النسمة الكافية

النسمة الكافية LE KEF 🌹❤️

اليوم صارت الكارثة في ربوع الكاف و تونس الكل تفرجت في حجم الدمار اللي لحق الناس ربي يعوض عليهم ، و على هذاكا فما دعوة من...
28/07/2026

اليوم صارت الكارثة في ربوع الكاف و تونس الكل تفرجت في حجم الدمار اللي لحق الناس ربي يعوض عليهم ، و على هذاكا فما دعوة من الإتحاد للناس الكل باش نفكروا الكل مع بعضنا و نتفاعلوا كيفاش باش نعملوا حملة تطوعية لإغاثة العائلات المتضررة من الحرائق الأخيرة في جهة الكاف، أي حد فينا ينجم يقدم تبرعات عينية و أي أغطية و الا لبسة و الا مواد زايدة علينا علاش ما نقدموهاش في الحملة و خلي نهزوا بعضنا ببعضنا و الناس بالناس ، و الناس بالله...

منقول عن شباب مدينة الكاف:السلام عليكم اليوم بإسمي و إسم أي شاب أصيل ولاية الكاف و خاصة الناس المغرومة بالكورة نحب نحكي ...
08/03/2026

منقول عن شباب مدينة الكاف:

السلام عليكم اليوم بإسمي و إسم أي شاب أصيل ولاية الكاف و خاصة الناس المغرومة بالكورة نحب نحكي في حاجة موش أول مرة تصير لينا البارح و كيما العادة لمينا بعضنا ولاد حومة 10 مالناس و دبرنا كورة و قصدنا ربي للتيران إلي ورا قهوة الخيمة وصلنا غادي نلڤو العساس يستنا فينا كيما ديما و ڤلنا ما فماش كورة و إلي يحب يكور يمشي يكور في حومتو و مشا هو مشا و نحنا نڤزنا و هبطنا نكورا ما راعنا إلا بعد نص ساعة ملي بدينا نكورا جاتنا كرهبة حاكم فيها 3 أعوان ڤالولنا أخرجوا كهو سمعناهم و خرجنا المهم راو ما عناش مشكلة لا مع العساس لا مع أعوان الأمن إلي خرجونا خاطر أذيكا خدمتهم نحنا نحبوا نفهموا علاش التيران عندوا عامين ملي حاظر و لتو ما حلوه ولى بياسة للفساد و نحنا محرومين منوا نحنا كولاد صغار الكبير فينا عمروا عشرين عام ما ضرينا حد لا سبينا حد مشينا نعيشوا في غرامنا الوحيد إلي مبعدنا على المجتمع الفاسد نتصور رئيس البلدية و رئيس المركز و الوالي الكلهم أكيد راو عندوا ولدو مغروم بالكرة و يكور يا خويا ما تعملوش علينا مزية و تخلونا نكوروا بلاش ميسالش إكرولنا التيران كيما التيرانات الكل الساعة و النص ب 50دت على الأقل إنتم تربحوا منوا و نحنا نربحوا غرامنا الي نعيشوا بيه شنيا ذنبنا كي تتسب أماتنا و نتهنتلوا على خاطر دخلنا بش نكوروا لانا ڤاعدين نفسدوا لا تكسروا مالها إلا ساعة من الزمان نكوروا و نروحوا على رواحنا ألڤولنا حل فيه علاش واحد يمشي لبرج العيفة بش يكور و عنا تيران يبعد درجين عالدار مسكر و نتفرجوا فيه

Address

Le Kef
Kef

Website

Alerts

Be the first to know and let us send you an email when النسمة الكافية posts news and promotions. Your email address will not be used for any other purpose, and you can unsubscribe at any time.

Shortcuts

Share