Tonga Mo'onia News

Tonga Mo'onia News Contact information, map and directions, contact form, opening hours, services, ratings, photos, videos and announcements from Tonga Mo'onia News, Political Party, Springfield Road, Springfield, MO.

06/03/2026

HOPOKI E 'EMIPESÍ 'A 'ISILELI 'I FISI.

Ko e fiefia ka koha fiefia 'a e kakai 'o Fisi pea hangē ko e ngaahi felafoaki koia 'oku ma'ave'ave he ngaahi letiō honau fonua ko e talu 'enau faka'amu ke fokotu'u ha 'Emipesí 'a 'Isileli 'i Fisi ke tatau mo 'Amelika pea mo Pilitania pea kuo hoko ia 'o mo'oni he 'ahó ni. 'Oku fu'u tokolahi fau 'a e kau folau 'a Fisi ki 'Isileli he ta'u kotoa pea ko honau loto kenau fakahū pe 'i ha Emipesí 'i Fisi ke 'oua 'e fu'u fakamole lahi hono fa'a fakafou he ngaahi 'Eiseni(Agent) 'a 'enau ngaahi Visa mei 'Amelika pe 'Aositelelia he koe pa'anga lahi 'o lauafe 'a e fo'i fakamole 'ata'atā pe koia ka koe 'ahó ni kuo huhu'i honau popula. 'Oku kau 'a Fisi he fonua tui malohi 'i he Tokateline faka-Kalisitiane pea 'oku nau vivili ma'ipe kenau a'u tonu ki loto 'Isileli ki he ngaahi feitu'u 'iloa 'oku 'asi henau ngaahi fekumi faka-Tohitapu ki he tefito'i 'uhinga 'o e ngaahi feitu'u koia. Kaekehe 'oku hangē koe fakahā mei he 'Amipasitoa 'a 'Isileli ki Fisi koe fefine ko Maya Yaron 'oku 'ikai ngata pe 'enau ngaue 'i Fisi 'ata'atā pe ka 'e fakaava ki he ngaahi fonua kotoa 'o e Pasifiki 'oku nau loto kenau ngaue'aki e 'Ofisi 'i Fisi ki ha fiema'u ki he Pule'anga 'Isileli. Kuo fakamalo'ia ai he kakai 'a e Palemia lolotonga 'o Fisi ko Ratu Naiqama Lalabalavu 'i he ngaue kafakafa kuo lava.

FO'U 'E 'ISILELI HANAU PALANI TAU FO'OU MAVAHE MEI 'AMELIKANeongo kuo tuku atu 'e Trump hono lotó kia Netanyahu he pongi...
06/03/2026

FO'U 'E 'ISILELI HANAU PALANI TAU FO'OU MAVAHE MEI 'AMELIKA

Neongo kuo tuku atu 'e Trump hono lotó kia Netanyahu he pongipongi 'aneafí, ka ko eni kuo fakapapau'i mei he 'Ofisi Palemia 'o 'Isileli, 'e 'ikai ha holomui ia 'a Netanyahu mo e IDF ki hono tau'i 'o e Tautoitoí. Kuo tukuange mai ha fakamatala mei he 'Ofisi Palemia 'o Netanyahu, ko e nga'unu fo'ou ko eni te nau fakahokó, ko hono tau'i e totonu 'a e Lotu Kalisitiané ke nau mo'uí.

Na'a ne pehe kuo taimi ke lulu'i 'a māmani ke nau 'ā 'o lea honau ngutú 'oku 'i ai e ngaue kovi 'oku fai 'e he Lotu 'Isilami mo e Tautoitoí. Kae 'oua te nau fakalongolongó he kuo kapa 'a mamani he tautoitoí mo e ngaahi ngaue kākaá, kae mole noa'ia e mo'ui 'a e kakaí. Na'a ne hoko atu 'o pehē, 'oku mahino pē fakakaukau ia kuo 'oange mei he White House mo e Palesiteni 'o 'Ameliká, ka 'oku 'ikai ko e kaveinga ia 'oku mahu'inga tahá e alea fakamelinó.

