SETP

29/01/2024

16/12/2023

SETP Inaugura Uma Lisan Klabis Aitara

Sekretáriu Estadu Terras no Propriedade (SETP) Jaime Xavier Lopes iha sábadu (16/12/2023), hala'o inaugurasaun ba knua foun ho naran "Uma Lisan Klabis Aitara" ne'ebe lokaliza iha Aldeia Manlala, Suku Manlala, Postu Administrativu Soibada, Munisípiu Manatutu.

Hafoin to'o iha fatin serimonia inauguarasaun ne'e, parte lia nain hamutuk ho familia boot husi knua Klabis Aitara, simu Sekretariu Estadu Terras Propriedade, Jaime Xavier Lopes ho prosesu tara tais no lok bua malus.

Purtantu serimonia ne'e, hetan partisipa husi konvidadu sira husi instituisaun estadu nian, hanesan sekretariu estadu terras no propriedare hamutuk ho ninia ekipa gabinete SETP, no Reprezentante husi sekretariu estadu arte no kultura, reprezentante husi parte saude nian, reprezentante husi parte Polisia Nasional Timor-Leste (PNTL), nomos reprezentante husi autoridade lokal, reprezentante husi igreja katolika, inklui mos partisipa masimu husi familia no komunidade sira ne'ebe pertense ba uma lisan Klabis Aitara.

Media SETP

15/12/2023

15/12/2023

SETP Partisipa Debate OJE 2024 iha Faze Espesialidade ba Loron Daruak

Sekretariu Estadu Terras no Propriedade (SETP) Jaime Xavier Lopes, iha Sesta-Feira 15/12/2023 ne'e, kontinua hakat ba Parlamentu Nasionál (PN), hodi partisipa ajenda diskusaun Proposta-lei Orsamentu Jerál Estadu (OJE) ba tinan fiskál 2024 iha faze espesialidade ba loron daruak nian ne'ebé hala'o iha sala plenária uma fukun.

Iha debate ba espesialidade loron daruak ne'e, marka prezensa másimu husi membru governu dasia konstituisionál.

Média SETP

14/12/2023

SETP Realiza Avaliasaun ba Servisu Dirijente no Kargu Xefia Sira

Sekretariu Estadu Terras no Propriedade (SETP) iha kuarta-feira 13/12/2023, realiza atividade avaliasaun ba servisu husi Dirijente no kargu xefia sira husi nivel nasional to'o munisipiu, hodi haree rezultadu progresu durante tinan ida nia laran, hahu husi fulan janeiru to'o Dezembru 2023.

Atividade avaliasaun ne'e, organiza husi Diresaun Jeral Terras no Propriedade (DGTP) no hetan abertura direita husi Sekretáriu Estadu Terras no Propriedade, Jaime Xavier Lopes, iha salaun katedral, Dili.

Durante iha prosesu abertura ne'e, Sekretariu Estadu Terras no Propriedade, Jaime Xavier Lopes husik hela mensajen balun ba dirijente no kargu xefia inklui funsionariu sira, katak atividade avaliasaun ida ne'e sai hanesan reflesaun ida ba funsionariu tomak ho dirijente no xefia kargu sira hotu. Kurizi malu ne'e la'os atu dehan katak sai inimigu ba malu ne'e laloos, maibe ida ne'e atu haree oinsa mak bele avalia servisu sira, ne'ebe mak di'ak ona no ida ne'ebe mak la di'ak ne'e tenke dehan la di'ak, no tenke simu hodi hadi'a.

Tanba haree ba programa prioridade sira ne'ebe Terras Propriedade prevee iha OJE 2024 kuandu hetan aprovasaun iha PN, ida ne'e hothotu presiza halo esforsu hodi aselera oinsa mak bele atinje ezekusaun ne'ebe di'ak, tanba Terras no Proriedade presiza halo buat ruma ne'ebe di'ak ba nasaun ida ne'e.

