Xiva shahar axborot-kutubxona markazi

Xiva shahar axborot-kutubxona markazi Xiva shahar axborot-kutubxona markazi rasmiy kanali

05/06/2026

Bugun 5-iyun Xalqaro tabiatni himoya qilish kuniga bag'ishlab Xiva shahar O'zbekiston ekologik partiyasi raisi D. Masharipov va Xiva shahar axborot-kutubxona markazi mutaxasisslari bilan birgalikda aksiyaga bag'ishlangan videorolik.

Bugun 5-iyun Butunjahon atrof-muhitni muhofaza qilish kuniga bag'ishlab, Xiva shahar axborot-kutubxona markaziga qaras...
05/06/2026

Bugun 5-iyun Butunjahon atrof-muhitni muhofaza qilish kuniga bag'ishlab, Xiva shahar axborot-kutubxona markaziga qarashli ko'chma kutubxona mutaxassi S. Madaminova shahardagi “Alpomosh” bolalar oromgohida dam olayotgan o`quvchilar bilan birgalikda "ASRANG ONA TABIATNI" mavzusida kitoblar va rasmli ko'rgazma tashkil qilib, davra suhbati o'tkazdi.
Ko’rgazmada tabiat muhofazasi, ekolgiya, o’simlik dunyosi, suv va havoni musaffo saqlashga bag’ishlangan kitoblar namoish qilindi.
Tadbir qatnashchilarini kitoblar bilan yaqindan tanishtirildi.
Bunday ma’rifiy tadbirlar yosh avlodni tabiatga ehtiyotkorona munosabatda bo’lishga, Vatanimiz tabiiy boyliklarini asrab-avaylashga undaydi.
Tadbirdan ko’zlangan maqsad yoshlarda tabiatga mehr-muhabbat, atrof-muhitni asrash va ekologik madaniyatni yuksaltirishdan iborat.

“Tabiatni asrash barchamizning burchimizdir!” 5-iyun — Butunjahon atrof-muhitni muhofaza qilish kuni munosabati bilan Xi...
05/06/2026

“Tabiatni asrash barchamizning burchimizdir!”

5-iyun — Butunjahon atrof-muhitni muhofaza qilish kuni munosabati bilan Xiva shahar Axborot-kutubxona markazi va O‘zbekiston Ekologik partiyasi Xiva shahar Kengashi hamkorligida Nurullaboy istirohat bog‘ida ekologik aksiya tashkil etildi.

“Tabiatni asrash barchamizning burchimizdir!” shiori ostida o‘tkazilgan tadbirda Urganch davlat universiteti talabalari, partiya faollari hamda volontyor yoshlar ishtirok etib, istirohat bog‘i hududini maishiy va plastik chiqindilardan tozalash ishlarini amalga oshirdilar.

Aksiya davomida ishtirokchilar tomonidan atrof-muhitni asrash, tabiat boyliklariga oqilona munosabatda bo‘lish va ekologik madaniyatni yuksaltirish barobarida ekologiyaga oid kitoblar va tabiat gazetasining targ‘iboti o'tkazildi.

Bunday tadbirlar nafaqat hududlar obodligi va tozaligini ta’minlashga, balki yosh avlod qalbida tabiatga mehr va mas’uliyat tuyg‘ularini mustahkamlaydi.

Yozgi ta’til davrida bolalar va yoshlarning mazmunli hordiq chiqarishini ta’minlash, ularning bo‘sh vaqtini samarali tas...
05/06/2026

Yozgi ta’til davrida bolalar va yoshlarning mazmunli hordiq chiqarishini ta’minlash, ularning bo‘sh vaqtini samarali tashkil etish hamda kitobxonlik madaniyatini yuksaltirish maqsadida turli ma’naviy-ma’rifiy tadbirlar o‘tkazilmoqda.
Xususan, Xiva shahar Axborot-kutubxona markazi mutaxassislari tomonidan shahardagi “Alpomish” bolalar oromgohida tarbiyalanuvchilar ishtirokida “Yangi O‘zbekiston yoshlar nigohida” mavzusida davra suhbati tashkil etildi.
Tadbir davomida mamlakatimizda yoshlarga yaratilayotgan keng imkoniyatlar, ularning ta’lim olishi, kasb-hunar egallashi va ma’naviy kamoloti yo‘lida amalga oshirilayotgan islohotlar haqida so‘z yuritildi. Shuningdek, yosh avlodni mutolaaga keng jalb etish, kitobga mehr uyg‘otish hamda kitobxonlik madaniyatini rivojlantirish masalalariga alohida e’tibor qaratildi.
Kutubxona mutaxassislari ishtirokchilarning yoshidan kelib chiqib, ularga ertaklar, sarguzasht asarlar, ilmiy-ommabop hamda milliy qadriyatlarni targ‘ib etuvchi adabiyotlarni tavsiya etdilar. Tavsiya etilgan kitoblar bolalarning dunyoqarashini kengaytirish, mustaqil fikrlash ko‘nikmalarini shakllantirish va ma’naviy olamini boyitishga xizmat qilishi ta’kidlandi.
Tadbir yakunida kitob targ‘iboti ishlari yoshlarning bo‘sh vaqtini mazmunli tashkil etish, ularni mutolaaga oshno etish va ma’naviy barkamol insonlar sifatida voyaga yetkazishda muhim ahamiyat kasb etishi qayd etildi.

