18/08/2026
په انقره کې د ا.ا.ا. لوی سفارت د فتحې د ویاړلې پنځمې کالیزې په مناسبت مراسم ترسره کړل.
په دې مراسمو کې د کوربه هېواد یوشمېر لوړپوړو چارواکو، د بېلابېلو هېوادونو سفيرانو، ډیپلوماټانو او په ترکیه کې مېشتو افغانانو، مخورو او ځوانانو گډون کړی و.
ښاغلي سفیر شیخ صنیع الله فرهمند په خپله وینا کې په هېواد کې رامنځته شوي ټیکاو، هوساینې او اقتصادي فرصتونو ته اشاره درلوده او د افغانستان او نړۍ ترمنځ يې په متقابلو اړیکو او اقتصادي ښکېلتیا ټينگار وکړ او همدارنگه د هېواد د هر اړخيز پرمختگ او دوامداره ثبات هیله يې څرگنده کړه.
