Macln

Home
Macln

Ba Moris diak Veteranos sira

17/05/2024

MINISTRU “OAN SORU”: LA NEGA PARTISIPASAUN SIDADAUN TIMOR-LESTE IHA LUTA BA UKUN RASIK AN

Liquisa, 10 Maiu 2024

Diskusaun no aprovasaun estatútu kombatente libertasaun nasionál ikus ne’ebé hala’o iha sala enkontru IADE munisípiu Likisa sexta ne’e proponente sira husu bá Ministériu atu tau konsiderasaun bá iha estafeta sira ne’ebé mak iha tempu luta bá ukun rasik an fó sira nia vida hodi halo servisu hamutuk ho FALINTIL sira iha ailaran tama too vila laran.
Deputadu Helder Freitas “Kamarudin” husu bá Ministériu no CCLN atu halo verifiksaun didiak kona-bá ema barak mak ne’ebé mak falsifika dadus hodi hanesan estafeta hodi hetan pensaun hosi governu.

Atu salva osan estadu nia oinsa para labele selu ema arbiru de’it selae durante tinan sanulu resin ita selu saugate bá ema ne’ebé la’os estafeta uluk lakohi ukun an sai estafeta hotu ona mos simu pensaun. Tanba nemak kuandu lei ne’e hamosu ona balu sei retira nia sei la husu ha’u fiar, tanba nemak lahatama bá lei ha’u pronto avansa bá plenária, hodi hato’o rekursu hodi bá deskuti iha ne’ebá maibé mak ne’e, tuir buat ne’ebé mak ha’u hatene maske maun Xanana nia subar iha Dili, maibé kuandu surat ruma urjente dalaruma iha tiha Sub Xefe Daitula ema hatene katak maun Xanana subar ho Sub Xefe Daitula la’os iha Dili ida tuir buat ne’ebé ha’u hatene. Dokumentu hotu bá Daitula depois ema dehan Daitula ho Xanana hamutuk hela inimigu tenki serku iha fatin ne’e. maibé iha ne’ebá mak la’o tutan bá malu, agóra Xanana subar tiha iha Dili, bele explika katak mai ona iha Dili ne’e di’ak, tanba iha ne’ebá ne’e lori surat mai ami la diretamente maibé ami hatene katak nia subar iha Kakaulidun, no subar iha Lahane señora Alianca nia uma, ami hatene hela mas ami kuandu bá mai lalika dook hanesan lori metrailadór mai ne’e, amu João mak tula mai maibé nia labele to’o iha fatin entaun ami hatene to’o iha no to’o iha ne’ebá de’it. Ida nemak dehan estafeta la’os estafeta ida iha uma de’it, imi mai subar tiha iha uma de’it ida ne’e estafeta hotu bá fali estafeta hotu, estafeta ne’e so iha ailaran mak hatene segredu. Tuir buat ne’ebé ha’u hatene durante ha’u akompaña iha ne’ebá failla tanba nemak ha’u hakarak hamosu dekretu ka artigu ida ne’e oinsa para ita bele rezolve selae dadus 2009 nia foin dadauk halo verifikasaun hotu-hotu sai estafeta. Ha’u dalaruma ha’u hamrik ha’u ko’alia hanesan ne’e ita bo’ot estafeta sa fulan. Sa tinan ó nia kaixa iha ne’ebé agóra ita bá justifikasaun sira hatan hatete laiha maun hahan ami bá tau iha uma lahatene Semak mai foti mós ami lahatene, entaun ida ne’e halo konfuzaun ida ne’e problema. Tanba nemak ha’u lori nafatin rekursu iha plenária tanba ida ne’e importante tebes bá ita hotu ho nune’e ita bele salva ita nia osan selae ida ne’ebé seida’uk rejistu mai tan aproveita rejsitu hodi hetan osan la tuir saida mak ita hotu nia espetativa, balu aproveita rejistu ho nune’e sira bele hetan direitu fulan-fulan simu osan dolar amerikanu atus rua ou dolar amerikanu atus tolu, di’ak liu ha’u tau ida ne’e se ida nemak ita hadi’a ema barak tauk ona tanba atu halo falsifikasuan dadus tanba tauk bá tama komarka bekora” dehan Deputadu Helder Freitas“Kamarudin”
Prezidente CCLN Vidál deJesus “Riak Leman” iha nia intervesaun hateten iha rejiaun tres uja de’it estafeta ida de’it maibé iha mós risku wainhira estafeta ne’e inimgu kaer difisil tebes bá sira atu halo ligasaun.