Xiva shahridagi “Lokomotiv” istirohat bog‘ida “Yoshlar oyligi” doirasida “Yangi O‘zbekistonni yoshlar quradi” shiori ost...
05/06/2026

Xiva shahridagi “Lokomotiv” istirohat bog‘ida “Yoshlar oyligi” doirasida “Yangi O‘zbekistonni yoshlar quradi” shiori ostida bayram tadbiri bo‘lib o‘tdi. Unda keng jamoatchilik vakillari, ijodkorlar, Xiva shahar Axborot-kutubxona markazi xodimlari hamda yoshlar faol ishtirok etishdi.
Tadbir davomida teatr ijodkorlari tomonidan tayyorlangan qiziqarli sahna ko‘rinishlari va milliy qo‘g‘irchoq o‘yinlari namoyish etildi. Ayniqsa, xon va saroy a’yonlari, shuningdek, tarixiy qahramonlar siymolari jonlantirilgan chiqishlar yoshlar va bolajonlarda katta qiziqish uyg‘otdi. Ushbu badiiy dasturlar milliy madaniyatimiz va san’atimizni targ‘ib etish, yosh avlod qalbida tarixiy merosimizga nisbatan hurmat tuyg‘usini mustahkamlashga xizmat qildi.
Keng ko‘lamli marafonning mantiqiy yakuni sifatida “1000 kitob” loyihasi doirasida nashr etilgan jahon adabiyoti durdonalari, ilmiy-ommabop va motivatsion asarlar taqdimoti o‘tkazildi. Xiva shahar axborot-kutubxona markazi tomonidan tashkil etilgan ushbu ko‘rgazmadagi kitoblar endilikda viloyatdagi mavjud kutubxonalar fondini boyitish hamda yosh kitobxonlar ehtiyojini qondirish uchun yo‘naltiriladi.

3-iyun kuni Xiva shahardagi “Alpomish” bolalar oromgohida yoshlarning kitobxonlik madaniyatini yuksaltirish, ularning m...
05/06/2026

3-iyun kuni Xiva shahardagi “Alpomish” bolalar oromgohida yoshlarning kitobxonlik madaniyatini yuksaltirish, ularning ma’naviy-ma’rifiy dunyoqarashini boyitish maqsadida “Xush kelibsan bolajon-salom senga oromgoh” shiori ostida “Kitob-ma’naviyat xazinasi” mavzusida davra suhbati o’tkazdilar. Tadbir doirasida kitob ko‘rgazmasi tashkil etildi.
Tadbirda Axborot-kutubxona markazining mutaxassisi Madaminova Sanobar kitobining inson hayotidagi o’rni, uning bilim va ma’naviyat manbai ekanligi haqida o’zining fikr-mulohazalarini bildirdi. Tadbirda kitobxon o’quvchilar o’zlari sevib mutolaa qilgan asarlar hikoyalari haqida so’zlab berib kitobning inson tafakkurini kengaytirishidagi o‘rni nihoyatda katta ekanligini ta’kidladilar.

Xiva shahar Axborot-kutubxona markazining o‘quv zalida yoshlar o‘rtasida kitobxonlik madaniyatini keng targ‘ib qilish, u...
22/05/2026

