Xalq deputatlari Bag‘dod tumani Kengashi, Farg‘ona viloyati Bag‘dod tumani Mustaqillik ko‘chasi 10-uy, Farg`ona (2026)

Q: What is the address?

Farg‘ona Viloyati Bag‘dod Tumani Mustaqillik Ko‘chasi 10-uy

01/06/2026

Yettinchi chaqiriq хalq deputatlari Bag‘dod tumani Kengashining navbatdagi yigirma uchinchi sessiyasi 2026-yil 4-iyun kuni soat 14:00 da tuman hokimligi majlislar zalida boshlanadi.
Kun tartibiga quyidagi masalalar kiritilgan:
✅ Bag‘dod tumani mahalliy budjetining 2026-yil 1-сhorak ijrosi.
✅ Bag‘dod tumani budjetining qoʻshimcha manbalari hisobidan mablagʻlarni yoʻnaltirish toʻgʻrisida.
✅Bag‘dod tumanini 2026-yilda ijtimoiy-iqtisodiy rivojlantirish dasturi ijrosi yuzasidan amalga oshirilayotgan ishlar to‘g‘risida tuman hokimining birinchi o‘rinbosari S.Qarabayevning hisoboti haqida.
✅ Bag‘dod tumani hokimligi huzurida tashkil etilgan “Infratuzilma va ijtimoiy barqarorlik” jamg‘armasi mablag‘larini yo‘naltirish to‘g‘risida.
✅ Tuman davlat soliq inspeksiyasi rahbarining mahalliy budjet daromadlari bajarilishi holati, qo‘shimcha rezervlarni aniqlash bo‘yicha qilingan ishlar, soliqlar va boshqa majburiy to‘lovlar kesimida budjetga hisoblangan va amalda to‘langanligi, ular bo‘yicha soliq qarzdorligi to‘g‘risidagi hisobotini esh*tish.
✅ Bag‘dod tumani hokimligi tomonidan jismoniy va yuridik shaxslar murojaatlari ijrosini ta’minlash yuzasidan amalga oshirilgan ishlar to‘g‘risida
✅ Bag‘dod tuman hokimligida “Edo.ijro.uz” tizimi orqali ro‘yxatga olingan qonunchilik hujjatlari va topshiriqlarning ijro holati to‘g‘risida.
✅O‘zbekiston Respublikasi Vazirlar Mahkamasining 2024-yil 11-oktabrdagi 665-son qaroriga muvofiq, Farg‘ona viloyati Bag‘dod tuman Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2025-yil uchun dastlabki manzilli ro‘yxatini tasdiqlash to‘g‘risida tuman hokimi o‘rinbosari U.Yigitaliyevning hisoboti to‘g‘risida.

19/05/2026

Xalq deputatlari Bag‘dod tumani Kengashining 7-Yo‘ldashobod saylov okrugi deputati M.Dexqonov tomonidan Xo‘jaqishloq mahalla fuqarolar yig‘inida olib borilayotgan o‘rganish ishlari davom etmoqda.

Navbatdagi o‘rganish jarayonida mahalla hududida joylashgan 15-sonli davlat maktabgacha ta’lim tashkiloti faoliyati, mavjud shart-sharoitlar hamda muassasaning texnik holati atroflicha ko‘zdan kechirildi. Mazkur ta’lim tashkiloti 1989-yilda qurilgan bo‘lib, 120 nafar bolani qamrab olishga mo‘ljallangan. Ayni paytda esa bog‘chada 240 nafar tarbiyalanuvchi tahsil olmoqda. Bundan tashqari, maktabgacha ta’lim tashkilotiga joylashtirish uchun navbatda turgan bolalar soni 300 nafarga yetgani aniqlanib, hududda qo‘shimcha bino qurishga ehtiyoj yuqoriligi qayd etildi.

Shuningdek, o‘rganish davomida bog‘cha hududida joylashgan suv minorasi eskirgani hamda hozirgi k***a foydalanish uchun yaroqsiz holga kelgani ma’lum bo‘ldi. Mazkur holat yuzasidan suv minorasini ta’mirlash va uni bog‘cha hududidan tashqariga ko‘chirish bo‘yicha tegishli mas’ul tashkilotlarga deputat so‘rovi yuborilishi belgilandi.