“Hosi rejiaun tres estafeta ne’e ami uja fleksibel de’it la permanente tanba se kria nurep, nurep mós prepara ema ida para sai estafeta, zona mós tenki prepara ida tanba saida, tanba ita kaer permanente estafeta ida permanente inimigu kaer nia ita halai la biban ida ne’e susar, iha rejiaun tres kuandu ha’u bá manatuto maun Lu-Olo ho Maubere sira nain rua uaj estafeta ida kleur naran Martino derepente Amino Lopes kaer nia ami buka dalan lahetan ne’e ita atu ba los ida ne’ebé, ne’ebé estafeta iha ami nia rejiaun tres ne’e fleksibel, agóra se ita aprova ema nia dadus ne’e tuir partisipasaun iha funu, kuandu kaer ona Ministru “Oan Soru” ami nain tolu maun Lu-Olo maki ha ne’eba agora iha momentu ne’eba loraik ona udan mos tun hau dehan ida ne’e ita halo nusa los, ami bá bosok tiha ita nia responsábel kaixa sira iha ne’ebá, agóra ne’e ami ne’e ami sai mós ami bá dook, ne’ebé imk hare sinais iha entaun ami mai, kuandu sinais laiha ami la mai. Mas afinal ami ba subar iha sorin oan besik hela sira. Liu fali loron hira bá husu sira dehan martino halai sai tiha ona, mai fali kalan ami atu toba maun Lu-Olo kalan atu toba ho martin onia tauk fali martino entaun ha’u hare martino mur mura los, ha’u bolu martino ó mai toba iha ne’e situasan mak ida ne’e kuandu ema kaer ona estafeta ita book an ladi’ak ne’e ita nia rede hotu inimigu deskobre ona, sorte ita nia estafeta nemos esperto nia halai sai tiha. Dalaruma ami sekretáriu nurep nia mak sai lori surat bá mai, iha momentu ne’ebá iha zona ida ema ruma sai ema di’ak nia iha kios ruma iha ne’ebá sasan hotu mai hotu fatin ne’ebé de’it rai iha kios ne’e, bapa sira bá husu sira hatan ida ne’e atu faan ida nemak sira aproveita Haruka bá ailaran dehan Prezidente CCLN Vidál de Jesus “Riak Leman”
Ministru "Oan Soru" individu ida labele sura nia partisipasaun iha luta bá libertasaun nasionál tanba ne'e luta populár ema hotu atu kiik ka boot ferik ka katuas involve hotu iha prosesu ida ne'e.
“Ita hotu iha ne’e ita lalika dehan ha’u mak partisipa barak ha’u mak partisipa oituan lae, ema hotu partisipa no kontribuisaun barak ka oituan iha rai no iha uma ida de’it mós laiha fen no oan servisu hanesan maibé lahaluha konta nia kontribuisaun tanba ne’e artigu quatru dehan sidadaun nia servisu ida ne’ebé mak bele rekoñese hanesan kombatente, nia ne’e pertense bá organizasaun ne’e pertense bá celkom ida ka nurep ida ka zona ida ka sub rejiaun ida ka rejiaun ida ka, ida ne’e klaru hela, se nia la pertense bá celcom ida ne’e, zona ida ne’e mas nia partisipa ka lae ema ruma koñese nia ka lae, ida nemos iha hotu ida ne’e servisu normalmente ne’ebé mak ita halo tiha ona. Iha ne’e atu hatete lolos la deskrimina ema ida la deskrimina joven la sura lae, kuandu atu rekoñese nia kombatente ne’e bazeia bá rejistu artigu 13 ninia direitu mak konsagra iha artigu 23, ida ne’e ita ko’alia kona-bá rekoñese ka lae la ko’alia kona-bá direitu sira nia dever sira iha artigu 34 ida klaru hotu kedas” dehan Ministru “Oan Soru” iha nia intervensaun.
Ministru “Oan Soru” akresenta la alérjia temi FRETILIN tanba istória mak faktu hodi defende títlu organizasaun luta libertasaun nasionál.
“Iha artigu setimo ko’alia kona-ba sidadaun estranjeiru ne’ebé partisipa ndividualmente biar nia latama iha organizasaun hahú hosi rejiaun um too rejiaun sinco laiha hotu kedas, maibé ne’e artigu setimo rekoñese ne’ebé la tau iha atu diskrimina ne’e lae, ne’e atu informa bá ita hotu katak artigu kuatru ne’e akomola hotu-hotu hodi dehan sidadõ considerado como combatente libertação nacional qual sidadão, sidadaun ida ne’ebé, sidadaun timorense ou não timorense klaru dentro da organizacão o ou organicão ou estrutura ou não, nemos hatete hotu kedas ne’ebé ha’u hanoin laiha razaun ida ita tau tan buat seluk mas hanesan membru governu rekomenda liu-liu bá deputadu sira bankada opozisaun FRETILIN tanba domina istória ne’e ita lalika alerjia, ha’u la alerjia temi FRETILIN ha’u mós FRETILIN tanba nemak ita defende iha títlu organizasaun luta libertasaun nasionál ha’u lakohi aumenta buat ruma karik ha’u kria fali problema problema ne’e la’os bá ministériu de’it maibé sei bá públiku ne’e ha’u fiar ida ne’e, biar ha’u ministru maibé ha’u mós tenki rekoñese pasadu ne’ebé sira desidi ita tenki la’o tanba iha momentu ne’ebá maun Lu-Olo mak Przidente Parlamentu Nasionál, Maun Mari mak Primeiru Ministru, maun Xanana mak Prezidente Repúblika, Avo Xavi mak Vise Prezidente Parlamentu Nasionál ne’ebé naun medigas títlu ne’e sira la lee se sira la lee entaun natoon ne’e sira sala mak maun Lu-Olo aprova hanesan Prezidente Parlamentu Nasionál, maun Xanana promulga hanesan Prezidente Repúblika ne’e ita labele book ita bele bool buat seluk prejudika ita nia implementasaun sira iha terrenu maibé lei ida ne’e labele book no labele aumenta” tenik Ministru “Oan Soru” iha nia intervensaun iha salaun IADE munisípiu Likisa.
Prezidente Komisaun F Maria Gurumali Barreto iha nia intervensaun hatete governu la simu proposta hosi proponente sira tanba governu iha responsabilidade hodi halo dekretu lei ida.

