Direção Nacional de Transportes Terrestres

25/02/2026

𝐊𝐎𝐌𝐔𝐍𝐈𝐊𝐀𝐃𝐔
𝐃𝐢𝐥𝐢, 𝟐𝟑 𝐅𝐞𝐯𝐞𝐫𝐞𝐢𝐫𝐨 𝐝𝐞 𝟐𝟎𝟐𝟔

Bazeia ba nú. 3, artigu 120 dekretu lei nú. 6/2003 kódigu estrada, bele hetan lisensa atu lori siklomotor no motosiklu ema ho otas 16 anos mak bele konduz siklomotor iha estrada públiku no tuir regras tenke uza kapasete no tenke iha karta de kondusaun ho kategoria A1.

Dadaun ne'e labarik ho menor idade barak mak konduz siklomotor eletriku (scooter) iha estrada públiku ne'ebe bele fo ameasa ba sira nia vida no mos perturba movimentasaun rodoviária, maka liu husi biban ida ne'e Diresaun Nasional Transportes Terestres hamutuk ho Diresaun Trânsitu Segurança Rodoviária fo hatene ba komunidade tomak liu-liu ba inan aman sira katak, labele autoriza oan sira ho menor idade konduz siklomotor eletriku (scooter) iha estrada públiku.

Diresaun Nasional transportes Terestres hamutuk ho Direcção Trânsitu Segurança Rodoviária sei halo atuasaun wainhira la kumpri.

Mak ne'e deit, husu atu kumpri.

Obrigadu.

25/02/2026

𝐒𝐈𝐑𝐊𝐔𝐋𝐀𝐑 𝐊𝐎𝐍𝐉𝐔𝐍𝐓𝐀
𝐃𝐢𝐥𝐢, 𝟐𝟑 𝐅𝐞𝐯𝐞𝐫𝐞𝐢𝐫𝐨 𝐝𝐞 𝟐𝟎𝟐𝟔,

Ho konsiderasaun ba resultadu reuniaun entre PNTL- MTC (DNTT) ho loja na'in iha loron 15, fulan Abril 2025, ho objetivu atu garante ordenamentu estasionamentu iha idak-idak nia loja oin, wainhira visitores sira ba halo kompras no hare ba engarafamentu nebe mak sempre akontese iha loja sira nia oin tamba laiha fatin estasionamentu propriu, maka liu husi biban ida ne'e Diresaun Nasional Transportes Terrestres hamutuk ho Direcção Trânsito Segurança Rodoviária hato'o ba loja na'in hotu iha kapital Dili atu rekruta staff hodi nune'e bele organiza estasionamentu, no husu atu tau marka ba estasionamentu kareta ho motor iha ita bot sira nia loja oin. Ba loja sira nebe iha ona ofisial estasionamentu tuir DNTT nia monitorizasaun seidauk organiza ho maximu tamba ne'e DNTT hamutuk ho PNTL Direção Transito Segurança Rodoviaria husu ofisial estasionamentu sira atu organiza hanesan tuir mai:

1. Tenki organiza estasionamentu tuir marka ka liña nebe iha;
2. Ba komprador ka visitores labele estasiona viaturas iha estrada ninin wainhira laiha ona espasu,
3. Wainhira la kumpri maka sei hetan sansaun.

Sirkular ne'e fo sai hanesan regras atu kumpri. Ami konta ho ita bot sira nia kolaborasaun ba ordenamentu nebe seguru no organizadu.
Obrigadu.

05/02/2026

FYI,

12/01/2026

https://www.dntt.gov.tl/receitas

29/10/2025

Diresaun Nasional Transportes Terrestres (DNTT), fo hatene ba motorista mikrolet/transportes públikus urbanus Dili katak tenki tula no hatun pasajeirus iha pontu de parajen/halte sira nebe iha, no ba komunidade sira nebe mak hakarak uza transportes públikus tenke hein iha pontu de parajen/halte nebe iha.

Husu atu kumpri.
Wainhira la kumpri maka sei hetan sansaun.

20/10/2025

16/10/2025

Dili, 15 de Outubru 2025

Diresaun Nasional Transportes Terrestres - DNTT hato'o ba públiku tomak katak Ministério dos Transportes e Comunicações sei halo lansamentu operasionalidade Area Traffic Control System (ATCS), ne'ebe mak sei realiza iha tuku 10:00 dadersan dia 20 de Outubro 2025, ho nune'e atendimentu publiku provizoriamente sei suspende iha oras dader, no sei hahu fila fali iha oras 14:00 lorokraik.

Ba atensaun ami hato'o obrigadu.😊

16/07/2025

Informasaun ba Publiku katak agora dadaun iha ona Banku BNCTL iha Edificio Inspesaun Veiculos DNTT Comoro, Ba oin bele halo pagamento direita iha Edificio refere. Obrigado

11/06/2025

Dili, 11 de Junho 2025

Diresaun Nasional Transportes Terrestres - DNTT hato'o ba publiku tomak katak relasiona ho liña Fibra optika ne'ebe kotu iha parte kampu Bekora, Atendimentu karta kondusaun provizoriamente hahu aban sei halao iha edifisiu sentral Balide.

Ba atensaun ami hato'o obrigadu.

02/04/2025

Dili, 02 de Abril 2025 Diresaun Nasional Transportes Terrestres hamutuk ho Diresaun Tranzitu Seguransa Rodoviario Nasional hato'o ba motorista transporte sira hotu katak, hahu loron 7 fulan abril 2025, husi rotunda Presidenti Nicolau Lobato to Ponte BJ Habibi Ba - Mai, labele para kareta ho motorizadas iha estrada ninin liu minutu 5.

Wainhira la kumpri, mak sei fo sansaun tuir dekreto lei no 6/2003 Codigó da Estrada.

Obrigado.

19/11/2024

Dili, 19 Novembro 2024

Diresaun Nasional Transportes Terrestres (DNTT) Liu husi Departamento Inspesaun veikulu halo inspesaun ba viatura Primeiro Ministro iha Edificio Palacio Governo.