Qarshi shahar hokimligi, Qarshi, Qarshi (2026)

01/06/2026

Qarshida yana bir yangi bog‘cha ish boshladi

1-iyun – Xalqaro bolalarni himoya qilish kuni munosabati bilan Qarshi shahrining Otchopar mahallasida 50 nafar bolani qamrab olish imkoniyatiga ega bo‘lgan davlat-xususiy sheriklik asosidagi oilaviy nodavlat maktabgacha ta’lim tashkiloti foydalanishga topshirildi.

Tadbirkor To‘raboyeva Nargiza Xolmurodovna tashabbusi bilan tashkil etilgan yangi bog‘cha mahalladagi maktabgacha ta’lim qamrovini kengaytirish, bolalarning sifatli ta’lim-tarbiya olishi uchun qulay sharoitlar yaratishga xizmat qiladi. Shuningdek, muassasa faoliyati yo‘lga qo‘yilishi natijasida 5 ta yangi ish o‘rni yaratildi.

Tantanali ochilish marosimida Qarshi shahar hokimining o‘rinbosari Jonibek Egamberdiyev, shahar maktabgacha va maktab ta’limi bo‘limi boshlig‘i Bahodir Mo‘minov, xalq deputatlari shahar Kengashi deputati hamda “Otchopar” mahalla fuqarolar yig‘ini raisi Zilola Xurramova, mahalla faollari va ota-onalar ishtirok etdi.

Tadbirda so‘zga chiqqanlar yangi bog‘chaning ishga tushirilishi mahalla aholisi, ayniqsa yosh oilalar uchun muhim voqea ekanini ta’kidlab, muassasa jamoasiga kelgusi faoliyatida muvaffaqiyat tiladilar.

01/06/2026

1-iyun – Xalqaro bolalarni himoya qilish kuni munosabati bilan Qarshi davlat universiteti qoshida zamonaviy talablarga to‘liq javob beradigan, 240 o‘rinli “Unikids” maktabgacha ta’lim tashkiloti foydalanishga topshirildi.

📷 Bog‘cha ochilishidan fotolavhalar

Telegram kanalga ulanish https://t.me/qarshish_uz

01/06/2026

Qarshida zamonaviy “Unikids” maktabgacha ta’lim tashkiloti foydalanishga topshirildi

1-iyun – Xalqaro bolalarni himoya qilish kuni munosabati bilan Qarshi davlat universiteti qoshida zamonaviy talablarga to‘liq javob beradigan, 240 o‘rinli “Unikids” maktabgacha ta’lim tashkiloti foydalanishga topshirildi.

Tantanali ochilish marosimida Qashqadaryo viloyati hokimi Murotjon Azimov, shahar hokimi, davlat va jamoat tashkilotlari vakillari hamda keng jamoatchilik ishtirok etdi.

Umumiy qiymati 9 milliard so‘m bo‘lgan mazkur ta’lim maskani “Maktabgacha ta’lim va tarbiya” davlat standarti hamda “Ilk qadam” davlat o‘quv dasturi asosida zamonaviy o‘quv-metodik vositalar va axborot-kommunikatsiya texnologiyalari bilan jihozlandi.

Maktabgacha ta’lim tashkilotida 3 yoshdan 7 yoshgacha bo‘lgan bolalar qamrab olinadi. Ta’lim-tarbiya jarayonlari o‘zbek, rus va ingliz tillarida tashkil etiladi. Shuningdek, muassasaning samarali faoliyat yuritishini ta’minlash maqsadida 22 nafar yuqori malakali pedagog, 1 nafar psixolog va 1 nafar logoped faoliyat olib boradi.

“Unikids” nafaqat bolalarni maktab ta’limiga puxta tayyorlash, balki ularda ijtimoiy, kommunikativ va shaxsiy ko‘nikmalarni rivojlantirishga ham xizmat qiladi. Shu maqsadda muassasa qoshida 4 ta zamonaviy markazdan iborat “Unikids” laboratoriyasi tashkil etilgan bo‘lib, ular bolalarning yosh xususiyatlariga mos didaktik materiallar hamda ilg‘or axborot texnologiyalari bilan ta’minlangan.

Muassasa negizida Qarshi davlat universitetining Maktabgacha ta’lim yo‘nalishi talabalari uchun dual ta’lim tizimi ham yo‘lga qo‘yildi. Bu esa bo‘lajak pedagoglarning nazariy bilimlarini amaliyot bilan uyg‘unlashtirish, fan, ta’lim va ishlab chiqarish integratsiyasini yanada mustahkamlashga xizmat qiladi.