“inisiativa atu tau Estafeta involve iha lei governu la aseita tanba nia impaktu boot tebes bá artigu sira seluk desde loron tolu ita iha ne’e nomos artigu balu ita la book tanba ne’e governu a guarda hela, tanba lei ne’e depois hetan promulgasaun hosi Prezidente Repúblika, governu sei iha responsabilidade sei halo dekretu lei tanba artigu sira tun mai ne’e la implementa tom-tomak de’it, a guarda bá futuru tanba iha dekretu ne’e, hodi hare bá iha implementasaun karik mós afeita mós bá verifikasaun dadus 2009 ne’ebé mak agóra la’o hela”. dehan Prezidente Komisaun F Maria Gurumali Barreto.

Prezidente Komisaun F Maria Gurumali Barreto agradese bá partisipasaun hosi Deputadu sira, tantu hosi bankada governu, bankada opozisaun iha komisaun F , Ministru Asuntu Kombatente Libertasaun Nasionál Gil da Costa Monteiro “Oan Soru” Kargu DG MACLN, Diretó DNPS, Asesór hosi Ministériu, Komisáriu sira, Komité Executivu CNRM /FREITLIN Konsellu Executivu luta CEL/FC Frente Klandestina, no Tékniku hosi Parlamentu Nasionál.

#

10/05/2024

KOMITÉ EXECUTIVU CNRM /FRETELIN CEL/FC EKOMEDA BÁ P NO MACLN PRESIJA HADI’A REDASAUN IHA LEI ESTATÚTU KOMBATENTE LIBERTASAUN NASIONÁL KONA-BÁ LUTA FRENTE KLANDESTINA NIA

Liquisa, 10 Maiu 2024

Parlamentu Nasionál no Ministériu Asuntu Kombatente Libertasaun Nasionál (sigla-portugues MACLN kontinua halo Diskusaun daruak no votasaun iha espesiálidade proposta lei No Proposta lei n° 7/VI(1a) – terseira alterasaun lei n° 3/2006 Estatútu Kombatente Libertasaun Nasionál kinta ne’e iha salaun IADE Munisípiu Liquisa.
Komité Executivu CNRM /FRETILIN Konsellu Executivu luta CEL/FC Frente Klandestina Jacinto Alves hatete iha lei la rekoñese frente klandestina, nia explika luta frente klandestina hahú hosi familia bá familia.

“Iha lei ne’e la define buat ida kona-ba ba frente, no iha lei defin kona-ba frenti, tolu maibé ita la rekonese frente klendistina iha momentu ne’eba. Iha lei ne’e la define buat ida konaba ba frentes, Iha lei ne’e define konaba frenti, 3 maibe ita la rekonese frente klendistina iha momentu ne’eba, Fator determinante luta inimigu,Lebatanemetu sira klandestina desteradu ba fatin sira ne’e hotu, Luta frente klandestina ne’e laos pasibu maibé liga husi familia bá familia.

Hahu inimigu mai hatur fali servisu klandestina hahú orgraniza la’o, hodi hatur fali timor iha mapa luta iha mundu no agenda iha munda, Komvida solidadridade internasionál joven estudante 23 universidade tomak hodi organizada, Frente klandestina laos estafeta, tamba ne’e husu ita tau lei ne’e fo rekonesementu ba frente klandestina ho nia estruktura tomak no komité ezekutivu sira. Dehan Jacinto Alves.

Membru Komite Executivu CNRM /FREITLIN Konsellu Executivu luta CEL/FC Frente Klandestina, Jose Manuel Fernandes “Nakfila” hatete komité ezekutivu rekomenda persija hadi’a redasaun ho nune’e labele difikulta iha implementasaun.

“Ha’u nia piniaun la dok hosi kompañero Alves Ita hare lei ho objetividade maibé labele halo lei ho amigidades ba ita nia implementasaun, halo revisaun, revokasaun, alterasaun tuir interpretasaun no implementasaun hodi hatudu ho nia efeitu Komite ezekutivu rekomenda ho artigu ne’ebé ita presiza hadi’a redasaun atu nune;e labele difikulta implementasaun Presija lei ne’e dignifika frente klandestina ho kondisaun ne’ebé iha maibé iha tempu ne’ebá mobiliza povu, Lei mai deskrimina tia fali ami ne’ebé frente klandestina maibé la’os imi mai Husu ba deputadu sira atu konsidera ami nia rekomendasaun ne’e la’os tempu ita halo deskrimina bá malu, maibé tempu ona ita hamutuk hodi hadia buat ruma Maibé demokrásia ne’e mós halo ita halo deskrimina tia malu maibé persija hadia element balun, dehan Jose Manuel Fernandes “Nakfila”
Presidente CCLN “Riak Leman” iha nia intervensaun hatete Frente iha funu laran fahe bá frente tolu mak hanesan frente klandestina, armanda no diplomata Maibé frente klandestina mak sai mahon ba organizasaun sira hotu hanesan CNRM, CNRR oragun maximu reprezenta luta da Resistencia, Lei ne’e ita husu altera hodi fo benefisiu bá ita hotu .