Iha oportunidade ida ne'e, Sekretariu Estadu Terras no Propriedade Jaime Xavier Lopes, hamutuk ho Ministru Justisa inklui Vise Ministru, fahe mos sertifikadu ba dirijente no xefia kargu inklui mos funsionariu sira ne'ebe tinan barak ona dedika sira nia an liuhusi servisu terras propriedade.
Purtantu iha atividade avaliasaun ne'e, partisipa masimu husi dirijente, kargu xefia ho funsionariu tomak DGTP, inklui ekipa husi gabinete SETP, aleinde hetan mos partisipa husi entidade balun.

Media SETP

14/12/2023

SETP Kontinua Partisipa Debate Proposta Lei OJE 2024 iha Faze Espesialidade

Sekretáriu Estadu Terras no Propriedade (SETP), Jaime Xavier Lopes, iha kinta-feira 14/12/2023 ne'e, nafatin disponivel hodi partisipa debate proposta lei Orsamentu Jerál Estadu (OJE) tinan fiskal 2024 nian, iha faze espesialidade ba loron dahuluk nian, iha Parlamentu Nasionál (PN).

Iha debate OJE 2024 ba faze espesialidade ba loron dahuluk ne'ebé hala'o iha sala plenária uma fukun ne'e, partisipa másimu husi membru governu dasia konstituisionál

Media SETP

14/12/2023

Proposta Lei OJE 2024 Aprovadu iha Faze Jeneralidade

Proposta Lei Orsamentu Jeral Estadu (OJE) 2024 ne'ebe aprezenta husi Governu Konstituisional Dasia durante loron rua tuituir malu iha Parlamentu Nasional, dadauk hetan ona aprovasaun iha faze jeneralidade, ho votu afavor 43, kontra 8 no abstensaun 1.

Iha debate faze jeneralidade ba loron dahuluk, marka prezensa direita husi Primeiru Ministru (PM) Kay Rala Xanana Gusmão no hetan akompaña masimu husi membru governu sira, inklui mos Sekretariu Estadu Terras no Propriedade (SETP) Jaime Xavier Lopes.

Iha ne'eba, Xefe Governu Kay Rala Xanana Gusmão halo aprezentasaun hodi esplika klean motivu husi proposta OJE 2024 ba deputadu sira iha Parlamentu Nasional. Hafoin ida ne'e, iha fali deskusaun ba loron daruak ne'ebe hala'o iha kuarta-feira (13/12/2023), Parlamentu Nasional (PN) deside konsege aprova proposta lei OJE 2024 ne'ebe governu aprezenta iha faze jeneralidade.

Purtantu, valor orsamentu jeral estadu konsolidadu ne'e hamutuk billaun $1,95 resin, ne'ebe tuir planu sei aloka ba Administrasaun Sentral, Regiaun Administrativa Especial Oe-Cusse Ambeno no Seguransa Sosial, maibe la inklui Fundu Reserva Seguransa Sosial.

Kona-ba Reseita Estadu nian ba orsamentu ida ne’e hetan ekuilíbriu ka tetu ho di’ak ho despeza Estadu ba Setor Públiku Administrativu, ba Administrasaun Central no ba Sub-setor Seguransa Sosial no ba RAEOA.
Husi total Montante despeza, ne'ebé prevee ba Administrasaun Sentral no ba Rejiaun Administrativa Espesial Oe-Cusse Ambeno fahe ba kategoria haat mak hanesan tuir mai:
• Millaun $468,8 ba kategoria salários e vencimentos;
• Millaun $386,3 ba kategoria bens e serviços;
• Millaun $589,7 ba kategoria transferências públicas;
• Millaun $34,2 ba kategoria capital menor;
• Millaun $411 ba kategoria capital de desenvolvimento.

Enkuantu, kona-bá Orsamentu Seguransa Sosial, inklui Fundo Reserva Seguransa Sosial, aloka millaun $347,6.

Media SETP