Ministério do Desenvolvimento Rural e Habitação Comunitária

14/04/2026

MDRHC Fasilita Povo Reativa Natar Ne’ebé Abandona Durante Tinan 19-32 Iha Luro, Produsaun Hahú Aumenta.

SAPNewsTL, Lautem: Ministériu Desenvolvimentu Rural & Habitasaun Komunitária (MDRHC sigla Português) liu hosi programa revitalizasaun komunitaria fasilita komunidade reativa hikas natar barak ne’ebe abandona kuaze tinan 32 no hasa’e produsaun agríkola iha área rural. Natar na’in Norberto ...

08/04/2026

Estudante UNITAL Termina Estajiu Iha Ministeriu MDRHC

Estudante estajiariu na’in 8 kompostu husi feto na’in hitu no mane ida husi Departamentu Kontabilidade no Gestaun Universidade Oriental Timor Lorosa’e (UNITAL) Dili, remata ona estajiu iha Direção geral desenvolvimento rural (DGDR) Segunda-feira (28/03/2026).

Serimonia despedida ba estajiariu UNITAL, ne’ebe hahu estajiu durante fulan ida hahu husi loron 25 Fevereiru 2026 no termina iha loron 25 fulan Marsu tinan ne’e, iha resintu Ministeriu MDRHC, Kaikoli, Dili.

Estudante Estajiadu sira agradese no apresia Ministeriu MDRHC, ne’ebe simu sira halo pratika durente fulan ida.

Iha serimonia despedida ne’e, Diretor geral desenvolvimento rural (DGDR) Filipe Cardoso Vieira agradese no apresia tebes estudante sira-nia didikasaun durante fulan ida.

‘’Ba estudante sira, husu atu implementa iha komunidade nia leet, buat nebe mak aprende durante estajiu fulan rua iha Ministeriu MDRHC’’.

Nudar simbolu apresiasaun ba estudante estajiariu sira, Direção geral desenvolvimento rural liu husi DGDR atribui sertifikadu no tara tais.

Seremonia ne’e partisipa direita husi DGDR Filipe Cardoso Vieira, Diretór Nasional, Dosente UNITAL, Estudante Estajiariu sira no funsionariu sira. (*)

Media MDRHC

07/04/2026

Munispiu Manatutu Sai Hanesan Potensialidade ba Projetu RRLIP

Manatutu: 10 Marsu 2026

Ekipa Asian Development Bank (Sigla-ADB) hamutuk ho Ministériu Dezenvolvimentu Rurál no Habitasaun Komunitária (MDRHC) halo enkontru ho Postru Administrativu neen mak hanesan , Manatutu, Laclo, Laleia, Barique, Laclubar no Soibada, hodi koalia kolia kona-ba Projetu Rural Resilience and Livelihoods Improvement Sector Project (RRLIP), Tersa Feira foin lalais ne’e.

Ekipa rua hala’o enkntru to’o iha kada Postu sira durante semana ida Postu ida loron ida hahu husi loron 10-18 Fulan Marsu tinan ne’e.

Ekipa halo enkontru loron primeiru iha Postu Administrativu Manatutu, akumula partisipante iha enkontru ne’e autoridade lokal suku no aldeia, lider komunitaria sira, juventude, offisial Munisipiu, ekipa projetu RRLIP no fasilitador sira iha Munispiu refere.

Enkontru ne’e mos iha aprejentsaun Materia kona-ba Projetu RRLIP ho nia objetivu sira husi ekipa ADB nian.

Projetu refere nia objetivu mak atu hasa’e reziliénsia ba ema hamutuk 46,000 ne’ebé hela iha suku rural sira iha Munisípiu Manatuto, Projetu ne’e sei hasa’e asesu ba bee, aumenta produtividade agrikultura liu husi abordajen klima-intelijente (climate-smart), fasilita ligasaun ba merkadu, no dezenvolve oportunidade moris (livelihood) diversifikadu ba komunidade rural sira.

