10/11/2025
Koreya Respublikasi va O‘zbekiston Respublikasi o‘rtasida kasbiy ta’lim sohasida hamkorlik uchrashuvlari bo‘lib o‘tdi
Shu kuning o‘zida xalqaro WorldSkills amaliy seminari doirasida Koreya Respublikasi va O‘zbekiston Respublikasi o‘rtasida kasbiy ta’lim sohasidagi hamkorlikni yanada rivojlantirishga qaratilgan rasmiy uchrashuvlar o‘tkazildi.
Uchrashuvda Kasbiy ta’lim agentligi direktori Azimjon Xusanov, Samarqand viloyati Oliy ta’lim, fan va innovatsiyalar boshqarmasi boshlig‘i Azizbek Nasimov, shuningdek, HRD Korea vakillari — miss Kim Su-Bxin va ekspertlar ishtirok etdilar.
Muzokaralarda tomonlar ishlab chiqarish ta’limi ustalarining malakasini oshirish, K-STAR Partnership Program for Skills Development dasturini samaradorligini oshirish, shuningdek, kasbiy ta’lim sohasidagi ilg‘or xalqaro tajribani joriy etish masalalarini muhokama qildilar.
Tadbir doirasida ramziy daraxt ekish marosimi o‘tkazilib, mazkur amal do‘stlik, o‘zaro hamjihatlik va samarali hamkorlikning ramzi sifatida e’tirof etildi.