Kushkupir tuman axborot kutubxona markazi

Kushkupir tuman axborot kutubxona markazi Contact information, map and directions, contact form, opening hours, services, ratings, photos, videos and announcements from Kushkupir tuman axborot kutubxona markazi, Library, 41°31'36. 8"N 60°21'21. 8"E, Urgench.

Qo’shko’pir tuman axborot-kutubxona markazi mutaxassislari tomonidan aholi o‘rtasida kitobxonlikni keng targ‘ib qilish m...
29/04/2026

Qo’shko’pir tuman axborot-kutubxona markazi mutaxassislari tomonidan aholi o‘rtasida kitobxonlikni keng targ‘ib qilish maqsadida navbatdagi targ‘ibot tadbiri o‘tkazildi.

Kutubxona xodimlari tuman Favqulodda vaziyatlar bo‘limiga tashrif buyurib, soha xodimlariga kutubxona fondidagi yangi adabiyotlar, badiiy asarlar va jahon adabiyoti durdonalari haqida batafsil ma’lumot berdilar.

Tashrif davomida qutqaruvchilar o'zlarini qiziqtirgan kitoblar bilan tanishdilar hamda kutubxonaga a'zo bo'lish imkoniyatlari haqida tushunchaga ega bo'ldilar.

Qo‘shko‘pir tumani Axborot-kutubxona markaziga qarashli 3-sonli ko‘chma kutubxona mutaxassisi S. Safayeva “G‘ozavot” qis...
29/04/2026

Qo‘shko‘pir tumani Axborot-kutubxona markaziga qarashli 3-sonli ko‘chma kutubxona mutaxassisi S. Safayeva “G‘ozavot” qishlog‘i, “Sherobod” mahallasida joylashgan 15-sonli “G‘uncha” bolalar bog‘chasiga tashrif buyurib, tarbiyalanuvchilarga “Kitob — bizning do‘stimiz” mavzusida ertak kitoblardan sharh o‘tkazdi.

Tadbirning asosiy maqsadi bolalarda kitobxonlik madaniyatini shakllantirish, ertaklarga bo‘lgan qiziqishni oshirish, shuningdek, ularning tasavvuri va nutqini rivojlantirishdan iborat bo‘lib, bolalar o‘zlari sevgan ertaklar haqida fikr bildirdilar, ertak qahramonlarini ta’riflab, ulardan olgan saboqlari bilan o‘rtoqlashdilar.

Qo‘shko‘pir tumani Axborot-kutubxona markaziga qarashli 1-sonli ko‘chma kutubxona hamda Maktabgacha va maktab ta’limi tu...
29/04/2026

Qo‘shko‘pir tumani Axborot-kutubxona markaziga qarashli 1-sonli ko‘chma kutubxona hamda Maktabgacha va maktab ta’limi tuman bo‘limiga qarashli 23-sonli umumta'lim maktabi hamkorligida ajoyib tadbir bo‘lib o‘tdi.

O‘zbekiston xalq shoiri Muhammad Yusuf tavalludining yilligiga bag‘ishlangan "Mangu barhayot" mavzusidagi ushbu badiiy-kecha chinakam adabiyot bayramiga aylanib ketdi.

Tadbir davomida:
Dildagi satrlar: Maktab o‘quvchilari tomonidan shoirning Vatan, ona, muhabbat va sadoqat mavzusidagi eng sara she’rlari mahorat bilan o‘qib berildi.
Musiqiy chiqishlar: Shoir she’rlari bilan aytiladigan kuy-qo‘shiqlar tadbirga o‘zgacha fayz bag‘ishladi. O‘quvchilar tomonidan ijro etilgan musiqiy chiqishlar barchaning ko‘nglidan joy oldi.
Kitob ko‘rgazmasi: Ko‘chma kutubxona tomonidan tashkil etilgan shoir asarlari ko‘rgazmasi o‘quvchilarda katta qiziqish uyg‘otdi.

Tadbir yakunida shoir xotirasi yod etilib, uning ijodi yosh avlod ma'naviyatini yuksaltirishda beqiyos o‘rin tutishi ta’kidlandi.

Joriy yilning 16-aprel kuni Qo’shko’pir tuman axborot kutubxona markazida “Kitobsevar millat” shiori ostida VI Re...
29/04/2026

Joriy yilning 16-aprel kuni Qo’shko’pir tuman axborot kutubxona markazida “Kitobsevar millat” shiori ostida VI Respublika “Kitobxonlik xaftaligi”ning beshinchi kunida tuman IIB xodimlari bilan Nur Ahmadning “Xorazm nemislari” kitobidan taqdimot bo’lib o’tdi. Yozuvchi Nur Ahmadning “Xorazm nemislari” hujjatli-badiiy qissasida etti iqlim olislikdagi notanish o’lkalardan Xorazmga halovat istab kelgan yuzlab olmonlar boshidan o’tgan fojiali kechinmalar qalamga olingan.Asar qahramoni tilidan yozilgan mazkur asarni o’xshashi yo’qligi va hozirgi zamon adabiyotimizda yangilik bo’lganini alohida ta’kidlash joiz.Tadbir davomida kitob marofoni ham tashkil etildi.

“Kitobsevar millat” shiori ostida VI Respublika “Kitobxonlik xaftaligi”ning to’rtinchi kunida yoshlar oʻrtasida ja...
29/04/2026

“Kitobsevar millat” shiori ostida VI Respublika “Kitobxonlik xaftaligi”ning to’rtinchi kunida yoshlar oