Albanian Embassy to the US

Albanian Embassy to the US Welcome to the page of the Albanian Embassy to the US. For official information about the Albanian Embassy, visit http://www.ambasadat.gov.al/usa.
(31)

Operating as usual

Pas disa orësh do të lëmë pas vitin 2020, një vit i pazakontë e tejet sfidues për mbarë botën, i cili na përballi me sit...
12/31/2020

Pas disa orësh do të lëmë pas vitin 2020, një vit i pazakontë e tejet sfidues për mbarë botën, i cili na përballi me situata të paparashikueshme dhe shpeshherë të paimagjinueshme. Pavarësisht kushteve të vështira, Ambasada shqiptare në Uashington DC bëri çmos që t’u përgjigjej të gjitha kërkesave dhe nevojave të këtij viti dhe jemi besimplotë se ja kemi dalë.

E mbyllim këtë 2020, me shpresat se viti i ardhshëm 2021 do të vijë më i mbarë, më i shëndetshëm, më i sigurt e më i begatë për të gjithë, duke përmbushur sa më shumë e sa më mirë pritshmëritë e secilit.

Ambasada shqiptare uron të gjithë bashkëkombasit në Shtetet e Bashkuara dhe në mbarë botën si dhe miqtë amerikanë Gëzuar Vitin e Ri 2021! Le t’i gëzohemi familjeve tona dhe gjithçkaje që kemi të shtrenjtë, duke u lutur së bashku për një 2021 të paqtë e të suksesshëm!

HAPPY NEW YEAR 2021!

Stafi i Ambasadës së RSH në Uashington DC

Me datë 26 dhjetor 2020 Klavio Meça, u nda tragjikisht nga jeta në moshën 24 vjeçare. Klavio nuk kishte asnjë familjar a...
12/29/2020
Paying Tribute to Klavio, organized by Craig Lennon

Me datë 26 dhjetor 2020 Klavio Meça, u nda tragjikisht nga jeta në moshën 24 vjeçare. Klavio nuk kishte asnjë familjar apo të afërm në Shtetet e Bashkuara.

Z. Craig Lennon, Dekan i Trupës Studentore të Universitetit të Bridgeport, në Connecticut, në të cilin Klavio studionte, ka nisur një fushatë publike donacionesh për t’i ardhur në ndihmë familjes Meça. Ju ftojmë t’i bashkoheni kësaj iniciative.

https://www.gofundme.com/f/paying-tribute-to-kalvio?utm_source=customer&utm_medium=email&utm_campaign=p_cp+share-sheet.

Klavio was only 24 years old when he unexpectedly passed away on December 26, 2020. Klavio had… Craig Lennon needs your support for Paying Tribute to Klavio

Gent Cakaj
12/28/2020

Gent Cakaj

Kosova e Shqipëria gjithmonë do të kenë një vend të veçantë në zemrën time - kështu më tha sot Kongresmeni Eliot Engel në një mbledhje virtuale
🇦🇱🇺🇲!

Na siguroi se do të punojë ngushtë me Administratën e Biden për t'i dhënë vëmendjen e duhur Kosovës, Shqipërisë, shqiptarëve!

Falënderues e mirënjohës për çdo gjë që ka bërë për ne deri më sot, nga kundërshtimi i regjimit të Millosheviç deri tek mbështetja e Kryesisë Shqiptare të OSBE-së!

Faleminderit nga zemra Kongresmen 🙏!

#MerryChristmas2020 🎁 Gëzuar Krishtlindjet🎄 Heartfelt and warm wishes to everyone this #HolidaySeason  season from Ambas...
12/25/2020

#MerryChristmas2020 🎁
Gëzuar Krishtlindjet🎄

Heartfelt and warm wishes to everyone this #HolidaySeason season from Ambassador Luli-Faber and the Embassy of Albania in DC.

Hoping that the spirit of #Christmas brings health, prosperity and happiness to you, your families and your loves ones!

Gent Cakaj
12/10/2020

Gent Cakaj

Fjala e Kongresmenit Engel në dëgjesën e tij të fundit mbi Ballkanin, meriton një vlerësim të veçantë.

Kongresmeni Engel shpreh fare qartë, jo vetëm thirrjen që Serbia të pajtohet me realitetin e ri në Ballkan, duke njohur Republikën e Kosovës, por edhe absurditetin e plotë të pengimit të anëtarësimit në organizata ndërkombëtare.

Për më shumë, derisa ai është i qartë në rëndësinë e vënies së drejtësisë për këdo që ka kryer krime, ai po ashtu thekson se Serbia pothuajse s'ka bërë asgjë në ndëshkimin e krimeve të luftës, duke përmendur veçanërisht rastin e vëllezërve Bytyqi.

Kongresmeni Engel ka qenë një prej zërave më të vyer, mbështetësve më të mëdhenj dhe personave më të angazhuar për pavarësinë e Republikës së Kosovës, për tre dekada radhazi.

Për këtë, ai meriton falënderime të pamata e mirënjohje të pafundme 🙏...

GËZUAR FESTËN E PAVARËSISË SHQIPËRI!Dita e Flamurit, dita që bashkon të gjithë ata që sot janë dhe ndjehen shqiptar, fes...
11/28/2020
Albania National Day - United States Department of State

GËZUAR FESTËN E PAVARËSISË SHQIPËRI!

Dita e Flamurit, dita që bashkon të gjithë ata që sot janë dhe ndjehen shqiptar, festa e kombit tonë, mbetet një nga eventet më të rëndësishme të Ambasadës së Republikës së Shqipërisë në Uashington DC. Ndër vite, këto festime kanë sjellë së bashku personalitete të larta të insitucioneve amerikane, përfaqësues të trupit diplomatik të akredituar në Uashington DC, përfaqësues të komunitetit shqiptaro-amerikan, përfaqësues të sektorit privat si edhe miq të shumtë të Shqipërisë.

Besimplotë që kjo traditë do vijojë përgjithmonë, këtë vit festimet kanë vijuar në mënyrë virtuale. Bisedat ne familje dhe urimet do jenë kuq e zi dhe të gjithë do i kthehemi kujtimeve dhe festimeve ku të gjithë festojmë me krenari se jemi shqiptarë.

Në këtë ditë të shënuar, kemi kënaqësinë të ndajmë mesazhin e urimit të Sekretarit Amerikan të Shtetit Michael Pompeo, që ai dërgon në emër të Qeverisë Amerikane.

Gëzuar Festat e 28-29 Nëntorit!

https://www.state.gov/albania-national-day-4/

As Albania celebrates its National Day, I extend congratulations on behalf of the United States Government and the American people. This year, we also celebrate the European Union’s decision to open accession negotiations for Albania, a sign of the significant progress that Albania has made in imp...

Në këtë ditë Falenderimesh, shprehim mirënjohjen tonë të thellë për mjekët dhe infiermierët që ndodhen në vijën e parë t...
11/26/2020

Në këtë ditë Falenderimesh, shprehim mirënjohjen tonë të thellë për mjekët dhe infiermierët që ndodhen në vijën e parë të betejës në këto ditë të vështira duke luftuar me armikun e padukshëm si pasojë e pandemisë COVID19. Faleminderit me zemër!

Megjithëse një vit i vështirë, ku festimet klasike familjare bëhen edhe më të vështira, atmosfera e kësaj feste na mbush me shpresë për tejkalimin sa më të shpejte të kësaj situate dhe besimin për t’iu rikthyer normalitetit dhe festimeve tradicionale.

Këtë vit, familjet shqiptaro-amerikane në SHBA kanë mundësinë të pasurojnë tavolinën e Ditës së Falënderimeve edhe me produktet shqiptare që tashmë ndodhen në tregun amerikan.

Gëzuar Ditën e Falenderimeve.
Ruani veten dhe të dashurit tuaj.
Mbani maskën 😷

Ministria për Evropën dhe Punët e Jashtme - Republika e Shqipërisë

Floreta Luli-Faber

11/15/2020
Ministria për Evropën dhe Punët e Jashtme - Republika e Shqipërisë

Ministria për Evropën dhe Punët e Jashtme - Republika e Shqipërisë

Ministria për Evropën dhe Punët e Jashtme njofton se Guajana dhe Katari kanë përfunduar procedurat e brendshme ligjore për hyrjen në fuqi të marrëveshjes për heqjen e vizave me Shqipërinë.

📌Sa i përket marrëveshjes me Guajanën, qytetarët që zotërojnë pasaportë diplomatike, të shërbimit dhe ato të zakonshme do të përjashtohen nga kërkesat për viza hyrjeje, daljeje ose tranziti, për një periudhë prej 90 ditësh brenda 6 muajve.

Për ata që planifikojnë të qëndrojnë përtej këtij afati, u kërkohet ta marrin vizën përkatëse përpara mbërritjes, ose nëse ndodhen në Guajanë të aplikojnë përpara skadimit të 90 ditëve.

📌Ndërkohë, në kuadër të marrëveshjes me Katarin, qytetarët shqiptarë që zotërojnë pasaportë të vlefshme diplomatike dhe qytetarët e Katarit me pasaportë të vlefshme diplomatike dhe speciale, mund të hyjnë në territorin e palës tjetër pa vizë dhe mund të qëndrojnë atje për 90 ditë.

Ndërsa, qytetarët që dëshirojnë të hyjnë në territorin e secilës palë për qëllime pune, profesionale ose studimi, janë të detyruar të sigurojnë më parë vizë.

Gent Cakaj
11/09/2020

Gent Cakaj

Shtetet e Bashkuara të Amerikës janë aleati më i vlefshëm, partneri më strategjik e vlera më frymëzuese për Shqipërinë dhe shqiptarët 🇺🇸🇦🇱!

Duke shprehur urimet më të përzemërta për fitoren e Joe Biden e Kamala Harris, ne shprehim përkushtimin tonë për të thelluar bashkëpunimin dypalësh, shtuar angazhimet e përbashkëta ndërkombëtare dhe forcuar edhe më shumë marrëdhënien transatlantike!

Zoti e bekoftë Shqipërinë dhe Shtetet e Bashkuara të Amerikës 🙏!

Një tjetër kapitull i suksesshëm në marrëdhëniet Shqipëri-SHBA u shënua me vizitën në Shqipëri të Ndihmës Sekretares së ...
10/19/2020

Një tjetër kapitull i suksesshëm në marrëdhëniet Shqipëri-SHBA u shënua me vizitën në Shqipëri të Ndihmës Sekretares së Shtetit për Çështjet e Arsimit dhe Kulturës, znj. Marie Royce.

Gjatë kësaj vizite (14-16 tetor 2020) e cila kishte si qëllim konsolidimin dhe avancimin e mëtejshëm të marrëdhënieve në fushën e arsimit dhe kulturës mes Shqipërise dhe Shteteve të Bashkuara, znj. Royce zhvilloi takime me përfaqësuesit më të lartë të shtetit dhe të qeverisë shqiptare, ndër ta Presidenti Ilir Meta dhe Kryeministri Edi Rama.

Vizita nisi me takimin mes znj. Royce dhe Ministres së Kulturës, znj. Elva Margariti, ku në qendër të bisedës ishin programet ekzistuese të Qendrës së Trashëgimisë Kulturore të Departamentit të Shtetit dhe mundësia për të zgjeruar përpjekjet për mbrojtjen dhe zhvillimin e pasurive kulturore.

Gjatë takimit me Kryeministrin Rama, bashkëbiseduesit konfirmuan bashkëpunimin e shkëlqyer mes dy vendeve dhe përmendën veçanërisht rritjen e financimeve për programin Fulbright, duke dakordësuar se shkëmbimet arsimore e kulturore janë thelbësorë për prosperitetin e dy vendeve.

Takimi i znj. Royce me Presidentin Meta u përqëndrua tek rëndësia që edukimi ndërkombëtar dhe shkëmbimet kanë në promovimin e multikulturalizmit dhe krijimin e rrjeteve të bashkëpunimit që sjellin dy popujt më afër me njëri-tjetrin.

Znj. Royce pati gjithashtu një takim me Ministren e Arsimit, znj. Evis Kushi, gjatë të cilit u diskutuan programet arsimore që Departamenti Amerikan i Shtetit ofron për nxënësit e studentët shqiptarë, duke nënvizuar si arritje nënshkrimin vitin e kaluar të marrëveshjes për shtimin e nivelit të financimit nga Qeveria Shqiptare për programin e bursave studentore Fulbright.

Gjatë vizitës në Shqipëri, znj. Royce u takua me një grup alumni të Programit të Lidershipit të Vizitorëve Ndërkombëtarë si dhe me përfaqësues të Akademisë së Grave Sipërmarrëse. Një aspekt paksa më i veçantë ishte edhe vizita që znj. Royce zhvilloi në qytetin e Krujës.

Për kontributin e saj të çmuar në avancimin e shkëmbimeve arsimore dhe kulturore mes Shqipërisë dhe Shteteve të Bashkuara të Amerikës, Universiteti i Tiranës i akordoi znj. Marie Royce titullin Doctor Honoris Causa.

