Busokelo District Council

22/10/2026

DED DKT. MWIMYI AZINDUA AWAMU YA PILI YA HUDUMA YA BIMA YA AFYA KWA WOTE BUSOKELO.

Mkurugenzi Mtendaji wa Halmashauri ya Busokelo, Dkt. Mwinyi Omary Mwinyi, amezindua awamu ya pili ya huduma ya Bima ya Afya kwa Wote kwa wananchi wa Halmashauri ya Busokelo, mkoani Mbeya.

Uzinduzi huo umefanyika leo, Oktoba 22, 2026, katika Kitongoji cha Kitungwa, Kata ya Lwangwa, Halmashauri ya Busokelo.

Akizungumza wakati wa uzinduzi huo, Dkt. Mwinyi ameeleza umuhimu wa huduma ya Bima ya Afya kwa Wote katika kuwawezesha wananchi kupata huduma za afya kwa urahisi na kupunguza mzigo wa gharama za matibabu wanapougua.

Aidha, amewasisitiza wananchi kujitokeza kwa wingi na kujisajili katika huduma hiyo ili waweze kunufaika na huduma za afya kulingana na utaratibu uliowekwa.

22/10/2026

DED DKT. MWIMYI AZINDUA AWAMU YA PILI YA HUDUMA YA BIMA YA AFYA KWA WOTE BUSOKELO.

Mkurugenzi Mtendaji wa Halmashauri ya Busokelo, Dkt. Mwinyi Omary Mwinyi, amezindua awamu ya pili ya huduma ya Bima ya Afya kwa Wote kwa wananchi wa Halmashauri ya Busokelo, mkoani Mbeya.

Uzinduzi huo umefanyika leo, Oktoba 22, 2026, katika Kitongoji cha Kitungwa, Kata ya Lwangwa, Halmashauri ya Busokelo.

Akizungumza wakati wa uzinduzi huo, Dkt. Mwinyi ameeleza umuhimu wa huduma ya Bima ya Afya kwa Wote katika kuwawezesha wananchi kupata huduma za afya kwa urahisi na kupunguza mzigo wa gharama za matibabu wanapougua.

Aidha, amewasisitiza wananchi kujitokeza kwa wingi na kujisajili katika huduma hiyo ili waweze kunufaika na huduma za afya kulingana na utaratibu uliowekwa.

Ameeleza kuwa ushiriki wa wananchi katika mpango huo ni muhimu katika kuimarisha upatikanaji wa huduma za afya na kuongeza ulinzi wa kifedha kwa familia dhidi ya gharama za matibabu.

21/10/2026

Karibuni katika Uzinduzi wa Bima ya Afya kwa wote awamu ya 2, Usipange kukosa kuanzia saa 2:00 Asubuhi.

20/10/2026

KAMATI YA FEDHA, UONGOZI NA MIPANGO YAHIMIZA UKAMILISHAJI WA MIRADI KWA UBORA.

Mwenyekiti wa Kamati ya Fedha, Uongozi na Mipango ya Halmashauri ya Wilaya ya Busokelo, Mhe. Lusajo Kaala Brighton, amesisitiza umuhimu wa kusimamia utekelezaji wa miradi ya maendeleo ili ikamilike kwa wakati na kwa kuzingatia viwango vyenye ubora sambamba na kutunza nyaraka muhimu za miradi.

Mhe. Kaala ameyasema hayo tarehe 19 Oktoba 2026 wakati akiongoza kamati hiyo kukagua miradi mbalimbali ya maendeleo inayotekelezwa katika Halmashauri ya Wilaya ya Busokelo, kwa lengo la kutathmini maendeleo ya utekelezaji wake na kuhakikisha fedha zilizotolewa zinatumika kwa malengo yaliyokusudiwa.

Akizungumza wakati wa ukaguzi huo, Mhe. Kaala alisisitiza kuhakikisha miradi inatekelezwa kwa kuzingatia viwango vya ubora na matumizi sahihi ya fedha za umma.

Aidha, alihimiza watendaji wanaohusika kuhakikisha nyaraka zote muhimu za miradi zinatunzwa vizuri ili kurahisisha ukaguzi, ufuatiliaji na uwajibikaji.

Miradi iliyokaguliwa ni pamoja na ujenzi wa Kituo cha Afya Kisegese, unaotekelezwa kwa gharama ya shilingi milioni 780.9 kutoka Serikali Kuu; mradi wa kikundi cha watu wenye mahitaji maalumu kinachojishughulisha na uchakataji wa Mawese Kata ya Ntaba wenye gharama ya shilingi milioni 20.6 kutoka Mapato ya ndani ya Halmashauri.

