Suvo'lchagich xizmati AJ

27/04/2023

29/03/2023

Avval xabar berganimizdek, “O‘zsuvta’minot” AJ tarkibida alohida tuzilma sifatida “Suv o‘lchagich xizmati” AJ faoliyat boshladi. Uning vazifasi suv o‘lchagich bilan bog‘liq servis xizmatlarini ko‘ratishdir.

Dastlabki bosqichda Toshkent shahrini qamrab olish rejalashtirilgan. Hozirgi k***a Jamiyat mutaxassilari poytaxt iste’molchilari murojaatidan kelib chiqib shartnoma asosida o‘lchagichlarni o‘rnatish, almashtirish va boshqa xizmatlarni ko‘rsatib kelmoqda.

Endilikda “Suv o‘lchagich xizmati” AJning hududiy hamda xizmat qamrovini kengaytirish maqsad qilingan. Jumladan, Jamiyatning hududiy bo‘limlarini tashkil etish nazarda tutilgan. Undan tashqari xizmat turlarini kengaytirib iste’molchilarga suv tarmoqlari bilan bog‘liq har qanday servis xizmatlarini ko‘rsatish ham rejalashtirilgan.

Aziz hamshaharlar!
Endilikda siz ishxona yoki xonadoningzidagi suv tarmoqlari, hisoblagichlar bilan bog‘liq nosozliklar yoki boshqa holatlarni bartaraf etishda ortiqcha ovoragarchiliklarga chalg‘imasligingiz mumkin.

Faqatgina 71 289 13 67, 95 144 58 88, 93 210 12 55 telefon raqamiga qo‘ng‘iroq qilishning o‘zi kifoya. Jamiyat mutaxassislari muammoyingizni qisqa muddatda hal etadilar. Zarur servis xizmatlarini ko‘rsatadilar.

Qisqa fursatlarda bu imkoniyatlardan yurtimizning boshqa hududi aholisi ham foydalanishlari mumkin bo‘ladi.

29/03/2023

Aziz hamyurtlar!
🔹Bugun yurtimizda olib borilayotgan islohotlar haqiqatan ham inson qadri, uning manfaatlari uchun xizmat qilayotganiga har birimiz guvoh bo‘layapmiz. Barcha sohalarda hayotga tadbiq etilayotgan loyihalarning bosh maqsadi ham xalqimizning og‘irini yengil qilish, muammolarini hal etishga qaratilgandir.

🔹Xususan, birgina so‘nggi yillarda aholini toza ichimlik suvi bilan ta’minlashga qaratilgan sa’y-harakatlar natijasida mamlakatning qariyb 70 foizdan ortig‘i qisqa muddatda markazlashgan quvurlar orqali toza suv iste’mol qilish baxtiga musharraf bo‘ldi.

🔹Albatta, bunda “O‘zsuvta’minot” AJning sohani rivojlantirish, aholiga qo‘shimcha xizmatlarni tashkil etish borasidagi tashabbuslari ham alohida o‘rin tutmoqda.
Aholi o‘rtasida suv ta’minoti bilan bog‘liq servis xizmatlariga bo‘lgan talab juda yuqori ekanligi o‘takazilgan monitoring va o‘rganishlardan ma’lum bo‘lmoqda.

🔹Shu sabab, keng tarmoqli servis korxonasi faoliyatini yo‘lga qo‘yishga ehtiyoj tug‘ildi. Sohaga oid qabul qilingan me’yoriy xujjatlarda ham bu borada ko‘rsatib o‘tildi.
Joriy yildan “O‘zsuvta’minot” AJ tarkibida “Suvo‘lchagich xizmati” aksiyadorlik jamiyati faoliyati yo‘lga qo‘yildi. Albatta, ushbu korxonaning asosiy maqsadi suv o‘lchagichlar bilan bog‘liq jarayonlarga qaratilgan. Biroq, talab va istaklardan kelib chiqib uning faoliyat qamrovini keyinchalik kengaytirib borish rejalashtirilgan.
Dastlab, Toshkent shahri, keyinchalik esa respublika bo‘ylab xizmat ko‘rsatishni o‘z oldiga maqsad qilib qo‘ygan Jamiyat jamoasi bugundanoq aniq rejalar asosida ish ko‘rmoqda.

Aziz yurtdoshlar!
🔹Siz ushbu yangi tashkil etilgan korxona faoliyati bilan qiziqsangiz yoki sizda ushbu korxona faoliyatiga ehtiyoj bo‘lsa ijtimoiy tarmoqlardagi “Suvo'lchagich xizmati” AJ sahifalarini kuzatib boring.

🔹Siz ushbu tarmoqlarda korxona bilan bog‘liq yangiliklar, ko‘rsatilayotgan xizmatlar turi va sifati haqidagi ma’lumotlardan xabardor bo‘lib borasiz.
“Suvo'lchagich xizmati” AJning har bir kuni va har ishi siz azizlarni befarq qoldirmaydi. O‘ylaymizki, Jamiyat jamoasi ko‘p yillar xalqimiz mushkulini oson qiladi.
Bizni kuzatib boring.