Ko e kaveinga mahu'inga tahá, ko e ta'ofi faka'aufuli e Tautoitoí mei hono fakaehaua'i e Lotu Kalisitiané, kae tautau tefito ki he ngaahi fonua hange ko Sīlia, Lepanoni, Naisilia, Iran mo Toake, pea 'oange kiate kinautolu 'a e totonu ke tau'atāina 'enau lotú mo 'enau mo'uí.

Na'e fakahā foki 'e Netabyahu, ko 'ena talanoa telefoni mo Trump, na'a ne faka'ali ki ai e Ongo Fa'ahi 'e 2 'a e 'Isilami 'oku ne fiema'u ke veipā mo iá, 'a ia ko e Shiite Islam 'oku takimu'a ai 'a Iran, pea mo e Sunni Islam 'a eni ia 'oku vahevahe ai e ISIS, Hezbollah mo e Hamas. Pea na'a ne fakatokanga kia Trump, ke ne 'ilo 'oku kamata ke kapa 'e he Sunni Islam 'a e Hahake Lotolotó, ka ko e Shiite Islam te nau kapa 'a 'Iulope mo 'Amelika, pea mo e konga 'o 'Afilika Tonga.

'Oku ui 'a Netanyahu ki he Kalisitiane kotoa pē 'i mămani, ke nau poupou ange ki he ngaue 'oku 'amanaki ke ne hoko atu ki aí, he 'oku 'ikai ko e fai ia ma'a 'Isileli mo e Kakai Siú, ka ko e fai ma'a kinautolu mo honau hako he kaha'ú.

Source: Kalapu Tongashow.

06/03/2026

FETAKINIMA 'A TONGA MOHA KULUPU MEI SIAINA KI HANO HAKEAKI'I E MO'UI LELEI.

Ko e lava mai eni ha kulupu mei Hongkong Siaina 'oku ui koe GX Foundation 'o fakahoko ha aleapau ngaue ki ha poloseki (project) fo'ou 'a e Potungāue Mo'ui ki hano hiki'i hake 'a e levolo 'oku 'i ai e Falemahaki Vaiola kiha toe levolo 'oku lelei ange mo faka- tu'apule'anga. Ne tataki eni 'e he 'Eiki Minisita 'o e Potungāue Mo'ui ko Hon. Siaosi Sovaleni 'one talitali lelei 'a e taki koia 'o e kau folau mei he GX Foundation ko Liu Weimin pehē ki he'ene timi koia mei Siaina. Koha 'epoki fo'ou eni ma'a Tonga moha fakalakalaka tu'uloa ki hotau Falemahaki.

TATAU MAI E LAIONE NA'A NE FATAKI E KAU SIPAI LAULOTAHA 'A 'ISILELI.Kuo tatau mai 'a David Barnea ki he lakanga taki 'o ...
06/03/2026

TATAU MAI E LAIONE NA'A NE FATAKI E KAU SIPAI LAULOTAHA 'A 'ISILELI.

Kuo tatau mai 'a David Barnea ki he lakanga taki 'o e timi Sipai 'a e Pule'anga 'Isileli pe 'oku 'iloa koe Mossad hili ia ha'ane loto ke malolo ā mei hono lakanga. Kuo fakahoko ai 'e he Pule'anga 'Isileli ha faka'apa'apa makehe ki he helo mo e hulihuli 'o e va'a Sipai pea kenau tulituli ki he fekau faka'osi na'a ne tō he katoangá ni 'o pehē 'oku taau ke ngāue atu leva 'a 'Isileli ia 'o liliu e Pule'anga Iran he lolotongá ni pea 'e faingofua 'aupito pe ia ki 'Isileli 'o 'oua toe fakaongo ki ha fonua ka koia mo'ene tui ke tau'ataina 'a e kakai 'oku lolotonga tangi mai mei Iran koe ui fika 'uluaki ia ki he taki fo'ou mo e timi sipai 'a 'Isileli.