Tadbir davomida ramziy lenta kesilib, yangi maskan rasman foydalanishga topshirildi. Shundan so‘ng mehmonlar maktabgacha ta’lim tashkilotida yaratilgan zamonaviy sharoitlar, ta’lim muhiti va bolalar uchun tashkil etilgan imkoniyatlar bilan yaqindan tanishdilar.

Mazkur loyiha hududda maktabgacha ta’lim qamrovini kengaytirish, ta’lim sifatini oshirish hamda barkamol avlodni tarbiyalash yo‘lidagi muhim qadamlardan biri bo‘ldi.

30/05/2026

Qarshi shahri hokimi va hokim o’rinbosarlarining jismoniy hamda yuridik shaxslarni qabul qilish jadvali

🌐 Telegram 🌐 Instagram 🌐 Facebook ▶️ YouTube

26/05/2026

Qarshi shahrida “Sokin zamin” zamonaviy turar joy majmuasi qurilishiga start berildi

Qarshi shahrining “Navo” mahallasidagi “Qarshi City” turar joy massivi hududida loyiha qiymati 350 milliard so‘m bo‘lgan “Sokin zamin” zamonaviy turar joy majmuasi qurilishiga tantanali ravishda start berildi.

Mazkur loyiha doirasida 450 xonadonga mo‘ljallangan 9 qavatli zamonaviy uy-joylar bunyod etilishi rejalashtirilgan bo‘lib, hudud aholi uchun qulay va zamonaviy infratuzilma asosida shakllantiriladi.

Loyiha bilan tanishish jarayonida viloyat hokimi Murotjon Azimov majmuaning arxitektura yechimlari va yaratiladigan sharoitlar bilan yaqindan tanishdi. Tadbirkor-quruvchi Mirjamol Safarov loyiha yuzasidan batafsil ma’lumot berdi.

Ta’kidlanganidek, yangi majmua hududida zamonaviy avtoturargoh, erkaklar va ayollar uchun sog‘lomlashtirish markazi, marosimlar zali, bolalar maydonchasi hamda aholi dam olishi uchun qulay maskanlar barpo etiladi.

Qurbon hayiti arafasida qurilish ishlariga start berilishi munosabati bilan jonliq so‘yilib, Qur’on tilovat qilindi. Boshlangan bunyodkorlik ishlari xayrli va barakali bo‘lishi, yangi uy-joylar oilalarga fayz-u baraka olib kirishi tilab duolar qilindi.

26/05/2026

Qarshi shahrida 1-son mahalla huquq-tartibot maskani foydalanishga topshirildi

Qarshi shahrining “Navo” mahallasidagi “Qarshi City” turar joy massivi hududida barpo etilgan 1-son mahalla huquq-tartibot maskani foydalanishga topshirildi.

Mazkur zamonaviy maskan O‘zbekiston Respublikasi Prezidentining 2021-yil 26-martdagi PF-6196-son Farmoni hamda 2021-yil 2-apreldagi PQ-5050-son qarori asosida davlat-xususiy sheriklik tizimida 3 milliard so‘m mablag‘ evaziga qisqa muddatda bunyod etildi.

Maskanning tantanali ochilish marosimida viloyat hokimi Murotjon Azimov, viloyat huquq-tartibot idoralari rahbarlari, shahar hokimligi mutasaddilari hamda jamoatchilik vakillari ishtirok etdi.

Tadbir avvalida mutasaddilar jinoyatchilikning oldini olish, aholi xavfsizligini ta’minlash va jamoat tartibini saqlashga xizmat qiladigan zamonaviy texnik vositalar faoliyati bilan tanishdilar.

Mahalla huquq-tartibot maskanida profilaktika inspektorlari va boshqa mas’ul xodimlar uchun barcha zarur sharoitlar yaratilgan. Hudud zamonaviy kuzatuv kameralari bilan to‘liq jihozlanib, doimiy nazorat tizimi yo‘lga qo‘yilgan.

Tadbir davomida ishtirokchilar maskandagi yaratilgan sharoitlar, zamonaviy infratuzilma hamda aholi osoyishtaligini ta’minlashga qaratilgan imkoniyatlar bilan yaqindan tanishdilar.

25/05/2026

Qarshi shahri maktablarida “So‘nggi qo‘ng‘iroq” yangrab, bitiruvchi yoshlar katta hayot sari kuzatildi

Qarshi shahridagi umumta’lim maktablarida “Yuksak ma’rifatli avlod — Uchinchi Renessans poydevori” shiori ostida “So‘nggi qo‘ng‘iroq” tadbirlari ko‘tarinki ruhda bo‘lib o‘tdi.

