Maamulka Gobolka Bakool

Home
Somalia
Xuddur
Maamulka Gobolka Bakool

Bogga rasmiga ah ee Maamulka Gobolka Bakool

Boggaan waxaa loogu Adeegaa Bulshada reer Bakool, Nagu soo biir oo nagala qayb qaado dadaaladda uu wado Maamulka Gobolka Bakool.

20/08/2026

AMAR: MAMNUUCISTA HUBKA LALA GALO GAROOMADA DIYAARADAHA.

Maamulka Gobolka Bakool wuxuu ku wargelinayaa dhammaan bulshada, masuuliyiinta, ciidamada iyo cid kasta oo isticmaasha garoomada diyaaradaha Gobolka Bakool in laga mamnuucay in hub lala galo gudaha garoomada diyaaradaha ee Gobolka Bakool.

Amarkan wuxuu dhaqan gelayaa laga bilaabo maanta oo ay taariikhdu tahay 20-ka Agoosto 2026, waxaana laga doonayaa dhammaan dadka garoomada soo gelaya inay si buuxda u ixtiraamaan una hoggaansamaan amarka amniga garoomada.

Maamulka Gobolka Bakool wuxuu farayaa ciidamada amniga garoomada inay si adag u fuliyaan amarkan, isla markaana tallaabo ku habboon ka qaadaan cid kasta oo jebisa Amarkan .

Dhammaad
Wixii faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

10/08/2026

Maamulka Gobolka Bakool iyo kan Degmada Xuddur oo Bulshada magaalada la Yeeshay Kulan Lagu Ogaanaayo Baahiyaha Mudnaanta Leh.

Maamulka Gobolka Bakool oo uu hoggaaminayo Guddoomiyaha Gobolka Bakool mudane Mohamed Ahmed Mohamed iyo Maamulka Degmada Xuddur ayaa bulshada magaalada Xuddur la yeeshay kulan looga hadlay Mashruuca Bulsho, kaas oo diiradda lagu saarayo ogaanshaha baahiyaha ugu muhiimsan ee bulshada iyo dhamaystirka mashaariic h**e ay bulshada magaalada u soo gudbiyeen.

Mashruuca Bulsho ayaa ah barnaamij lagu taageerayo horumarinta Degmada Xuddur, iyadoo bulshada magaalada ay maamulka la wadaageen baahiyaha ugu waaweyn ee xilligan ka jira magaalada, kuwaas oo u baahan in si degdeg ah wax looga qabto.

Kulanka ayaa sidoo kale lagu falanqeeyay sidii loo dardar-gelin lahaa mashaariicda bulshada mudnaanta siisay, loona hubin lahaa in adeegyada iyo mashaariicda horumarineed ay si toos ah uga jawaabaan baahiyaha dhabta ah ee bulshada.

Dhammaad

Wixi faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

06/08/2026

Wafdi uu hoggaaminayo Guddoomiye Ku-xigeenka Amniga iyo Siyaasadda Gobolka Bakool, Mudane Aadan Cabdi Abaarey, kana koobnaa Taliyaha cusub ee Guutada 9-aad, Guddoomiyaha Degmada Xuddur iyo saraakiil kale, ayaa maanta soo gaaray magaalada Xuddur.

Dhammaad

Wixi faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

04/08/2026

Maamulka Gobolka Bakool oo uu hoggaaminayo Guddoomiyaha Gobolka Bakool oo kulan la qaatay hay’adaha ka hawlgala gobolka.

Guddoomiyaha Gobolka Bakool, Mudane Maxamed Axmed Maxamed, oo ay wehliyaan maamulka degmada Xuddur ayaa maanta kulan la yeeshay wakiilada hay’adaha ka hawlgala Gobolka Bakool.

Kulanka ayaa diiradda lagu saaray sidii loo xoojin lahaa adeegyada horumarinta bulshada, kor loogu qaadi lahaa wacyigelinta bulshada, iyo u diyaargarowga khataraha ka dhalan kara shakiga laga qabo in ay dhacdo ifafaalaha El Niño inta lagu jiro xilliga Dayrta.

Dhammaad

Wixi faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

03/08/2026

Maamulka Gobolka Bakool oo uu wehliyo Xildhibaan Aadan, oo ka tirsan Golaha Wakiillada Dowladda Koonfur Galbeed, ayaa kulan la qaatay odayaasha dhaqanka ee gobolka.