Ambasada shqiptare në Washington DC përfiton nga kjo mundësi për të shprehur falenderime të sinqerta për znj. Royce dhe bashkëpunimin e saj të pakursyer, që rezultoi në këtë vizitë mjaft produktive dhe të suksesshme.

Ministria për Evropën dhe Punët e Jashtme - Republika e Shqipërisë
Floreta Luli-Faber

Assistant Secretary of State Marie Royce
10/14/2020

Assistant Secretary of State Marie Royce

Landed in Albania this morning 🛬

I'm excited to represent Exchange Programs - U.S. Department of State while meeting with Albanian government officials to discuss ways in strengthening 🇺🇸-🇦🇱 ties through education and culture.

Read more ➡️ https://bit.ly/3jYFYUh
_
U.S. Embassy-Tirana
Albanian Embassy to the US

Një takim i frytshëm virtual me përfaqësuesit e diasporës shqiptare në SHBA. Takimi u zhvillua në kuadër të bashkëpunimi...
10/08/2020

Një takim i frytshëm virtual me përfaqësuesit e diasporës shqiptare në SHBA. Takimi u zhvillua në kuadër të bashkëpunimit të Ambasadës me organizatat shqiptare dhe projektet e tyre konkrete në riformatimin e një organizimi më kompleks dhe gjithëpërfshirës.

Ambasadorja bisedoi sot me Bruno Ceka #MartinVulaj #BleronBaraliu #IlirFundo #NickMarkolaj #AnaCenaj #GinoMulliqi. Ajo falenderoi përfaqësuesit për punën e vyer ndër vite kryesisht në çështjet me interes kombëtar dhe theksoi se diaspora shqiptare do të mbetet ura lidhëse e çimentuar ndërmjet SHBA-ve dhe kombit tonë.

Ajo shprehu mbështetjen për iniciativën e tyre në riformatimin organizativ të diasporës në një platformë më të gjerë dhe gjithëpërfshirëse dhe u shpreh besimplotë se ky format do të përcjellë një vizion të qartë që mund të shërbej si udhërrëfyes për veprimtarinë e ardhshme të diasporës shqiptare duke iu përshtatur sfidave dhe kërkesave të shumta.

Gjatë diskutimit, Ambasadorja Faber insistoi se një ndër elementët kyç për mbarëvajtjen e kësaj nisme dhe çelës i suksesit të saj sa i përket gjithëpërfshirjes do të ishte angazhimi i sa më shumë vajzave dhe grave nga radhët e komunitetit dhe gjithashtu i rinisë, si motorë të padiskutueshëm të kësaj nisme.

Duke nënvizuar shembujt dhe rezultatet pozitive të organizatave në këto formate dhe duke vënë në dukje bashkëpunimin e shkëlqyer me organizatën American Jewish Committee (AJC), Ambasadorja theksoi se eksperienca e tyre në këtë proces do të ishte frytdhënëse në fazën fillestare të krijimit dhe përçoi gadishmërinë e tyre për ta mbështetur këtë proces. Ajo shprehu gatishmërinë e Ambasadës për realizimin e këtij bashkëpunimi.

Përfaqësuesit e diasporës shprehën mirënjohjen për bashkëpunimin aktiv të Ambasadës. Ata u shprehën entuziast për mbështetjen e AJC në këtë fazë të procesit dhe dakordësuan mbi vijimin e bashkëpunimit.

Ambasadorja Faber, duke i uruar punë të mbarë, shprehu mbështetjen në iniciativa të tilla dhe nënvizoi se Ambasada do të jetë aktive në këtë proces vetëm sipas kërkesave të diasporës, pa ndërhyrë në çështjet e brendshme të organizatës apo pa nxitur asnjë axhendë të tyre.

Ministria për Evropën dhe Punët e Jashtme - Republika e Shqipërisë
Floreta Luli-Faber
Albanian American Cultural Center of Texas

USEmbassyTirana on Twitter
10/06/2020
USEmbassyTirana on Twitter

USEmbassyTirana on Twitter

“Tune in on @a2_news tonight, at 20:00, to watch Under Secretary for Economic Growth, Energy & the Environment @KeithJKrach’s interview with Angelo Haruni. Don't miss Under Secretary Krach discussing the two MoUs signed by the U.S. and #Albania, 5G security network & more.”

