18/07/2026
مع موجة الحرّ هاذيي اشربوا الماء بكثرة حتى كان ما تحسّوش بالعطش، خاطر الجسم يفقد السوائل بسرعة والجفاف ينجم يكون خطير، خاصة عند كبار السن. حاولوا قدر الإمكان ما تخرجوش في أوقات الذروة، ابقوا في أماكن مهوّاة وباردة، تجنّبوا التعرض المباشر للشمس، وتفقدوا كبار السن والمرضى من العائلة والجيران...
ربي يلطّف بينا ويعدّي علينا الأيام السخونة هاذي بالسلامة. لكن في نفس الوقت، يلزمنا نكونوا واضحين موجات الحرّ موش مفاجأة، والتوقعات الجوية تكون معروفة قبلها بمدة، كما أن أزمة الطاقة في تونس موش وليدة اليوم، بل هي نتيجة تراكمات معروفة منذ سنوات. كان المفروض يكون ثمّة استعداد حقيقي وتخطيط مسبق للتعامل مع هذه الظروف، موش الانتظار إلى أن نوصلوا للأزمة ثم نتحركوا تحت ضغط الأمر الواقع. للأسف، ولات عديد الملفات تتعالج بعد وقوع المشكل عوض الوقاية منه، والمواطن هو اللي يتحمّل في النهاية تبعات التأخير والنقص في الخدمات
ربي يبرد علينا ويحفظ الجميع، وإن شاء الله تتعدى الأيام هاذي على خير.