Objetivu husi enkontru partisipativu mak, hato’o informasaun ba autoridade lokal no komunidade sira kona-ba projetu RRLIP, nia objetivu, rezultadu (outputs), atividade no benefísiu esperadu; no rekolla informasaun inisiál kona-ba prioridade prinsipal no oportunidade iha kada suku/aldeia relasiona ho: Asesu bee ba konsumasaun doméstiku no irrigasaun, Redusaun risku relasiona ho klima (hanesan rai monu, inundasaun, tempu maran) no Potensial agrikultura no moris, inklui produtu ne’ebé bele komersializa no prátika rezistente ba klima.

Iha finál kada enkontru, komunidade sira tenke komprende di’ak saida mak RRLIP hakarak entrega no oinsá sira bele partisipa. Iha tempu hanesan, ekipa projetu sei hetan imajen inisiál kona-ba nesesidade lokal, risku no potensial dezenvolvimentu atu orienta avaliasaun tékniku no planeamentu tuir mai ne’ebé sei hala’o husi Project Management Consultant (PMC).

Objetivu Espesífiku mak hanesan apresenta eskopu RRLIP, abordajen implementasaun no papel komunidade no governu, hasa’e konsiénsia kona-ba rezultadu no atividade projetu, Fasilita diskusaun partisipativu kona-ba risku klima, uza rai, rekursu bee no moris, Identifika prioridade inisiál ba kada suku/aldeia, Hametin konfiansa no kolaborasaun entre komunidade, autoridade lokal no ekipa projetu no Fornese input atu informa avaliasaun paisajen (landscape) no planeamentu investimentu iha futuru.

Metodolojia enkontru sira sei uza abordajen partisipativu, inklui Apresentasaun plenária kona-ba objetivu no atividade RRLIP, Diskusaun iha grupu tuir tema (bee, risku klima, agrikultura), Mapeamentu partisipativu kona-ba risku, rekursu no infraestrutura, Exercísiu klasifikasaun no prioridade no Sesaun feedback no validasaun ho partisipante sira.

Atensaun espesial sei fó atu garante partisipasaun inkluziva, inklui feto, joven sira, agrikultór sira no grupu vulnerável sira.

Media MDRHC

26/03/2026

ESTUDANTE NA’IN HAAT REMATA ESTAGIU IHA MINISTÉRIU MDRHC

Tersa Semana ne’e Estudante na’in tolu husi Escola Tecnica Informatica-Dili (ETI-DILI) inklui estudante na’in ida husi Sentru Formasaun Profisional (CFP-Sigla Portugés) Don Bosco Comoro retira ona sira nia estagiu iha Ministerio desenvolvimento rural e habitação comunitaira (sigla-MDRHC).

Parte eskola agradese ba Ministériu MDRHC tanba, bele fo ona oportunidade ba estudante sira hodi bele hala’o sira nia estajiu ho di’ak.

Atividade enseramentu ne’e hala’o iha gabineti Diretór geral dezenvolvimentu rural (DGDR) no hetan partisipasaun maximu husi Diretor DGDR Filipe Cardoso Vieira, Diretor DNIPC Manuel M. dos Santos, Xefi departementu inklui estudante sira, (25/03/2026).

Media MDRHC

24/03/2026

Atu Dezempña Presta Servisu Diak ba Ita Nia Komunidade Presiza Eleva Konesimentu Ho Atividades Formasaun

Dili, 24 Marsu 2026 : Diresaun Nasional Unidade de Coperação de Parceria (UPC), ne’ebe lidera husi Diretora Jacinta dos Santos Organiza formasaun ba Brigada sira ho tema “Training of Trainers (TOT) Empodera Kapasidade Fasilitador Husi Sentru Dezenvolvimentu Aldeia (SDA),Empreendedorismu no Dezenvolvimentu Komunitaria” hodi hasae konesimentu brigada sira liu husi Training of Trainers, tersa feira 24/03/2026.

