Xorazm viloyat sudi

Xorazm viloyat sudi Xorazm viloyat sudining sahifasi |
Хоразм вилоят судининг саҳифаси.

30/04/2025

Ўқувчини ҳақоратлаган шахс суд қарори билан маъмурий жавобгарликка тортилди

Жиноят ишлари бўйича Қўшкўпир туман судининг очиқ суд мажлисида 1983 йилда туғилган, оилали, маълумоти олий, муқаддам маъмурий жавобгарликка тортилмаган фуқаро М.Ҳ.га(Қўшкўпир тумани 14-сон мактаб директори лавозимида ишлаган) нисбатан Ўзбекистон Республикаси Маъмурий жавобгарлик тўғрисидаги кодекснинг 41-моддаси(ҳақорат қилиш) билан маъмурий иши кўриб чиқилди.

Судда маълум бўлишича М.Х. Қўшкўпир тумани 14-сон мактабнинг синф хонасида, шу синф ўқувчисини шаъни ва қадр қимматини қасддан камситиб, уни ҳар-хил сўзлар билан ҳақорат қилиб, сочидан тортиб юзига тарсаки туширган.

М.Х. суд мажлисида айбига иқрорлик билдириб, ҳақиқатдан ҳам у шу куни педагогга хос ҳаракат қилмаганини, қилмишидан пушаймонлигини айтган. Жабрланувчининг қонуний вакили А.Б. судда унга нисбатан қонуний чора қўллаб беришни сўраб кўрсатув берган.

Суд қарори билан М.Ҳ. МЖтКнинг 41-моддасида назарда тутилган ҳуқуқбузарликни содир қилган деб топилиб, унга шу модда билан МЖтКнинг 33-моддасини қўллаб, базавий ҳисоблаш миқдорининг 10 баравари, яъни 3.750.000 сўм жарима жазоси тайинланди.

Манфаатдор тарафларга етказилган моддий ва маънавий зарарларни ундириш бўйича тегишли тартибда фуқаролик ишлари бўйича судга мурожаат этиш ҳуқуқлари борлиги тушунтирилди.

Телеграм каналга уланиш:

Судда “Очиқ эшиклар куни”: тизимдаги очиқлик ва шаффофлик намунаси Фуқароларни судлар фаолияти, соҳага доир қонунчиликда...
26/04/2025

Судда “Очиқ эшиклар куни”: тизимдаги очиқлик ва шаффофлик намунаси

Фуқароларни судлар фаолияти, соҳага доир қонунчиликдаги янгиликлар билан яқиндан таништириш ва жамоатчиликка суд интерактив хизматлари ҳақида маълумот бериш мақсадида жиноят ишлари бўйича Хонқа туман судида “Очиқ эшиклар куни” ўтказилди. Унда туманда истиқомат қилувчи фуқаролар, жамоатчилик фаоллари, Урганч давлат университети юриспруденция йўналишида таълим олаётган ёшлар ҳамда оммавий ахборот воситаси вакиллари иштирок этишди.

Тадбирда иштирокчилар туман суди биносида ташкил этилган адвокатлар хонаси, прокурор хонаси, фуқароларни қабул қилиш жараёни, суд мажлислар зали ҳамда судга ташриф буюрувчилар учун яратилган бошқа шароитлар билан танишдилар. Суднинг архиви ва девонхонаси фаолияти бўйича ҳам тушунтиришлар берилди.

Кейин эса судья ва қатнашчилар иштирокида давра суҳбати ташкил этилди. Унда маърузачилар судда кўриладиган ишлар тоифаси, суднинг ваколатлари, жиноят ишларини кўришнинг процессуал тартиблари ҳамда туман судида жорий йилнинг биринчи чорагида кўрилган ишлар таҳлили ҳақида гапиришди.

Мулоқотларда судьялар томонидан суд тизимидаги ислоҳотлар ва коррупцияга қарши курашишда судларнинг роли масалаларига ҳам алоҳида тўхталинди. Жумладан, судьялар томонидан “Ўзбекистон - 2030” стратегияси ва унга мувофиқ жорий этилган тергов судьяси лавозими, суд тизимини рақамлаштириш каби янгиликлар бўйича маълумотлар берилди.

Шунингдек, “Очиқ эшиклар куни” тадбири доирасида судга мурожаат қилувчи фуқаролар учун қулайлик яратиш мақсадида жорий этилган ўндан ортиқ суд интерактив хизматлари, улардан фойдаланиш тартиби ва суд мажлисларида ҳамда вилоят суди раҳбариятининг қабулида масофадан туриб қатнашиш имкониятлари иштирокчиларга тўлиқ тушунтирилди.

Айниқса, бу каби тадбирлар бўлажак ҳуқуқшунослар учун назарий билимларини амалиёт орқали янада мустаҳкамлаш, соҳа мутахассислари билан фикр алмашиш имкониятини яратгани билан фойдали бўлди дейиш мумкин.

