08/09/2021
MHESHIMIWA NDAISABA GEORGE RUHORO, MBUNGE WA JIMBO LA NGARA AUNGA MKONO JITIHADA ZA WANANCHI WA CHIVU KWA SHILINGI LAKI 5.*
Mbunge wa Jimbo la Ngara Mheshimiwa Ndaisaba George Ruhoro ametoa Kiasi cha Shilingi Laki 5 k**a sehemu ya kuunga mkono jitihada za Wananchi wanaochangia Ujenzi wa Nyumba za Walimu katika Shule ya Msingi Chivu kata ya Ntobeye
Mheshimiwa Ndaisaba,amewasilisha Mchango wake kupitia kwa Katibu wake Ndugu Juventus Juvenary katika Mkutano wa Wananchi na Diwani wao uliofanyika Kwenye Kitongoji cha Mulukoli,Chivu.
Mchango huo wa Mheshimiwa Mbunge ni ahadi aliyoitoa hivi karibuni wakati wa ziara yake akiwa jimboni.
Mchango umepokelewa na Mheshimiwa Diwani wa Kata ya Ntobeye Sunday Mukozi na Kukabidhiwa kwa Wananchi
Wananchi waliokuwa kwenye Mkutano huo wamempongeza Mbunge wao kwakuendelea kuaminika kwa kufanya kazi,kujitoa kuchangia maendeleo na kutimiza ahadi alizoahidi wakati wa Kampeni za Uchaguzi mkuu uliopita.
