Хайрулло Бозаров

Хайрулло Бозаров Официальная страница Хокима Ферганской области
Фарғона вилояти ҳокимининг расмий саҳифаси

Фарғона вилояти делегацияси Малайзиянинг Селангор штатида "MBI Selangor" корпорацияси томонидан барпо этилган замонавий ...
03/06/2026

Фарғона вилояти делегацияси Малайзиянинг Селангор штатида "MBI Selangor" корпорацияси томонидан барпо этилган замонавий ва ҳамёнбоп турар жой мажмуаси билан танишди.

"Idaman Bukit Jelutong" мажмуаси аҳолини арзон ва сифатли уй-жой билан таъминлашга қаратилгани билан аҳамиятлидир. Мажмуа 20 қаватли бўлиб, жами 1260 та хонадонни ўз ичига олади.

Лойиҳада аҳоли учун қулай шарт-шароитлар яратилган: кўп қаватли автотураргоҳ, савдо ва хизмат кўрсатиш шохобчалари, спорт иншоотлари, болалар майдончалари, бассейн ҳамда яшаш учун барча зарур инфратузилма объектлари мавжуд. Шу билан бирга, мажмуада хавфсизлик ва коммунал хизматлар тизими замонавий талаблар асосида йўлга қўйилган.

Сафар давомида делегация аъзолари мазкур лойиҳа тажрибасини ўрганиб, Фарғона вилоятида ҳам замонавий шаҳарсозлик ечимларини жорий этиш борасида ҳамкорлик имкониятларини муҳокама қилди.

03/06/2026

Фарғона вилояти Селангор штати билан ўзаро манфаатли ҳамкорликни кенгайтирмоқда

03/06/2026

Куала-Лумпурда йирик компаниялар билан самарали мулоқотлар ўтказилди

"MBI Selangor” корпорацияси Фарғонада истиқболли лойиҳаларни амалга оширишни режалаштирмоқдаФарғона вилояти делегацияси ...
03/06/2026

"MBI Selangor” корпорацияси Фарғонада истиқболли лойиҳаларни амалга оширишни режалаштирмоқда

Фарғона вилояти делегацияси Малайзиянинг Селангор штатида “MBI Selangor” корпорацияси бош директори Саиполязан Юсуп ва қатор компаниялар раҳбарлари билан учрашув ўтказди.

Самимий мулоқот давомида вилоят ҳокими Хайрулло Бозоров Ўзбекистон ва Малайзия ўртасидаги дўстона муносабатлар изчил ривожланиб бораётгани, бу эса ўзаро манфаатли ҳамкорлик учун янги имкониятлар очаётганини алоҳида таъкидлади. Бундай амалий учрашувлар ҳудудлараро алоқаларни янада мустаҳкамлашга хизмат қилишини қайд этди.

Учрашув чоғида Селангорнинг йирик инвестиция корпорацияларидан бири "MBI Selangor” билан саноат, қурилиш, ахборот технологиялари, сунъий интеллект, молия, туризм, энергетика каби қатор устувор йўналишларда ҳамкорликни йўлга қўйиш ва кенгайтириш масалалари атрофлича муҳокама қилинди.

Саиполязан Юсуп томонидан “MBI Selangor” корпорацияси фаолияти, унинг инвестиция салоҳияти ва амалга ошираётган йирик лойиҳалари ҳақида батафсил маълумот берилди.

Маълумот ўрнида, MBI Selangor (Menteri Besar Selangor (Incorporation) 1994 йил 21 сентябрда ташкил этилган бўлиб, Малайзиянинг Селангор штати ҳукумати қошидаги йирик инвестиция ва активларни бошқариш корпорацияси ҳисобланади. Унинг бош қароргоҳи Шоҳ-Алам шаҳрида жойлашган.

Корпорациянинг асосий вазифаси — штат ҳукуматининг активлари ва инвестицияларини самарали бошқариш, шунингдек, йирик иқтисодий ва бизнес лойиҳаларни амалга оширишдан иборат. Бугунги кунда компания таркибида 11,5 мингдан ортиқ ходим фаолият юритиб, бир қатор шўъба корхоналар орқали иқтисодий ўсишни рағбатлантирувчи лойиҳаларни амалга оширмоқда.

Шунингдек, корпорация тасарруфида учта йирик иқтисодий зона мавжуд бўлиб, улар орқали ҳудудий ривожланишни жадаллаштириш, инвестицияларни жалб этиш ва аҳоли бандлигини таъминлашга алоҳида эътибор қаратилган.

Учрашув давомида қатор лойиҳалар бўйича тақдимотлар ўтказилди. Хусусан, “KDEB Waste Management” компанияси чиқиндиларни бошқариш, “Invest Selangor” инвестиция ва молиялаштириш, “SMARTSEL” компанияси "ақлли" шаҳар технологияси бўйича маълумот бериб ўтилди.