Hatan bá preokupasaun hosi Komité Executivu CNRM /FRETILIN CEL/FC iha diskusaun ne’e Ministru “Oan Soru” husu ema hotu atu hare iha artigu 39 la’os deskrimina tiha organizasaun hotu-hotu no laiha dalan atu diskuti tanba nain sira ne’ebé halo lei ne’e sei moris.
“Ema barak hanoin tau iha estatútu iha artigu sestu ko’alia kona-bá FRETILIN, FALINTIL, CRRN, CNRM NO CNRT, tanba temi FALINTIL valóriza de’it frente armada no klandestina lae. ema barak ko’alia hela ida ne’e. ha’u rasik la’o timor laran tomak ha’u hatene hela.
Mas em prinsipiu hanesan ministru la barani atu simu ita bo’ot sira nia pensamentu, no labarani halo desizaun iha ne’e tanba lei numeru 3 /2006, Prezidente Parlamentu Nasionál mak Maun Francisco Guterres Lú Olo, Presidente Repúblika mak maun boot Kayrala Xanana Gusmão, no Primeiru Ministru Maka Dotór Mari Alkatiri ne’ebé laiha dalan ita sira ne’e atu deskuti ko’a kotu sira nia lian ne’ebé tau iha ne’e laiha. Dehan Ministru “Oan Soru”
Ministru mós akresenta katak governu hola pozisaun sei mantein ho pozisaun governu nia ho nune’e labele mosu desentendimentu.
“Ha’u hanesan ministru hola pozisaun iha ne’e ha’u lakohi, tanba sumarina da rezisténsia ne’e orgaun lima ne’e tau hela iha ne’ebá, maibé dalaruma ema temi, tanba sa tau FALINTIL mai ha’u sei konsulta ida bá sira nain hira Maun Xanana, maun Lu-Olo no maun Mari, dehan mak lae para labele kria problema hasai tiha FALINTIL ne’e, fasil hodi nune’e labele kria dezentendimentu entre tau ida iha ailaran ne’e maibé ha’u labarani atu pronunsia liafuan ruma iha momentu ida ne’e tanba lei nia fukun maka fukun ida ne’ebé orgaun lima temi iha 2006, lei númeru 3 maka agóra ita book, buat seluk maibé la bo’ok ida ne’ebá ida nemak nia resposta jerál bá organisaun ida ne’ebé deít tanba nemos ko’alia iha artigu 39 estatútu ne’e husu ita boot sira tu hare iha ne’ebá la’os deskrimina tiha organizasaun hotu-hotu. Tenik Ministru “Oan Soru”
Enkuantu Diskusaun datolu no votasaun iha espesiálidade proposta lei N¬o Proposta lei n° 7/VI(1¬a) – terseira alterasaun lei n° 3/2006 Estatútu Kombatente Libertasaun Nasionál kontinua bá sexta loron 10 fulan maiu 2024.

#

10/05/2024

MINISTRU “OAN SORU” HAU MAI HANESAN JESTÓR BÁ ASSUNTU VETERANU LA SIKNIFIKA ATU HALO DESIZAUN MAIBÉ, ASSUNTU VETERANU RESPONSABILIDADE EMA HOTU NIAN

Liquisa, 9 Maiu 2024

Diskusaun proposta lei N¬o Proposta lei n° 7/VI(1¬a) – terseira alterasaun lei n° 3/2006 12 abril Estatútu Kombatente Libertasaun Nasionál kinta ne’e iha salaun IADE Munisípiu Likisa.

Komisaun F Parlamentu Nasionál ne’ebé trata Asuntu Saúde, Seguransa Sosiál no Igualidade Jenéru no Ministériu Asuntu Kombatente Libertasaun Nasionál (sigla-portugues MACLN) halo diskusaun bá loron daruak ho proposta lei ne’ebé aprezenta hosi proponente sira, nomos halo defeza bá iha proposta refere ho nune’e iha diskusaun ne’e deputadu sira hosi bankada goevrnu no bankada opozisaun kontinua deskute mós asuntu balu ligadu ho falsifikasaun dokumentu veteranu hodi hetan pensaun.

Iha intervensaun deputadu bankada opozisaun deputadu Joaquim Joaquim dos Santos “Borluli” husu bá Ministériu Asuntu Kombatente Libertasaun Nasionál no CCLN atu halo auditóriu interna ho nune’e bele hatene kauza hosi falsifikasuan dokumentu veteranu sira nia.