Bundan tashqari, maktabgacha ta’lim tashkilotidagi mebel jihozlari ham eskirib, foydalanish uchun yaroqsiz holga kelgani aniqlandi. Ushbu muammoni bartaraf etish, muassasadagi sharoitlarni yaxshilash hamda bolalar uchun yanada qulay muhit yaratish maqsadida deputat tomonidan amaliy choralar ko‘rilishi belgilandi. Ta'lim tashkilotining yong‘in xavfsizligi anjomlari yo‘qligi aniqlanib, yangi anjomlar olib kelinib muammo joyida hal etildi.

19/05/2026

Xalq deputatlari Bag‘dod tumani Kengashining 7-Yo‘ldashobod saylov okrugi deputati M.Dexqonov tomonidan Xo‘jaqishloq mahalla fuqarolar yig‘inida olib borilayotgan o‘rganish ishlari davom etmoqda.

O‘rganish jarayonida mahalla hududida joylashgan 11-umumiy o‘rta ta’lim maktabining texnik holati hamda o‘quvchilarga yaratilgan shart-sharoitlar atroflicha ko‘zdan kechirildi. Xususan, ta’lim muassasasida o‘quvchilarning sifatli bilim olishi, bo‘sh vaqtlarini mazmunli tashkil etishi va sport bilan muntazam shug‘ullanishlari uchun yaratilgan imkoniyatlarga alohida e’tibor qaratildi.

Shuningdek, maktab sport maydonchasi va sport anjomlari holati o‘rganilib, ayrim sport jihozlari eskirgani aniqlandi. Mazkur masala yuzasidan deputat tomonidan sport anjomlarini ta’mirlash hamda mavjud sharoitlarni yanada yaxshilash bo‘yicha amaliy yordam ko‘rsatish belgilandi.

Bu kabi o‘rganishlar hududlarda mavjud muammolarni aniqlash, ularni bartaraf etish hamda yoshlar uchun munosib ta’lim va sport muhitini yaratishda muhim ahamiyat kasb etmoqda.

19/05/2026

Xalq deputatlari Bag‘dod tumani Kengashining 7-Yo‘ldashobod saylov okrugi deputati M.Dexqonov, Kengash kotibiyati mudiri G‘.Abdullayev, O‘zLiDeP tuman Kengshi apparat rahbari R.Yegitaliyev, tuman Kengashi deputati Sh.Xoldarov va Kotibiyat bosh mutaxassisi A.Ismoilovlar bilan birgalikda Xo‘jaqishloq mahalla fuqarolar yig‘inida “mahalla yettiligi” hamda saylovchilar bilan uchrashuv tashkil etildi.

Xususan, hokim yordamchilari tomonidan amalga oshirilayotgan ishlar samaradorligi, xususan aholini kambag‘allikdan chiqarish ishlari, mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatiladigan xizmatni sifatli tashkil etilishi, kam ta’minlangan oilalarga ijtimoiy nafaqalar va moddiy yordam tayinlash va to‘lash, mahalla ichki ko‘cha yo‘llari holati, ko‘chalarni tunda yoritilishi, chiqindilarni o‘z vaqtida olib chiqish holatlari o‘rganildi.

Shuningdek, saylovchilar bilan uchrashuvda jami 5 ta murojaatlar kelib tushdi. Shundan 2 tasi ish bilan ta’minlash, 2 tasi suyiltirilgan gaz bilan ta’minlash hamda 1 nafar fuqaroning 1-sinf farzandiga inklyuziv ta’lim uchun mebel jixozlari bilan ta’minlash masalalari tashkil etdi.
Murojaatchining 1-sinf farzandiga inklyuziv ta’lim uchun mebel jixozlari bilan ta’minlash masalasi deputatning “Bag‘dod mebel fabrikasi” korxonasi hisobidan ta’minlanishi belgilandi. Qolgan murojaatlar yuzasidan deputat nazorati o‘rnatildi.

19/05/2026

🏥 Xalq deputatlari Bag‘dod tumani Kengashi raisi D.Karimova tomonidan tuman tibbiyot birlashmasiga qarashli shoshilinch tez tibbiy yordam bo‘limi faoliyati o‘rganildi.

🩺 O‘rganish davomida bo‘limda bemorlarga yaratilgan sharoitlar, fuqarolarni qabul qilish va ularga tezkor tibbiy xizmat ko‘rsatish jarayonlari ko‘zdan kechirildi. Xususan, kutish joylari, palatalarning holati, sanitariya-gigiyena talablari hamda bemorlar uchun yaratilgan qulayliklarga alohida e’tibor qaratildi.