'E TIKILEA TAU 'A JORDAN KI 'ISILELI 'O KA HU ANGE 'A PALESITENI.Fakahā 'e he Tu'i 'o Jordan ko Abdullah II 'e toki tiki...
06/03/2026

'E TIKILEA TAU 'A JORDAN KI 'ISILELI 'O KA HU ANGE 'A PALESITENI.

Fakahā 'e he Tu'i 'o Jordan ko Abdullah II 'e toki tikilea tau hono Pule'anga mo e Pule'anga 'o 'Isileli 'o ka fakahoko hono fakamavahe'i e kakai 'o Palesitaine mei he West Bank 'o fakamalohi'i ange ki honau fonua. 'Oku te'eki foki ke 'iai ha polisí (policy) pehē 'a 'Isileli ka ne fai ia kimu'a he 'osi e tau koia 'o e Six Days War he ta'u 1967 pea fekau ai 'e 'Isileli ke foki e kakai 'o Palesitaine ki honau takitaha fonua ka na'e 'ikai tali kinautolu 'e honau ngaahi fonua pea iku ai ke foaki mola atupe 'e 'Isileli 'a West Bank mo Gaza 'i henau faka'ofa'ia hono teketeke'i mai kinautolu honau ngaahi fonua. Ko e 'ahó ni eni kuo toe kina'ia 'a 'Isileli 'ia nautolu he kuo nau toe feinga kinautolu kenau tau'i fakafoki e kelekele 'o e kau Siu pea tupu mei ai 'a e mapuna hake 'a e ngaahi fokotu'utu'u koeni 'i 'Isileli ke toe feinga ke fakafoki kinautolu ki honau takitaha fonua pea tupu mei ai 'a e lea 'a e Tu'i koeni ka fakamalohi'i ange 'e 'Isileli 'a e kakai 'o Palesitaine ki honau fonua pea tenau toki tau leva mo 'Isileli. Ko Jordan pe 'eni nenau tukulolo ki 'Isileli he ta'u 1967 kunau toe talanoa tau atu ki he kau Siu he lolotongá ni. Kaekehe ko e ngaahi fonua eni nenau nofo'i atu 'a 'Isileli pea neongo 'a e kehekehe 'a e tisaini honau fuka ka konautolu pe 'oku nau kapu e Hahake Lotoloto:
●Jordan 🇯🇴
●Iraq 🇮🇶
●Palestine 🇵🇸
●Syria 🇸🇾
●UAE/DUBAI 🇦🇪
●Yemen 🇾🇪
●Kuwait 🇰🇼
● Iran 🇮🇷
'Oku mou manatu'i e kikite he tohi 'a 'Isileli 37 mo e 38? 'Oku te'eki kakato neongo kuo hoko e konga pea tetau mamata tonu ai 'i ha fonua 'e 10 tenau taki'i atu 'enau matatau ki loto 'Isileli pea koe fonua pe 'e 3 'oku 'osi tohi'i pau mai honau hingoa ko Lusia(Mekoki), Iran(Pesia) pea mo Toake(Turkey) tenau taki'i atu e fonua 'e 10 ki he kelekele 'o e kau Siu pea tenau iku tukulele kotoa mai mei ai. He 'ikai loi e Folofola 'oku punou kiai 'a e Kalisitiane pea 'oku tau siomata he ngaahi fonua koeni 'oku nau tu'u tau pe he taimi kotoa ki 'Isileli. Teu toki tuku atu e 'uhinga totonu 'o e kikite 'o e 'Isikeli 37 mo e 38 ha'aku faingamalie he kuo lahi hotau kakai 'oku nau faka'uhinga'i hala e potutohi koeni.

06/03/2026

TUKUHIFO 'E 'AMELIKA HA NGAAHI MISAILE 'A IRAN 'I LOTO KUWAIT.