Atividade ne’e abertura husi Diretor Geral Dezenvolvimentu Rural (DGDR-MDRHC) Sr. Filipe Cardoso Vieira, hafoin abertura tia formasaun ho tema “Training of Trainers (TOT) Empodera Kapasidade Fasilitador Husi Sentru Dezenvolvimentu Aldeia (SDA), Empreendedorismu no Dezenvolvimentu Komunitaria” ne’e DG Filipe Informa Sra. Helen Black husi Australia liuhusi Diresaun Nasional Unidade de Coperação de Parceria (UPC), Diretora Jacinta dos Santos halo korespondensia ohin Sra. Helen Black halo protidaun fornese formasaun treinamentu, husu atu Aproveita durante loron tolu nia laran hodi aprende barak tamba mateneke ne’ebe ita fasilita ne’e tamba ita boot sira no ita hotu ekipa ida nu’udar forsa trabailu estadu ninian.

Atividade formasaun ida ne’e kosierta ba Training of Trainers ita boot sira atu treinu sai treinador, no atividades ida ne’e hetan tulun husi Sra. Helen Black husi Australia liuhusi Diresaun Nasional Unidade de Coperação de Parceria (UPC), Diretora Jacinta dos Santos halo korespondensia ohin Sra. Helen Black halo protidaun fornese formasaun treinamentu ba ita boot sira atu sai treinador, ne’ebe suporta no koopera husi ita nia Ministeriu, Sra. Helen Black laos foin iha timor maibe Sra. Helen Black kleur iha Timor no tulun Timor-Leste iha parte barak tantu iha igreja no komunidade, ohin ita loke odamatan hanesa instituisaun estadu hakarak mos halo parseria Dosente Universidade Australia Helen Black.

Mateneke ne’ebe ita fasilita ne’e tamba ita boot sira no ita hotu ekipa ida nu’udar forsa trabailu estadu ninian, ne’ebe ita atu dezempeña ka presta servisu diak ba ita nia komuniadade, diresaun nasional halo ezersisio ho esforsu tomak para oinsa eleva konesimentu ita boot sira hotu ho atividades formasau sira hanesa ne’e, ne’ebe agrdese ba ita boot sira ne’ebe marka prezensa fiar katak dentro de loron hat a partir ohin dia 24 to’o sesta feira dia 26 ita boot sira sei sai ema ne’ebe kualifikadu para atu transmiti materia ida ne’e ba sira seluk iha ita boot sira nia munisipiu, husu nafatin ita boot sira atu hatudu ita boot sira nia disiplina respeita tempu tamba prezesa ita boot sira nian iha ne’e tenke pontual.

Formasaun ne’e hahu husi ohin dia 24 to’o dia 26 fulan Marsu durante loron tolu no akumula brigada sira husi kada munispiu hamutuk ema nain 21
Formasaun hetan partispa masimu husi DGDR Sr. Filipe Cardoso Vieira, Diretora Nasional Unidade de Coperação de Parceria (UPC), Sra. Jacinta dos Santos, Diretor Nasiona Inovasaun Promosaun no Kapasitasaun (DNIPC) Sr. Manuel Maria dos Santos, Xefe Departamentu no Brigada sira.

Media MDRHC

19/03/2026

22/02/2026

DG FILIPE ENSERA WORKSHOP FORTALESIMENTU KAPASIDADE NO BOA-GOVERNASAUN TL

Dili: 20 Fevereiru 2026, Diretor geral dezenvolvimentu rural (DGDR) Filipe Cardoso Vieira ensera workshop ho tema Fortalesimentu Kapasidade no Boa-governasaun ba Organizasaun Komunitaria sira iha Timor-Leste (TL), iha Salaun CNC Balide, Dili.

Iha intervensaun DGDR Filipe Cardoso Vieira hatete, workshop durante loron lima importante tebes tanba atu kapasita di’ak liu tan kapasidade Brigada nian.

‘’Apresia parte hotu ho esforsu tomak durante loron lima ha’u senti ita bo’ot sira halo abordajen entre teoria no pratika tanba ne’e, Programa governu nian ita bo’ot sira mak sai autor hodi asegura Programa Revitalizasaun Komunitaria iha baze i fiar katak ita bo’ot sira mak sai fini no fini ne’e presija fahe ba kolega sira ne’ebe la partisipa’’, dehan DGDR Filipe Cardoso Vieira, hafoin ensera workshop ne’e.