Muaji Shtator mbetet një muaj i veçantë, pasi përkon me fillimin e shkollës për nxënësit e klasave të gjuhës shqipe për ...
09/22/2020

Muaji Shtator mbetet një muaj i veçantë, pasi përkon me fillimin e shkollës për nxënësit e klasave të gjuhës shqipe për fëmijët e komunitetit shqiptar në SHBA. Prej disa vitesh, Ambasada e RSH-së në Uashington DC luan një rol të rëndësishëm në këtë proces duke pajisur me abetare dhe libra të tjerë shkollor të gjithë nxënësit e këtyre shkollave.

Nën kujdesin e Qeverisë Shqiptare, këtë vit ka një rritje të ndjeshme të numrit të Abetareve të shpërndara dhe larmisë së titujve të librave të ofruara për nxënësit e shkollave shqipe këtu në SHBA. Të gjithë librat do jepen falas për fëmijët që ndjekin shkollat e gjuhës shqipe.

Duke ndjekur traditën e disa viteve me radhë, Ambasadorja Floreta Faber udhëtoi drejt Nju Jorkut ku shpërndarja e librave për disa shkolla u krye në mënyrë të centralizuar dhe me këtë rast ajo zhvilloi edhe një takim me Drejtuesit e këtyre shkollave.

Gjatë takimit, Ambasadorja Faber shprehu falenderimet dhe mirënjohjen e thellë për punën e tyre fisnike në mësimin e gjuhës shqipe, në drejtim të promovimit të vlerave shqiptare dhe ruajtjes së identitetit tonë kombëtar tek brezat e së ardhmes. Pavarësisht situatës dhe pasojave të COVID 19, shkollat shqipe bënë të mundur fillimin e mësimit online. Ambasadorja i siguroi të pranishmit për një bashkëpunim më të ngushtë nëpërmjet projekteve të reja dhe të përbashkëta.

Drejtuesit e shkollave falenderuan Ambasadoren Faber për mbështetjen e vazhdueshme dhe shprehën mirënjohjen për sigurimin e librave edhe në këto kohë të vështira. Shkollat e gjuhës shqipe këtë vit janë ofruar on-line që ti përgjigjen rregullave të periudhës së Pandemisë.

Ambasada filloi shpërndarjen e librave për shkollat e Nju Jorkut, Nju Xhersit, Konektikat dhe Filadelfia. Procesi i shpërndarjes së librave shqip do të vijojë në ditët ne vijim me shkollat në shtetet e Teksasit, Miçigan, Ilinoisit, Arizonës, Masaçustes, Floridas si dhe shkollave të tjera që mund të hapen.

Ministria për Evropën dhe Punët e Jashtme - Republika e Shqipërisë

Floreta Luli-Faber

Ambasadorja Floreta Luli-Faber mori pjesë në ceremoninë e nënshkrimit të marrëveshjes për normalizimin e marrëdhënieve n...
09/15/2020

Ambasadorja Floreta Luli-Faber mori pjesë në ceremoninë e nënshkrimit të marrëveshjes për normalizimin e marrëdhënieve ndërmjet Shtetit të Izraelit me Emiratet e Bashkuara Arabe dhe Mbretërinë e Bahrenit, ndryshe e quajtur “Marrëveshja e Abrahamit” e cila u nënshkrua zyrtarisht në Shtëpinë e Bardhë nga Kryeministri Netanjahu, MPJ Sheikh Abdullah bin Zayed Al Nahyan dhe MPJ Abdullatif Bin Rashid Al-Zayani në praninë e Presidentit të SHBA-ve, Donald Trump.

Kjo marrëveshje është një arritje e jashtëzakonshme e Presidentit Trump dhe e administratës amerikane e cila pritet të ketë një impakt të rëndësishëm për të ardhmen e Rajonit të Lindjes së Mesme.

Marrëveshja historike për normalizimin e marrëdhënieve ekonomike ndërmjet Republikës së Kosovës dhe Republikës së Serbisë, që u nënshkrua më datë 4 shtator 2020, ishte gjithashtu një tjetër arritje e përshëndetur gjërësisht në arenën ndërkombëtare.

Ministria për Evropën dhe Punët e Jashtme - Republika e Shqipërisë

Albanian American Cultural Center of Texas
09/06/2020

Albanian American Cultural Center of Texas

Albanian American Cultural Center President Bruno Ceka and Treasurer Gezim Rush*ti were privileged with attending the Albanian Embassy to the US in Washington DC where they were greeted by the respected ambassador Floreta Luli-Faber.

Kryetari I Komunitetit Shqiptar në DFW z. Bruno Ceka me arkatarin z. Gëzim Rush*ti vizituan ambasadën e shtetit Shqiptar në Washington D.C.
Ku u pritën nga shkëlqesia e saj zonja Floreta Luli Faber!