Shuningdek, tibbiyot xodimlari bilan suhbat o‘tkazilib, aholiga sifatli va o‘z vaqtida tibbiy yordam ko‘rsatish borasida amalga oshirilayotgan ishlar muhokama qilindi.

O‘rganish yakunida mavjud sharoitlarni yanada yaxshilash, bemorlar uchun qulay va zamonaviy muhit yaratish hamda tibbiy xizmat sifatini oshirish yuzasidan tegishli tavsiya va ko‘rsatmalar berildi.

15/05/2026

❇️Oila mustahkamligi — jamiyat tayanchi

Xalq deputatlari Bag‘dod tumani Kengashi deputati, "Adolat" SDP tuman Kengashi raisi I.Axmedov “Oilalar mustahkamligini kafolatlaylik!” loyihasi doirasida Bag‘dod tumanidagi “Samandarak” mahallasida aholi bilan ochiq muloqot o‘tkazdi.

Tadbirda oilaviy zo‘ravonlikning oldini olish, xotin-qizlar va bolalar huquqlarini himoya qilish, oilalarda sog‘lom muhitni shakllantirish masalalari muhokama qilindi. Ta’kidlanganidek, mamlakatimizda inson huquqlarini ta’minlash, ayniqsa, ayollar va bolalar manfaatlarini himoya qilish davlat siyosatining muhim yo‘nalishiga aylanmoqda.

Uchrashuvda Bag‘dod tumani IIB boshlig‘i, podpolkovnik Faxriddin Hayitov ham ishtirok etib, huquqbuzarliklar profilaktikasi va oilalar tinchligini ta’minlash bo‘yicha amalga oshirilayotgan ishlar haqida ma’lumot berdi.

Shuningdek, Prezidentimizning 2026-yil 3-martda qabul qilingan ayollar va bolalar huquqlarini himoya qilishga qaratilgan Farmonining ahamiyati haqida ham so‘z yuritildi. Tadbir yakunida ishtirokchilar tomonidan mavzu yuzasidan fikr va takliflar bildirildi.

14/05/2026

Xalq deputatlari Bag‘dod tumani Kengashining 6-Zafarobod saylov okrugi deputati M.Ergashev, O‘zLiDeP tuman Kengashi apparat rahbari R.Yegitaliyev hamda Kengash kotibiyat bosh mutaxassisi A.Ismoilovlar ishtirokida Zafarobod mahalla fuqarolar yig‘inida “Mahalla yettiligi” faoliyati o‘rganildi.

O‘rganish davomida mahalladagi yoshlar yetakchisi tomonidan amalga oshirilayotgan ishlar, yoshlar bandligini ta’minlash hamda ularni qo‘llab-quvvatlash borasidagi faoliyat samaradorligi tahlil qilindi.

Jumladan, 2026-yilning o‘tgan 4 oyi davomida 5 nafar yosh haydovchilik kurslariga, 2 nafar yosh kontrakt to‘lovlari uchun hamda 1 nafar yosh bir oylik harbiy xizmatga yo‘naltirilgan. Yoshlar bandligini ta’minlash maqsadida ishsiz toifasiga kiritilgan 10 nafar yoshning 9 nafari ish bilan ta’minlangan bo‘lib, 1 nafar yoshning bandligini ta’minlash ishlari jarayonda davom etmoqda. Shuningdek, 3 nafar yoshga dehqon xo‘jaligi tashkil etish uchun yer ajratilgan hamda kredit olish istagidagi 9 nafar yoshga imtiyozli kreditlar ajratilgan.

Shu bilan birga, mahalla xotin-qizlar faoli tomonidan amalga oshirilayotgan ishlar samaradorligi ham o‘rganildi. Xususan, 2026-yilda “Ayollar daftari”ga 144 nafar xotin-qiz ro‘yxatga olingan bo‘lib, hozirga qadar 3 nafar fuqaroga tadbirkorlik faoliyatini yo‘lga qo‘yish uchun kredit ajratilgan. 18 nafar ishsiz xotin-qizning bandligi ta’minlangan, 4 ta oila yarashtirilgan hamda tazyiq va zo‘ravonlikka uchragan 4 nafar ayolga himoya orderi berilgan.