Iha ambitu ne’e mos Diretor Direção Nacional Inovação, Promoção e Capacitação (DNIPC) Manuel M. dos Santos agradese ba governu liu husi Parseiru University of the Sunshine Coast Australia-CIDSEL ne’ebe reprezenta husi Prof. Dr. Shanon Brincat nudar Senior Lecturer in International Politics and International Relations ne’ebe apoiu ona formasaun durante loron lima ba Brigada sira.

Formasaun ne’e hala’o durante loron lima no hetan partisipasaun maximu husi Diretor gerla, Diretor nasional, Kargu xefia, Funsionariu no Brigada Aldeia Alvu.

Media MDRHC

22/02/2026

Dili: 19 Fevereiru 2026

Materia ba loron dalima Mak Inovasaun no Promosaun Agrikultura ih Timor-Leste husi Espesialista Peska UNTL Junelcia, Agri-negosiu asesu merkadu ba agrikultor husi Espesialista agri-farm Elivania Silva, Modelu Pratika agrikultura Smart farming husi tekniku espesializadu Ministeriu MDRHC Almerindo dos Santos, Pekuaria hare’e liu ba prevensaun moras animal nian hanesan karau, bibi-timur nst husi Espesialista Veterinaria Abrao Perreira.

Iha biban ne’e mos partisipante sira forma ekipa hodi halo diskusaun ba Materia ne’ebe orador sira fo nune’e aprejenta kada grupu.

Iha sesaun ikus nian partisipante sira hetan sertifikadu apresiasaun husi University of the Sunshine Coast-CIDSEL.

Media MDRHC

18/02/2026

18/02/2026

Kuarta: 18 Fevereiru 2026

Materia ba loron datoluk Foku liu ba relasaun internasional, jeneru no sosiedade sivil Mak Importansia Parseria Estratejiku husi Diretor DNIPC Manuel M. dos Santos, Oinsa organizasaun komunitaria sira bele servisu hamutuk husi Reprezentante ONU Gisela P. Mesquita, Violensia bazeia ba jeneru no organizasaun komunitaria iha TL husi Dra. Laura Morais Sales de Lima husi reprezentante ONU, Feto no natureza iha sistema patriarkadu nia okos husi Ativista Anacleta P. da Silva husi PAZ UNTL, Desenvolvimentu no redi “Networking” ho ONG sira husi Dra. Theresa Nguyan PhD Peskizadora senior UNTL.

Media MDRHC

17/02/2026

Tersa: 17 Fevereiru 2026

Rezumu Materia Aprezentasaun pratika konstituisaun no lei Munisipal ba Programa Revitalizasaun Komunitaria liga ba lei desentralizasaun parte analiza ida ba integrasaun ba desentralizasaun oinsa servisu hamutuk ho komunidade iha baze.

Objetivu prinsipal atu lori partisipante sira atu koomprende lei inan no lei Munisipal emjeral, halo analiza no diskusaun kona-ba importansia husi Programa Revitalizasaun Komunitaria kontribui ba mudansa sosial, ekonomiku, kultural liga ba prosesu desentralizasaun, oinsa ita bele servisu hamutuk ho komunidade liu husi komprensaun holistiku no komprensivu kona-ba aspetu legal Autoridade Xefi Suku, ONG, Ajensia Internasional no Organizasaun Komunitaria sira seluk.

Tuir lei Nu. 23/2021 10 de Dezembru ka Lei do Poder Local e da Descentralização Admistrativa mak baze legal ne’ebe importante tebes ba Timor Leste (TL) nia futuru. Lei ne’e foka liu ba oinsa governu fahe kbi’it/ poder ba Munisipiu sira atu nune’e povu bele partisipa besik liu iha dezenvolvimentu.

Materia ba loron daruak mak Empoderamentu Kapasidade ba Revitalizasaun Komunitaria husi Diretor DNIPC Manuel M. dos Santos, Konstituisaun no Lei Munisipal husi Asesor Ministeriu MDRHC Jonato dos Santos Luciano, ASEAN no Oportunidade Rejional ba Organizasaun Komunitaria sira iha TL husi Dra. Mica Barreto Dosente Senior UNTL, Iha biban ne’e mos Tour Chega vizita ba komarka Balide ‘’istoria rezistensia 195-1999’’.

Media MDRHC