Фарғонанинг иқтисодий ва инвестициявий имкониятлари таништирилди. “MBI Selangor"нинг илғор тажрибаларини ўрганиш ва вилоятимизда ҳам тадбиқ этишга келишиб олинди. Жорий йилнинг октябрь ойида Селангорда бўлиб ўтадиган халқаро бизнес форумга Фарғона делегацияси таклиф қилинди.

Музокаралар якунида ўзаро манфаатли ҳамкорликни янада ривожлантириш, аниқ инвестиция лойиҳаларини ишлаб чиқиш ва амалга ошириш бўйича келишувларга эришилди.

03/06/2026

Фарғона–Малайзия: бизнес мулоқоти катта лойиҳаларга йўл очди

Фарғона вилояти ва Селангор штати ўртасида ҳамкорлик мустаҳкамланмоқдаФарғона вилояти ҳокими Хайрулло Бозоров Малайзияга...
03/06/2026

Фарғона вилояти ва Селангор штати ўртасида ҳамкорлик мустаҳкамланмоқда

Фарғона вилояти ҳокими Хайрулло Бозоров Малайзияга амалий ташрифи доирасида мамлакатнинг энг ривожланган ва юқори иқтисодий салоҳиятга эга ҳудудларидан бири — Селангор штати бош вазири Амируддин Шари билан учрашув ўтказди.

Учрашувда Ўзбекистоннинг Малайзиядаги Фавқулодда ва мухтор элчиси Каромиддин Гадоев иштирок этди.

Унда икки томонлама манфаатли алоқаларни янада ривожлантириш, ҳудудлараро ҳамкорликни кенгайтириш ҳамда истиқболли йўналишларда қўшма лойиҳаларни амалга ошириш масалалари муҳокама қилинди.

Хайрулло Бозоров Ўзбекистон ва Малайзия ўртасидаги муносабатлар давлат раҳбарлари ўртасидаги дўстона алоқалар, муштарак тараққиёт йўли ва умумий қадриятлар асосида янги босқичга кўтарилганини таъкидлади. Шунингдек, Селангор штатидаги илғор тажриба ҳудудлараро ҳамкорликни ривожлантиришда муҳим аҳамият касб этиши қайд этилди.

Учрашувда биродарлик алоқаларини йўлга қўйиш, ишбилармонлик алоқаларини фаоллаштириш, инвестициявий ҳамкорликни кенгайтириш, қўшма лойиҳаларни амалга ошириш ва тажриба алмашиш масалаларига алоҳида эътибор қаратилди.

IT, электроника ва яримўтказгичлар саноати, инновацион ишлаб чиқариш, “ақлли” қишлоқ хўжалиги, “яшил” энергетика, логистика, зиёрат туризми каби устувор йўналишларда ҳамкорликни ривожлантириш бўйича таклифлар билдирдилар.

Учрашув якунида Фарғона вилояти ва Селангор штати ўртасидаги дўстона ҳамда иқтисодий алоқаларни янада мустаҳкамлашга қаратилган қўшма ташаббусларни амалга ошириш, "йўл харитаси" ишлаб чиқиш бўйича келишувга эришилди.

Маълумот учун: Селангор — Малайзия ярим оролининг ғарбий қисмида жойлашган мамлакатнинг энг ривожланган ва саноатлашган штати ҳисобланади. У мамлакат ялпи ички маҳсулотининг салмоқли (3/1) қисмини таъминлаб, асосий иқтисодий марказлардан бири сифатида эътироф этилади. Штатда электроника, фармацевтика, озиқ-овқат саноати ҳамда яримўтказгичлар ишлаб чиқариш йўналишлари юқори даражада ривожланган.

02/06/2026

Малайзиядаги Фарғона савдо уйи — бизнес ва экспорт учун муҳим майдон

02/06/2026

Малайзиянинг йирик компанияларидан бири, мингдан ортиқ савдо тармоқларига эга "KK Group" ҳамда "Malaysia Chinese Assembly Hall" уюшмаси Фарғонанинг ишончли ҳамкорига айланди

Фарғона вилояти ҳокими Хайрулло Бозоров бизнес форум доирасида Малайзиянинг ўндан ортиқ йирик компаниялари ва бизнес до...
02/06/2026

Фарғона вилояти ҳокими Хайрулло Бозоров бизнес форум доирасида Малайзиянинг ўндан ортиқ йирик компаниялари ва бизнес доира вакиллари билан музокаралар ўтказди. Учрашувлар якунида қатор истиқболли келишувларга эришилди.

“Orientex Synergy” компанияси раҳбари Музамил Росли билан қурилиш соҳасида, "Malaysia Chinese Assembly Hall" уюшмаси билан ўзаро ҳамкорлик меморандуми имзоланди.

