فسيلة

19/01/2026

من جلسات فريق بلووم لدعم الناجيات والمحاربات لمرض السرطان ...بجلسات بلووم منتعلم نستمتع بحياتنا ونزهر من جديد🌷

16/01/2026

02/01/2026

لأن التصلّب اللويحي مو بس رحلة علاج… هي تجربة يومية بتحتاج دعم، فهم، ومساحة آمنة تحكي فيها بدون خوف أو حرج.
ومو دايمًا نلاقي أشخاص فعلاً "بيفهموا علينا" لانهم مامروا بتجربتنا

مشروع فسيلة يدعو مرضى التصلب اللويحي للانضمام إلى جلسة دعم أقران مجانية (مساحة بتجمع ناس عاشوا نفس التحديات، وبيعرفوا تمامًا شو يعني تعب، تغيّرات، خوف… وأمل.)

✨ ليش تحضر؟

* لأنك رح تحكي مع ناس بيمرّوا بنفس تجربتك وبيفهموك بدون ما تشرح كتير.
* لأنك رح تسمع قصص واقعية وتجارب فعليّة ممكن تغيّر نظرتك وتخفف عليك.
* لأنك رح تلاقي دعم نفسي ومعنوي يساعدك تتعامل مع يومك بطريقة أسهل.
* لأنك مو لحالك… وهاي الجلسة لتذكّرك بهالشي.
* ولأنها مساحة سرية وآمنة كل كلمة بتحكيها بتبقى بين أشخاص بيحترموا وجعك وتجربتك.

✨ شو رح تستفيد؟

* نصائح من أشخاص جرّبوا قبلُك وبيعرفوا شو بيساعد فعلاً.
* شعور بالراحة والانتماء.
* فرصة تفرّغ اللي جوّاتك بدون أحكام.
* طاقة جديدة ودعم حقيقي يكملك الأسبوع كله.

إذا حاسس إنك محتاج مكان ترتاح فيه… إذا عندك حكي مخبّى… أو حتى لو بس حابب تسمع —هاي الجلسة لإلك.

📆الثلاثاء ٦/١/٢٠٢٦
📍مركز فسيلة حلب الجديدة
🕰الساعة ٢ ظهرا
لتفاصيل أكتر التواصل على الرقم
٠٩٥٥٦٢٥٥٠٩

فسيلة

05/11/2025

لما الألم يتحول لطاقة نور وأريج العطور ...بكون الهدف مو بس شمع وألوان ...بصير دفا وأمل وروح...

18/10/2025

🎥✨
خلال عملنا بمبادرة بلووم كانت الأيدي الممدودة حولنا كثيرة…
ومن بين هالأيادي، كانت مؤسسة ومن أحياها 💚
اللي آمنت برسالة دعم الأقران، واحتضنت فكرتنا من بدايتها، ومدّت يد العون لتصير فسيلة اليوم مشروع حيّ ينبض بالأمل🌿

شكرًا من القلب لفريق ومن أحياها على دعمهم، احتوائهم، وإيمانهم العميق بأن كل فكرة طيبة تستحق أن تُروى لتنمو 🌱

وجودكم معنا ما كان مجرد دعم…
كان سببًا في استمرارنا🍃 وفي إنبات فسيلة من أرض الأمل.

#فسيلة

15/10/2025

:🌱 رؤيتنا في فسيلة

أن تصبح فسيلة مساحة آمنة وإنسانية، ينمو فيها الأمل من قلب

المعاناة ويجد فيها كل متألم صوتًا يُصغى إليه، وقلوبًا تُشبهه

ودعمًا يُعينه على المضي قدمًا نحو التعافي والطمأنينة

#فسيلة #مؤسسة #تعافي #طمأنينة #أمل

11/10/2025

🌿 مرحبًا بكم في فسيلة

من قلب التجربة والألم، وُلدت فسيلة… مساحة آمنة وإنسانية، ينمو فيها الأمل من قلب المعاناة، ويجد فيها كل متألم صوتًا يُصغى إليه، وقلوبًا تُشبهه، ودعمًا يُعينه على المضي نحو التعافي والطمأنينة
فسيلة هي أحد مشاريع #مؤسسة #ومن #أحياها، التي آمنت برسالة دعم الأقران وأهميتها، خاصة في الوقت الذي يحتاج فيه المنهكون نفسيًا وجسديًا إلى ملاذ آمن… حيث يجدون الإصغاء والأمان بعيدًا عن الأحكام والوصمة.

نؤمن أن كل تجربة، مهما كانت مؤلمة، يمكن أن تتحول إلى فسيلة تُثمر حياة وأملًا جديدًا 🌱
ومن هنا كانت 🌿فسيلة: لتجمع، وتُصغي، وتُمكّن، وتزرع الأمل في أرضٍ عطشى للرحمة.

تابعونا لتتعرفوا على رؤيتنا، قيمنا، وأهدافنا…
ولنزرع معًا فسائل الأمل في قلوب من يحتاجونها 🌸

#فسيلة #الأمل