مكتبة إيبلا - Ebla Library

18/08/2026

- ما هي الهوايات التي يمارسها أصحاب المكتبات ؟
+ تلزيق وتصليح العملة 😄

17/08/2026

السلام عليكم ورحمة الله الفيديو عبارة عن بث قرعة المسابقة و حديث عن الجامعات و انواعها والتسجيل فيها .. سمعونا ٱرائكم ❤️
https://www.facebook.com/share/v/1ZFwowP3CU/

17/08/2026

15/08/2026

صرلنا زمان ما حركنا الجو 🤗🔥
ومسابقتنا الجديدة وصلت! 🎉📚
🎁 الهدية: هذا الكتاب الجميل + بوك مارك مميز ❤️
📅 الموعد: يوم الاثنين
⏰ الساعة ٨ المسا
📺 عن طريق بث مباشر كالعادة 😉
شروط المشاركة: 1️⃣ الإعجاب بالصفحة والمنشور 👍
2️⃣ كتابة حكمة أو اقتباس أو آية أو حديث أو دعاء في التعليقات ✍️
3️⃣ تاغ لـ 5 من أصدقائك ضمن التعليق 👥
⚠️ ملاحظة: عدم تطبيق أي شرط يعني عدم تسجيل المشاركة في المسابقة.

13/08/2026

الافراح بدياركم دايماً عامرة ❤️

12/08/2026

خبر سار لحملة الاجازات الجامعية ..
تم إلغاء القرار 156 من قبل وزير التعليم العالي
وأصبح حامل شهادة الماجستير والدكتوراه من الجامعة الافتراضية السورية مؤهل للتدريس في الجامعات السورية

ترقبوا المفاضلة القادمة يلي رح تنزل بعد شهرين تقريباً و رح نكون ان شاء الله سند ومعاون الكم للتقديم عليها ومتابعة تحصيلكم الدراسي

10/08/2026

في جزء جديد عم ينكتب عن البؤساء .. بيحكي عن طلاب التاسع يلي من هلق عم يتخيلوا شو رح يعمل تطبيق النتائج فيهم متل ما عمل بالبكالوريا 😄

09/08/2026

يسعد اوقاتكم ❤️

بدي ٱخد من وقتكم شوي للمهتمين بالموضوع ضروري جداً .. لانو بتألف من نقطتين هامتين

الاولى

للأسف تم رفع اسعار وتكلفة الكتب الروائية والأدبية من المصادر ..
مما أثر على زيادات مختلفة بالكتب ( الجديدة ) حصرا و انا منزعج الصراحة جدا.. السبب هو فرض حقوق النشر على دور الطباعة
انا باعتقادي هيك قرارات غلط بالوقت الراهن

١ - لانو دخلنا ليس اوروبي وخليجي لنتعامل متلهن والناس مقدراتها المادية ضعيفة و صارت تفضل الpdf حتى ما تتكلف لحتى وصلوا لمرحلة نسيوا القراءة والمطالعة .. ونحنا حاولنا نكون موضوعيين باسعارنا حتى الناس تتشجع اكتر ..

٢ - لانو اصلا حركة القراءة تراجعت خلال سنوات الحرب و الناس لازمها تشجيع مو تصير تفكر القراءة رفاهية ( و رشة عطر بعد ما الواحد يلبس ) ...القراءة ضرورة

٣ - يفترض انو تتحمل دار النشر فقط دفع الامتياز من الكاتب و بالوقت نفسو حصر الطبع الها .. بس مو يطلع من جيوب الناس .. و تصير الافكار والخيال مصدر تجارة

طرأ تغير خفيف باسعار الجديد فقط ..
لكن المهم انو المستعمل و اجور الاستعارة و امتيازات بطاقة صديق المكتبة رح تبقى ثابتة ان شاء الله

النقطة التانية

في ملاحظة من بعض الناس المثقفين ( قولاً وفعلاً ) و الادباء بالمدينة خصوصا الاساتذة الكبار بالعمر والقدر ..
انو نسبة منيحة من الكتب المتوفرة هي الروايات وخصوصا الحديثة و في قلة بعرض الكتب الدسمة بمختلف انواعها ..
الاجابة :

١ - بالنسبة الي مجرد ما الشخص يبدا بالمطالعة حتى ولو روايات او قصص او حتى اي شي.. المهم عم يقرأ و عم يكافح تعفن الدماغ .. و بالايام بس تصير القراءة عندو عادة رح يختار طريق الميول يلي بحبها و يبلش يقرأ كتب تقيلة

٢ - ضعف القدرات المادية يلي ما بتسمح حاليا بهيك توسعة 😅

٣ - الفئة العمرية حاليا الاكثر شراء او استعارة للكتب هي فئة بين ١٧ ل ٣٥ .. فغالبا المتوفر هو ميول هي الشريحة العمرية ..

انا بتمنى يرجع المركز الثقافي يتفعل من جديد بالمدينة و يقدم خدماتو للجميع ويكون منارة لأهل المنطقة جميعاً ❤️ لكن لما كان هالحيز فارغ .. تم افتتاح مكتبتنا لنحاول نسد هاد الفراغ قدر الإمكان بدعمكم طبعا

كل الحب والاحترام لٱرائكم جميعا نتقبلها بصدر و رحب وتفهم كبير
المكتبة مستمرة دائما بتقديم الافضل للجميع ❤️

08/08/2026

مجموعة جديدة من عناوين مميزة 🌺😍

07/08/2026

صباح الخير 🤗 نصيحة صباحية
لا تنجر بسباق مع حدا ..

١ - مجموعو اعلى من مجموعك ليس بالضرورة انه اذكى او افهم منك .. اديسون مثلا
ممكن تتميز بتخصص جامعي متوسط وتصير مبدع بمجالك او بصنعتك ..

٢ - انك تقرأ كتاب او رواية و تفهمها افضل بكتير من قراءة سطحية فقط لأجل المنافسة مع حدا مين قرأ هالشهر كتب اكتر ..

٣ - تفهم و تتقن وتحفظ قواعد وكلمات اللغة الانكليزية افضل بكتير انك تضيع وقتك باتقان اللهجة البريطانية .. بطمنك غالبا ابعد من الايكاردا ما رح تشوف 😂

٤ - كذلك فهم و حفظ وتدبّر الٱيات الكريمة ومعانيها وتفاسيرها ( اعتقد حتى ما تصير فتوى 😅 ) افضل من الحفظ السطحي لأجل التباهي بكم جزء حافظ

الخلاصة : انت مانك بسباق مع حدا ... انجز عملك و اتقن صنعك و اجتهد على نفسك ..
والتفوق والانجاز بيصير تحصيل حاصل 🤗