Samarqand Tuman Axborot Kutubxona Markazi

Samarqand Tuman Axborot Kutubxona Markazi Samarqand tuman axborot-kutubxona markazi

Kitob tavsiyasi: “Jinoyat huquqi”“Jinoyat huquqi” — huquqiy bilimlarni chuqur egallashni istaganlar uchun muhim va zarur...
10/02/2026

Kitob tavsiyasi: “Jinoyat huquqi”

“Jinoyat huquqi” — huquqiy bilimlarni chuqur egallashni istaganlar uchun muhim va zarur qo‘llanmadir. Ushbu kitobda jinoyat huquqining asosiy tushunchalari, prinsiplari, jinoyat tarkibi, jazo turlari hamda ularni qo‘llash tartibi batafsil yoritilgan.

Asarda jinoyat qonunchiligining mazmun-mohiyati sodda va tushunarli tilda bayon etilib, amaliy misollar orqali mustahkamlangan. Kitob huquqshunoslik yo‘nalishida tahsil olayotgan talabalar, pedagoglar, huquqni muhofaza qiluvchi organlar xodimlari hamda huquqiy savodxonligini oshirishni istagan keng kitobxonlar ommasi uchun mo‘ljallangan.

“Jinoyat huquqi” — adolat, qonun ustuvorligi va huquqiy ongni shakllantirishga xizmat qiluvchi muhim manbadir.

Ushbu kitob Samarqand tuman axborot-kutubxona markazida mavjud!

10/02/2026

Yangi kitoblar — yangi ilhom manbai!

Hurmatli kitobxonlar!
Kutubxonamiz fondi navbatdagi yangi badiiy adabiyotlar bilan boyitildi. Bu kitoblarda hayotiy voqealar, chuqur ma’no, unutilmas obrazlar va qalbga yaqin syujetlar mujassam.

Zamonaviy adabiyot ixlosmandlari ham, klassik asarlarni sevuvchilar ham o‘ziga munosib kitobni topadi. Har bir sahifa — yangi tafakkur, yangi hissiyot va yangi dunyo.

Bo‘sh vaqtingizni foydali o‘tkazishni istasangiz, bilim va zavqni birlashtirmoqchi bo‘lsangiz — kutubxonamiz sizni kutmoqda!

Kitob mutolaasi — ma’naviy boylik sari yo‘l.

Marhamat, o‘qing va ilhomlaning!

Kutubxona — bilim va ma’rifat maskaniSamarqand tuman axborot-kutubxona markazida kitobxonlik madaniyatini yuksaltirish, ...
04/02/2026

Kutubxona — bilim va ma’rifat maskani

Samarqand tuman axborot-kutubxona markazida kitobxonlik madaniyatini yuksaltirish, aholi, ayniqsa yoshlar orasida mutolaaga bo‘lgan qiziqishni yanada oshirish maqsadida kutubxona bo‘ylab keng qamrovli ekskursiya tashkil etildi. Mazkur tadbirda markazning faol va tashabbuskor kitobxonlari ishtirok etdilar.

Ekskursiya jarayonida ishtirokchilar kutubxonaning asosiy bo‘limlari, kitob fondlari, elektron va axborot-resurslari, zamonaviy xizmat turlari hamda foydalanuvchilar uchun yaratilgan qulay shart-sharoitlar bilan yaqindan tanishdilar. Tadbir Samarqand tuman axborot-kutubxona markazi Akt rahbari ishtirokida bo‘lib o‘tdi hamda kutubxona faoliyati, uning jamiyat hayotidagi o‘rni va ahamiyati haqida batafsil tushunchalar berildi.

Mazkur ekskursiya kitobxonlarda bilimga intilish, mustaqil mutolaa qilish va axborotdan samarali foydalanish ko‘nikmalarini shakllantirildi.

KO‘RGAZMASamarqand tuman axborot-kutubxona markazida buyuk mutafakkirlar — Alisher Navoiy hamda Zahiriddin Muhammad Bobu...
04/02/2026

KO‘RGAZMA

Samarqand tuman axborot-kutubxona markazida buyuk mutafakkirlar — Alisher Navoiy hamda Zahiriddin Muhammad Bobur tavallud ayyomlari munosabati bilan
“Millat ma’naviyatining ikki siymosi” nomli ko‘rgazma tashkil etildi.

Mazkur ko‘rgazmada Alisher Navoiy va Zahiriddin Muhammad Boburning hayoti, ilmiy-ma’rifiy faoliyati hamda boy adabiy merosini yorituvchi badiiy va ilmiy adabiyotlar, tadqiqot ishlari hamda tarixiy manbalar namoyish etildi.

Ko‘rgazmaning asosiy maqsadi — milliy ma’naviy merosni targ‘ib etish, yoshlar ongida buyuk ajdodlarimiz ijodiga nisbatan hurmat va e’tiborni kuchaytirish, kitobxonlik madaniyatini yanada rivojlantirishdan iborat.

04/02/2026

Ingliz tili, rus tili va koreys tili bo‘yicha grammatika poydevorini mustahkamlovchi eng sara adabiyotlar

Til o‘rganish jarayoni murakkab va tizimli jarayon bo‘lib, uning asosi — grammatika hisoblanadi. Grammatika tilning ichki qonuniyatlarini anglash, so‘z va gap tuzilishini ilmiy asosda o‘zlashtirish hamda nutqni mantiqiy va izchil shakllantirishga xizmat qiladi.