43-umumta’lim maktabida tashkil etilgan tantanali tadbirda Qarshi shahar hokimi Normo‘min Xolboyev hamda viloyat hokimining maslahatchisi Yanvar Inoyatov ishtirok etdi. Tadbir davomida Prezidentimizning bitiruvchilarga yo‘llagan tabrigi o‘qib esh*ttirildi.

Mazkur maktabni 2025–2026 o‘quv yilida 66 nafar o‘quvchi tamomladi. Quvonarlisi, bitiruvchilarning 11 nafari muddatidan oldin talaba bo‘lishga muvaffaq bo‘ldi. 16 nafar o‘quvchi turli milliy sertifikatlarni qo‘lga kiritgan bo‘lsa, 1 nafar o‘quvchi viloyat hokimi stipendiyasi sovrindori bo‘ldi.

Tadbirda fidoyi ustozlar hamda bilim va iqtidori bilan ajralib turgan o‘quvchilarga faxriy yorliqlar, milliy va xalqaro darajadagi sertifikatlar tantanali ravishda topshirildi.

Shuningdek, “Jismoniy tayyorgarlik darajasi” sport sinovlarining 13–17 yosh toifasi bo‘yicha maxsus talablarni muvaffaqiyatli bajargan o‘quvchilar I, II va III darajali ko‘krak nishonlari, sertifikatlar hamda sport formalari bilan taqdirlandi.

Tadbir davomida maktab viloyat hokimligining qimmatbaho sovg‘asi bilan ham rag‘batlantirildi.

Shahar hokimi bitiruvchi yoshlarga samimiy tilaklarini bildirib, ularning kelgusi ta’lim va faoliyatida ulkan zafarlar tiladi.

Bayramona ruhda o‘tgan tadbir maktab o‘quvchilari tomonidan tayyorlangan badiiy chiqishlar bilan yanada fayzli tus oldi. Tadbir yakunida esa jaranglagan “So‘nggi qo‘ng‘iroq” sadolari bitiruvchilarni katta hayot sari kuzatdi.

25/05/2026

Rasmiy munosabat

Ijtimoiy tarmoqlarda Qarshi shahar hokimi tomonidan joriy yilning 15-may kuni Zoom platformasi orqali o‘tkazilgan yig‘ilishda fuqaro Shavkat Anvarovga nisbatan “davlat bilan o‘ynashma, davlat bilan o‘ynashganingni teringni shilib olaman” mazmunidagi so‘zlar aytilgani hamda hokim o‘rinbosari tomonidan hokim yordamchilariga soliq yig‘ish topshirig‘i berilgani haqida xabarlar tarqaldi.

Mazkur holat yuzasidan quyidagilarni ma’lum qilamiz.

Avvalo, ayrim xabarlarda 15-may kuni dam olish kuni ekani va shu kuni soat 07:30 da yig‘ilish o‘tkazilgani ta’kidlangan. Aslida, 2026-yil 15-may sanasi juma kuniga to‘g‘ri kelgan bo‘lib, odatiy ish kuni hisoblanadi.

Shu kuni Qarshi shahri hokimi Normo‘min Xolboyev rahbarligida Zoom platformasi orqali byudjet tushumlari ijrosi va bandlik masalalariga bag‘ishlangan yig‘ilish o‘tkazilgan. Unda hokim o‘rinbosarlari, soliq organlari mas’ullari hamda mahalla yettiligi vakillari ishtirok etgan.

Yig‘ilish davomida 2026-yil may oyi uchun belgilangan byudjet tushumlari prognoz ko‘rsatkichlari ijrosi tanqidiy-tahliliy muhokama qilingan. Ijtimoiy tarmoqlarda tarqalgan ayrim talqinlarda hokim tomonidan aytilgan so‘zlar Batosh mahallasidagi hokim yordamchisi Shavkat Anvarovga (asli familiyasi Anorov) qaratilgani va uni obro‘sizlantirish maqsadida aytilgani iddao qilingan.

Mazkur iddaolar asossiz hisoblanadi. Yig‘ilishda ayrim mas’ullar tomonidan o‘z vazifalarini lozim darajada bajarmayotgani, byudjet tushumlari ijrosida sustkashlikka yo‘l qo‘yilgani yuzasidan qat’iy tanqidiy fikrlar bildirilgan. Aytilgan fikrlar muayyan bir shaxsni haqorat qilish yoki uning sha’ni va obro‘sini kamsitishga qaratilmagan.

Shuningdek, yig‘ilish yakunida mas’ullarga amaldagi qonunchilik doirasida byudjet tushumlarini oshirish, iqtisodiy faollikni kuchaytirish hamda bandlik ko‘rsatkichlarini yaxshilash bo‘yicha tegishli topshiriqlar berilgan.