Xiva shahar Axborot-kutubxona markazining o‘quv zalida yoshlar o‘rtasida kitobxonlik madaniyatini keng targ‘ib qilish, ularning mutolaaga bo‘lgan qiziqishini oshirish maqsadida “Kitob — bilim manbai” mavzusida kitobxonlik kechasi tashkil etildi. Tadbirda shahrimizdagi 20-son umumta’lim maktabining o‘qituvchi va o‘quvchilari, Axborot-kutubxona markazi xodimlari, “yosh ijodkorlar” klubi a’zolari hamda faol kitobxon yoshlar ishtirok etdilar.
Tadbirda kitobning inson ma’naviy kamolotidagi o‘rni, yoshlarni ilm-ma’rifat ruhida tarbiyalashdagi ahamiyati haqida so‘z yuritildi. Shuningdek, mutolaa inson tafakkurini boyitishi, dunyoqarashini kengaytirishi va komil inson bo‘lib voyaga yetishida muhim omil ekani alohida ta’kidlandi.
O‘quvchilar tomonidan kitob va ilm-fanni madh etuvchi she’rlar o‘qildi, kuy-qo‘shiqlar ijro etildi hamda sahna ko‘rinishlari namoyish qilindi. Ayniqsa, kitobxonlikning yoshlar hayotidagi o‘rni aks etgan chiqishlar tadbir ishtirokchilarida katta taassurot qoldirdi.
Samimiy va ko‘tarinki ruhda o‘tgan tadbir yoshlarning kitobga bo‘lgan mehrini yanada oshirish, ularni mutolaaga keng jalb etish hamda ma’naviy-ma’rifiy muhitni mustahkamlashga xizmat qildi.

Bugun Xiva shahar Axborot-kutubxona markazi mutaxassislari shahardagi 17-sonli umumta’lim maktabida 2026-yilda nishonlan...
22/05/2026

Bugun Xiva shahar Axborot-kutubxona markazi mutaxassislari shahardagi 17-sonli umumta’lim maktabida 2026-yilda nishonlanadigan yubilyar kitob — Odil Yoqubovning “Er boshiga ish tushsa” nomli romani yuzasidan kitob ko‘rgazmasi tashkil etilib, davra suhbati o‘tkazildi.
Ushbu asar o‘zining mazmuni, hayotiy voqealari hamda insoniy tuyg‘ularni chuqur tasvirlashi bilan kitobxonlar qalbidan munosib o‘rin egallagan.
Tadbir o‘quvchilarda kitob mutolaasiga bo‘lgan qiziqishni oshirish, milliy adabiyotimiz namoyandalarining boy ijodiy merosini targ‘ib qilish hamda yoshlar ma’naviyatini yuksaltirishga xizmat qildi.

Roman Ikkinchi jahon urushi yillarida yoshlarning front ortida mehnat qilib, ko‘rsatgan jasoratlari, quvonch va iztiroblari haqida hikoya qiladi. Asarning asosiy qahramonlari — Mashrab, Akmal, Qo‘chqor, Muyassar va Gulchehra obrazlari orqali urush yillaridagi hayot manzaralari yorqin tasvirlangan. Bu yoshlar kattalarning yo‘qligini bildirmasdan, kecha-yu kunduz fidokorona mehnat qiladilar. Og‘ir mashaqqatlarni matonat bilan yenggan yigit-qizlar atrofda yuz berayotgan nohaqliklarga qarshi kurashib, insoniylik va jasorat namunalarini namoyon etadilar.

Bugun Xiva shahar axborot-kutubxona markazi xodimlari tomonidan shahardagi 17-son umumta’lim maktabida kitobxon o‘quvchi...
20/05/2026

Bugun Xiva shahar axborot-kutubxona markazi xodimlari tomonidan shahardagi 17-son umumta’lim maktabida kitobxon o‘quvchilar ishtirokida jadidlar hayoti va ijodiga bag‘ishlangan “Ma’rifatparvarlar faoliyati va milliy davlatchilik” mavzusida kitob ko‘rgazmasi tashkil etilib, davra suhbati o‘tkazildi.
Tadbir davomida yurtimiz tarixida muhim o‘rin tutgan jadidchilik harakati namoyandalari, ularning ma’rifatparvarlik faoliyati hamda millat ravnaqi yo‘lidagi xizmatlari haqida atroflicha so‘z yuritildi.
Tadbirda ishtirokchilar tomonidan Mahmudxo‘ja Behbudiy, Abdulla Avloniy, Abdurauf Fitrat, Cho‘lpon va Abdulla Qodiriy kabi buyuk siymolarning hayoti, ijodi hamda ularning yoshlar tarbiyasidagi o‘rni haqida fikr almashildi.
Shuningdek, axborot-kutubxona markazi mutaxassisi A. Xudayberganova tadbir qatnashchilariga jadidlarning ilm-ma’rifatni targ‘ib etish, zamonaviy ta’limni rivojlantirish borasidagi g‘oyalari bugungi kun uchun ham dolzarb ekanligini ta’kidladi.
Mazkur davra suhbati yoshlarning tarixiy xotirasini mustahkamlash, milliy qadriyatlarni chuqur anglash hamda kitobxonlik madaniyatini yuksaltirishga xizmat qilmoqda.

Address

Xiva Shahar Markaz 4
Khiva
220900

Website

Alerts

Be the first to know and let us send you an email when Xiva shahar axborot-kutubxona markazi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category