboleedyada oo maanta la soo gebagebeeyay.

Waxa soo xiray Agaasimaha Guud ee Wasaaradda Maaliyadda Xukuumadda Federaalka Soomaaliya, Mudane Saleebaan Sheekh Cumar.

Shirkii Sadex-Biloodlaha ahaa ee Miisaaniyadda Dowladda Federalka iyo Dowlad-Goboleedyada oo maanta lagu gebagebeeyay M...
05/08/2026

Shirkii Sadex-Biloodlaha ahaa ee Miisaaniyadda Dowladda Federalka iyo Dowlad-Goboleedyada oo maanta lagu gebagebeeyay Muqdisho.

03/08/2026

Shirka saddex biloodlaha ah ee Guddiga Hoosaadka Miisaaniyadaha ee Dowladda Federaalka Soomaaliya iyo Dowlad Goboleedyada oo Muqdisho ka socda.

Shirka Guddiga Farsamada ee (IGFF) - Guddi-Hoosaadka Miisaaniyadda ee Dowladda Federaalka Soomaaliya, Dowlad Goboleedyad...
02/08/2026

Shirka Guddiga Farsamada ee (IGFF) - Guddi-Hoosaadka Miisaaniyadda ee Dowladda Federaalka Soomaaliya, Dowlad Goboleedyada Xubnaha ka ah Federaalka, iyo Maamulka Gobolka Banaadir (BRA), oo ah shir saddexdii biloodba mar la qabto, ayaa maanta si rasmi ah uga furmay magaalada Muqdisho.

Shirkan oo socon doona muddo afar maalmood ah ayaa waxaa ka qaybgalaya Agaasimayaasha Miisaaniyadda Wasaaradaha Maaliyadda ee Dowladda Federaalka Soomaaliya, Dowlad Goboleedyada Xubnaha ka ah Federaalka, iyo Maamulka Gobolka Banaadir, si loo xoojiyo isku-duwidda iyo wada-shaqeynta diyaarinta iyo hirgelinta miisaaniyadda.

Shirka waxaa si rasmi ah u furay Agaasimaha Agaasinka Waaxda Miisaaniyadda ee Wasaaradda Maaliyadda Dowladda Federaalka Soomaaliya, Mudane Iraad Cabdi Aadan, oo ku dhiirrigeliyay ka qaybgalayaasha inay yeeshaan doodo miro-dhal ah, is-dhexgal leh, isla markaana horseeda natiijooyin wax ku ool ah inta uu shirku socdo.

Shirkan, oo la qabto saddexdii biloodba mar, waa madal lagu falanqeeyo habraacyada diyaarinta Miisaaniyadda, lagu isbarbardhigo hababka miisaaniyadeed, lagagana doodo hirgelinta miisaaniyadda. Waxa kale oo uu gacan ka geystaa xoojinta isku-duwidda iyo wada-shaqeynta Agaasinnada Miisaaniyadda ee Dowladda Federaalka Soomaaliya, Dowlad Goboleedyada, iyo Maamulka Gobolka Banaadir.

Shirka waxaa soo qabanqaabiyay Wasaaradda Maaliyadda ee Dowladda Federaalka Soomaaliya, iyadoo uu taageerayo Mashruuca SERP Project Somalia.

Dhismaha Xarunta Guddiga Shaqaalaha Rayidka ee Dowlad Goboleedka Jubbaland oo Maanta La Dhagax DhigayKismaayo, July 22, ...
22/07/2026

Dhismaha Xarunta Guddiga Shaqaalaha Rayidka ee Dowlad Goboleedka Jubbaland oo Maanta La Dhagax Dhigay

Kismaayo, July 22, 2026: Waxaa maanta si rasmi ah loo dhagax dhigay dhismaha Xarunta Guddiga Shaqaalaha Rayidka ee Dowlad Goboleedka Jubbaland. Munaasabadda dhagax-dhigga ayaa ka dhacday xarunta Guddiga ee magaalada Kismaayo, oo ah caasimadda ku-meel-gaarka ah ee Dowlad Goboleedka Jubbaland.

Munaasabadda waxaa ka soo qayb galay Guddoomiyaha Guddiga Shaqaalaha Rayidka ee Dowlad Goboleedka Jubbaland, Mudane Siyaad Ibraahim Maxamed, xubno ka tirsan Golaha Wakiillada Jubbaland, wasiirro, agaasimeyaal guud, masuuliyiin ka socotay Mashruuca Somalia Enhancing Public Resource Management (SERP), wakiillo ka socday shirkadda fulinaysa dhismaha, iyo marti sharaf kale.

Dhismaha cusub waxaa si rasmi ah u dhagax dhigay Guddoomiyaha Golaha Wakiillada Jubbaland, ahna Ku-simaha Madaxweynaha Dowlad Goboleedka Jubbaland, Mudane Sheekh Cabdi Cabdiraxmaan.

