Shahrisabz tuman hokimligi

Shahrisabz tuman hokimligi Shahrisabz tuman hokimligi axborot xizmati

25/02/2026

"Ramazon — mehr-muruvvat, ahillik va shukronalik oyi"
Kam ta’minlangan oilalar xonadonida rahbarlar ishtirokida iftorlik dasturxonlari yozilmoqda

Muborak Ramazon oyi munosabati bilan Shahrisabz tumanida ijtimoiy ko‘makka muhtoj oilalar holidan xabar olinib, ularning xonadonlarida iftorlik dasturxonlari tashkil etilmoqda.
Xususan, Mevazor mahallasida istiqomat qiluvchi kam ta’minlangan oila xonadonida ham tuman hokimi Samad Xasanov boshchiligidagi rahbarlar ishtirokida iftorlik dasturxoni yozildi.
Bu kabi ezgu tadbirlar Ramazon oyining mehr-oqibat va saxovat ruhini yanada mustahkamlashga xizmat qilmoqda.

23/01/2026

Sohibqiron Amir Temur bugungi k***a avlodlari Shahrisabz tumanida qanday bunyodkorlik ishlarini amalga oshirganiga guvoh bo'lar edi?

Video sunʼiy intellekt yordamida tayyorlandi

14/01/2026

14-yanvar – Vatan himoyachilari kuni munosabati bilan bayram tadbiri o‘tkazildi

14-yanvar – Vatan himoyachilari kuni munosabati bilan Shahrisabz tumanidagi 9230-sonli harbiy qismda bayram tadbiri hamda taqdirlash marosimi bo‘lib o‘tdi. Tadbirda tuman hokimi Samad Xasanov, tuman prokurori Baxodir Xudoyqulov, tuman IIB boshlig‘i Obid Yo‘ldoshev hamda harbiy qism rahbariyati ishtirok etdi.

Tadbir davomida tuman hokimi Samad Hasanov so‘zga chiqib, harbiy xizmatchilarning ona Vatan oldidagi sharafli burchini mardona va sadoqat bilan ado etib kelayotganini alohida ta’kidladi. Shuningdek, u bugungi k***a Prezidentimiz tomonidan harbiylar uchun yaratilayotgan keng imkoniyat va sharoitlarni e’tirof etib, harbiy xizmatchilar millatimizning faxri va g‘ururiga aylanib borayotgani, yosh avlod uchun chinakam ibrat bo‘layotganini qayd etdi.

Bayram munosabati bilan bir guruh harbiy xizmatchilar tashakkurnoma hamda esdalik sovg‘alari bilan taqdirlandi. Tadbir bayramona ruhda o‘tib, Vatan himoyachilariga bo‘lgan yuksak ehtirom va hurmat ifodasiga aylandi.

05/12/2025

"Muruvvat" ayollar uchun internat uyida bayram tadbiri o‘tkazildi

3-dekabr – Xalqaro nogironligi boʻlgan shaxslar kuni munosabati bilan Shahrisabz tumanidagi "Muruvvat" ayollar uchun internat uyida bayram tadbiri o‘tkazildi. Tadbirda tuman hokimi Samad Xasanov ishtirok etib, nogironligi bo‘lgan shaxslarni qo‘llab-quvvatlash va ular uchun yaratilayotgan sharoitlar davlat siyosatining muhim yo‘nalishi ekanini ta’kidladi.

Dastur tuman madaniyat bo‘limi xodimlarining kuy-qo‘shiqlari hamda imkoniyati cheklangan bo‘lishiga qaramay ijodkorligi bilan ajralib turadigan xotin-qizlarning jonli qo‘shiq, she’r va raqs ijrolari bilan davom etdi. Ularning chiqishlari tadbirga ko‘tarinki kayfiyat bag‘ishladi.

Tadbir yakunida “Muruvvat” uyi tarbiyalanuvchilariga bayram sovg‘alari topshirildi. Mamlakatimizda har yili 3-dekabr — Xalqaro nogironlar kuni sifatida keng nishonlanib, jamiyatda insonparvarlik va mehr-oqibat tamoyillarini mustahkamlashga xizmat qilmoqda.

28/11/2025

Takroriy ekindan 150 tonna sabzi hosili, 300 mln soʻmgacha daromad!

Shahrisabz tumanidagi “Dilorom Parda bobo qizi” fermer xoʻjaligi gʻalladan boʻshagan 3 gektar maydonda sabzi yetishtirib, moʻl hosilga erishdi.

Dastlabki hisob-kitoblarga koʻra, jami 150 tonna sabzi yetishtirildi va bu xoʻjalikka 250–300 million soʻm daromad keltirishi kutilmoqda.

Xususan, 76 yoshli tajribali dehqon Seyorov Boymurod 1 gektar maydondan 100 million soʻmgacha daromad olishni rejalashtirmoqda.

Tuman hokimi Samad Xasanov dala boshiga borib, Boymurod bobo bilan suhbatlashdi va uning mehnatsevarligidan ruhlanib, hosilni terib olish ishlarida ishtirok etdi.

