Clicky

ຂ່າວສານ ແຮງງານ ແລະ ສະຫວັດດີກ

ຂ່າວສານ ແຮງງານ ແລະ ສະຫວັດດີກ ກະຊວງແຮງງານ ແລະ ສະຫວັດດີການສັງຄົມ, Min ກະຊວງແຮງງານ ແລະ ສະຫວັດດີການສັງຄົມ, Ministry of Labour and Social Welfare of Lao PDR,
ກະຊວງແຮງງານ ແລະ ສະຫວັດດີການສັງຄົມ , ກຳລັງແຮງງານ,
ຕະຫລາດແຮງງານ,
ຄຸ້ມຄອງແຮງງານ,
ປົກປ້ອງສັງຄົມ,
ແຮງງານເດັກ,
ຜູ້ພິການ, ຜູ້ດ້ອຍໂອກາດ, ກວດກູ້ລະເບີດທີຍັງບໍ່ທັນແຕກຕົກຄ້າງຢູ້ ສປປ ລາວ, ຮັບບໍລີຈາກເລືອດຊວ່ຍເຫຼືອສັງຄົມ.

เปิดเหมือนปกติ

05/05/2022

📢 ປະກາດຮັບ ພະນັກງານຂາຍ
📌ຈຳນວນ 1 ຕຳແໜ່ງ (ດ່ວນ)📌
👉ເງື່ອນໄຂ:
- ເພດຊາຍ, ອາຍຸ 22 - 28 ປີ, ( ໂສດ )
- ສະຖານທີ່ເຮັດວຽກ:​ ຄວບຄຸມຕະຫຼາດນະຄອນຫຼວງ
- ຈົບສາຍການກະເສດ
- ສາມາດສື່ສານພາສາອັງກິດໄດ້ (ຖ້າໄດ້ພາສາຈີນຈະພິຈາລະນາເປັນພິເສດ)
- ສຸຂະພາບແຂງແຮງດີ,​ ມີຄວາມມັກດ້ານການກະເສດ
- ມີເງິນເດືອນ+ເງິນອຸດໜູນອອກວຽກນອກ+ຄ່າທີພັກ+ຄ່ານຳ້ມັນ
+ເງິນໂທລະສັບ ລວມທັງໝົດ 4,400,000 ກີບ/ເດືອນ
👉ສົນໃຈສາມາດຕິດຕໍ່ໄດ້ທີ່:
☎️ 021 716 166, 030 996 9996 (ໂທໂມງລັດຖະການ)
WhatsApp: 020 9741 9962
______________________

ສ້າງຄວາມເຂັ້ມເເຂງວິຊາການຮັບຜິຊອບສູນຂໍ້ມູນຂ່າວສານສຳລັບແຮງງານເຄື່ອນຍ້າຍ (MRC) ແລະ ຈຸດບໍລິການຈັດຫາງານ 6 ແຂວງ..................
04/05/2022

ສ້າງຄວາມເຂັ້ມເເຂງວິຊາການຮັບຜິຊອບສູນຂໍ້ມູນຂ່າວສານສຳລັບແຮງງານເຄື່ອນຍ້າຍ (MRC) ແລະ ຈຸດບໍລິການຈັດຫາງານ 6 ແຂວງ.
...................................
ຊຸດຝຶກອົບຮົມການຢຸດຕິຄວາມຮຸນແຮງ ແລະ ການລ່ວງລະເມີດຢູ່ສະຖານທີ່ເຮັດວຽກ ວັນທີ 03-04 ພຶດສະພາ 2022 ທີ່ ເຮືອນຮັບແຂກ ກະຊວງ ຮສສ. ໂດຍການເປັນປະທານ ຂອງ ທ່ານ ນາງ ອານຸສອນ ຄຳສິງສະຫວັດ ຫົວໜ້າກົມພັດທະນາສີມືແຮງງານ ແລະ ຈັດຫາງານ. ໂດຍມີ ທ່ານ ວຽງປະສິດ ທິບພະສຸດາ ຜູ້ປະສານງານໂຄງການ Safe and Fair; ບັນດາທ່ານຜູ້ຕາງໜ້າຈາກສູນ MRC ແຂວງ ບໍ່ແກ້ວ, ຫລວງພະບາງ, ໄຊຍະບູລີ, ບໍລິຄຳໄຊ, ສະຫວັນນະເຂດ ແລະ ຈໍາປາສັກ ເຂົ້າຮວ່ມ.
ຊຸດຝຶກອົບຮົມການຢຸດຕິຄວາມຮຸນແຮງ ແລະ ການລ່ວງລະເມີດຢູ່ສະຖານທີ່ເຮັດວຽກ ແມ່ນເພື່ອສ້າງຄວາມເຂັ້ມແຂງ ແລະ ເພີ່ມຄວາມຮູ້ກ່ຽວກັບຄວາມສຳຄັນຂອງບັນຫາຄວາມຮຸນແຮງ ແລະ ການລ່ວງລະເມີດຢູ່ສະຖານທີ່ເຮັດວຽກ ໃຫ້ແກ່ຜູ້ຮັບຜິດຊອບສູນຂໍ້ມູນຂ່າວສານສຳລັບແຮງງານເຄື່ອນຍ້າຍ (MRC) ແລະ ຈຸດບໍລິການຈັດຫາງານ 6 ແຂວງ ປະກອບມີ ແຂວງ ບໍ່ແກ້ວ, ຫລວງພະບາງ, ໄຊຍະບູລີ, ບໍລິຄຳໄຊ, ສະຫວັນນະເຂດ ແລະ ຈໍາປາສັກ. ຊຸດຝຶກອົບຮົມດັ່ງກ່າວ ແມ່ນກິດຈະກຳຫນຶ່ງໃນແຜນງານໂຄງການເຄື່ອນຍ້າຍແຮງງານແບບປອດໄພ ແລະ ມີຄວາມຍຸຕິທໍາ (Safe and Fair Programme) ປີ 2022.
ທ່ານ ນາງ ອານຸສອນ ຄຳສິງສະຫວັດ ໄດ້ກ່າວີຄຳເຫັນເປີດຊຸດຝຶກອົບຮົມຄັ້ງນີ້ວ່າ: ໂຄງການເຄື່ອນຍ້າຍແຮງງານແບບປອດໄພ ແລະ ມີຄວາມຍຸຕິທໍາ ນີ້ເຫັນວ່າມີຄວາມສໍາຄັນ ແລະ ຈໍາເປັນທີ່ສຸດສໍາລັບ ສປປ ລາວ ໃນເງື່ອນໄຂປະຈຸບັນໃນຖານະທີ່ເປັນປະເທດສົ່ງ. ເນື່ອງຈາກໂຄງການດັ່ງກ່າວ ຈະສຸມໃສ່ເຮັດໃຫ້ແຮງງານເຄື່ອນຍ້າຍເພດຍິງໄດ້ຮັບການປົກປ້ອງ, ຄຸ້ມຄອງ ແລະ ຮັບຮູ້ສິດຂອງຕົນໂດຍຜ່ານການຮ່ວມມືຂອງລັດ ແລະ ອົງການຈັດຕັ້ງສາກົນ ທີ່ກ່ຽວຂ້ອງ ໃນການສ້າງແຜນງານ, ການພັດທະນາລະບົບການປົກປ້ອງ ແລະ ຄຸ້ມຄອງ ແລະ ການປັບປຸງນະໂຍບາຍ ຕ່າງໆ ທີ່ກ່ຽວຂ້ອງແນ່ໃສ່ເຮັດໃຫ້ແຮງງານເຄື່ອນຍ້າຍເພດຍິງມີສ່ວນຮ່ວມຫຼາຍຂຶ້ນໃນການພັດທະນາເສດ ຖະກິດສັງຄົມໃນຂົງເຂດ ແລະ ພາກພື້ນອາຊຽນ.
ຕອນທ້າຍ ທ່ານ ຍັງໄດ້ກ່າວໃນນາມຕາງໜ້າກະຊວງແຮງງານ ແລະ ສະຫວັດດີການສັງຄົມ ກໍຄືໃນນາມສ່ວນຕົວ ຕີລາຄາສູງ ແລະ ສະແດງຄວາມຂອບໃຈເປັນຢ່າງຍິ່ງຕໍ່ການສະໜັບສະໜູນຂອງສະຫະພາບອີຢູ ທີ່ໃຫ້ການຊ່ວຍເຫຼືອ ດ້ານວິຊາການ ແລະ ງົບປະມານເຊິ່ງເຮັດໃຫ້ໂຄງການດັ່ງກ່າວປະກົດຜົນເປັນຈິງ ໂດຍສະເພາະແມ່ນຊຸດຝຶກອົບຮົມໃນຄັ້ງນີ້. /
(ຂ່າວສານຮສສ)

"ເດີນທາງປອດໄພເດີນ້ອງໆ " ຕັ້ງໃຈເຮັດວຽກຫາເງິນມາສ້າງສາຄອບຄົວເຮືອນຊານໃຫ້ມີຊີວິດທີ່ດີຂື້ນ, ນຳເອົາຄວາມຮູ້ຄວາມສາມາດມາພັດທະນາບ້າ...
03/05/2022

"ເດີນທາງປອດໄພເດີນ້ອງໆ " ຕັ້ງໃຈເຮັດວຽກຫາເງິນມາສ້າງສາຄອບຄົວເຮືອນຊານໃຫ້ມີຊີວິດທີ່ດີຂື້ນ, ນຳເອົາຄວາມຮູ້ຄວາມສາມາດມາພັດທະນາບ້ານເມືອງເຮົາ ✌️✌️✌️
(ແອັດມິນ) ນຳເອົາພາບບັນຍາກາດການເດີນທາງຂອງແຮງງານທີ່ໄປເຮັດວຽກຢູ່ປະເທດເກົາຫລີໂດຍຜ່ານລະບົບອະນຸຍາດການຈ້າງງານ(E-9), ສູນບໍລິການຈັດຫາງານ ໄດ້ຈັດສົ່ງ ແຮງງານຈຳນວນທັງຫມົດ 76 ຄົນເດີນທາງໃນວັນທີ່ 28. 4. 2022 ທີ່ສະຫນາມບິນວັດໄຕ.
- ຂັ້ນການກວດກາຂອງສູນບໍລິການຈັດຫາງານໃນສະຫນາມບິນມີຄື: ການກວດກະເປົາສຳພາລະຂອງແຮງງານວ່າມີການນຳສິ່ງຕ້ອງຫ້າມໄປນຳຫລືບໍ່ ຫລື ສິ່ງຂອງທີ່ຕ້ອງໄດ້ແຈ້ງລ່ວງຫນ້າຢູ່ສະຫນາມບິນຕົ້ນທາງມີຫຍັງແນ່, ການຝຶກອົບຮົມກ່ອນຂື້ນໄປດ່ານກວດຄົນອອກເມືອງ(ການຕິດຕັ້ງແອພຕ່າງໆທີ່ທາງເກົາຫລີໃຫ້ຕິດຕັ້ງລ່ວງຫນ້າ, ຄວາມຮູ້ຮອບຕົວຕ່າງໆທີ່ຈຳເປັນຕໍ່ກັບແຮງງານທີ່ຫາກໍຂື້ນຍົນເປັນຄັ້ງທຳອິດ ) , ພ້ອມທັງ ຫວັງວ່າຈະເຫັນຊາວຫນຸ່ມລາວ ຈຳນວນຫລາຍທີ່ກຳລັງຊອກວຽກມາສະຫມັກ ແລະ ເດີນທາງໄປເຮັດວຽກຢູ່ເກົາຫລີໂດຍຜ່າລະບົບອະນຸຍາດການຈ້າງງານໃນຈຳນວນທີ່ຫລາຍຂື້ນເລື້ອຍໆ.
ໝາຍເຫດ: ສອບຖາມຂໍ້ມູນເພີ່ມເຕີ່ມໄດ້ທີ່ເບີ 021 250993, 020 99270102 (ສຳລັບໂມງລັດຖະການ)

ເພື່ອຕ້ອນຮັບວັນທີ 1 ພຶກສະພາ ວັນກຳມະກອນສາກົນ ຄົບຮອບ 136 ປີ , ສາມອົງການຈັດຕັ້ງງມະຫາຊົນ, ກຳມະການ,ຊາວໜຸ່ມ,ແມ່ຍິງ ກະຊວງ ຮສສ ,...
03/05/2022

ເພື່ອຕ້ອນຮັບວັນທີ 1 ພຶກສະພາ ວັນກຳມະກອນສາກົນ ຄົບຮອບ 136 ປີ , ສາມອົງການຈັດຕັ້ງງມະຫາຊົນ, ກຳມະການ,ຊາວໜຸ່ມ,ແມ່ຍິງ ກະຊວງ ຮສສ , ອອກແຮງງານລວມຢູ່ຕືກກະຊວງໃໝ່ .

ສ້າງຂະບວນບໍລິຈາກເລືອດ ໂອກາດວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 67 ປີຂປລ. ວັນທີ 29 ເມສາ 2022 ນີ້, ສູນກາງຊາວໜຸ່ມປະຊ...
03/05/2022

ສ້າງຂະບວນບໍລິຈາກເລືອດ ໂອກາດວັນສ້າງຕັ້ງ
ຊາວໜຸ່ມປະຊາຊົນປະຕິວັດລາວ ຄົບຮອບ 67 ປີ

ຂປລ. ວັນທີ 29 ເມສາ 2022 ນີ້, ສູນກາງຊາວໜຸ່ມປະຊາຊົນປະຕິວັດລາວ ຮ່ວມກັບ ອົງການກາແດງແຫ່ງຊາດລາວ ຈັດຂະບວນການຊາວໜຸ່ມອາສາສະໝັກ ຕະລຸມບອນບໍລິຈາກເລືອດ ເພື່ອສະເຫລີມສະຫລອງວັນສ້າງຕັ້ງ ຄະນະຊາວໜຸ່ມ ປະຊາຊົນປະຕິວັດລາວ ຄົບຮອບ 67 ປີ ພາຍໃຕ້ຫົວຂໍ້:“67 ປີມີໄຊ ຊາວໜຸ່ມລາວຜູ້ສືບທອດ ອາດຫານຂານອາສາ ບໍລິຈາກເລືອດ” ຢູ່ທີ່ສູນການຄ້າລາວ-ໄອເຕັກມໍ, ນະຄອນຫລວງວຽງຈັນ ໂດຍການເປັນປະທານຂອງທ່ານ ນວນທອງ ສຸວັນວິໄຊ ຮອງເລຂາ ຄະນະບໍລິຫານງານສູນກາງ ຊາວໜຸ່ມປະຊາຊົນປະຕິວັດລາວ, ທ່ານ ສິງ ເມໂນລາດ ຮອງປະທານອົງການການແດງແຫ່ງຊາດລາວ, ມີບັນດາພາກສ່ວນກ່ຽວຂ້ອງຕ່າງໆ ເຂົ້າຮ່ວມຢ່າງເປັນຂະບວນຟົດຟື້ນ.
ຂະບວນການຄັ້ງນີ້, ຍັງເປັນກິດຈະກໍາສຶກສາອົບຮົມຄົນຮຸ່ມໜຸ່ມ ໃຫ້ຮູ້ມູນເຊື້ອແຫ່ງຄວາມສາມັກຄີ, ນໍ້າໃຈອາດຫານ ແລະ ຄວາມເສຍສະຫລະ ດ້ວຍຈິດໃຈຂານອາສາສະໝັກບໍລິຈາກເລືອດຊ່ວຍເຫລືອສັງຄົມ ແລະ ກຽມພ້ອມຮັບໃຊ້ປະເທດຊາດ, ທັງເປັນການແກ້ໄຂບັນຫາການຂາດແຄນເລືອດ ແລະ ຕອບສະໜອງເລືອດໃຫ້ພຽງພໍ ເພື່ອນໍາໃຊ້ເຂົ້າໃນການປິ່ນປົວຄົນເຈັບຢູ່ຕາມໂຮງໜໍຕ່າງໆ ໃນຂອບເຂດທົ່ວປະເທດ. ເລືອດ ເປັນສິ່ງທີ່ມີຄວາມຈໍາເປັນທີ່ສຸດຕໍ່ຊີວິດຂອງມະນຸດເຮົາ, ປັດຈຸບັດ ຍັງມີຫລາຍໆຊີວິດຢູ່ໃນໂລກ ເວົ້າລວມ, ເວົ້າສະເພາະ ກໍແມ່ນຢູ່ປະເທດລາວເຮົາ ທີ່ອາໃສການໃສ່ເລືອດເພື່ອຄວາມຢູ່ລອດຂອງຊີວິດ ແລະ ນະໂຍບາຍຂອງລັດຖະບານລາວ ຕໍ່ກັບການບໍລິຈາກເລືອດ ໄດ້ເນັ້ນໃສ່ການປຸກລະດົມການບໍລິຈາກເລືອດແບບສະໝັກໃຈ ບໍ່ຮຽກຮ້ອງສິ່ງຕອບແທນ. ໃນນັ້ນ ຂະບວນການອາສາສະໝັກ ຊາວໜຸ່ມບໍລິຈາກເລືອດ ແມ່ນຂະບວນການໜຶ່ງທີ່ມີບົດບາດ ສໍາຄັນຫລາຍໃນສັງຄົມ ໂດຍສະເພາະຕໍ່ການບໍລິຈາກເລືອດ ເພື່ອຊ່ວຍເຫລືອຊີວິດຂອງເພື່ອນມະນຸດດ້ວຍກັນ.
ຕາມສະຖິຕີການບໍລິຈາກເລືອດຢູ່ ສປປ ລາວ ໃນປີຜ່ານມາ ເຫັນວ່າອາສາສະໝັກຊາວໜຸ່ມ-ໄວໜຸ່ມ ແມ່ນເປັນກໍາລັງແຮງໃນການບໍລິຈາກເລືອດທີ່ກວມເອົາເຄິ່ງໜຶ່ງ ຂອງການບໍລິຈາກເລືອດແຫ່ງຊາດໃນແຕ່ລະປີ ເຊິ່ງມີຫລາຍກົມກອງສາມາດພົ້ນເດັ່ນຊອກໄດ້ວຽກດີຄົນເດັ່ນ ໂດຍສະເພາະ ໄດ້ມີຕົວແບບຊາວໜຸ່ມອາສາສະໝັກບໍລິຈາກເລືອດ.
ຂ່າວ: ສຸພາສະຫວັນ
ພາບ: ຂັນໄຊ

ສະບາຍດີ! ບໍລິສັດສະຫວັນບໍລິການຈັດຫາງານຕ້ອງການຮັບແຮງງານລະດູການ 5 ເດືອນໄປເຮັດວຽກຢູ່ເກົາຫລີ🇰🇷🇰🇷 👉🇰🇷ຮັບດ່ວນຈຳນວນ200ຄົນ🇰🇷 👉ເງິ...
03/05/2022

ສະບາຍດີ! ບໍລິສັດສະຫວັນບໍລິການຈັດຫາງານ
ຕ້ອງການຮັບແຮງງານລະດູການ 5 ເດືອນໄປເຮັດວຽກຢູ່ເກົາຫລີ🇰🇷🇰🇷
👉🇰🇷ຮັບດ່ວນຈຳນວນ200ຄົນ🇰🇷
👉ເງິນເດືອນເລີ່ມຕົ້ນ1600$-2000$ ບໍ່ໄດ້ນັບ OT
👉ໜ້າວຽກແມ່ນຂະແໜງການກະເສດ
👉ເຮັດວຽກ8ຊົ່ວໂມງ/ມື້
✔ເງື່ອນໄຂ້ຜູ້ສະໝັກ
👨‍👩‍👧 ອາຍຸ 30-50ປີ
○ບໍ່ຈຳກັດປະເພດ ( ຄູ່ຜົວເມຍກໍ່ໄດ້ )
○ສຸຂະພາບແຂງແຮງ, ຫ້າວຫັນ
○ຕາເຫັນແຈ້ງ, ຕາບໍ່ບອດສີ
○ເປັນຄົນດີບໍ່ເຄີຍມີໂທດມາກ່ອນ,ບໍ່ເສບຢາເສບຕິດ
✔ເອກະສານຕ້ອງມີ:
●ສຳມະໂນຄົວ ( ສຳເນົາສີ 1ຊຸດ )
●ບັດປະຈຳຕົວ ( ສຳເນົາສີ1 ສະບັບ)
●ໃບຢັ້ງຢືນທີ່ຢູ່ ( ສະບັບແທ້ 1ຊຸດ)
●ໃບແຈ້ງໂທດ ( ສະບັບແທ້1ຊຸດ )
●ຮູບ 3,5×4,5 ແລະ 4×6 ເປັນ 1ຊຸດ
●ບັດສັກວັກຊີນ (ໃຫ້ຄົບ 3ເຂັ້ມຂື້ນໄປ)
ເຂົ້າມາສະໝັກໂດຍຕົງທີ່ບໍລິສັດ, ເພາະຈະມີການກວດສຸພາບຢູ່ທີບໍລິສັດ
ສະຖານທີ: ບໍລິສັດສະຫວັນບໍລິການຈັດຫາງານ, ບ.ສົມສະຫງ່າ, ຮອມ4, ມ.ໄຊເສດຖາ, ນະຄອນຫລວງວຽງຈັນ
ຊອກຖາມຂໍ້ມຸນເພີ່ມເຕີມໄດ້
📞0305658802
📞0305658803
ຂໍໃຫ້ໂທມາພາຍໃນໂມງທາງລັດຖະການເທົ່ານັ້ນເດີ😊😍
ບໍ່ສະດວກຮັບສາຍນອກໂມງລັດຖະການ

ທ່ານ ຮອງ​ລັດ​ຖະ​ມົນ​ຕີ​ກະ​ຊວງ ຮ​ສ​ສ ເຂົ້າ​ຮ່ວມກອງ​ປະ​ຊຸມຄະ​ນະ​ກຳ​ມະ​ການ​ຄຸ້ມຄອງ​ໄພ​ພິ​ບັດ ແຂວງ​ໄຊ​ຍະ​ບູ​ລີ ປະ​ຈຳ​ປີ 2021...
29/04/2022

ທ່ານ ຮອງ​ລັດ​ຖະ​ມົນ​ຕີ​ກະ​ຊວງ ຮ​ສ​ສ ເຂົ້າ​ຮ່ວມ
ກອງ​ປະ​ຊຸມຄະ​ນະ​ກຳ​ມະ​ການ​ຄຸ້ມຄອງ​ໄພ​ພິ​ບັດ ແຂວງ​ໄຊ​ຍະ​ບູ​ລີ ປະ​ຈຳ​ປີ 2021.
................

ໃນ​ວັນ​ທີ 28 ເມ​ສາ 2022 ຜ່ານ​ມາ, ທ່ານ ລີ​ປາ​ວ​ຢ່າງ ຮອງ​ລັດ​ຖະ​ມົນ​ຕີ​ກະ​ຊວງ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ໄດ້​ເຂົ້າ​ຮ່ວມກອງປະຊຸມຄະ​ນະ​ກຳ​ມະ​ການ​ຄຸ້ມຄອງ​ໄພ​ພິ​ບັດ ແຂວງ​ໄຊ​ຍະ​ບູ​ລີ ປະ​ຈຳ​ປີ 2021 ແລະ ໄດ້​ມີ​ຄວາມ​ເຫເຫັນເນັ້ນບັນຫາສຳຄັນ ດັ່ງ​ນີ້:
1. ການ​ປ້ອງ​ກັນ ແລະ ຫລຸດ​ຜ່ອນ​ຄວາມ​ສ່ຽງ​ໄພ​ພິ​ບັດ ໃຫ້ເອົາໃຈໃສ່ຕິດຕາມສະພາບອາກາດ ຈາກແຫຼ່ງຂໍ້ມູນຕ່າງໆ ເປັນຕົ້ນ ແມ່ນກົມອຸຕຸນິຍົມ ແລະ ອຸທົກກະສາດ, ຄະນະກຳມະການຄຸ້ມຄອງໄພພິບັດຂັ້ນຕ່າງໆ ໂດຍມີການແຈ້ງເຕືອນລ່ວງໜ້າ​ເປັນ​ລັກ​ລາຍ​ອັກ​ສອນໄປ​ສູ່ເຂດ​ພື້ນ​ທີ່​ສ່ຽງ ​ໃຫ້ທັນກັບສະພາບການ. ພ້ອມ​ກັນ​ນັ້ນ, ກໍ​ໃຫ້ປະສານສົມທົບກັບ​ພາກ​ສ່ວນ​ກ່ຽວ​ຂ້ອງໃນການບໍລິຫານຈັດການນໍ້າ ຢູ່ອ່າງຮັບນໍ້າຕ່າງໆ ລວມທັງ ນໍ້າຢູ່ບັນດາເຂື່ອນພະລັງງານນໍ້າ ດ້ວຍການເພີ່ມມາດຕະການຄຸ້ມຄອງ ແລະ ຄວບຄຸມ ໃຫ້​ມີ​ປະ​ສິດ​ທິ​ຜົນ.
2. ການ​ຄວບ​ຄຸມ/ການ​ຕອບ​ໂຕ້ ສະເໜີໃຫ້ສືບຕໍ່ເພີ່ມທະວີຂອດການປະສານງານ ແລະ ປະສານສົມທົບແໜ້ນ ລະຫວ່າງ ຄະນະກໍາມະການຄຸ້ມຄອງໄພພິບັດຂັ້ນແຂວງ ແລະ ສູນກາງ, ແຂວງ ແລະ ເມືອງ ໃນການຈັດຕັ້ງປະຕິບັດວຽກງານຄຸ້ມຄອງໄພພິບັດ ໂດຍຖືເອົາກົນໄກການປະສານງານ ແລະ ການລາຍງານສະ​ພາບ​ການ​ທີ່​ເກີດ​ຂຶ້ນໃຫ້ ຄະນະກໍາມະການຄຸ້ມຄອງໄພພິບັດ ແຕ່​ລະ​ຂັ້ນ ໃຫ້​ທັນ​ການ; ປັດ​ຈຸ​ບັນ, ​ເລີ່ມ​ເຂົ້າ​ລະ​ດູ​ຝົນ​ແລ້ວ, ສະ​ເໜີ​ໃຫ້ ເພີ່ມ​ທະ​ວີ​ຄວາມ​ເອົາ​ໃຈ​ໃສ່ ປະ​ຕິ​ບັດ​ບົດ​ບາດ​ເປັນ​ເສ​ນາ​ທິ​ການ ໃຫ້​ແກ່​ຄະ​ນະ​ກຳ​ມະ​ການ​ຄຸ້ມ​ຄອງ​ໄພ​ພິ​ບັດ ຂັ້ນ​ແຂວງ ໂດຍ​ໃຫ້​ມີ​ແຜນ​ຮອງ​ຮັບກະ​ກຽມ​​ການ​ຕອບ​ໂຕ້​ກັບ​ໄພ​ພິ​ບັດ​ທີ່​ອາດ​ຈະ​ເກີດ​ຂຶ້ນ ຢ່າງ​ທັນ​ການ ເປັນ​ຕົ້ນ: ກຳ​ລັງ​ພົນ, ວັດ​ຖຸ, ທຶນ​ຮອນ, ພາ​ຫະ​ນະ ທີ່​ຈຳ​ເປັນ ເພື່ອ​ຮັບ​ໃຊ້​ວຽກ​ດັ່ງ​ກ່າວ.
3. ການ​ຟື້ນ​ຟູ​ຫລັງ​ໄພ​ພິ​ບັດ ຖ້າ​ຫາກ​ກໍ​ລະ​ນີ​ມີ​ເຫດ​ການ​ໄພ​ພິ​ບັດ​ເກີດ​ຂຶ້ນ ກໍ່​ຕ້ອງ​ມີ​ການ​ປະ​ສານ​ສົມ​ທົບ, ​ເກັບ ກຳຂໍ້​ມູນ ແລະ ໃຫ້​ການ​ຊ່ວຍ​ເຫລືອ​ສຸກ​ເສີນ​ໃຫ້​ທັນ​ການ ໂດຍ​ການ​ຍົກ​ຍ້າຍ​ປະ​​ຊາ​ຊົນ, ຊັບ​ສິນ ແລະ ສັດ​ລ້ຽງ ໄປ​ສູ່​ເຂດ​ມີ​ຄວາມ​ປອດ​ໄພ ທີ່​ຄະ​ນະ​ກຳ​ມະ​ການ​ຄຸ້ມ​ຄອງ​ໄພ​ພິ​ບັດ​ໄດ້​ກຳ​ນົດ​ໄວ້ ພ້ອມ​ທັງ​ສະ​ໜອງ​ອາ​ຫານ, ນ້ຳ​ດື່ມ, ນ້ຳ​ໃຊ້ ແລະ ການ​ບໍ​ລິ​ການ​ດ້ານ​ອື່ນໆ ທີ່​ຈຳ​ເປັນ ໃຫ້​ທັນ​ການ;
4. ການ​ສ້າງ​ຕັ້ງ​ກອງ​ທຶນ​ຄຸມ​ຄອງ​ໄພ​ພິ​ບັດ​ຂັ້ນ​ແຂວງ ໃຫ້​ສືບ​ຕໍ່​ຜັນ​ຂະ​ຫ​ຍາຍ ນິ​ຕິ​ກຳ ຂອງ​ຄະ​ນະ​ກຳ​ມະ​ການ​ຄຸ້ມ​ຄອງ​ໄພ​ພິ​ບັດ​ຂັ້ນ​ສູນ​ກາງ ໃຫ້​ເປັນ​ອັນ​ລະ​ອຽດ ແລະ ສືບຕໍ່​ປຸກ​ລະ​ດົມ​ໃຫ້​ສັງ​ຄົມມີສ່ວນຮ່ວມ ແລະ ປະກອບສ່ວນ​ສະ​ນັບ​ສະ​ໜູນ​ດ້ານ​ທຶນ ແລະ ເຄື່ອງ​ອຸ​ປະ​ໂພກ-ບໍ​ລິ​ໂພກ​ເຂົ້າ​ໃນ​ວຽກ​ງານນີ້ໃຫ້ຫຼາຍ ພ້ອມ​ທັງ​ຄຸ້ມ​ຄອງ​ໃຫ້​ດີ ນຳ​ເອົາ​ການ​ຊ່ວຍ​ເຫລືອ​ໄປ​ສູ່​ເປົ້າ​ໝາຍ​ທີ່​ແທ້​ຈິງ%
(ຂ່າວສານຮສສ)

ທ່ານ ຮອງ​ລັດ​ຖະ​ມົນ​ຕີ​ກະ​ຊວງ ຮ​ສ​ສ ເນັ້ນ​ໃຫ້ພະ​ແນກ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ເອົາ​ໃຈ​ໃສ່ 5 ບັນ​ຫາໃນ​ວັນ​ທີ 27 ...
29/04/2022

ທ່ານ ຮອງ​ລັດ​ຖະ​ມົນ​ຕີ​ກະ​ຊວງ ຮ​ສ​ສ ເນັ້ນ​ໃຫ້
ພະ​ແນກ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ເອົາ​ໃຈ​ໃສ່ 5 ບັນ​ຫາ

ໃນ​ວັນ​ທີ 27 ເມ​ສາ 2022 ຜ່ານ​ມາ, ທ່ານ ລີ​ປາ​ວ​ຢ່າງ ຮອງ​ລັດ​ຖະ​ມົນ​ຕີ​ກະ​ຊວງ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ໄດ້​ເຂົ້າ​ຮ່ວມກອງປະຊຸມແຮງງານ ແລະ ສະຫວັດດີການສັງຄົມ ຂອງ ພະ​ແນກ ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ແຂວງ​ໄຊ​ຍະ​ບູ​ລີ ແລະ ໃນ​ໂອ​ກາດດັ່ງ​ກ່າວ ທ່ານ​ໄດ້ມີ​ຄວາມ​ເຫັນ​ເນັ້ນໜັກ ໃຫ້​ຄະ​ນະ​ນຳ ແລະ ​ພະ​ນັກ​ງານ-ລັດ​ຖະ​ກອນ ພະ​ແນກ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ແຂວງ​ໄຊ​ຍະ​ບູ​ລີ ເອົາ​ໃຈ​ໃສ່ 5 ບັນ​ຫາ ດັ່ງ​ນີ້:
1. ສືບ​ຕໍ່​ເພີ່ມ​ທະ​ວີ​ການ​ສຶກ​ສາ​ອົບ​ຮົມ​ການ​ເມືອງ-ແນວ​ຄິດ ໃຫ້​ພະ​ນັກ​ງານ​ທົ່ວ​ພະ​ແນກແຮງ​ງານ ແລະ ສະ​ຫວັດ​ດີການ​ສັງ​ຄົມຂອງ​ແຂວງ ໃຫ້ມີຄວາມຈົ່ງຮັກພັກດີ, ມີຄວາມ​ຮັບ​ຜິດ​ຊອບ​ຕໍ່​ໜ້າ​ທີ່ ທີ່ໄດ້ຮັບການມອບໝາຍ, ຖືເອົາຜົນປະໂຫຍດຂອງປະ​ຊາ​ຊົນເປັນກົກ, ເດັດ​ດ່ຽວ​ແກ້​ໄຂ​ບັນ​ຫາ​​ການເສື່ອມ​ຖອຍ​ດ້ານ​ມາ​ນະ​ຈິດ​ປະ​ຕິ​ວັດ, ສ້າງ​ການ​ຫັນ​ປ່ຽນ​ດ້ວຍ​ຕົນ​ເອງ ພ້ອມ​ກັນ​ປັບ​ປຸງວຽກ​​ຂົງ​ເຂດ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມໃຫ້​ມີ​ຄວາມ​ເຂັ້ມ​ແຂງກວ່າ​ເກົ່າ; ຕ້ອງປັບປຸງ ແລະ ເຮັດໃຫ້ກົງຈັກ ກະທັດຮັດ, ສົມເຫດສົມຜົນ ແລະ ມີປະສິດທິຜົນ​ຕົວ​ຈິງ ເຮັດ​ໃຫ້ການ​ຈັດ​ຕັ້ງ​ມີ​ຄວາມ​ໜັກ​ແໜ້ນ, ເຂັ້ມ​ແຂງ, ລັດ​ຖະ​ກອນຕ້ອງ​ເຮັດ​ວຽກໃຫ້ໄດ້ຫຼາຍ, ໃຫ້​ດີ, ວ່ອງ​ໄວ ແລະ ທັນ​ການ ຖືກຕ້ອງຕາມກົດໝາຍ, ສົ່ງເສີມໃຫ້ພະນັກງານຜູ້ມີຫົວຄິດປະດິດສ້າງ, ມີແນວຄິດກ້າວໜ້າ, ມີ​ຄວາມ​ຮັບ​ຜິດ​ຊອບ​ຕໍ່​ໜ້າ​ທີ່​ວຽກ​ງານ ພ້ອມ​ກັນແຂ່ງຂັນສ້າງຜົນງານໃຫ້ເປັນຂະບວນການຢ່າງຟົດຟື້ນ.
2. ສືບຕໍ່ຈັດ​ຕັ້ງ​ຜັນ​ຂະ​ຫ​ຍາຍ​​ແຜນ​ປະ​ຕິ​ບັດ​ງານວາ​ລະ​ແຫ່ງ​ຊາດ​ຂົງ​ເຂດ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ໂດຍ​ທີ່ການ​ນຳ​ແຕ່​ລະ​ຂັ້ນ ຕ້ອງ​ເຂົ້າ​ໃຈ ແລະ ມີ​ທັດ​ສະ​ນະ​ທີ່​ຖຶກ​ຕ້ອງ, ເດັດ​ດ່ຽວ ກ້າ​ເບິ່ງ​ບັນ​ຫາ​ຢ່າງ​ຊື່​ຕົງ ແລະ ແກ​້​ໄຂ​ບັນ​ຫາ​ຢ່າງ​ພາ​ວະ​ວິ​ໄສ ໂດຍ​ໃຊ້​ມາດ​ຕະ​ການ​ທີ່​ເຂັ້ມ​ງວດ ແລະ ເດັດ​ຂາດ. ສຳ​ລັບ​ພະ​ແນກແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ຈະ​ຕ້ອງສຸມໃສ່​ພັດທະນາກໍາລັງແຮງງານໃຫ້ມີສີມື, ມີຄວາມຫຼາກຫຼາຍວິຊາຊີບ, ມີຄວາມຊໍານານງານ, ມີລະບຽບວິໃນ ເພື່ອ​ສະ​ໜອງ​ຄວາມ​ຕ້ອງ​ການ​ຕົວ​ຈິງ​ຂອງ​ຕະ​ຫລາດ​ແຮງ​ງານ ແລະ ບັນ​ດາ​ໂຄງ​ການ​ລົງ​ທຶນ​ຕ່າງ​ປະ​ເທດ, ມີວຽກເຮັດງານທໍາທີ່ໝັ້ນທ່ຽງ ແລະ ມີລາຍໄດ້ສູງຂື້ນ; ໃຫ້​ການ​ຮ່ວມ​ມື​ກັບ​ພາກ​ທຸ​ລະ​ກິດ ຕາມ​ທີ່​ໄດ້​ຕົກ​ລົງ​ກັນ​ແລ້ວ ພັດທະນາລະ ບົບຖານຂໍ້ມູນຂ່າວສານຕະຫຼາດແຮງງານ​ໃຫ້ມີຄວາມທັນ​ສະ​ໄໝ, ສາມາດສະໜອງຂໍ້ມູນ ໃນການດັດສົມກໍາລັງແຮງງານ, ໃນການຈັດ​ຫາ​ວຽກເຮັດງານທໍາ ໃຫ້ສົມສ່ວນກັບຄວາມຕ້ອງການຂອງຕະຫຼາດແຮງງານ ທັງ​ສາ​ມາດ​ເຊື່ອມ​ໂຍງ​ຂໍ້​ມູນ​ແຮງ​ງານ ໃຫ້​ຂະ​ແໜງ​ການ​ເງິນ ສາ​ມາດ​ເກັບ​ອາ​ກອນ​ລາຍ​ໄດ້​ໃຫ້​ຄົບ​ຖວ້ນ; ​ຕັ້ງ​ໜ້າ​ຈັດ​ຕັ້ງ​ຜັນ​ຂະ​ຫ​ຍາຍ​ຍຸດ​ທະ​ສາດສົ່ງເສີມ​ການ​ມີວຽກເຮັດງານທໍາໃນຊົນນະບົດ, ຍົກສູງຜະລິດຕະພາບແຮງງານ ແລະ ມີລາຍຮັບໃຫ້ສູງຂື້ນ ໂດຍຕິດພັນກັບ ການສ້າງກຸ່ມການຜະລິດ, ສະຫະ ກອນ, ການຜະລິດກະສິກໍາ, ຫັດຖະກໍາ, ຜະລິດຕະພັນໃຊ້ສອຍ, ສະບຽງອາຫານ, ທຸລະກິດຂະໜາດນ້ອຍ, ການບໍລິການ ແລະ ການທ່ອງທ່ຽວທໍາມະຊາດ ເພື່ອໃຫ້ແຮງງານໃນຊົນນະບົດໄດ້ຮັບການພັດ ທະນາຢ່າງຕໍ່ເນື່ອງ ທັງເປັນການແກ້ໄຂແຮງງານເຮັດວຽກຕາມລະດູການ, ແຮງງານເຮັດວຽກເພື່ອຊົມ ໃຊ້ໃນຄົວເຮືອນ, ແຮງງານເຄື່ອນຍ້າຍຈາກຊົນນະບົດເຂົ້າສູ່ຕົວເມືອງ ແລະ ແຮງງານທີ່ກັບມາຈາກຕ່າງ ປະເທດ.
3. ສືບ​ຕໍ່ສ້າງ​ຄວາມ​ເຂັ້ມ​ແຂງ​ໃຫ້​ແກ່​ອົງການ​ສາມ​ຝ່າຍໃນການສົ່ງ​ເສີມສາຍ​ພົວພັນ​ແຮງ​ງານ ​ເພື່ອ​ປົກ​ປ້ອງສິດຜົນ​ປະ​ໂຫຍດ​ ຂອງ​ຜູ້​ໃຊ້​​ແຮງ​ງານ ແລະ ຜູ້​ອອກ​ແຮງ​ງານ​ ໃຫ້​ຖືກຕ້ອງ​ຕາມ​ກົດໝາຍ ​ແລະ ລະບຽບ​ການ, ປັບປຸງ​ລະບົບ​​ການແກ້ໄຂຂໍ້​ຂັດ​ແຍ່ງ​ແຮງ​ງານ ແລະ ການປົກປ້ອງສິດຜົນປະໂຫຍດຂອງກຸ່ມແຮງງານທີ່ມີຄວາມສ່ຽງ ໃຫ້ມີຄວາມສະ​ເໝີ​ພາບໃນການເຮັດວຽກ ແລະ ​ບໍ່​ຈຳ​ແນ​ກໃນ​ສະ ຖານ​ທີ່​ເຮັດ​ວຽກ, ຄຸ້ມຄອງແຮງ​ງານ​ລາວ​ທີ່​ເຮັດ​ວຽກ​ຢູ່​ຕ່າງປະ​ເທດ ແລະ ແຮງ​ງານ​ຕ່າງປະ​ເທດ​ທີ່​ເຮັດ​ວຽກ​ຢູ່ ລາວ ຕາມຄວາມຕ້ອງການຂອງສາຂາອາຊີບ ທີ່ຈຳເປັນ ໂດຍໃຫ້ປະຕິບັດພັນທະຕ່າງໆໃຫ້ລັດ ຢ່າງຖືກຕ້ອງ, ຫຼຸດຜ່ອນການຍາດວຽກເຮັດງານທໍາຂອງແຮງງານລາວ;
4. ພັດທະນາລະບົບປະກັນສັງຄົມໃຫ້ມີຄວາມເຂັ້ມແຂງ ແລະ ມີປະສິດທິພາບ ສາມາດໃຫ້ຜູ້ອອກແຮງງານ ທັງໃນ ແລະ ນອກລະບົບເຂົ້າເຖິງການປະກັນຕົນຢ່າງກວ້າງຂວາງ ແລະ ມີປະສິດທິຜົນກວ່າເກົ່າ ພ້ອມທັງປັບປຸງກົນໄກການຄຸ້ມຄອງ ແລະ ການບໍລິຫານກອງທຶນປະກັນສັງຄົມແຫ່ງຊາດ ໃຫ້ມີຄວາມຍືນຍົງ; ປະຕິບັດນະໂຍບາຍສະແດງຄວາມກະຕັນຍູຮູ້ບຸນຄຸນ ຕໍ່ຜູ້ມີຜົນງານໃນພາລະກິດການປະຕິວັດຕາມກຸ່ມເປົ້າໝາຍທີ່ເປັນບູລິມະສິດ ໃຫ້ສໍາເລັດໄວຂື້ນ; ປົກປ້ອງສິດ ແລະ ຜົນປະໂຫຍດ ຂອງເດັກດ້ອຍໂອກາດ, ເດັກທີ່ຕ້ອງການປົກປ້ອງພິເສດ, ຜູ້ພິການ ແລະ ອາຍູສູງທີ່ປ່ຽວພອຍ ເພື່ອພັດທະນາຊີວິດການເປັນຢູ່ຂອງເຂົາເຈົ້າໃຫ້ດີຂື້ນ; ປັບປຸງລະບົບສັງຄົມສົງເຄາະ ແລະ ການບັນເທົາທຸກໃຫ້ປະຊາ ຊົນຜູ້ທຸກຍາກ ແລະ ຜູ້ປະສົບໄພພິບັດຕ່າງໆ ໂດຍສົ່ງເສີມໃຫ້ສັງຄົມເຂົ້າມາມີສ່ວນຮ່ວມຢ່າງກວ້າງ ຂວາງ;
5. ສືບຕໍ່ເອົາໃຈໃສ່ການຄຸ້ມຄອງບໍລິຫານວຽກງານແຮງງານ ແລະ ສະຫວັດດີການສັງຄົມ ໃຫ້ມີຄວາມສັກສິດ ເຊິ່ງ​ບັນ​ຫານີ້ ໃຫ້​ເຂົ້າ​ໃຈ​ວ່າ ເຖິງ​ຈະ​ມີ ແນວທາງ, ແຜນນະໂຍບາຍ, ກົດໝາຍ ແລະ ບັນ ດານິຕິກໍາຂອງລັດຈະດີປານ​ໃດ, ຈະຖືກຕ້ອງສອດຄ່ອງປານໃດກໍ່ຕາມ ກໍ່ຈະເປັນພຽງແຕ່ເອກະສານ ທີ່ບໍ່ມີຄຸນຄ່າ, ບໍ່ມີຄວາມໝາຍຫຍັງ ຖ້າວ່າເອກະສານເຫຼົ່ານັ້ນ ຫາກບໍ່ໄດ້ຖືກນໍາໄປເຜີຍແຜ່ໃຫ້ສັງຄົມໄດ້ຮັບຮູ້ຢ່າງທົ່ວເຖິງ ແລະ ເຂົ້າຮ່ວມໃນການຈັດຕັ້ງປະຕິບັດໃຫ້ປາກົດຜົນເປັນຈິງ ແລະ ມີປະສິດທິພາບ. ສະນັ້ນ, ການເອົາໃຈໃສ່ໂຄສະນາເຜີຍແຜ່ ແລະ ສຶກສາອົບຮົມສະຕິເຄົາລົບລະ​ບຽບການ ແລະ ກົດໝາຍ ຈຶ່ງເປັນຄວາມຮຽກຮ້ອງຕ້ອງການພາວະວິໄສໃນປັດຈຸບັນ. ພ້ອມນັ້ນ, ໃຫ້ເພີ່ມທະວີການປັບປຸງຂອດການບໍລິຫານ ແລະ ຄຸ້ມຄອງການນໍາໃຊ້ງົບປະມານຂອງລັດໃຫ້ມີຄວາມປະຢັດ, ໂປ່ງໃສ ແລະ ມີປະສິດ ທິຜົນ ໂດຍ​ການ​ນຳ​ໃຊ້​ແຫລ່ງ​ຊັບ​ພະ​ຍາ​ກອນ ຫລື ແຫລ່ງ​ທຶນ ເທົ່າ​ທີ່​ມີ ຫລື ໜ້ອຍກວ່າ ແຕ່​ຜົນ​ຕອບ​ແທນ​ຫລາຍ ແລະ ດີກວ່າ​ເກົ່າ, ຫລີກ​ລ້ຽງ​ການ​ໃຊ້​ບໍ່​ມີ​ເຫດ​ຜົນ ແລະ ບໍ່​ສ້າງ​ຜົນ​ປະ​ໂຫຍດ​ຕອບ​ແທນ​ໃຫ້​ລັດ ແລະ ສັງ​ຄົມ%
(ຂ່າວສານຮສສ)

ທ່ານ ພົງໄຊສັກ ອິນຖາລາດ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມຕາງໜ້າ ອົງການສາມຝ່າຍ ຖະແຫລງຂ່າວ ເນື່ອງໃນໂອກາດ ວັນຄ...
29/04/2022

ທ່ານ ພົງໄຊສັກ ອິນຖາລາດ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ
ຕາງໜ້າ ອົງການສາມຝ່າຍ ຖະແຫລງຂ່າວ ເນື່ອງໃນໂອກາດ ວັນຄວາມປອດໄພ ແລະ ສຸຂະພາບແຮງງານໂລກ ຄົບຮອບ 19 ປີ (28 ເມສາ 2003-28 ເມສາ 2022)

ເຖິງ: ຊາວຜູ້ອອກແຮງງານທົ່ວປະເທດ ທີ່ຮັກແພງ ແລະ ນັບຖືທັງຫຼາຍ.