"Kona-bá falsifikasaun ha’u hanoin la’os lei kria problema falsifikasaun mas ha’u hanoin prosedimentu halo verifikasaun dadus se ita seida’uk iha prosedimentu verifikasuan dadus veteranu se hanesan ha’u Hanoi governu tenki prepara instrumentu verifikasaun dadus veteranu para nune’e labele mosu tan falsifikasaun porque ita labele halo lei fó fali prezuiju bá direitu sidadaun, sidadaun nia direitu ita labele impede ho lei, sei iha difikuldade atu resolve mak ne’e tenki kria duni, se seidauk konsege halo ida ne’e ha’u hanoin ne’e la’os atu hatama iha lei depois Ministériu ho Konsellu halo tok auditóriu interna bazeia bá auditória problema mak falsifikasaun, waihira ita halo auditória interna ita bele deteta problema ne’e nia kauza ne’’e hosi ne’ebé depois ita aprezenta mekanismu no solusaun la’os problema atu muda lei ne’e". Dehan deputadu Joaquim Joaquim dos Santos “Borluli”
Prezidente Komisaun F Maria Gurumali Barreto rekoñese preokupasaun barak hosi deputadu sira kona-bá falsifikasaun dokumentu veteranu nia tanba ne’e governu mak iha kompeténsia hodi responde preokupasaun ida ne’e.

"iha audénsia foin lalais ne'e iha mós preokupasaun barak hosi deputadu sira, nomos iha entidadde balu ne’ebë ami konvida iha momentu ne’ebá, problema maka hanesna ohin señor ministru ko’alia, ida ne’ebé mak inan aman rasik oan rasik, kada vez mai laiha relasaun familia rasik, maibé nia halo falsifika dokumentu hodi hetan direitu bá pensaun ida nemak sai problema, tanba nemak falsifikasaun dokuemntu númeru aumenta makaas tanba ida nemak ita komesa atu limita Semak iha direitu bele simu Semak no Semak laiha direitu atu simu pensaun, ida ne’e ha’u nia observasaun maibé ha’u fó fila fali bá governu bele hatan preokupasaun sira ne’e". dehan prezidente komisaun F Maria Gurumali Barreto.

Hatan bá preokupasaun hosi deputadu sira iha PN no entidade sira Ministru “Oan soru” rekoñese veteranu sira ejiji de’it mak sira nia direitu maibé haluha tiha ona sira nia dever.

“Pensaun sobrevivensia ne’ebé ativu hela faz parte bá vinte sete mil agora dadauk hamutuk katorze mil sento novienta nove benefisiáriu dadus 2009 bele lori terinta mil martires mai bá pensaun sobrevivensia ou quarenta mil timor atu bá ne’ebé o, sobrevivensia ne’e atribui dependensia ekonomikamente vulneralidade ne’e mak fen ho oan ka maun ho alin ka ita ko’alia ne’e tanba konsikuensia funu,
ida ne’e ita hotu sente laiha ema ida mak la sente mas konseitu sobrevivensia mak ida ne’ebé ne’e para ita atu aplika, ida nemak preokupasaun. Agóra iha ema rihun hitu atus neen sia nulu resin haat maka agora simu hela pensaun maun alin nia, ida maun ka nia alin mate ne’e simu hela. Maibé sira ne’e hotu-hotu mai ho rekomendasaun hosi estrutura rezisténsia nia tau iha ne’ebá nia sofre turtura, destera no seluk tan tanba nia maun no alin iha ailaran ema barak hatene hela tanba estrutura ne’e asina hela mai ami simu de’it mas ema indonézia mós hamnasa hela ita heipa ami la kastigu imi nia maluk timor oan barak hanesan ne’e agóra dadauk iha sete mil seis cento novienta quatru, no sei mai tan agóra mai tan vinte e tal mil ida nemak ita nia preokupasaun ita hotu sente hela laiha ema ida mak moos hosi ukun an ida ne’e karik la inan aman rasik maibe iha familia uma laran maun alin rasik maibé ita mós iha responsábilidade bá nasaun maibe se ita iha ne’e halo desizaun lalika book buat ida ha’u konkorda labele book maibé responsábilidae ita veteranu nia sentidu bá estadu no bá povu iha dezenvolviementu ita fraku, dever kombatente nia iha artigu 34 maibé too agóra dever ita nia too agóra ita la kumpri ita ko’alia de’it mak ita nia direitu, ha’u hatene konsikuensia kuandu aprova lei ne’e konsikuensia ne’e iha ha’u hatene soke moru hotu. Mas ita ko’ali kona-bá responsábilidade bá nasaun to’o momentu tenki soke moru.

Ha’u mai iha ne’e apelas hanesan jestór bá asuntu veteranu nia tanba ministru maibé la siknifika atu halo desizaun mas responsábilidade ita hotu nia. Dehan Ministru “Oan Soru”
Nunemós deputada Lucia taeki hanesan proponente bá iha proposta refere hatete tenki la’o tuir lei, kaundu lei la regula maka sei mosu bebeik falsifikasaun dadus veteran, ho nune’e tenki hare mós estadu nia kbiit ho situasaun hanesan ne’e mak neneik mak bele hadia iregualridade sira ne’e.