28/10/2025

Ichki ishlar xodimlari e’tirof etildi

25-oktabr – Ichki ishlar organlari xodimlari kuni munosabati bilan Shahrisabz tuman hokimligida taqdirlash marosimi tashkil etildi. Mazkur tadbir sanadan biroz keyin o‘tkazilgan bo‘lib, bu Ichki ishlar bo‘limi xodimlarining o‘sha kunlarda xizmat burchini bajarish, jamoat xavfsizligini ta’minlash bilan band bo‘lganliklari bilan izohlanadi.

Taqdirlash marosimida tuman hokimi Samad Xasanov so‘zga chiqib, Shahrisabz tumani Ichki ishlar bo‘limi boshlig‘i Obid Yo‘ldoshev boshchiligidagi soha xodimlarini kasb bayrami bilan samimiy tabrikladi.

Hokim o‘z nutqida ichki ishlar tizimi vakillarining fuqarolar osoyishtaligini saqlash, jinoyatchilikning oldini olish, yoshlarni huquqbuzarlikdan asrash yo‘lidagi xizmatlarini yuqori baholab, ularning fidoyiligini alohida ta’kidladi.

Tadbir yakunida xodimlarga tashakkurnoma va esdalik sovg‘alari topshirildi.

Nega Amir Temurning qabri Samarqandda, kindik qoni to‘kilgan Shahrisabzda emas?Amir Temur nega oʻzi uchun qurdirgan sagʻ...
22/09/2025

Nega Amir Temurning qabri Samarqandda, kindik qoni to‘kilgan Shahrisabzda emas?

Amir Temur nega oʻzi uchun qurdirgan sagʻana qolib, Samarqandda nabirasi – Muhammad Sulton yotgan maqbaraga dafn etildi? Buning sabablari haqida gaplashamiz

Sohibqiron vafot etgach, olti k***an keyin tuproqqa qoʻyildi, besh kuni esa Oʻtrordan poytaxtgacha yoʻl bosishga ketadi. Oʻsha yil qish qattiq keldi. Taxtiqoracha dovonini ham qalin qor bosgan edi. Bunday sharoitda Sohibqironning jasadi qoʻyilgan tobutni Shahrisabzga eltish uchun yana bir-ikki kun zarur edi. Islom shariati esa mayyitni tezroq qabrga qoʻyishni taqozo qilardi.

Sharafiddin Ali Yazdiyning yozishicha, Sohibqironning vafot etganligini... yashirdilar – dushmanlar xabar topmasin deb. Dafn qilishgacha boʻlgan barcha ishlar oʻta maxfiy qilingani sababi ham shundan boʻlsa ajab emas.

Ikkinchidan, Samarqand Amir Temur asos solgan ulkan saltanat poytaxti edi. Sarkarda poytaxtda bir-biridan chiroyli binolar qurdirdi, bogʻlar barpo etdi. Samarqandni dunyoning eng goʻzal va obod shaharlardan biriga aylantirish uchun koʻp kuch-gʻayrat sarfladi. Sohibqironning Samarqandda dafn etilishi shaharning jahonaro nufuzi, obroʻ-eʼtiborining oshishiga ham xizmat qilardi. Shuning uchun ham sarkarda kindik qoni to‘kilgan Shahrisabzda emas, balki oʻzi obod qilgan Samarqandda dafn etilgan.

Keyingi mavzu: "Dunyoning xirojiga teng tosh", ya`ni Sohibqiron uzugidagi yoqut hozir kimning хazinasida saqlanadi?

Shahrisabz tumanida paxta terim mavsumi boshlandiShahrisabz tumanida 2025-yilgi paxta yig‘im-terimi boshlandi. Tuman ho...
03/09/2025


Shahrisabz tumanida paxta terim mavsumi boshlandi

Shahrisabz tumanida 2025-yilgi paxta yig‘im-terimi boshlandi. Tuman hokimi Samad Xasanov “Guliston” hududida joylashgan Nazarova Risolat fermer xo‘jaligi dalasida bo‘lib, terim jarayonini ko‘zdan kechirdi.

Hokim terimchilar bilan suhbatlashib, ularga yaratilgan sharoitlar, oziq-ovqat ta’minoti va mehnat qulayliklari bilan qiziqdi.

Ma’lumot uchun:
Shahrisabz tumanida 208 ta fermer xo‘jaligi tomonidan 3570 gektar maydonda paxta ekilgan.
Yig‘im-terim mavsumiga tayyorgarlik doirasida 42 ta MFYdan 132 nafar mas’ul biriktirilgan.
132 ta otryad shakllantirilib, ularga 13,2 ming terimchi jalb etilgan.

Paxta terimining samarali tashkil etilishi va hosilning o‘z vaqtida yig‘ib olinishi bo‘yicha tuman hokimligi tomonidan zarur choralar ko‘rilmoqda.

Address

181302, Qashqadaryo Viloyati, Shahrisabz Shahri, Fusunkor Ko‘chasi, 86-uy
Shakhrisabz
181302

Website

Alerts

Be the first to know and let us send you an email when Shahrisabz tuman hokimligi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category