Kulanka ayaa diiradda lagu saaray sidii loo xoojin lahaa wada-shaqeynta maamulka iyo bulshada, loona taageeri lahaa dowladda cusub ee Koonfur Galbeed. Sidoo kale, waxaa odayaasha dhaqanka lagu adkeeyey muhiimadda ay leedahay garab istaagga dowladda, ilaalinta nabadda, xasilloonida, iyo iskaashiga bulshada si loo dardargeliyo horumarka gobolka.

Dhammaad

Wixii faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

29/07/2026

Guddoomiyaha Gobolka Bakool Mudane Mohamed Ahmed Mohamed ayaa maanta dib ugu soo laabtay magaalada Xuddur, kadib safar shaqo oo uu maalmihii la soo dhaafay ugu maqnaa magaalada Baydhabo.

Dhammaad

Wixii faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

25/07/2026

Guddoomiyaha Gobolka Bakool mudane Mohamed Ahmed Mohamed, oo uu wehliyo Guddoomiyaha Degmada Ceel-berde, ayaa booqasho ugu tagay Wasiirka Wasaaradda Amniga Dowladda Koonfur Galbeed mudane Issack Mohamed Korsaar.

Dhammaad
Wixi faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

23/07/2026

Guddoomiyaha Gobolka Bakool mudane Mohamed Ahmed Mohamed, oo ay wehliyaan Guddoomiyaha Degmada Xudur Mudane Mohamed Moallim Ahmed iyo Guddoomiyaha Degmada Ceel-berde Mudane Abdirahman Ibrahim Khaire , ayaa booqasho uga tagay Wasiirka Wasaaradda Maaliyadda Dowladda Koonfur Galbeed.

Kulanka ayaa ahaa mid isbarasho iyo is xog-waraysi ku salaysan, waxaana diiradda lagu saaray sidii Wasaaradda Maaliyadda iyo Maamulka Gobolka Bakool u xoojin lahaayeen wada shaqaynta, loona dardargelin lahaa adeegyada iyo horumarinta maamulka maaliyadeed ee gobolka.

Mas'uuliyiinta ayaa adkeeyay muhiimadda iskaashiga joogtada ah ee u dhexeeya Wasaaradda Maaliyadda iyo Maamulka Gobolka si loo xaqiijiyo hufnaan, isla markaana loo dedejiyo adeegyada loo hayo bulshada.

Dhammaad

Wixii faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

22/07/2026

Guddoomiyaha Gobolka Bakool Mudane Maxamed Axmed Maxamed iyo Guddoomiyaasha Degmooyinka Xuddur, Ceel-berde iyo Rabdhuure ayaa magaalada Baydhabo kaga qayb galay kulan is-xog-waraysi iyo is-barasho ah oo ay la yeesheen Wasiirka Wasaaradda Arrimaha Gudaha, Dowladaha Hoose iyo Dib-u-heshiisiinta Dowladda Koonfur Galbeed.

Kulanka ayaa diiradda lagu saaray xoojinta wada-shaqeynta Wasaaradda iyo maamulada Degmooyinka iyo gobolada dardargelinta adeegyada dowladnimo, horumarinta dowladaha hoose, iyo sidii loo xoojin lahaa dadaallada nabadda iyo dib-u-heshiisiinta ee Gobolka Bakool.

Mas'uuliyiinta ayaa adkeeyay muhiimadda iskaashiga joogtada ah ee u dhexeeya Wasaaradda iyo maamullada heer gobol iyo degmo si loo horumariyo adeegyada loo fidiyo bulshada.

Dhammaad
Wixii faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

19/07/2026

Guddoomiyaha Gobolka Bakool mudane Mohamed Ahmed Mohamed ayaa magaalada Baydhabo kaga qayb galay daahfurka mashruuca Bulsho kaas oo uu daahfuray Hoggaamiyaha DKGS mudane Sheikh Adan Mohamed Nur Madoowe.

Dhammaad

Wixii faahfaahin ah la xariir
Abdullahi Mohammed Mohammud
Agaasimaha warfaafinta iyo xariirka Bulshada Gobolka Bakool

Address

Hudur Street
Xuddur
XARUNTAMAAMULKAGOBOLKABXAKOOL

Website

https://www.facebook.com/pg/MGBakool/about/

Alerts

Be the first to know and let us send you an email when Maamulka Gobolka Bakool posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Maamulka Gobolka Bakool:

Want your organization to be the top-listed Government Service in Xuddur?