Munaasabadda isagoo ka hadlayay, Mudane Sheekh Cabdi Cabdiraxmaan ayaa uga mahadceliyay Bangiga Adduunka iyo Mashruuca SERP Project Somalia taageerada iyo hirgelinta mashruucan. Wuxuu xusay in dhismaha xaruntan uu door muhiim ah ka qaadan doono xoojinta hay'adaha dowladda, dib-u-habaynta maamulka guud, iyo horumarinta adeegga shaqaalaha rayidka ee Jubbaland.

Dhismaha Xarunta Guddiga Shaqaalaha Rayidka ee Jubbaland, waxaa maalgelinaya Bangiga Adduunka, waxaana hirgelinaya Mashruuca SERP, iyadoo ujeeddadu tahay in la xoojiyo awoodda hay'adaha dowladda iyo hufnaanta maamulka shaqaalaha rayidka.

Waxaa la filayaa in dhismaha cusub la dhammaystiro bartamaha sanadka 2027, si uu u noqdo xarun casri ah oo kor u qaadda waxqabadka iyo tayada adeegyada Guddiga Shaqaalaha Rayidka ee Dowlad Goboleedka Jubbaland.

Madasha Fulinta Miisaaniyadda ee Dowladda Federaalka Soomaaliya, Dowlad Goboleedyada iyo Gobolka Banaadir oo lagu gebag...
16/07/2026

Madasha Fulinta Miisaaniyadda ee Dowladda Federaalka Soomaaliya, Dowlad Goboleedyada iyo Gobolka Banaadir oo lagu gebagebeeyay Magaalada Kismaayo.

Kulanka Madasha Fulinta Miisaaniyadda Dowladda Federaalka Soomaaliya, Dowlad Goboleedyada iyo Gobolka Banaadir oo ka fur...
13/07/2026

Kulanka Madasha Fulinta Miisaaniyadda Dowladda Federaalka Soomaaliya, Dowlad Goboleedyada iyo Gobolka Banaadir oo ka furmay magaalada Kismaayo.

Kulan Wadatashi oo ku Saabsan Habraacyada iyo Xeer-Nidaamiyaha Hawlgabka Shaqaalaha Rayidka Dowladda oo Muqdisho lagu so...
08/07/2026

Kulan Wadatashi oo ku Saabsan Habraacyada iyo Xeer-Nidaamiyaha Hawlgabka Shaqaalaha Rayidka Dowladda oo Muqdisho lagu soo Gebagebeeyay

Muqdisho, 7 Luulyo 2026: Waxaa magaalada Muqdisho lagu soo gebagebeeyay kulan wadatashi oo socday muddo laba maalmood ah, kaas oo diiradda lagu saaray dib-u-eegista Xeer-Nidaamiyaha Hawlgabka Shaqaalaha Rayidka Dowladda Federaalka Soomaaliya iyo habraacyada muhiimka u ah hirgelintiisa.
Kulankan ayaa waxaa ka qayb galay wakiillo ka socday in ka badan 10 Wasaaradood ee Dowladda Federaalka Soomaaliya iyo hay'adaha kale ee ay khusayso, iyadoo ujeeddadu ahayd in si wadajir ah dib loogu eego qodobbada xeerka, lana helo talooyin lagu sii xoojinayo ka hor inta aan la dhamaystirin.

Kulanka waxaa ka qeybgalay Agaasimeyaasha Guud ee Wasaaradda Shaqada iyo Arrimaha Bulshada Soomaaliya ee Xukuumadda Federaalka Soomaaliya, iyo Guddiga Qaranka Ee Shaqaalaha Rayidka Dowladda Soomaaliya ee Dowladda Federaalka Soomaaliya.

Intii uu socday kulanku, ka qaybgalayaashu waxay falanqeeyeen habraacyada lagu hirgelinayo xeerka, dhammaystirka nidaamyada aasaasiga ah ee taageeraya fulintiisa, xuquuqaha shaqaalaha rayidka marka ay gaaraan da'da hawlgabka, habka uu u shaqaynayo nidaamka hawlgabka, iyo tallaabooyinka lagama maarmaanka u ah dhammaystirka iyo dhaqan-gelintiisa.

Kulanka waxaa taageeray Mashruuca Somalia Enhancing Public Resource Management (SERP Project Somalia ), waxaana soo qabanqaabiyay Wasaaradda Shaqada iyo Arrimaha Bulshada ee Xukuumadda Federaalka Soomaaliya. Waxaa sidoo kale ka qayb galay khubaro ka socday SIMBA & SIMBA Advocates LLP, oo farsamo ahaan kala shaqaynaya Wasaaradda diyaarinta iyo horumarinta Xeer-Nidaamiyaha Hawlgabka.

Gebagebadii kulanka, ka qaybgalayaashu waxay isku raaceen in talooyinka iyo aragtiyaha laga soo jeediyay kulanka lagu daro qabyo-qoraalka xeerka iyo habraacyadiisa, si loo sii xoojiyo tayadooda loona diyaariyo marxaladaha xiga ee dib-u-eegista, ansixinta, iyo hirgelinta.

Address

Mogadishu

Website

Alerts

Be the first to know and let us send you an email when SERP Project Somalia posts news and promotions. Your email address will not be used for any other purpose, and you can unsubscribe at any time.

Shortcuts

Share

Category