Mustahkam grammatik bilimlar tilni nafaqat eslab qolish, balki ongli ravishda qo‘llash, fikrni aniq va ravon ifodalash, yozma va og‘zaki nutqda xatolarning oldini olish imkonini beradi. Ayniqsa, ingliz, rus va koreys tillarini chuqur o‘rganishda grammatika bo‘yicha sifatli manbalar bilan ishlash muhim ahamiyat kasb etadi.

Til bilimi — ilm, grammatika esa uning tayanchi. Poydevorni bugun mustahkamlang!

Yosh kitobxon – kelajak poydevori!O‘zbekiston Respublikasi Prezidenti Sh.M. Mirziyoyevning 2024-yil 28-dekabr kuni Yangi...
04/02/2026

Yosh kitobxon – kelajak poydevori!

O‘zbekiston Respublikasi Prezidenti Sh.M. Mirziyoyevning 2024-yil 28-dekabr kuni Yangi Toshkent hududidagi ayrim obyektlar qurilishi bilan tanishish jarayonida berilgan topshiriqlari asosida tasdiqlangan 7-sonli bayonning 5.5-bandida belgilangan vazifalar ijrosini ta’minlash maqsadida, 2025-yil 2-fevral kuni Samarqand tuman axborot-kutubxona markazida eng faol kitobxonlar uchun “Yosh kitobxon burchagi” nomli fotogalareya burchagi tashkil etildi.

Mazkur burchak yoshlarning kitobga bo‘lgan qiziqishini yanada oshirish, mutolaa madaniyatini targ‘ib etish hamda faol kitobxonlarni rag‘batlantirishga xizmat qiladi.

Samarqand tuman axborot-kutubxona markazi tomonidan 47-maktab o‘quvchilari ishtirokida kitob targ‘iboti tadbiri tashkil ...
04/02/2026

Samarqand tuman axborot-kutubxona markazi tomonidan 47-maktab o‘quvchilari ishtirokida kitob targ‘iboti tadbiri tashkil etildi. Tadbir davomida o‘quvchilar qiziqarli va foydali adabiyotlar bilan tanishtirilib, mutolaa madaniyatini rivojlantirish, bilim va dunyoqarashni kengaytirishga alohida e’tibor qaratildi.

Kitobxonlikni targ‘ib etishga qaratilgan ushbu tadbir yoshlarning ma’naviy-ma’rifiy saviyasini oshirishga xizmat qildi.

Samarqand tuman axborot-kutubxona markazida milliy qadriyatlarimizni targ‘ib etishga bag‘ishlangan “Milliy qadriyatlar –...
04/02/2026

Samarqand tuman axborot-kutubxona markazida milliy qadriyatlarimizni targ‘ib etishga bag‘ishlangan “Milliy qadriyatlar – ma’naviyat asosi” nomli ko‘rgazma tashkil etildi.

Ko‘rgazmada xalqimizning boy tarixiy merosi, urf-odat va an’analari, milliy o‘zlikni anglash, ma’naviy kamolotga oid adabiyotlar hamda turli ko‘rgazmali manbalar namoyish etildi. Ushbu ko‘rgazma yosh avlodni milliy qadriyatlarga hurmat ruhida tarbiyalash, ma’naviy dunyoqarashini boyitishga xizmat qiladi.

Milliy meros – kelajak poydevori!
Barchangizni ko‘rgazma bilan yaqindan tanishishga chorlaymiz.

Bugun Samarqand tuman axborot-kutubxona markazida O‘zbekiston Respublikasining Birinchi Prezidenti Islom Abdugʻaniyevich...
02/02/2026

Bugun Samarqand tuman axborot-kutubxona markazida O‘zbekiston Respublikasining Birinchi Prezidenti Islom Abdugʻaniyevich Karimov tavallud topgan kun munosabati bilan “Xotirangiz doim dillarda” nomli kitob ko‘rgazmasi tashkil etildi.

Samarqand tuman axborot - kutubxona markazida navbatdagi bibliografik sharh bòlib otdi.Bibliografik sharhda Samarqand tu...
02/02/2026

Samarqand tuman axborot - kutubxona markazida navbatdagi bibliografik sharh bòlib otdi.
Bibliografik sharhda Samarqand tuman Favqulotda vaziyatlar bòyicha xodimlar bir joyga yiģilib, hafta davomida fondimizga kelib tushgan yangi adabiyotlar yuzasidan bibliografik sharh òtkazildi.

Jozef Romm – Iqlim o‘zgarishi: har kim bilishi kerak bo‘lgan ma’lumotlar Bu kitob iqlim o‘zgarishining sabablari, uning ...
02/02/2026

Jozef Romm – Iqlim o‘zgarishi: har kim bilishi kerak bo‘lgan ma’lumotlar

Bu kitob iqlim o‘zgarishining sabablari, uning qanday sodir bo‘layotgani, insoniyat va tabiat uchun oqibatlari, hamda toza energiya va yechimlar yo‘llari haqida eng zamonaviy, ilmiy asosli va tushunarli tahlilni beradi. Romm bu mavzuni har bir o‘quvchi uchun sodda til bilan tushuntiradi, shuningdek hayotimizga qanday ta’sir etishini ko‘rsatadi va kelajakda nima qilinishi kerakligini muhokama qiladi.

Address

Samarkand

Opening Hours

Monday 09:00 - 18:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+998 99 776 17 26

Website

Alerts

Be the first to know and let us send you an email when Samarqand Tuman Axborot Kutubxona Markazi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category