Kuo fakaha 'e he kautau 'a 'Amelika kuo nau tukuhifo ha ngaahi misaile ne fakataumu'a ki he peisi koia 'a 'Amelika 'i Kuwait. Pea kuo tuku atu ai 'e Iran 'enau fakatokanga ki he Pule'anga 'Amelika ke 'oua tenau maumau'i e alea tukutau he 'e toe kovi ange 'a e ngaahi misaile fo'ou 'e fana hoko atu.

LOTOMAMAHI E KAU MINISITA 'A NETANYAHU 'I HE LEA 'A TRUMP KI HONAU PALEMIA.Fakahā he Minisita Pilisone mo e malu'i 'o e ...
06/02/2026

LOTOMAMAHI E KAU MINISITA 'A NETANYAHU 'I HE LEA 'A TRUMP KI HONAU PALEMIA.

Fakahā he Minisita Pilisone mo e malu'i 'o e kau'afonua 'a 'Isileli ki he Palemia Benjamin Netanyahu 'oku 'i ai pe taimi ke 'io ki hono fanga feleni pea 'i ai pe moe taimi ke 'ikai ai 'o hangē koe hoha'a 'oku fai ange 'e he Palesiteni 'o 'Amelika koe taimi totonu ia ke 'ikai atu ai 'a 'Isileli he 'oku nau 'ilo lahi ange ki he Hahake Lotoloto pea ke malu'i honau kakai mei he fakaehaua 'a e kau tautoitoi. Ko e palani tau 'a 'Amelika kuo afe mei he Niukilia 'o tokanga taha ia ki he halanga vakalolo ka ne 'osi fale'i 'e 'Isileli ko 'enau palani tau koe tukuhifo pe liliu e Pule'anga Iran pe Regime kae faingofua e me'a kotoa 'o a'u ki he halanga vakalolo ka ne 'ikai tali 'e Trump.

MAMA KITU'A HE OPÉ 'A E KAPE 'A TRUMP KIA NETANYAHU.Ko e hili eni ha fetalanoa'aki 'a Trump mo Netanyahu ne 'ikai ai lot...
06/02/2026

MAMA KITU'A HE OPÉ 'A E KAPE 'A TRUMP KIA NETANYAHU.

Ko e hili eni ha fetalanoa'aki 'a Trump mo Netanyahu ne 'ikai ai loto 'a e Palemia 'o 'Isileli ki he ngaahi fokotu'utu'u 'oku fai 'e he Palesiteni 'o 'Amelika. Ne lea ai 'a Benjamin Netanyahu kia Trump pe kohai 'a Iran mo e Hezbollah ke 'alu 'o alea tila moia. Hangē koia kuo talanga'i 'i mamani ne homo atu ai ha kape meia Trump 'i he'ene mamahi he lea koia ne fai 'e Netanyahu kiai mo fakahā kiai ko'ene kei hao he ngaue popula koia pea 'oku totonu ke fakaongoongo. Ne holomui kotoa leva 'a e kautau 'a 'Isileli mei he kolomu'a 'o Lepanoni.

06/02/2026

NGAAHI 'ATA MEI HONO POMU'I 'E 'ISILELI 'A LOTO IRAN.

Ko e mo'ui eni 'a e neti 'i Iran kae load hake he kakai 'a e ngaahi 'ata mei hono pomu'i 'e 'Isileli 'a Iran he mahina ko 'Epeleli. Ko e kau eni he ngaahi 'ata ofi ki he feitu'u ne pomu'i he ne lahi e ngaahi 'ata ne tukuange kitu'a mei he Mossad ko 'enau hulu mei he mama'o ki he ngaahi lokeisini 'oku fai hono pomu'i ka koeni koe kakai pe 'o Iran.

Address

Springfield Road
Springfield, MO
65801

Website

Alerts

Be the first to know and let us send you an email when Tonga Mo'onia News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category