ຂ້າພະເຈົ້າ ໃນນາມຕາງໜ້າໃຫ້ຄະນະນໍາກະຊວງແຮງງານ ແລະ ສະຫວັດດີການສັງຄົມ, ກໍຄື ຕາງໜ້າ ອົງການສາມຝ່າຍ ຮູ້ສຶກເປັນກຽດຢ່າງສູງ ແລະ ພາກພູມໃຈເປັນຢ່າງຍິ່ງ ທີ່ໄດ້ຮ່ວມກັບສູນກາງສະຫະພັນກຳມະບານລາວ ຊຶ່ງເປັນອົງການຕາງໜ້າຂອງຜູ້ອອກແຮງງານ ແລະ ສະພາການຄ້າ ແລະ ອຸດສາຫະກໍາແຫ່ງຊາດລາວ ເປັນອົງການຕາງໜ້າຂອງຜູ້ໃຊ້ແຮງງານ ຮ່ວມກັນໃນການຖະແຫລງຂ່າວ ເນື່ອງໃນໂອກາດ ວັນຄວາມປອດໄພ ແລະ ສຸຂະພາບແຮງງານ ໂລກ 28 ເມສາ 2022 ທີ່ໝູນວຽນຄົບຮອບມາເຖິງອີກຄັ້ງ ແລະ ໃນທາມກາງບັນຍາກາດທີ່ທົ່ວໂລກ ໂດຍສະເພາະ ອົງການແຮງງານສາກົນ, ຄູ່ຮ່ວມພັດທະນາສາກົນ ແລະ ບັນດາປະເທດເພື່ອນມິດທົ່ວໂລກ ກໍ່ກຳລັງສະເຫຼີມສະຫຼອງວັນຄວາມປອດໄພ ແລະ ສຸຂະພາບແຮງງານ ໂລກ ເຊັ່ນດຽວກັນ ພາຍໃຕ້ຫົວຂໍ້ “ຮ່ວມກັນປະຕິບັດ ເພື່ອສ້າງວັດທະນາທຳ ຄວາມປອດໄພ ແລະ ສຸຂະພາບແຮງງານ 28 ເມສາ 2022” (Act together to build a positive Safety and Health Culture 28 April 2022). ນັບແຕ່ວັນທີ 28 ເມສາ 2003 ເປັນຕົ້ນມາ, ພວກເຮົາໄດ້ໃຫ້ຄວາມສໍາຄັນເປັນພິເສດ ຊຶ່ງເປັນວັນທີ່ມີຄວາມໝາຍ ແລະ ຄວາມສໍາຄັນຢ່າງຍິ່ງຕໍ່ຊາວຜູ້ອອກແຮງງານທົ່ວໂລກ ເພື່ອລະນຶກເຖິງຜູ້ປະສົບເຄາະຮ້າຍຈາກອຸປະຕິເຫດແຮງງານ ແລະ ພະຍາດອາຊີບ ໂດຍການຈັດຕັ້ງການເຄື່ອນໄຫວປູກຈິດສຳນຶກໃນທົ່ວໂລກ ເພື່ອສົ່ງເສີມການປ້ອງກັນອຸປະຕິເຫດແຮງງານ ແລະ ພະຍາດອາຊີບໃນການເຮັດວຽກໃນທົ່ວໂລກໃຫ້ນັບມື້ໜ້ອຍລົງ. ພ້ອມນັ້ນມັນຍັງເປັນການໂຄສະນາປູກຈິດສໍານຶກໃຫ້ຜູ້ມີສ່ວນຮ່ວມທຸກຂະແໜງການເສດຖະກິດ-ສັງຄົມ ກ່ຽວກັບ ການແກ້ໄຂບັນຫາ, ສົ່ງເສີມ ແລະ ສ້າງວັດທະນະທໍາຄວາມປອດໄພ ແລະ ສຸຂະພາບແຮງງານໃນບ່ອນເຮັດວຽກ ເພື່ອຫຼຸດຜ່ອນການເກີດອຸປະຕິເຫດແຮງງານ ການໄດ້ຮັບບາດເຈັບ ແລະ ການເສຍຊີວິດ ຈາກການເຮັດວຽກ.
ສປປ ລາວໄດ້ເຂົ້າເປັນສະມາຊິກຂອງອົງການແຮງງານສາກົນ ໃນປີ 1964, ເຊີ່ງຕະຫຼອດໄລຍະເວລາຜ່ານມາ ສປປ ລາວ ໄດ້ເອົາໃຈໃສ່ແກ້ໄຂຫຼາຍບັນຫາສໍາຄັນກ່ຽວກັບແຮງງານ ເພື່ອສົ່ງເສີມວຽກທີ່ມີຄຸນຄ່າ ແລະ ເປັນທໍາ ໂດຍ ເນັ້ນໃສ່ການເຮັດວຽກຕາມກົນໄກຮ່ວມມືສາມຝ່າຍໃນການສ້າງກົດໝາຍວ່າດ້ວຍ ແຮງງານ, ກົດໝາຍວ່າດ້ວຍການປະກັນສັງຄົມ, ດຳລັດວ່າດ້ວຍ ຄວາມປອດໄພ ແລະ ສຸຂະພາບແຮງງານ ແລະ ລະບຽບການຕ່າງໆ ເພື່ອປົກປ້ອງສິດ ແລະ ຜົນປະໂຫຍດຂອງຜູ້ອອກແຮງງານ ແລະ ຜູ້ໃຊ້ແຮງງານ.
ມາຮອດປະຈຸບັນ ສປປ ລາວ ໄດ້ໃຫ້ສັດຕະຍາບັນແກ່ສົນທິສັນຍາແຮງງານສາກົນທັງໝົດແລ້ວ 10 ສະບັບ; ໃນນັ້ນມີ 5 ສົນທິສັນຍາທີ່ເປັນພື້ນຖານ. ໃນປີນີ້, ຍ້ອນເຫັນໄດ້ຄວາມສໍາຄັນຂອງວຽກງານຄວາມປອດໄພ ແລະ ສຸຂະພາບແຮງງານ, ພວກເຮົາຈຶ່ງໄດ້ສະເໜີໃຫ້ສັດຕະຍາບັນສົນທິສັນຍາເລກທີ 155 ວ່າດ້ວຍ ຄວາມປອດໄພ ແລະ ສຸຂະພາບແຮງງານ ແລະ ສົນທິສັນຍາເລກທີ 187 ວ່າດ້ວຍ ຂອບແຜນງານສົ່ງເສີມຄວາມປອດໄພ ແລະ ສຸຂະພາບແຮງງານ.
ອຸປະຕິເຫດແຮງງານ ແລະ ພະຍາດອາຊີບໃນສະຖານທີ່ເຮັດວຽກ ໝາຍເຖິງ ການໄດ້ຮັບບາດເຈັບ, ພິການ, ເສຍອົງຄະ, ພະຍາດອາຊີບຈາກການເຮັດວຽກ ຫຼື ອາດເຖິງຂັ້ນເສຍຊີວິດ ແລະ ນັບທັງການສູນເສຍຊັບສິນເງິນທອງ ແລະ ຊັບສົມບັດຕ່າງໆ ຊຶ່ງເປັນບັນຫາທີ່ທຸກຄົນບໍ່ເພິ່ງປາດຖະໜາ; ພ້ອມກັນນັ້ນຍັງເປັນການເພີ່ມພາລະແບກຫາບໃຫ້ແກ່ຄອບຄົວ ແລະ ສັງຄົມ, ທັງເປັນການກົດໝ່ວງຕໍ່ການຜະລິດຂອງຫົວໜ່ວຍແຮງງານ, ນໍາໄປສູ່ການກົດໜ່ວງຕໍ່ການຂະຫຍາຍຕົວທາງດ້ານເສດຖະກິດ-ສັງຄົມຂອງປະເທດ.
ລັດຖະບານ ສປປ ລາວ ຍາມໃດກໍໃຫ້ຄວາມສຳຄັນ ແລະ ຖືເອົາວຽກງານຄວາມປອດໄພ ແລະ ສຸຂະພາບແຮງງານເປັນບູລິມະສິດໃນການປົກປ້ອງສິດ ແລະ ຜົນປະໂຫຍດຂອງທັງ ຜູ້ອອກແຮງງານ ແລະ ຜູ້ໃຊ້ແຮງງານ
ເພື່ອຮັບປະກັນສິດທິຂັ້ນພື້ນຖານຂອງຜູ້ອອກແຮງງານ ໃນການເຮັດວຽກທີ່ມີຄວາມປອດໄພ ແລະ ມີສຸຂະພາບແຮງງານທີ່ດີ ພ້ອມທັງຮຽກຮ້ອງທຸກພາກສ່ວນເສດຖະກິດໃນສັງຄົມມີສ່ວນຮ່ວມ ໃນການສ້າງນິຕິກໍາ, ລະບຽບການຕ່າງໆ, ນະໂຍບາຍແຫ່ງຊາດກ່ຽວກັບວຽກງານດັ່ງກ່າວໃຫ້ແທດເໝາະກັບສະພາບຄວາມເປັນຈິງຂອງປະເທດ ແລະ ສອດຄ່ອງກັບມາດຕະຖານສາກົນ.
ໃນໄລຍະທີ່ຜ່ານມາ ພວກເຮົາ ໄດ້ເອົາໃຈໃສ່ໃນການຮ່ວມກັບອົງການແຮງງານສາກົນ, ສູນກາງສະຫະພັນກໍາມະບານລາວ, ສະພາການຄ້າ ແລະ ອຸດສະຫະກໍາແຫ່ງຊາດລາວ ແລະ ຂະແໜງການອື່ນໆທີ່ກ່ຽວຂ້ອງ
ໃນການຄົ້ນຄວ້າ ສຶກສາ ແລະ ສ້າງປະຫວັດຂໍ້ມູນແຫ່ງຊາດ ດ້ານຄວາມປອດໄພ ແລະ ສຸຂະພາບແຮງງານ ສະບັບທີສອງສຳເລັດໃນປີ 2021 (National OSH Profile,2021), ແລະ ປະຈຸບັນພວກເຮົາກໍາລັງພັດທະນາສ້າງແຜນງານແຫ່ງຊາດ 5 ປີ ຄັ້ງທີ III (2022-2026) ກ່ຽວກັບ ວຽກງານຄວາມປອດໄພ ແລະ ສຸຂະພາບແຮງງານ (3rd National OSH Programme for Lao PDR). ນອກຈາກນັ້ນ, ວຽກງານຄວາມປອດໄພ ແລະ ສຸຂະພາບແຮງງານກໍ່ໄດ້ຖືກກໍານົດເຂົ້າໃນແຜນພັດທະນາວຽກແຮງງານ ແລະ ສະຫວັດດີການສັງຄົມ 5 ປີ (2021-2025) ແລະ ກໍາລັງສ້າງຮ່າງ
ກົດໝາຍວ່າດ້ວຍ ຄວາມປອດໄພ ແລະ ສຸຂະພາບແຮງງານ.
ເນື່ອງໃນໂອກາດວັນຄວາມປອດໄພ ແລະ ສຸຂະພາບແຮງງານ ໂລກ ນີ້ ຂ້າພະເຈົ້າຂໍຖືໂອກາດນີ້ ຂໍຮຽກຮ້ອງ
ມາຍັງນັກທຸລະກິດທັງພາຍໃນ ແລະ ຕ່າງປະເທດ, ບັນດາຂະແໜງການທີ່ກ່ຽວຂ້ອງ, ຄູ່ຮ່ວມພັດທະນາສາກົນ ແລະ ປະເທດເພື່ອນມິດ ຈົ່ງພ້ອມກັນເອົາໃຈໃສ່ໃນການໂຄສະນາເຜີຍແຜ່ນິຕິກຳດ້ານແຮງງານ ໂດຍສະເພາະດ້ານຄວາມປອດໄພ ແລະ ສຸຂະພາບແຮງງານ ເພື່ອໃຫ້ຜູ້ໃຊ້ແຮງງານ, ຜູ້ອອກແຮງງານ ແລະ ສັງຄົມ ຮັບຮູ້ ສິດ ແລະ ພັນທະຂອງຕົນເອງ ເພື່ອຮູ້ປົກປ້ອງຕົນເອງຈາກການເຮັດວຽກ, ຮັກສາສະເຖຍລະພາບໃນການອອກແຮງງານ, ເຮັດວຽກໃຫ້ມີປະສິດທິ
ພາບ, ຍົກສູງຜົນຜະລິດ, ເພີ່ມການສົ່ງອອກໃຫ້ໄດ້ຫຼາຍຂຶ້ນ ແລະ ເພື່ອຍົກສູງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ເຮັດໃຫ້ຊີວິດການເປັນຢູ່ຂອງຜູ້ອອກແຮງງານໃຫ້ນັບມື້ດີຂື້ນ ແລະ ພ້ອມຮ່ວມກັນປະຕິບັດ ເພື່ອສ້າງວັດທະນາທໍາ
ການເຮັດວຽກທີ່ປອດໄພຢູ່ບ່ອນເຮັດວຽກຢ່າງກວ້າງຂວາງ.
ສຸດທ້າຍນີ້ ຂ້າພະເຈົ້າຂໍອວຍພອນໃຫ້ທຸກທ່ານຈົ່ງປະສົບຜົນສຳເລັດ, ມີຄວາມສຸກຄວາມຈະເລີນໃນໜ້າທີ່ວຽກງານ ມີສຸຂະພາບຈິດໃຈ ແລະ ຮ່າງກາຍທີ່ເຂັ້ມແຂງຕະຫຼອດໄປ ສາມາດປະກອບສ່ວນເຂົ້າໃນພາລະກິດສ້າງສາພັດທະນາປະເທດຊາດຂອງພວກເຮົາໃຫ້ນັບມື້ນັບເຕີບໃຫຍ່ເຂັ້ມແຂງ, ປະຊາຊົນບັນດາເຜົ່າທຸກທົ່ວໜ້າໄດ້ກິນດີຢູ່ດີ ແລະ
ມີຄວາມສຸກຕະຫຼອດໄປ.
( ຂ່າວສານ ຮສສ)

ที่อยู่

Chanthaburi
347

เวลาทำการ

จันทร์ 08:00 - 16:00
อังคาร 08:00 - 16:00
พุธ 08:00 - 16:00
พฤหัสบดี 08:00 - 16:00
ศุกร์ 08:00 - 16:00

เบอร์โทรศัพท์

+85621213003

เว็บไซต์

http://molsw.gov.la/

แจ้งเตือน

รับทราบข่าวสารและโปรโมชั่นของ ຂ່າວສານ ແຮງງານ ແລະ ສະຫວັດດີກผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง ຂ່າວສານ ແຮງງານ ແລະ ສະຫວັດດີກ:

วิดีโอทั้งหมด

ตำแหน่งใกล้เคียง บริการภาครัฐ


องค์กรของรัฐ อื่นๆใน Chanthaburi

แสดงผลทั้งหมด

ความคิดเห็น

ທ່ານ ນາງ ໃບຄຳ ຂັດທິຍະ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ມີຄຳເຫັນໂອ້ລົມຕໍ່ກອງປະຊຸມປະຈຳປີ 2021 ຂອງ ອົງການປະກັນສັງຄົມແຫ່ງຊາດ (ອປຊ) ຄັ້ງວັນທີ 18 ມັງກອນ2022 ທີ່ຫ້ອງປະຊຸມ ອປຊ . ໂດຍທ່ານໄດ້ເນັ້ນໃຫ້ ອົງການປະກັນສັງຄົມແຫ່ງຊາດແຕ່ລະຂັ້ນ ຕ້ອງໄດ້ເພີ່ມທະວີ ແລະ ເປັນເຈົ້າການໃນການສຶກສາ ອົບຮົມດ້ານການເມືອງ-ແນວຄິດໃຫ້ແກ່ອ້າຍເອື້ອຍນ້ອງພະນັກງານທີ່ສັງກັດໃນຄວາມຮັບຜິດຊອບຂອງ ຕົນ. ຕ້ອງເປັນເຈົ້າການໃນການປະຕິບັດພັນ ທະ ແລະ ໜ້າທີ່ການເມືອງຂອງຕົນ ດ້ວຍຄວາມຮັບຜິດຊອບສູງ ເອົາໃຈໃສ່ໃນການສຶກສາ ຊອກຮູ້ ແລະ ເຂົ້າໃຈຢ່າງເລິກເຊິ່ງຕໍ່ແນວທາງນະໂຍບາຍຂອງພັກ ແລະ ລັດ ວາງອອກໃນແຕ່ລະໄລຍະ, ໂດຍສະເພາະ ການແຕ່ງຕັ້ງບຸກຄະລາກອນໃສ່ວຽກງານທີ່ສໍາຄັນຈະຕ້ອງເນັ້ນໃສ່ຜູ້ທີ່ຫລັກໝັ້ນ, ມີທັດສະນະທາງດ້ານ ແນວຄິດການເມືອງທີ່ຊັດເຈນ, ມີຄວາມຊື່ສັດບໍລິສຸດ, ມີຄວາມສໍານານງານກ່ຽວກັບວຽກດັ່ງກ່າວ, ມີຈັນ ຍາບັນ, ມີຄວາມຮູ້ຄວາມສາມາດທີ່ແທດເໝາະຕໍ່ໜ້າວຽກງານທີ່ຕົນຮັບຜິດຊອບ ແລະ ລວມໄປເຖິງ ວຽກງານອື່ນໆ, ພ້ອມທັງ ສືືບຕໍ່ສືບຕໍ່ປັບປຸງການຈັດຕັ້ງຂອງອົງການປະກັນສັງຄົມໃຫ້ມີຄວາມເຂັ້ມແຂງ ແລະ ໜັກແໜ້ນ, ມີແບບ ແຜນການນຳພາ ແລະ ວິທີເຮັດວຽກຕາມກົດໝາຍ ແລະ ລະບຽບການ, ເສີມຂະຫຍາຍຄວາມສາມັກຄີ ພາຍໃນ ແລະ ພາຍນອກ ໃຫ້ກວ້າງຂວາງ, ເອົາໃຈໃສ່ໃນການຍົກລະດັບຄວາມຮູ້ວິຊາການ ໃຫ້ແກ່ພະນັກ ງານແຕ່ລະຂັ້ນ ໃຫ້ສາມາດຕອບສະໜອງຄວາມຮຽກຮ້ອງຕ້ອງການໃນການບໍລິຫານວຽກງານ ກໍຄືການ ບໍລິການຜູ້ປະກັນຕົນໃຫ້ມີຜົນສຳເລັດ ແລະ ມີປະສິດທິຜົນ. ສືບຕໍ່ສ້າງຄວາມສາມັກຄີປອງດອງພາຍໃນອົງການ ເພື່ອການຈັດຕັ້ງປະຕິບັດວຽກງານ, ປະຕິບັດ ແບບແຜນການເຮັດວຽກບົນຫລັກການລວມສູນປະຊາທິປະໄຕ, ເຮັດວຽກງານເປັນໜູ່ຄະນະ, ມີການປຶກ ສາຫາລືຖອດຖອນບົດຮຽນຢ່າງເປັນປົກະຕິ ເພື່ອຊີ້ນໍາ-ນໍາພາ ການຈັດຕັ້ງປະຕິບັດວຽກງານໃຫ້ເປັນ ເອກະພາບກັນນັບແຕ່ສູນກາງລົງຮອດທ້ອງຖິ່ນ ສືບຕໍ່ປະສານກັບຂະແໜງການ ແລະ ອົງການປົກຄອງແຕ່ລະຂັ້ນ ໃນການປະກອບສ່ວນຊຸກຍູ້ເຂົ້າ ໃນການພັດທະນາວຽກງານປະກັນສັງຄົມ ກໍຄື ຊຸກຍູ້ໃຫ້ບັນດາເປົ້າໝາຍຕ່າງໆເຂົ້າສູ່ລະບົບປະກັນສັງຄົມ ໃຫ້ນັບມື້ນັບກວ້າງຂວາງ ແລະ ທົ່ວເຖິງ./ (ຂ່າວສານຮສສ)
ຊົມເຊີຍນ້ຳໃຈ ວັນທີ 20 ມັງກອນ ໝັ້ນຍືນ!!!
ສູນພັດທະນາສີມືແຮງງານ ແຂວງຈຳປາສັກ ເປີດຮັບສະໝັກນັກສຶກສາຊຸດໃໝ່ ສົນໃຈໂທລະສັບຕາມໃນຮູບທີ່ແອັດມິນເອົາລົງດ້ານລຸ່ມນີ້.
ຄະນະນຳ ກະຊວງ ຮສສ ຢ້ຽມຢາມ ສູນເສຍອົງຄະພິເສດ 790ສູນ 489 ແລະ ສູນ 686 ທ່ານນາງ ໃບຄຳ ຂັດທິຍະ ກຳມະການສູນກາງພັກ ເລຂາຄະນະພັກ ລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ ຮສສ ພ້ອມດ້ວຍຄະນະໄດ້ລົງຢ້ຽມຢາມ ແລະ ພົບປະອະດີດນາຍ ແລະ ພົນທະຫານທີ່ ສູນເສຍອົງຄະພິເສດ 790 ໃນວັນທີ 18 ມັງກອນນີ້ ເນື່ອງໃນໂອກາດວັນສ້າງຕັ້ງກອງທັບປະຊາຊົນ ປະຕິວັດລາວ ຄົບ 73 ປີ, ໂດຍມີພະນັກງານການນຳຂອງສູນ, ພະນັກງານອະວຸໂສບຳນານ ອະດີດນາຍແລະ ພົນທະຫານ ໃຫ້ການຕ້ອນຮັບ. ໃນໂອກາດນີ້ທ່ານ ພັນໂທ ບຸນມີ ອິນທະວົງສາ ເລຂາໜ່ວຍພັກ ຫົວໜ້າການເມືອງສູນເສຍອົງຄະພິເສດ 790 ໄດ້ລາຍງານໂດຍຫຍໍ້ກ່ຽວກັບຈຸດພິເສດຂອງສູນວ່າ: ສູນເສຍອົງຄະພິເສດ 790 ເປັນບ່ອນເຕົ້າໂຮມເອົາອະດິດນາຍ ແລະ ພົນທະຫານທີ່ເສຍອົງຄະໃນການສູ້ຮົບ ແລະ ຮັບໃຊ້ການສູ້ຮົບ ຊຶ່ງຈັດເປັນປະເພດພິເສດເຂົ້າມາເຕົ້າໂຮມກັນຢູ່ສູນແຫ່ງນີ້. ຊຶ່ງມີພະນັກງານນັກຮົບທີ່ເຮັດວຽກຄຸ້ມຄອງບໍລິການຮັບໃຊ້ສູນປະກອບມີດັ່ງນີ້: ຫ້ອງການ, ໂຮງໝໍ, ສະໂມສອນ, ພາຫະນະຮັບໃຊ້, ວັດຖຸອຸປະກອນ ແລະ ເຄື່ອງໃຊ້ຕ່າງໆ ,ມີເນື້ອທີ່ດິນໃນການຄຸ້ມຄອງເພື່ອຈັດສັນປຸກສ້າງເຮືອນໃຫ້ພະນັກງານເສຍອົງຄະ ແລະ ດິນທຳການຜະລິດຢູ່ພາຍໃນສູນ. ປັດຈຸບັນສູນ ມີຈຳນວນພົນ 181 ຄົນ, ມີພະນັກງານເສຍອົງຄະ 44 ຄົນ, ມີພະນັກງານບຳນານ 52 ຄົນ, ພະນັກງານດູແລ 50 ຄົນພະນັກງານປະຈຳການ 30 ຄົນ, ມີແພດ 5 ຄົນ, ມີຄະນະບັນຊາສູນ 4 ຄົນ, ມີ 3 ຂະແໜງການ ແລະ ມີ 1 ໂຮງໝໍມີ 15 ຕຽງ. ໃນໂອກາດນີ້ ທ່ານນາງ ໃບຄຳ ຂັດທິຍະ ໄດ້ກ່າວບາງຕອນໃນການລົງຢ້ຽມຢາມ ແລະ ພົບປະ ໃນຄັ້ງນີ້ວ່າ: ຕະຫຼອດໄລຍະເວລາ 27 ປີຜ່ານມາພວກທ່ານໄດ້ ຮ່ວມຊີວິດ ແລະ ຂຶ້ນກັບການຄຸ້ມຂອງ ກະຊວງແຮງງານ ແລະ ສະຫວັດດີການສັງຄົມແຕ່ປີ 1993 ຮອດປີ 2020 ຊຶ່ງເປັນເວລາຫຼາຍປີ ສົມຄວນ, ຕະຫຼອດໄລຍະເວລາຜ່ານມານັ້ນໄດ້ພະຍາຍາມເອົາໃຈໃສ່ເບິ່ງແຍງ ດູແລ ໃກ້ສິດຕິດແທດຕາມຄວາມສາມາດ ແລະ ກໍາລັງທີ່ມີ ດ້ວຍຄວາມເປັນຫ່ວງເປັນໃຍຕະຫຼອດເວລາ ຄືກັບຄົນຢູ່ໃນຄອບຄົວດຽວກັນ, ໄດ້ພະຍາຍາມຊອກຫາທຸກວິທີທາງເພື່ອຊ່ວຍເຫຼືອ ແລະ ອໍານວຍຄວາມສະດວກຊຶ່ງກັນ ແລະ ກັນ ບໍ່ວ່າຈະເປັນທາງດ້ານງົບປະມານ, ດ້ານວັດຖຸ ແລະ ຈິດໃຈ ໃນການປະຕິບັດນະໂຍບາຍດ້ານຕ່າງໆຕໍ່ພະນັກງານເສຍອົງຄະຍ້ອນການສູ້ຮົບ ແລະ ຮັບໃຊ້ການສູ້ຮົບ, ພະນັກງານບໍານານ ແລະ ພະນັກງານຜູ້ມີຜົນງານ ແລະ ຄຸນງາມຄວາມດີ ໃນພາລະກິດຮັບໃຊ້ການປະຕິວັດຊາດ ປະຊາທິປະໄຕ ຕາມນິຕິກໍາ ແລະ ຄວາມສາມາດຕົວຈິງທີ່ມີ, ເຖິງແມ່ນວ່າບາງຄັ້ງຍັງບໍ່ທັນສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການ ຕາມການສະເໜີໄດ້ທັນກັບເວລາ ກໍ່ຕາມ ແຕ່ພວກເຮົາກໍໄດ້ພະຍາມ ເພື່ອແກ້ໄຂ ແລະ ສາມາດຕອບ ສະຫນອງໄດ້ໂດຍພື້ນຖານ. ທ່ານລັດຖະມົນຕີຍັງໄດ້ ອວຍພອນໃຫ້ ບັນດາທ່ານ ລູງ, ປ້າ, ອາວ, ອາ ຈົ່ງສຶບຕໍ່ເອົາໃຈໃສ່ ຮັກສາມູນເຊື້ອອັນດີງາມ, ທາດແທ້ປະຕິວັດ, ຄຸນທາດການເມືອງ ແລະ ຄຸນສົມບັດສິນທໍາປະຕິວັດ ເພື່ອເປັນແບບຢ່າງ ໃນສຶກສາອົບຮົມໃຫ້ ລູກ-ຫຼານ ແລະ ຄອບຄົວໃຫ້ກາຍເປັນພົນລະເມືອງດີຂອງຊາດ, ຂອງສັງຄົມ ແລະ ຄອບຄົວ ປາສະຈາກການມົວເມົາກັບສິງເສບຕິດ ແລະ ການກະທໍາທີ່ຜິດທາງກົດ ໝາຍ; ເອົາໃຈໃສ່ ເພີ່ມທະວີການພັດທະນາເສດຖະກິດຄອບຄົວ ແລະ ສັງຄົມ ຕາມເງື່ອນໄຂ ແລະ ຄວາມສາມາດຕົວຈິງທີ່ມີ; ຄະນະພັກ, ຄະນະບັນຊາສູນ ຈົ່ງສຶບຕໍ່ເອົາໃຈໃສ່ຄຸ້ມຄອງນໍາໃຊ້ວັດຖຸ-ອຸປະກອນທີ່ມີເພື່ອຮັບປະກັນການໃຊ້ງານໃຫ້ຍາວນານ, ຂໍໃຫ້ບັນດາ ລຸງ, ປ້າ, ອາວ, ອາ ເອົາໃຈໃສ່ຮັກສາ ແລະ ເບິ່ງແຍງ ສຸຂະພາບຂອງຕົນເອງ ໃຫ້ມີສຸຂະພາບແຂງແຮງ ແລະ ປະສະຈາກໂລກໄພໄຂ້ເຈັບຕ່າງໆ. ພ້ອມດຽວກັນນີ້ທ່ານ ລັດຖະມົນຕີຍັງໄດ້ນຳເອົາເຂົ້າສານ, ເຄື່ອງນຸ່ງຫົ່ມຈຳນວນໜຶ່ງມອບໃຫ້ສູນ 790, ແລະ ວັນດຽວກັນຄະນະນຳກະຊວງ ຮສສ ກໍໄດ້ນຳເອົາເຂົ້າສານ ແລະເຄື່ອງນຸ່ງຫົ່ມມອບໃຫ້ສູນ 489 ແລະ 686 ຕື່ມອີກ. (ຂ່າວສານ ຮສສ)
ຄະນະນຳ ກະຊວງ ຮສສ ຢ້ຽມຢາມ ສູນເສຍອົງຄະພິເສດ 790ສູນ 489 ແລະ ສູນ 686. ...................... ທ່ານນາງ ໃບຄຳ ຂັດທິຍະ ກຳມະການສູນກາງພັກ ເລຂາຄະນະພັກ ລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ ຮສສ ພ້ອມດ້ວຍຄະນະໄດ້ລົງຢ້ຽມຢາມ ແລະ ພົບປະອະດີດນາຍ ແລະ ພົນທະຫານທີ່ ສູນເສຍອົງຄະພິເສດ 790 ໃນວັນທີ 18 ມັງກອນນີ້ ເນື່ອງໃນໂອກາດວັນສ້າງຕັ້ງກອງທັບປະຊາຊົນ ປະຕິວັດລາວ ຄົບ 73 ປີ, ໂດຍມີພະນັກງານການນຳຂອງສູນ, ພະນັກງານອະວຸໂສບຳນານ ອະດີດນາຍແລະ ພົນທະຫານ ໃຫ້ການຕ້ອນຮັບ. ໃນໂອກາດນີ້ທ່ານ ພັນໂທ ບຸນມີ ອິນທະວົງສາ ເລຂາໜ່ວຍພັກ ຫົວໜ້າການເມືອງສູນເສຍອົງຄະພິເສດ 790 ໄດ້ລາຍງານໂດຍຫຍໍ້ກ່ຽວກັບຈຸດພິເສດຂອງສູນວ່າ: ສູນເສຍອົງຄະພິເສດ 790 ເປັນບ່ອນເຕົ້າໂຮມເອົາອະດິດນາຍ ແລະ ພົນທະຫານທີ່ເສຍອົງຄະໃນການສູ້ຮົບ ແລະ ຮັບໃຊ້ການສູ້ຮົບ ຊຶ່ງຈັດເປັນປະເພດພິເສດເຂົ້າມາເຕົ້າໂຮມກັນຢູ່ສູນແຫ່ງນີ້. ຊຶ່ງມີພະນັກງານນັກຮົບທີ່ເຮັດວຽກຄຸ້ມຄອງບໍລິການຮັບໃຊ້ສູນປະກອບມີດັ່ງນີ້: ຫ້ອງການ, ໂຮງໝໍ, ສະໂມສອນ, ພາຫະນະຮັບໃຊ້, ວັດຖຸອຸປະກອນ ແລະ ເຄື່ອງໃຊ້ຕ່າງໆ ,ມີເນື້ອທີ່ດິນໃນການຄຸ້ມຄອງເພື່ອຈັດສັນປຸກສ້າງເຮືອນໃຫ້ພະນັກງານເສຍອົງຄະ ແລະ ດິນທຳການຜະລິດຢູ່ພາຍໃນສູນ. ປັດຈຸບັນສູນ ມີຈຳນວນພົນ 181 ຄົນ, ມີພະນັກງານເສຍອົງຄະ 44 ຄົນ, ມີພະນັກງານບຳນານ 52 ຄົນ, ພະນັກງານດູແລ 50 ຄົນພະນັກງານປະຈຳການ 30 ຄົນ, ມີແພດ 5 ຄົນ, ມີຄະນະບັນຊາສູນ 4 ຄົນ, ມີ 3 ຂະແໜງການ ແລະ ມີ 1 ໂຮງໝໍມີ 15 ຕຽງ. ໃນໂອກາດນີ້ ທ່ານນາງ ໃບຄຳ ຂັດທິຍະ ໄດ້ກ່າວບາງຕອນໃນການລົງຢ້ຽມຢາມ ແລະ ພົບປະ ໃນຄັ້ງນີ້ວ່າ: ຕະຫຼອດໄລຍະເວລາ 27 ປີຜ່ານມາພວກທ່ານໄດ້ ຮ່ວມຊີວິດ ແລະ ຂຶ້ນກັບການຄຸ້ມຂອງ ກະຊວງແຮງງານ ແລະ ສະຫວັດດີການສັງຄົມແຕ່ປີ 1993 ຮອດປີ 2020 ຊຶ່ງເປັນເວລາຫຼາຍປີ ສົມຄວນ, ຕະຫຼອດໄລຍະເວລາຜ່ານມານັ້ນໄດ້ພະຍາຍາມເອົາໃຈໃສ່ເບິ່ງແຍງ ດູແລ ໃກ້ສິດຕິດແທດຕາມຄວາມສາມາດ ແລະ ກໍາລັງທີ່ມີ ດ້ວຍຄວາມເປັນຫ່ວງເປັນໃຍຕະຫຼອດເວລາ ຄືກັບຄົນຢູ່ໃນຄອບຄົວດຽວກັນ, ໄດ້ພະຍາຍາມຊອກຫາທຸກວິທີທາງເພື່ອຊ່ວຍເຫຼືອ ແລະ ອໍານວຍຄວາມສະດວກຊຶ່ງກັນ ແລະ ກັນ ບໍ່ວ່າຈະເປັນທາງດ້ານງົບປະມານ, ດ້ານວັດຖຸ ແລະ ຈິດໃຈ ໃນການປະຕິບັດນະໂຍບາຍດ້ານຕ່າງໆຕໍ່ພະນັກງານເສຍອົງຄະຍ້ອນການສູ້ຮົບ ແລະ ຮັບໃຊ້ການສູ້ຮົບ, ພະນັກງານບໍານານ ແລະ ພະນັກງານຜູ້ມີຜົນງານ ແລະ ຄຸນງາມຄວາມດີ ໃນພາລະກິດຮັບໃຊ້ການປະຕິວັດຊາດ ປະຊາທິປະໄຕ ຕາມນິຕິກໍາ ແລະ ຄວາມສາມາດຕົວຈິງທີ່ມີ, ເຖິງແມ່ນວ່າບາງຄັ້ງຍັງບໍ່ທັນສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການ ຕາມການສະເໜີໄດ້ທັນກັບເວລາ ກໍ່ຕາມ ແຕ່ພວກເຮົາກໍໄດ້ພະຍາມ ເພື່ອແກ້ໄຂ ແລະ ສາມາດຕອບ ສະຫນອງໄດ້ໂດຍພື້ນຖານ. ທ່ານລັດຖະມົນຕີຍັງໄດ້ ອວຍພອນໃຫ້ ບັນດາທ່ານ ລູງ, ປ້າ, ອາວ, ອາ ຈົ່ງສຶບຕໍ່ເອົາໃຈໃສ່ ຮັກສາມູນເຊື້ອອັນດີງາມ, ທາດແທ້ປະຕິວັດ, ຄຸນທາດການເມືອງ ແລະ ຄຸນສົມບັດສິນທໍາປະຕິວັດ ເພື່ອເປັນແບບຢ່າງ ໃນສຶກສາອົບຮົມໃຫ້ ລູກ-ຫຼານ ແລະ ຄອບຄົວໃຫ້ກາຍເປັນພົນລະເມືອງດີຂອງຊາດ, ຂອງສັງຄົມ ແລະ ຄອບຄົວ ປາສະຈາກການມົວເມົາກັບສິງເສບຕິດ ແລະ ການກະທໍາທີ່ຜິດທາງກົດ ໝາຍ; ເອົາໃຈໃສ່ ເພີ່ມທະວີການພັດທະນາເສດຖະກິດຄອບຄົວ ແລະ ສັງຄົມ ຕາມເງື່ອນໄຂ ແລະ ຄວາມສາມາດຕົວຈິງທີ່ມີ; ຄະນະພັກ, ຄະນະບັນຊາສູນ ຈົ່ງສຶບຕໍ່ເອົາໃຈໃສ່ຄຸ້ມຄອງນໍາໃຊ້ວັດຖຸ-ອຸປະກອນທີ່ມີເພື່ອຮັບປະກັນການໃຊ້ງານໃຫ້ຍາວນານ, ຂໍໃຫ້ບັນດາ ລຸງ, ປ້າ, ອາວ, ອາ ເອົາໃຈໃສ່ຮັກສາ ແລະ ເບິ່ງແຍງ ສຸຂະພາບຂອງຕົນເອງ ໃຫ້ມີສຸຂະພາບແຂງແຮງ ແລະ ປະສະຈາກໂລກໄພໄຂ້ເຈັບຕ່າງໆ. ພ້ອມດຽວກັນນີ້ທ່ານ ລັດຖະມົນຕີຍັງໄດ້ນຳເອົາເຂົ້າສານ, ເຄື່ອງນຸ່ງຫົ່ມຈຳນວນໜຶ່ງມອບໃຫ້ສູນ 790, ແລະ ວັນດຽວກັນຄະນະນຳກະຊວງ ຮສສ ກໍໄດ້ນຳເອົາເຂົ້າສານ ແລະເຄື່ອງນຸ່ງຫົ່ມມອບໃຫ້ສູນ 489 ແລະ 686 ຕື່ມອີກ. (ຂ່າວສານ ຮສສ)
ປະກັນສັງຄົມແຫ່ງຊາດ ສຸມໃສ່ 3 ຫົວຂໍ້ຫຼັກ ເພື່ອເຮັດໃຫ້ເປັນເອກະພາບກັນ ລະຫວ່າງສູນກາງ ແລະ ທ້ອງຖິ່ນ. .......................... ກອງປະຊຸມສໍາມະນາວິຊາການ ວຽກງານປະກັນສັງຄົມທົ່ວປະເທດ ປະຈໍາປີ 2021. ວັນທີ 17 ມັງກອນ 2022ນີ້, ທີ່ອົງການປະກັນສັງຄົມແຫ່ງຊາດ, ນະຄອນຫຼວງວຽງຈັນ. ໂດຍເປັນປະທານ ຂອງທ່ານນາງ ແກ້ວ ຈັນທະວີໄຊ ຫົວໜ້າອົງການປະກັນສັງຄົມແຫ່ງຊາດ, ບັນດາ ຄະນະອົງການ, ຄະນະພະແນກ, ພ້ອມວິຊາການຂອງ ອົງການປະກັນສັງຄົມແຫ່ງຊາດ, ແຂວງ, ນະຄອນຫຼວງຈຳນວນໜື່ງເຂົ້າຮວ່ມຜ່ານລະບົບທາງໄກ. ກອງປະຊຸມດັ່ງກ່າວ, ຍັງໄດ້ຮັບຟັງການສະເຫນີ ໂດຍຫຍໍ້ຈາກພະແນກວິຊາການ ໃນການຈັດຕັ້ງປະຕິບັດວຽກງານໂດຍສຸມໃສ່ 3 ຫົວຂໍ້ຫຼັກ ເພື່ອເຮັດໃຫ້ເປັນເອກະພາບກັນ ລະຫວ່າງສູນກາງ ແລະ ທ້ອງຖິ່ນ ເຊັ່ນ: ວຽກງານໂຄສະນາປະຊາສໍາພັນ, ວຽກບັນຊີ-ການເງິນ ແລະ ວຽກການປະຕິບັດອຸດ ຫນູນປະກັນສັງຄົມ. ໃນປີ 2021 ວຽກງານໂຄສະນາປະຊາສຳພັນ ລວມທັງໝົດໄດ້ 41% ທຽບໃສ່ແຜນການປີ ; ສຳລັບຄາດໝາຍສູ້ຊົນໃນປີ 2022 ລົງປະຊາສຳພັນໃຫ້ໄດ້ 200 ຄັ້ງ, ຕົວເລກຄາດຄະເນຂື້ນທະບຽນ ິສາຫະກິດໃຫ້ໄດ້ 195 ຫົວໜວ່ຍ , ຜູ້ອອກແຮງງານໃຫ້ໄດ້ 21,500 ຄົນ ແລະ ແບບສະໝັກໃຈໃຫ້ໄດ້ 1,400 ຄົນ; ພ້ອມກັນນັ້ນກໍ່ເປັນການແລກປ່ຽນບົດຮຽນຄຳຄິດເຫັນເພື່ອໃຫ້ບັນດາທ່ານໄດ້ເຫັນເຖິງທ່າແຮງ, ຄວາມສາມາດ ແລະ ບັນຫາທ້າທາຍທີ່ຕິດ ບັນກັບຈຸດພິເສດຂອງແຕ່ລະທ້ອງຖິ່ນ ເພື່ອຈະໄດ້ຖອດຖອນບົດຮຽນນໍາກັນ ໃນຊຸມປີຕໍ່ຫນ້າພວກເຮົາ ຈະສືບຕໍ່ສຸມໃສ່ແກ້ໄຂບັນຫາໃດ ອັນໃດເປັນຄວາມຮັບຜິດຊອບຂອງສູນກາງອັນໃດເປັນ ຄວາມຮັບ ຜິດຊອບຂອງທ້ອງຖິ່ນ. ກອງປະຊຸມຄັ້ງນີ້ ຍັງໄດ້ສະຫຼຸບຕີລາຄາຜົນສຳເລັດ ດ້ານດີ, ດ້ານອອ່ນ, ຂໍ້ຄົງຄ້າງ ບັນຫາສິ່ງທ້າທາຍຫລາຍດ້ານ ໂດຍສະເພາະຊວ່ງມີການລະບາດເຊື້ອພະຍາດໂຄວິດ19 ແລະ ໄດ້ສະຫຼຸບທອດຖອນບົດຮຽນໃນການຈັດຕັ້ງປະຕິບັດໃນໄລຍະໜຶ່ງປີຜ່ານມາ, ພ້ອມທັງໄດ້ກຳນົດຄາດໝາຍສູ້ຊົນ ແລະ ທິດທາງແຜນການໃນຊຸມປີຕໍ່ຫນ້າ ຕົ້ນຕໍກໍ່ແມ່ນປີ 2022. ຕອນທ້າຍ ທ່ານ ນາງ ແກ້ວ ຈັນທະວີໄຊ ໃນນາມປະທານກອງປະຊຸມ ຍັງໄດ້ຮຽກຮ້ອງມາຍັງບັນດາຜູ້ເຂົ້າຮວ່ມທັງສູນກາງ ແລະ ທ້ອງຖິ່ນ ຈົ່ງພ້ອມກັນຍົກສູງຄວາມຮັບຜິດຊອບໃນໜ້າທີ່ຂອງຕົນ ເພື່ອຕິດຕາມຮັບຟັງການສະເຫນີ, ພ້ອມກັນປະກອບຄໍາຄິດຄໍາເຫັນ ຢ່າງສ້າງສັນເພື່ອເຮັດໃຫ້ບັນດາເນື້ອໃນຈິດໃຈຕ່າງໆທີ່ ພວກເຮົາຈະໄດ້ພ້ອມກັນແກ້ໄຂ ແລະ ໄດ້ຮັບຄວາມເອກະພາບສູງ , ພ້ອມກັນຈັດຕັ້ງປະຕິບັດ ຢ່າງມີຜົນສໍາເລັດນັບແຕ່ສູນກາງຈົນຮອດທ້ອງຖິ່ນ. (ຂ່າວສານຮສສ)
ລາວ ເພີ່ມທະວີການເຄື່ອນຍ້າຍແຮງງານຂອງເພດຍິງມີຄວາມປອດໄພ ແລະ ມີຄວາມຍຸດຕິທຳ ໃນພາກພື້ນອາຊຽນ. .......................... ເພື່ອເປັນການເພີ່ມທະວີຢ່າງຮອບດ້ານຂອງພາກລັດ ແລະ ການປະກອບສ່ວນຂອງ ສັງຄົມ, ການຊ່ວຍເຫຼືອຂອງບັນດາປະເທດເພື່ອນມິດ, ອົງການຈັດຕັ້ງສາກົນ ຈຶ່ງເປັນບັນຫາສໍາຄັນເພື່ອພັດ ທະນາ ແລະ ຕີຖອຍ ບັນດາສິ່ງທ້າທາຍຕ່າງໆ ວັນທີ 14 ມັງກອນ 2021 ທີ່ ໂຮງແຮມ ລາວພລາຊາ, ນະຄອນຫລວງວຽງຈັນ. ໄດ້ມີກອງປະຊຸມຄະນະຊີ້ນຳໂຄງການ ແລະ ຄະນະຜູ້ປະສານງານ ໂຄງການ ການເຄື່ອນຍ້າຍແຮງງານແບບປອດໄພ ແລະ ມີຄວາມຍຸຕິທໍາ (Safe and Fair): ຄວາມເຂົ້າໃຈດ້ານສິດທິ ແລະ ກາລະໂອກາດຂອງແຮງງານເຄື່ອນຍ້າຍເພດຍິງໃນພາກພື້ນອາຊຽນ. ໂດຍເປັນປະທານຮວ່ມຂອງ ທ່ານ ນາງ ວັນນີ ແກ້ວໄຊຍະວົງ ຮອງກົມພັດທະນາສີມືແຮງງານ ແລະ ຈັດຫາງານ ແລະ ທ່ານ ຟຣັງຊົວ ປຣະວົງວຽງຄຳ, ພະນັກງານການເມືອງ ສະຫະພາບເອີຣົບ ປະຈຳ ສປປ ລາວ ຜູ້ຕາງໜ້າ ຈາກອົງການ EU, ຕາງໜ້າ ຈາກອົງການແຮງງານສາກົນ, ອົງການ UN WOMAN, ບັນດາຕາງໜ້າຈາກອ້ອມຂ້າງກະຊວງ ແລະ ຂະແໜງການທີ່ກ່ຽວຂ້ອງເຂົ້າຮວ່ມ. ກອງປະຊຸມດັ່ງກ່າວ, ແມ່ນເພື່ອລາຍງານຜົນຂອງການຈັດຕັ້ງປະຕິບັດກິດຈະກໍາໂຄງການ ໃນປີ 2021 ແລະ ນໍາສະເໜີແຜນກິດຈະກໍາທີ່ຈະສືບຕໍ່ຈັດຕັ້ງປະຕິບັດໃນປີ 2022 ເພື່ອເປັນຂໍ້ມູນພື້ນຖານໃຫ້ແກ່ຄະນະກໍາ ມະການຊີ້ນໍາໂຄງການ ແລະ ຄະນະປະສານງານໂຄງການ ໃນການປະກອບຄໍາເຫັນ ແລະ ຮັບຮອງແຜນກິດ ຈະກໍາຂອງໂຄງການ ເພື່ອໃຫ້ພາກສ່ວນຕ່າງໆ ທີ່ກ່ຽວຂ້ອງນຳໄປຈັດຕັ້ງປະຕິບັດ, ໂຄງການເຄື່ອນຍ້າຍແຮງງານແບບປອດໄພ ແລະ ມີຄວາມຍຸຕິທໍາ: ການຮັບຮູ້ເຖິງສິດທິ ແລະ ກາລະໂອກາດຂອງແຮງງານເຄື່ອນຍ້າຍເພດຍິງ ໃນພາກພື້ນ ອາຊຽນ ມີຈຸດປະສົງໃນການເພີ່ມທະວີເຮັດໃຫ້ການເຄື່ອນຍ້າຍແຮງງານຂອງເພດຍິງມີຄວາມປອດໄພ ແລະ ມີຄວາມຍຸດຕິທຳ ໃນພາກພື້ນອາຊຽນ. ໂຄງການດັ່ງກ່າວແມ່ນໂຄງການລະດັບພາກພື້ນ ໂດຍໄດ້ຮັບ ການສະໜັບສະໜູນທາງດ້ານງົບປະມານຈາກສະຫະພາບອີຢູ ມູນຄ່າ 25.500.000 EUR (ປີ2018-2022) ປະຕິບັດຢູ່ 6 ປະເທດສົ່ງຄື: ກຳປູເຈຍ, ອິນໂດເນເຊຍ, ລາວ, ພະມ້າ, ຟີລິບປິນ ແລະ ຫວຽດນາມ ແລະ 4ປະເທດຮັບຄື: ບຣູໄນ, ມາເລເຊຍ, ສິງກະໂປ ແລະ ໄທ ເປັນສ່ວນໃຫຍ່. ສະນັ້ນ, ໂຄງການນີ້ ຈິ່ງມີຄວາມສໍາຄັນ ແລະ ຈໍາເປັນທີ່ສຸດສໍາລັບ ສປປ ລາວ ໃນເງື່ອນໄຂປະຈຸບັນໃນຖານະທີ່ເປັນປະເທດສົ່ງ. ເນື່ອງຈາກໂຄງການດັ່ງກ່າວ ຈະສຸມໃສ່ເຮັດໃຫ້ແຮງງານເຄື່ອນຍ້າຍເພດຍິງໄດ້ຮັບການປົກປ້ອງ, ຄຸ້ມຄອງ ແລະ ຮັບຮູ້ສິດຂອງຕົນໂດຍຜ່ານການຮ່ວມມືຂອງລັດ ແລະ ອົງການຈັດຕັ້ງສາກົນ ທີ່ກ່ຽວຂ້ອງ ໃນການສ້າງແຜນງານ, ການພັດທະນາລະບົບການປົກປ້ອງ ແລະ ຄຸ້ມຄອງ ແລະ ການປັບປຸງນະໂຍບາຍ ຕ່າງໆ ທີ່ກ່ຽວຂ້ອງແນ່ໃສ່ເຮັດໃຫ້ແຮງງານເຄື່ອນຍ້າຍເພດຍິງມີສ່ວນຮ່ວມຫຼາຍຂຶ້ນໃນການພັດທະນາເສດ ຖະກິດສັງຄົມໃນຂົງເຂດ ແລະ ພາກພື້ນອາຊຽນ. (ຂ່າວສານ ຮສສ)