Aidha miradi mingine ni ujenzi wa shule mpya ya sekondari katika eneo la shule Msingi Mapambano Kata ya Mpombo, wenye gharama ya shilingi milioni 583.18 kupitia mradi wa SEQUIP; pamoja na ujenzi wa chumba kimoja cha darasa na matundu matano ya vyoo katika Shule ya Msingi Mpombo Kata ya Isange unaogharimu shilingi milioni 36.1 kupitia GPE-TSP.

19/10/2026

15/10/2026

Maonesho ya Parachichi yaliyoandaliwa na mdau Avocado Exhibition 2026 ni fursa muhimu kwa wakulima kujifunza mbinu bora za uzalishaji, kuongeza tija na kupata masoko yenye manufaa kwa zao hilo.

Mkuu wa Divisheni ya Kilimo, Mifugo na Uvuvi wa Halmashauri ya Wilaya ya Busokelo, Dkt. Ntanwa Kilagwile, ameeleza kuwa maonesho hayo ni chachu ya kuimarisha ushirikiano kati ya wakulima, wataalamu wa kilimo na wadau wa masoko ili kumwezesha mkulima kuzalisha parachichi bora, kuongeza thamani ya mazao na kupata kipato kinachostahili.

15/10/2026

Kilimo cha parachichi ni fursa muhimu ya kuongeza kipato, kuimarisha uchumi wa kaya na kuboresha maisha ya wananchi wa Halmashauri ya Wilaya ya Busokelo.

15/10/2026

WAKULIMA WA PARACHICHI WAASWA USHIRIKIANO KUIMARISHA MNYORORO WA THAMANI.

Mkuu wa Kanda ya Nyanda za Juu Kusini wa Mamlaka ya Udhibiti wa Nafaka na Mazao Mchanganyiko (COPRA), Witness Bashaka, amepongeza maandalizi ya Maonesho ya Parachichi (Avocado Exhibition 2026), akieleza kuwa ni mfano wa kuigwa katika kuendeleza tasnia ya zao hilo na kuongeza tija kwa wakulima.

Bashaka ameyasema hayo wakati wa kufunga maonesho hayo yaliyofanyika kuanzia tarehe 12 hadi 14 Oktoba, 2026, katika Viwanja vya Shule ya Sekondari Lwangwa, Wilaya ya Busokelo, ambapo amesisitiza umuhimu wa ushirikiano kati ya waandaaji wa maonesho na wadau mbalimbali ili kuhakikisha wakulima wananufaika na fursa zinazotokana na kilimo cha parachichi. Aidha, amesema COPRA ipo tayari kushirikiana na waandaaji na wadau wengine katika kuendeleza zao hilo na kuongeza tija kwa wananchi.

Kwa upande wake, Mkuu wa Divisheni ya Kilimo, Mifugo na Uvuvi wa Halmashauri ya Wilaya ya Busokelo, Dkt. Ntanwa Kilagwile, amewahimiza wakulima kuendelea kushirikiana na wadau wa zao la parachichi katika hatua mbalimbali za uzalishaji, uchakataji na utafutaji wa masoko ili kuongeza thamani ya mazao yao na kunufaika zaidi kiuchumi.

Kwa niaba ya Mkurugenzi Mtendaji wa Halmashauri ya Wilaya ya Busokelo, Afisa Kilimo Kilagwile amewashukuru wadau wote walioshiriki katika kufanikisha maonesho hayo, wakiwemo waandaaji wa Avocado Exhibition 2026, kwa kuunga mkono juhudi za kuendeleza kilimo cha parachichi. Ameeleza kuwa ushiriki wa wadau ni muhimu katika kujenga mazingira yatakayowawezesha wakulima kupata elimu, teknolojia, huduma na fursa za masoko zinazohitajika katika kukuza tasnia hiyo.

Baadhi ya wakulima walioshiriki maonesho hayo wameeleza kuwa wamepata fursa ya kujifunza mbinu bora za uzalishaji, kupata elimu kuhusu huduma mbalimbali zinazohusiana na zao la parachichi na kubadilishana uzoefu na wakulima wenzao pamoja na wadau wa sekta hiyo. Wamesema maarifa waliyoyapata yatawasaidia kuboresha uzalishaji, kuongeza ubora wa mazao na kutafuta masoko yenye tija zaidi.

Maon