Procesi i Aplikimeve për Pasaporta dhe Karta IdentitetiSiç jeni në dijeni, për shkak të situatës së COVID-19, Zyra Konsu...
07/15/2020
e-Albania

Procesi i Aplikimeve për Pasaporta dhe Karta Identiteti

Siç jeni në dijeni, për shkak të situatës së COVID-19, Zyra Konsullore në New York ka qenë e mbyllur nga data 17 mars dhe është hapur me datë 21 qershor, ditë në të cilën Guvernatori i Shtetit të New York lejoi rihapjen e zyrave, në kuadër të fazës së dytë të rihapjes.

Rihapja e zyrave u lejua duke kërkuar zbatimin e të gjitha masave të parashikuara për parandalimin e përhapjes së koronavirusit. Në përputhje me këto masa dhe me qëllim zbatimin rigoroz të parametrave të kërkuar nga shteti i New York për respektimin e rregullave të qendrimit, distancimit social dhe kohës së pritjes brenda ambjenteve të Zyrës Konsullore, bëjmë me dije se numri maksimal i shtetasve shqiptarë që mund të paraqiten në një ditë të caktuar dhe të marrin shërbimet në Zyrën Konsullore nuk do të kalojë shifrën prej 16 personash.

Për arsyet e mësipërme, me mirëkuptimin tuaj, Zyra Konsullore do të procedojë fillimisht me shtetasit të cilëve u është spostuar data e paracaktuar e takimit për pajisjen me pasaportë të re për shkak të pandemisë. Në vijim, Zyra Konsullore do të fillojë trajtimin e aplikimeve të reja.

Aplikimet për pasaporta dhe kartë identiteti bëhen online tek https://e-albania.al/eAlbaniaServices/UseService.aspx?service_code=9765 ku është e sqaruar e gjithë procedura. Zyra Konsullore ka shtuar kapacitetet dhe po punon në kapacitet maksimal, me qëllim përcaktimin brenda kohës më të shpejtë të mundshme të datave të paraqitjes së qytetarëve.

Ju lutemi vini re se kohëzgjatja e prodhimit të Pasaportës dhe Kartës së Identitetit tashmë do të kërkojë NJË AFAT 10-12 JAVË NGA DITA E PARAQITJES NË ZYRËN KONSULLORE.

Ministria për Evropën dhe Punët e Jashtme së bashku me kompaninë Aleat kanë vendosur që shpërndarja e Pasaportave dhe Kartave të Identitetit të kryhet përmes shërbimit postar. Pra, qytetarët nevojitet të paraqiten pranë zyrës konsullore vetëm në momentin e aplikimit.

Ju falenderojmë për mirëkuptimin tuaj.

Floreta Luli-Faber
Ministria për Evropën dhe Punët e Jashtme - Republika e Shqipërisë
Najada Sojli

E-albania është portali qeveritar ku shërbimet publike që gjenden në zyrat dhe sportelet fizike të institucioneve ofrohen në mënyrë elektronike falë Platformës Qeveritare të Ndërveprimit që ndërlidh sistemet e institucioneve me njeri-tjetrin. Portali është konceptuar si një zyrë e...

Address

2100 S St NW
Washington D.C., DC
20008

General information

Diplomatic relations between the Republic of Albania and the United States of America were reestablished on 15 March 1991, after an interruption of 52 years. The diplomatic relations between our two countries were first established on 28 July 1922. According to a general overview, relations between our countries began during the early twentieth century, when U.S. President Wilson, provided the necessary support to the new Albanian state for its recognition. Relations with the United States of America remain of primary and strategic importance to Albania. The United States of America is Albania’s irreplaceable ally and partner. The cooperation and partnership between our two countries is oriented towards the strengthening of stability, peace and regional development; the consolidation of democracy and rule of law; Albania’s Euro-Atlantic integration; deepening of reforms and law enforcement in Albania; economy, trade and the consolidation of market economy; human rights, fight against terrorism, fight against organized crime and illegal trafficking, etc. These extensive cooperation relationships and close partnership are a sound basis for these relations to further advance in the best interest of our countries and peoples, peace, security and development in our region and beyond.

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 14:00

Telephone

(202) 223-4942

Alerts

Be the first to know and let us send you an email when Albanian Embassy to the US posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Albanian Embassy to the US:

Videos


Other Government Organizations in Washington D.C.

Show All