Телеграм каналга уланиш:

19/04/2025

АДОЛАТ ТАНТАНАСИ / Хоразм вилоят суди жиноят ишлари бўйича судлов ҳайъати кассация инстанциясининг ҳукмига мувофиқ 69 ёшли Азатбай Чавдурбаевнинг ҳуқуқлари тикланиб, оқланди

Телеграм каналга уланиш:

14/02/2025

14 февраль — шоҳ ва шоир, моҳир саркарда Заҳириддин Муҳаммад Бобур таваллуд топган кун.

Сана муносабати билан Хоразм вилоят судида маънавий-маърифий тадбир ўтказилди.

12/01/2025

АНОНС 18+

Бугун соат 21.50 да "Milliy" телеканалида "O'tkir tergov" лойиҳасининг навбатдаги сонини томоша қилинг!

Телеграм каналга уланиш:

Айни вақтда Урганч шаҳридаги ТАТУнинг Урганч филиалида вилоят судлари раислари ва ҳуқуқни муҳофаза қилувчи органлар ра...
22/11/2024



Айни вақтда Урганч шаҳридаги ТАТУнинг Урганч филиалида вилоят судлари раислари ва ҳуқуқни муҳофаза қилувчи органлар раҳбарияти томонидан оммавий сайёр қабул бўлиб ўтмоқда

Телеграм каналга уланиш:

31/10/2024

Ҳуқуқий саводхонлик

31/10/2024



ЖИНОЯТГА ЖАЗО МУҚАРРАР!

31/10/2024

Суд алимент пулларини тўламай келган фуқарога маъмурий қамоқ жазосини тайинлади

Жиноят ишлари бўйича Урганч шаҳар судида 1996 йилда туғилган, маълумоти ўрта, оилали, 1 нафар фарзанди бор фуқаро Б.И.га нисбатан Ўзбекистон Республикаси Маъмурий жавобгарлик тўғрисидаги кодекснинг 47-4-моддаси 1-қисми билан маъмурий иш кўриб чиқилди.

Фуқаролик ишлари бўйича Урганч туманлараро судининг 2023 йил
16 январдаги суд буйруғига асосан, Б.И.дан ундирувчи Қ.О. фойдасига бир нафар вояга етмаган фарзандининг моддий таъминоти учун унинг ҳар ойдаги иш ҳақи ва бошқа даромадларининг учдан бир қисми миқдорида алимент ундириш белгиланган ва шу суднинг 2023 йил 8 сентябрдаги ижро варақасига асосан фарзанди 3 ёшга тўлгунига қадар ҳар ойда 250.00 сўм миқдорида моддий таъминот ундириш тўғрисида ижро ҳужжатлар мавжуд бўлган. Б.И. бу ҳақда бир неча бор огоҳлантирилганлигига қарамай, 2024 йил 1 июнь кунига қадар ундирилиши лозим бўлган 11.132.893,25 сўм миқдоридаги алимент пулларини тўламасдан, моддий ёрдамга муҳтож бўлган вояга етмаган шахсни моддий таъминлашдан бўйин товлаган.

Судда Б.И. ҳуқуқбузарлигига қисман иқрорлик билдириб, 11.132.893,25 сўм тўлаш имкони йўқлигини, ҳозирги кунда алимент пулларини ота-онаси тўлаб келаётганлигини, алимент пулларини бўлиб тўлашини, енгиллик қилишни сўраб кўрсатув берди. Қ.О. судда, Б.И.дан мазкур алимент пулларини ундириб беришни сўради.

Суд қарори билан Б.И. МЖтКнинг 47-4-моддаси 1-қисмида назарда тутилган ҳуқуқбузарликни содир этганликда айбли деб топилди ва унга шу модда билан 15 сутка маъмурий қамоқ жазоси тайинланди. Шунингдек, Б.И.дан Қ.О. фойдасига 11.132.893,25 сўм миқдорида алимент пуллари ундирилиши белгиланди.

31/10/2024

Жиноят ишлари бўйича Тупроққалъа туман судининг сайёр суд мажлисида мактабда ўқитувчи лавозимида ишлаган фуқарога нисбатан Маъмурий жавобгарлик тўғрисидаги кодекснинг 41-моддаси ва 52-моддаси 2-қисмида назарда тутилган ҳуқуқбузарлик ҳолати юзасидан маъмурий иш кўриб чиқилди.

Address

Xorazm Viloyati, Urganch Shahri "Tinchlik" Ko`chasi 22-uy
Urgench
220100

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+3622286612

Website

Alerts

Be the first to know and let us send you an email when Xorazm viloyat sudi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Xorazm viloyat sudi:

Shortcuts

Share

Category