Gabinete de Inspeção e Auditoria, MDRHC

16/04/2025

17/03/2025

Primeiru-Ministru (PM), Kay Rala Xanana Gusmão husu bá ekipa auditoria atu opta prinsípiu “Osan Povu nian Jere ho Di’ak”.Primeiru-Ministru husu ne’e bainhira...

17/03/2025

𝐏𝐌 𝐗𝐀𝐍𝐀𝐍𝐀 𝐇𝐔𝐒𝐔 𝐄𝐊𝐈𝐏𝐀 𝐀𝐔𝐃𝐈𝐓𝐎𝐑𝐈𝐀 𝐎𝐏𝐓𝐀 𝐏𝐑𝐈𝐍𝐒𝐈́𝐏𝐈𝐔 “𝐎𝐒𝐀𝐍 𝐏𝐎𝐕𝐔 𝐍𝐈𝐀𝐍 𝐉𝐄𝐑𝐄 𝐇𝐎 𝐃𝐈’𝐀𝐊”

DILI, 17 Marsu 2025

Primeiru-Ministru (PM), Kay Rala Xanana Gusmão husu bá ekipa auditoria atu opta prinsípiu “Osan Povu nian Jere ho Di’ak”.

25/03/2024

GIA-MDRHC partisipa iha Sosializasaun Manual Auditoria Interna Ministeriu Finansas nian

Gabinete Inspesaun no Auditoria Ministeriu Dezenvolvimentu Rural no Habitasaun Komunitaria nian, ne’ebe reprezenta hosi Inspetor Orlando da Conceicao no akompanha hosi Subinspetor Inspesaun no Fiskaliasaun, Fortunato Godinho ho Subinspetora Auditoria Interna, Cerilia Amelia de Sousa Saldanha, ho ekipa partisipa iha atividade Sosializasaun Manual Auditoria Interna Ministeriu Finansas nian ne’ebe hala’o iha auditoriu Ministeriu Finansas, Aitarak-laran, Dili, 22/03.

Iha intervensaun, Orlando da Conceicao, nuudar inspetor GIA-MDRHC kongratula, Unidade Auditoria Interna Ministeriu Finansas nian, liu hosi INspetor ho ninia ekipa teknika tanba bele produz ona Manual Auditoria iNterna ida ne’ebe, bele konsidera hanesan padraun ida hodi guia atividade sira auditoria interna nian iha propriu Ministeriu Finansas no iha linha ministeriu hotohotu ne’ebe iha interese atu adota nune’e bele implementa atividade auditoria interna nian ho forma ida uniforme.

Tuir esplikasaun Inspetor-Jeral Unidade Auditoria Interna, Ministeriu Ministeriu Finansas, Ernesto da Conceicao Silva, hateten, “Manual Auditoria Interna (MAI) ninia objetivu prinsipal mak atu sai hanesan instrumentu apoiu ida ba funsaun auditoria Interna nune’e mos hanesan dokumentu orientasaun ida ba Auditor Internu sira. Manual auditoria Interna ne’e mos estabelese definisaun, polítika no prosedimentu, ho objetivu atu orienta prosesu auditoria interna.

Inspetor Ernesto, hatutan tan, “prosedimentu no metodolojia sira ne'ebé inklui iha manual ne’e, adopta tuir International Professional Practice Framework (IPPF) husi Institute of Internal Auditors (IIA), konsidera realidade no espesifikasaun organizasaun, legál no kulturál sira husi Administrasaun publika Estadu Timor-Leste nian.Misaun pronsipal hosi “Auditoria interna nian, hanesan atividade ida-ne'ebé independente no objetiva iha avaliasaun no konsultoria, hodi kria valór no hadi'ak operasaun organizasaun nian.

Atividade ida-ne'e ajuda organizasaun atu alkansa ninia objetivu sira, liu husi aprosimasaun sistemátiku no dixiplinada hodi avalia no hadi'a efikásia prosesu jestaun risku, kontrolu no governasaun”. hateten Inspetor Ernesto.

Inspetor Ernesto mos prounsia ba partisipante sira, katak, dadaun ne’e, ministeriu Dezenvolviemntu Rural no Habitasaun Komunitaria ho Ministeriu Ensinu Superiior no Siensia Kultura mak hatoo pedidu mai Ministeriu Finansas hodi adota manual ne’e refere hodi aplika tuir natureza ministeriu idaidak nian.

Iha fatin hanesan Komisáriu Komisaun Funsaun Públika trata Asuntu Forsa de Traballu, José Telo Soares Cristovão, hateten iha ninia intervensaun abertura, “bainhira Inspetores ho Sub-Inspetores sira hala’o inspesaun ka auditoria Interna ho diak maka Ministériu sira hotu bele lao diak iha futuru, tanba atividade inspesaun no auditoria mak sai matan tilun ba Administrasaun publika Estadu Timor-Leste nian.

Alende ne'e Komisáriu kontinua fó korajen ba Inspetores no Sub-Inspetores hodi halo auditoria Interna ida di'ak no fantástiku tanba sai forsa de traballu ba Administrasaun Públika no susesu servisu Inspetores, Inspetore nos Sub-Inspetores maka Funsaun Públika mos sei susesu iha IV Mandatu.

Partisipa iha atividade sosializasaun ne’e, inspetor jeral sira hosi linhas ministeriais no institute publiku sira. (foto: Delvio)

12/03/2024

Dili, 11/03/2024 - Gabinete inspesaun no auditoria – MDRHC reprezenta husi Sub-Inspetor Inspesaun no Fiskalizasaun, Fortunato Godinho Amaral, akompanha hosi tekniku sira iha Unidade serbisu inspesaun no fiskalizasaun (USIF), realiza sorumutuk ida ho Diretor Diresaun Nasional Politika Habitasaun Komunitária iha Diresaun Jeral Habitasaun Komunitaria, (DNPHC-DGHC) ho ninia ekipa teknika sira hodi aprezenta no entrega GIA-MDRHC ninia analize teknika relasiona ho esbosu Polítika Nasional Habitasaun Komunitária ho dokumentu relevansia sira seluk, ne’ebe DNPHC-DGHC providensia mai GIA-MDRHC atu halo akompanhamentu.

Sorumutuk ne’e realiza tanba artikulu ho kompetensia ne’ebe atribui ba Unidade Servisu Inspesaun no Fiskalizasaun iha GIA-MDRHC atu halo akompanhamentu ba funsionamentu servisu sentral ministeriu nian no propoin medida korretiva sira atu adota.

08/03/2024

Gabinete Inspesaun no Auditoria -MDRHC partisipa reuniaun extra-ordinária inspetór no fiskál úniku hosi entidade administrasaun direta no indireta Estadu nian.

Díli, 08 Marsu 2024, Gabinete Inspesaun no Auditoria, reprezenta hosi Inspetór Orlando da Conceição, partisipa iha reuniaun extra-ordinária inspetór no fiskál úniku sira hosi entidade administrasaun direta no indireta Estadu nian, ne’ebe prezide hosi Komisáriu Funsaun Públika no Inspetór Jerál Estadu. Reuniaun ida ne’e, hala’o iha sala reuniaun Ministériu Saúde nian.

Reuniaun refere realiza ho propózitu atu partilla konteúdu no maneira aplikasaun bá Resolução do Governo Nú 8/2024, de 24 de janeiro, Realização de Auditorias Internas aos Serviços da Administração Pública, hodi bele fasilita iha ámbitu implementasaun bá servisu auditoria interna iha Instituisaun Governamental, Institutu Públiku no Empreza Públika ida-idak.

Rezolusaun ne’e estabelese atu aposta bá Programa IX Governu Konstitusional nian, iha ámbitu Boa Governação no Combate à Corrupção , hodi realiza auditoria no kria mekanizmu ne’ebe efikaz hodi garante transparénsia iha instituisaun públika sira no responsabilizasaun independente bá nia asaun sira.

Konforme prosedimentu normativu ida ne’e, determina katak, atividade auditoria interna sei hala’o hosi Servisu Inspesaun no Auditoria iha instituisaun públiku ida-idak, relativa ho dezempeñu servisu sira tinan 2020, 2021 no 2022 nian.

Iha reuniaun refere, Inspetór Gabinete Inspesaun no Auditoria, MDRHC hatete katak, MDRHC nudar departamentu governamental foun, ne’ebe estabelese iha tinan 2023, nune’e la sujeita bá resolusaun refere atu hala’o auditoria interna.

Maibe, GIA-MDRHC, aprezenta dispozisaun tomak, atu providénsia apóiu nesesáriu bá hirak ne’ebe presiza, iha ámbitu servisu inspesaun no auditoria nian.

Partisipa iha reuniaun ida ne’e, Inspetór, Subinspetór, Fiskál Úniku sira hosi entidade administrasaun direta no indireta Estadu nian