#

10/05/2024

KOMISAUN F NO MINISTÉRIO ASSUNTU KOMBATENTE LIBERTASAUN NASIONÁL DESKUTE NO HALO VOTASAUN BA ESTÁTUTU KOMBATENTE
LIBERTASAUN NASIONÁL

Liquisa, 08 Maiu 2024

Parlamentu Nasionál liuhosi Komisaun F ne’ebé trata Asuntu Saúde, Seguransa Sosiál no Igualidade Jenéru no Ministériu Asuntu Kombatente Libertasaun Nasionál (sigla-portugues MACLN) Kuarta ne’e hala’o diskusaun dahuluk no votasaun iha espesialidade Proposta lei n° 7/VI(1a) – terseira alterasaun lei n° 3/2006 12 abril Estatútu Kombatente Libertasaun Nasionál iha salaun IADE Munisípiu Likisa.

Iha abertura diskusaun ne’e Prezidente Komisaun F Maria Gurumali Barreto hatete diskusaun proposta lei estatútu kombatente libertasaun nasionál sei tuir guiaun ne’ebé mak komisaun F prepara ona.

“Ohin loron 8 fulan maiu ita hahú diskusaun espesialidade ba proposta lei n° 7/VI(1a) – terseira alterasaun lei n° 3/2006 12 abril Estatútu Kombatente Libertasaun Nasionál. Durante loron tolu iha ne’e.

ita sei halo diskusaun alterasaun estatútu kombatente libertasaun nasional, ita sei halo tuir guiaun ne’ebé ami prepara hodi nune’e ita kumpri. Dehan Prezidente Komisaun F Maria Gurumali Barreto.
Iha biban nemos governu liuhosi intervensaun Ministru “Oan Soru” hatete ema barak mak falsifika dokumentu tanba hakarak hetan dedikasaun ekslusiva.

“Ita koalia konaba esklusividade dedikasaun a tempu inteiro ema hotu mai falsifika dedikasaun ekslusiva, rejistu iha baze de dadus destera, prizaun, detensaun kuaze barak mak detensaun hotu kedan, agóra rejistu iha hela baze de dadus hamutuk vinte sete mil benifisiariu, mas hau lahatene ita boot sira iha frente klandestina ne’e hatene Semak prizaun Semak detensaun ita boot sira hatene maibé dokumentu mai hotu-hotu tau ida ne’e. dehan Ministru “Oan Soru”
Ministru “Oan Soru” Rekoñese frente diplomata mós iha direitu atu rejista no hetan rekoñesimentu hosi governu.

“Ohin ita ko’alia konaba frente armada, frente klandestina mas em prinsipiu ko’alia ona kona-bá estrutura diretiva da rezistensia nia reprezenta mas iha ko’alia haluha tiha sira frente diplomatika mós mas ladun diak, tanba ita nia maluk frente diplomatiku mós sira foin rejistu 2009, entrega ona bá CCLN halo ona negosiasaun hela ho Prezidente José Ramos Horta, Dr Mari Alkatiri, señora Ines Almeida, katak sira fó dadus katak ema sira ne’e sira koñese, no atu rekoñese neé se?, agora dadauk prosesu lao hela. Tenik Ministru “Oan Soru” iha Diskusan Lei Estatútu Kombatente Libertasaun Nasionál.

Deputadu Joaquim dos Santos “Borluli” hanesan proponente iha nia intervensaun hatete dedikasaun estudante sira labele hanesan ho Armada, no konkorda hamosu lei ketak ida bá vitima Guerra, atu prevene no Evita oportunista sira falsifika dokumentu katak sira m’os partisipa iha luta.

Iha diskusaun ne’e partisipa hosi prezidente Konsellu Administrasaun Konsellu Kombatente Libertasaun Nasionál Vidál de Jesus “Riak Leman”, DG MACLN Joaquim Carvalho de Araújo, Diretór DNPS Manuel Araújo dos Santos,Vicente da Conçeicão “RaiLos” Prezidente CMCLN Likisa, Sekretáriu Executivu Komité Executivu CNRM /FREITLIN Konsellu Executivu luta CEL/FC Frente Klandestina Constancio Pinto, Membru Komité Executivu CNRM /FREITLIN Konsellu Executivu luta CEL/FC Frente Klandestina Jacinto Alves, Membru Komite Executivu CNRM /Freitlin Konsellu Executivu luta CEL/FC Frente Klandestina, Jose Manuel Fernandes “Nakfila”, Sekretáriu Executivu Komité Orientadór 25 (sigla-portugues CO25) Constancio Pinto.

Komisáriu C-MCLN Vikeke Ilda Maria da Conceição, Komisariu C-MCLN Manatuto Napoleão da Costa, Komisariu C-MCLN Díli Celestino P. da Silva, Asesór Polítiku Ministru Jacinto Viegas Vicente “Roque”, Asesór MACLN Nuno Gabriel C. SÁ, Vitorino Cruz Duarte Asesór MACLN, Asesór Ministru Alcino Soares Gomes, Adjunta CO25 Maria Dadi no Diretóra CO25 Eugenia Correia
Prezidente Komisaun F Maria Gurumali Barreto, Sekretáriu Komisaun F Deputadu Leandro Lobato, Deputadu Luis Ximenes Caldeira, Deputada Lucia Taeki, Deputada Maria Tereza da Silva, Deputadu António Verdial da Silva, Deputadu Helder Freitas “Kamarudin” Deputada Maria Angelica Rangel, no Deputadu Joaquim dos Santos