"Mutiara Perlis Sdn Bhd" компанияси раҳбари Аббос Худер Билграми билан бўлиб ўтган музокараларда темир йўл инфратузилмасини ривожлантиришга қаратилган лойиҳа таклифлари муҳокама қилинди."Greentact Healthcare", "Imago" компанияси билан тиббиёт, паррандачилик йўналишидаги лойиҳалар бўйича фикр алмашилди.

Бундан ташқари, "Happy Alliance Sdn Bhd" компанияси билан қўшимча озуқа маҳсулотлари, "Greentact Healthcare" компанияси билан инсулин ишлаб чиқаришни йўлга қўйиш, "Pestec International Berhad" компанияси билан “яшил” энергетика соҳасида инвестиция лойиҳаларини амалга ошириш, “Median Berhad” компанияси билан эса кўчмас мулк қурилишига сармоя киритиш бўйича ўзаро манфаатли ҳамкорликка келишилди.

Фарғонага Малайзия компанияларининг қизиқиши ортиб бормоқдаКуала-Лумпур шаҳрида Фарғона–Малайзия бизнес форуми бўлиб ўтд...
02/06/2026

Фарғонага Малайзия компанияларининг қизиқиши ортиб бормоқда

Куала-Лумпур шаҳрида Фарғона–Малайзия бизнес форуми бўлиб ўтди. Унда Малайзиянинг йирик компаниялари ва бизнес доира вакиллари, шунингдек Фарғона вилояти тадбиркорлари иштирок этди.

Форумда вилоят ҳокими Хайрулло Бозоров икки мамлакат раҳбарларининг сиёсий иродаси ва ўзаро ишончи туфайли Ўзбекистон ва Малайзия ўртасидаги савдо-иқтисодий, инвестициявий, саноат, таълим ва туризм соҳаларидаги ҳамкорлик изчил ривожланиб бораётганини таъкидлади. Фарғона вилоятида инвесторлар учун кенг имкониятлар мавжудлиги, саноат, қишлоқ хўжалиги, тўқимачилик, фармацевтика ва хизмат кўрсатиш соҳаларида қатор истиқболли лойиҳалар таклиф этилаётганини қайд этди. Шунингдек, Малайзия компанияларининг Фарғонага бўлган қизиқиши ортиб бораётгани ва амалий ҳамкорликни йўлга қўйишга тайёр экани алоҳида маълум қилинди.

Ўзбекистоннинг Малайзиядаги Фавқулодда ва мухтор элчиси Каромиддин Гадоев икки давлат ўртасидаги муносабатлар янги босқичга кўтарилгани, ўзаро манфаатли савдо-иқтисодий ва маданий-гуманитар алоқалар изчил мустаҳкамланаётганини билдирди. Шу билан бирга, Ўзбекистонда, жумладан туризм соҳасида ҳам кенг ислоҳотлар амалга оширилаётгани таъкидланди.

Малайзия–Ўзбекистон Бизнес Алянси (MUBA) президенти Сри Кинг Лим эса Фарғона вилояти билан қўшма лойиҳаларни амалга ошириш, инвестициявий ҳамкорликни кенгайтириш ва янги бизнес йўналишларини очиш масалаларига алоҳида эътибор қаратди.

Фарғона–Малайзия бизнес форуми икки давлат ўртасидаги иқтисодий алоқаларни мустаҳкамлаш, янги сармоявий йўналишларни белгилаш ва ўзаро манфаатли ҳамкорликни ривожлантиришда муҳим платформа бўлиб хизмат қилди.

Тадбир доирасида вилоят ҳокими ўринбосари Нуриддин Мамажонов томонидан Ўзбекистонда, хусусан, Фарғонада яратилган очиқ ва инвесторлар учун қулай муҳит, иқтисодий ислоҳотлар ва кенг имкониятлар ҳақида батафсил маълумот берилди.

Форум давомида юзма-юз учрашувлар ташкил этилди. Фарғона ва Малайзия ишбилармон доиралари ўртасида амалий ҳамкорликни йўлга қўйиш, қўшма инвестиция лойиҳаларини амалга ошириш бўйича аниқ таклифлар муҳокама қилиниб, қатор дастлабки келишувларга эришилди.

Шунингдек, Фарғона вилояти делегацияси Малайзия-Ўзбекистон Бизнес Алянси (MUBA)нинг умумий йиллик йиғилишида иштирок этди.

Ушбу альянс икки давлат тадбиркорлари ўртасида савдо, инвестиция, технологиялар алмашинуви ва туризм соҳаларида ҳамкорликни ривожлантиришга қаратилган нодавлат ташкилот бўлиб, у тадбиркорлар, инвесторлар ҳамда давлат идоралари ўртасидаги алоқаларни мустаҳкамлашга хизмат қилади.

Address

Fergana

Website

Alerts

Be the first to know and let us send you an email when Хайрулло Бозаров posts news and promotions. Your email address will not be used for any other purpose, and you can unsubscribe at any time.

Shortcuts

Share