O‘rganish yakunida “Mahalla yettiligi” tomonidan hududda amalga oshirilayotgan ishlar yuzasidan tegishli tavsiya va takliflar berilib, aholi muammolarini tizimli hal etish hamda yoshlar va xotin-qizlarni qo‘llab-quvvatlash borasidagi ishlarni yanada kuchaytirish lozimligi ta’kidlandi.

14/05/2026

Xalq deputatlari Bag‘dod tumani Kengashining 8-Qaroqchitol saylov okrugi deputati O.Gaziyev hamda Kengash kotibiyat mudiri G‘.Abdullayevlar ishtirokida Qaroqchitol mahalla fuqarolar yig‘inida “Mahalla yettiligi” faoliyati o‘rganildi.

O‘rganish davomida mahallada aholi murojaatlari bilan ishlash, ijtimoiy muammolarni bartaraf etish, yoshlar va xotin-qizlar bandligini ta’minlash, profilaktika va jinoyatchilikning oldini olish, shuningdek, hududda olib borilayotgan obodonlashtirish ishlari yuzasidan amalga oshirilayotgan ishlar tahlil qilindi.

Shuningdek, “Mahalla yettiligi” tomonidan hududda olib borilayotgan ishlar samaradorligini yanada oshirish, mavjud muammolarni tizimli hal etish hamda aholiga yanada qulay sharoitlar yaratish bo‘yicha mas’ullarga tegishli tavsiya va ko‘rsatmalar berildi.

14/05/2026

Xalq deputatlari Bag‘dod tumani Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda tumandagi sanitar-epidemiologik holat, aholi yashash hududlarida tozalikni ta’minlash hamda maishiy chiqindilarni o‘z vaqtida olib chiqib ketish borasida amalga oshirilayotgan ishlar muhokama qilindi.

Kun tartibidagi masala yuzasidan “Rishton Agro Servis” MCHJ Bag‘dod tumani bo‘limi boshlig‘i Sh.Abdunazarovning hisoboti esh*tildi. Hisobot davomida hududlarda chiqindilarni yig‘ish va olib chiqish tizimini yaxshilash, maxsus texnikalar faoliyati, mavjud muammolar hamda ularni bartaraf etish yuzasidan amalga oshirilayotgan ishlar haqida ma’lumot berildi.

Shuningdek, doimiy komissiya a’zolari tomonidan sohaga oid taklif va tavsiyalar bildirilib, sanitariya holatini yanada yaxshilash hamda aholiga sifatli xizmat ko‘rsatishni kuchaytirish bo‘yicha tegishli vazifalar belgilab olindi.

12/05/2026

O‘zbekiston Respublikasining “Ko‘p kvartirali uylarni boshqarish to‘g‘risida”gi Qonuni ijrosi ta’minlanishi holati yuzasidan hududlarda o‘rganish ishlari olib borildi.

O‘rganish davomida ko‘p kvartirali uylarni saqlash va ulardan foydalanish holati, boshqaruv organlari faoliyati, aholiga ko‘rsatilayotgan kommunal xizmatlar sifati hamda mavjud muammolar atroflicha tahlil qilindi.

Xususan, tumanning O‘zbekiston va Ittifoq mahalla fuqarolar yig‘inlarida joylashgan 23 ta ma’nan eskirgan to‘rt qavatli uylardagi 396 ta xonadonni renovatsiya qilish orqali 20 ta zamonaviy yetti qavatli uylarni barpo etish rejalashtirilgan. Mazkur loyiha natijasida xonadonlar soni 1710 taga yetkaziladi.

Shuningdek, aholi uchun yanada qulay sharoit yaratish maqsadida savdo va maishiy xizmat ko‘rsatish shoxobchalari ham qurilishi ko‘zda tutilgan.

Ayni paytda 1 ta ko‘p qavatli uyda qurilish ishlari boshlangan bo‘lib, yana 3 ta uy bo‘yicha aholini ko‘chirish ishlari olib borilmoqda.

Xalq deputatlari Bag‘dod tumani Kengashi

01/06/2026

19/05/2026

19/05/2026

19/05/2026

19/05/2026

15/05/2026

14/05/2026

14/05/2026

14/05/2026

12/05/2026

Address

Website

Alerts

Shortcuts

Share

Category