Qarshi shahar hokimligi fuqarolar va ommaviy axborot vositalarini tasdiqlanmagan ma’lumotlarni tarqatmaslikka, axborotlarni rasmiy manbalar asosida yoritishga chaqiradi.

24/05/2026

“Qashqadaryo viloyati hokimi olimpiadasi”ning boks bo‘yicha g‘oliblari taqdirlandi

Qarshi shahrida yoshlar o‘rtasida o‘tkazilgan boks bo‘yicha “Qashqadaryo viloyati hokimi olimpiadasi” sport musobaqalarining g‘oliblarini tantanali taqdirlash marosimi bo‘lib o‘tdi.

Tadbirda viloyat boks federatsiyasi rahbari, Qarshi shahri hokimi Normo‘min Xolboyev, viloyat Sport boshqarmasi boshlig‘i Vahob Ro‘ziyev hamda sport sohasi mutasaddilari ishtirok etdilar.

Musobaqalar davomida yosh bokschilar ringda o‘z mahorati, matonati va g‘alabaga bo‘lgan intilishini namoyish etdi. Keskin va murosasiz bahslarda eng kuchli sportchilar saralab olinib, munosib ravishda e’tirof etildi.

Bugungi k***a Qashqadaryoda boks sport turini rivojlantirishga alohida e’tibor qaratilayotgani, zamonaviy sport infratuzilmasi va yaratilayotgan imkoniyatlar o‘z samarasini bermoqda. Aynan shu e’tibor tufayli viloyatimizdan jahon, Osiyo va O‘zbekiston chempionlari yetishib chiqayotgani barchaga faxr bag‘ishlamoqda.

Tantanali marosimda musobaqa g‘olib va sovrindorlariga diplom, medal hamda esdalik sovg‘alari topshirildi. Tadbir yosh sportchilar uchun katta motivatsiya va yangi zafarlar sari muhim qadam bo‘ldi.

24/05/2026

“Qarshi Open V” xalqaro shaxmat turniri g‘oliblari tantanali taqdirlandi

Qarshi davlat universiteti Yoshlar markazida shaxmat bo‘yicha nufuzli “Qarshi Open V” xalqaro turniri g‘oliblarini taqdirlash marosimi ko‘tarinki ruhda bo‘lib o‘tdi.

O‘zbekiston shaxmat federatsiyasi, Qashqadaryo viloyati hokimligi, viloyat sport boshqarmasi, viloyat yoshlar ishlari boshqarmasi hamda O‘zbekiston Respublikasi xalq o‘qituvchisi Ismat Shukurov jamoat fondi hamkorligida tashkil etilgan xalqaro musobaqa bu yil ham yuqori saviyada o‘tdi.

Musobaqada O‘zbekiston bilan bir qatorda dunyoning 11 davlatidan 300 nafardan ortiq shaxmatchilar ishtirok etdi. Jumladan, Niderlandiya, Rossiya, Ozarbayjon, Qozog‘iston, Qirg‘iziston, Turkmaniston, Isroil va boshqa davlatlardan tashrif buyurgan sportchilar “A” va “B” guruhlarida o‘zaro dona surdi.

Turnirda grossmeysterlar, jahon chempionlari, Osiyo va O‘zbekiston chempionlarining qatnashgani musobaqa nufuzini yanada oshirdi. Ayniqsa, 7 yoshdan 70 yoshgacha bo‘lgan shaxmat ixlosmandlarining bir maydonda jam bo‘lgani “Qarshi Open V” turnirining haqiqiy shaxmat bayramiga aylanganini namoyon etdi.

321 million so‘mlik umumiy sovrin jamg‘armasiga ega bo‘lgan musobaqada bir necha kun davomida murosasiz va qiziqarli bahslar kechdi. Yak***a eng kuchli shaxmatchilar aniqlanib, bugun ular tantanali ravishda taqdirlandi.

Taqdirlash marosimida Qarshi shahar hokimi Normo‘min Xolboyev ishtirok etib, musobaqa g‘oliblarini samimiy muborakbod etdi. Shuningdek, g‘olib va sovrindorlarga diplom, pul mukofotlari hamda esdalik sovg‘alari topshirildi.
“Qarshi Open V” xalqaro turniri nafaqat sport musobaqasi, balki turli davlatlardan kelgan shaxmat ixlosmandlarini birlashtirgan do‘stlik va intellekt bayramiga aylandi.

Qarshi shahar hokimligi

01/06/2026

01/06/2026

01/06/2026

30/05/2026

26/05/2026

26/05/2026

25/05/2026

25/05/2026

24/05/2026

24/05/2026

Address

Website

Alerts

Contact The Organization

Shortcuts

Share