#

10/05/2024

MINISTRU “OAN SORU” ORIENTA EKIPA TÉKNIKU HALO MARKASAUN KAMPA BÁ RESTU MORTAIS SIRA

Dili, 06 Maiu 2024

Ministru “Oan Soru” hala'o enkontru ho kargu xefia sira iha Ministériu Asuntu Kombatente Libertasaun Nasionál (sigla-portugues MACLN) Segunda ne’e iha sala enkontru Ministériu kaikoli.

iha enkontru ne’e Ministru orienta ekipa tékniku sira atu aselera servisu ateru rai iha osúariu Manatuto no halo markasaun bá kampa bá restu mortais sira. ho nune'e restu mortais sira bele halo'ot ho di'ak, Ministru mós husu bá tékniku sira servisu tuir tempu.

Enkontru ne’e hala’o bazeia bá observasaun Ministru nia wainhira vizita Osúariu Manatuto iha sabado loron 4 fulan maiu 2024.
Iha enkontru ne’e akompaña hosi Sekretáriu Estadu Veteranu César dos Santos “Merak” no partisipa hosi Diretór Jerál MACLN Joaquin Carvalho de Araújo, Diretór Jerál da Administrasaun e Finansas, Osório Bianco Ximenes de Araújo. Xefe Gabinete MACLN Nilton Ximenes das Neves, Enjeñeiru MACLN José Cornélio Amaral, Asesór MACLN Nuno Gabriel de Sá, DNPS Manuel dos Santos de Araújo, DNF Rosa da Costa Gomes, Xefe Departamentu Aprovizionamento Amancio Marques, Xefe Departamentu Planu Finansas, Costdio Gonçalves, no Arkitetura MACLN Juliao Lopes.

#

06/05/2024

PRIMEIRU MINISTRU KAYRALA XANANA GUSMÃO LANSA EDIFISIU BALKAUN ÚNIKU IHA MUNISÍPIU MANATUTO

Manatuto, 04 Maiu 2024

Ministru “Oan Soru” partisipa lansamentu dahuluk edifisiu Balkaun Úniku iha Munisípiu Manatuto.

Edifisiu Balkaun Úniku ne’e hetan bensaun hosi amu paroku Manatuto, Balkaun Úniku sai hanesan baze no kondisaun bá iha desentralizasaun governu lokál ne’ebé hatur iha munisípiu atu halo buat hotu-hotu ne’ebé mak governu sentrál halo.

Enkuantu, Balkaun Úniku mak inovasaun importante ida hosi governu atu lori servisu públiku hodi besik ba sidadaun sira. Iha edifisiu Balkaun Úniku asesu servisu sira seluk ne’ebé la hanesan, poupa tempu no osan. Atendimentu publiku bá kliente ida ne’ebé ho oin-midar.

Servisu Públiku iha objetivu atu promeve bein-komún no rezolve nesesidade sosiedade nian, ho foku ba iha responsabilidade sívika no kontribui bá impaktu pozitivu iha sosiedade. Ne’e inklui administrasaun governu, saúde, edukasaun, bee no saneamentu, mobilidade urbana, konservasaun ambientál.

Primeiru Ministru Kayrala Xanana Gusmão iha nia diskursu hatete Balakaun Úniku sai hanesan baze kondisoens bá iha desentralizasaun.

“Lansamentu ida ne’e hanesan serimónia importante tebes Iha ona baze kondisoens bá iha desentralizasaun bá governu lokais tanba desentralizasaun iha de’it pam, governu lokál ne’ebé hatur iha munisípiu atu hala’o buat hotu ne’ebe governu sentrál halo ne’e, mas iha mundu modern téknolojia importante tebes uja sistéma ida ne’e dehan Primeiru Ministru Kayrala Xanana Gusmão iha lansamentu balkaun úniku iha Manatuto.

Seremónia inaugurasaun ne’e, marka prezensa husi Membru Governu, Xefe Estadu Maior F-FDTL, Brigadeiru Jeneral Falur Rate Laek, Komandante Jeral PNTL, Xefe Casa Sivil Prezidente Repúblika, Prokurador Geral Republika, Vise Daruak Prezidente Parlamentu Nasional, Vise Primeiru Ministru, Membru Governu, Deputadu, Xefi Gabinetes, Diretores Jerais no Nasionais MAE no husi Liña Ministerial, Reprezentante UNDP no Uniaun Europeia, Prezidente Autoridade Munisipal no Administrador Postu sira, Autoridade Lokal, Lia Nain no Komunidade sira.

#

06/05/2024

MINISTRU “OAN SORU” ABERTURA FORMASAUN ADMINISTRASAUN BÁ FORMADO HAMUTUK RUA NULU RESIN LIMA

Díli, 02 Maiu 2024

Formandu sira ne’e hanesan funsionáriu foun ne’ebé rekruta hosi Fundu Investimentu Veteranu (sigla portugues-FIV), objetivu hosi formasaun ida ne’e atu kapasita funsionáriu sira ne’e hodi halo atendimentu bá públiku.

Iha abertura Ministru “Oan Soru” husu bá funsionáriu sira, tenki halo atendimentu ho oin midar, iha vontade servisu no hatudu prestasaun servisu ne’ebé di’ak
“ohin imi mai kompletu dalaruma aban imi mai la kompletu, labele hanoin ohin ha’u ultrapasa ona ha’u makaas ona, maromak la permite ida ne’e, ó kuandu hakat liu ó labele gava an, dehan ó mak maka’as liu, hatudu buat ne’ebé ó halo hodi nune’e ema seluk mak rekoñe katak ó ne’e makaas duni ida nemak importante, la’os tanba ita gava an, ko’alia lian bo’ot ema iha dook mós rona, la’os ita kaer komputadó ho liman fuan sanulu nemak dehan ita maka’as lae.

La’os dehan ó nia diploma ne’e valór mesak boot de’it, no gava ó nia an ida nemos la sai sasukat ida kuandu ó nia vontade laiha, servisu tenki ha vontade, disiplina hatudu prestasaun servisu dehan Ministru “Oan Soru” iha abertura formasaun iha salau 3 de março maubai Comoro.

Ministru “Oan Soru” enkoraja formandu sira atu prepara an didi’ak ho seriedade hodi tuir matéria sira ne’ebé mak fó hosi formadór sira hanesan bukae ida hodi bele implementa iha futuru.

“Aplika imi nia matenek hodi servi ema lubuk ida ne’ebé mak fó responsabilidade bá ita boot sira, ka fó oportunidade bá ita boot sira iha momentu ida ne’e, prerapa an didi’ak bá, tau liafuan iha ulun atu servi no servi, hatudu rezultadu bá inan, aman sira, tio, tia no avó sira maibé labele gava an katak ha’u hetan ona oportunidade ohin servisu ona. Mai servisu iha fatin ne’e tenik Ministru “Oan Soru”
Formasaun sei hala’o durante fulan walu nia laran hahú hosi fulan Maiu toó fulan Dezembru, objetivu hosi formasaun ne'e atu kontribui bá futuru investimentu bá aréa oi-oin tuir objetivu hosi Fundu Investimentu Veteranu (FIV). Totál formandu hamutuk rua nulu resin neen (26).

#

02/05/2024

PROPOSTA LEI NO 7/VI(1A) – TERSEIRA ALTERASAUN LEI NO 3/2006 12 ABRIL ESTATÚTU KOMBATENTE LIBERTASAUN NASIONÁL PASA IHA JENERALIDADE HO VOTU AFAVÓR 39 KONTRA 0 NO ABSTENSAUN 19

Dili, 29 Abril 2024

Ministru “Oan Soru” Segunda ne’e partisipa diskusaun no votasaun iha jeneralidade proposta lei n° 7/VI(1a) – terseira alterasaun lei n° 3/2006 12 abril Estatútu Kombatente Libertasaun Nasionál iha plenária parlamentu nasionál.

Iha diskusaun no votasaun ne’e parlamentu nasional aprova proposta lei n° 7/VI(1a) – terseira alterasaun lei n° 3/2006 12 abril Estatútu Kombatente Libertasaun Nasionál ho votus afavór 39, kontra 0 no abstensaun 19.

Ministru "Oan Soru" iha nia intervensaun hatete lei ida ne'e atu defini ema hotu nia kontribuisaun no partisipasaun la'os hare bá ema nia idade.

“Frente armada ita ko’alia ema ne’ebé mak dezmobilizadu 8 – 14 anos ema la to’o atus lima (500) ita hare no konfirma ho dadus ne’ebé iha segundu rejistu 2009 sento vinte quatru mil seis sento oitenta ne’e siknifika la’os de’it frente armada de’it, problema ita hotu nia nemak ita mai atu buka solusaun, rejistu kombatente libertasaun nasionál la hatete o idade 10 anos ka 15 anos ne’e lae ne’e la hatete, ko’alia ó nia servisu mak atu define ó nia partisipasaun. Dehan Ministru “Oan Soru” iha parlamentu nasionál.

Diskusaun no votasaun iha jeneralidade proposta lei lei n° 7/VI(1a) – terseira alterasaun lei n° 3/2006 12 abril Estatútu Kombatente Libertasaun Nasionál Ministru “Oan Soru”hatete wainhira ko’alia kona-bá osan problema veteranu aumenta tanba ema hotu rekere sira direitu hanesan veteran tanba osan, tanba ne’e Ministru “Oan Soru husu ba entidade hotu, parlamentu nasionál, veteranu no ema hotu atu iha resposabilidade hodi tau prioridade bá asuntu veteranu tanba asuntu ida ne’e sentisitivu liu.

#

Address

Caicoli

Telephone

+6703310978

Website

https://www.macln.gov.tl/tt/

Alerts

Be the first to know and let us send you an email when Macln posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Macln:

Shortcuts

Address
Telephone
Alerts
Contact The Organization
Claim ownership or report listing
Want your organization to be the top-listed Government Service?

Country:

City:

17/05/2024

10/05/2024

10/05/2024

10/05/2024

10/05/2024

06/05/2024

06/05/2024

02/05/2024

Address

Telephone

Website

Alerts

Contact The Organization

Shortcuts

Share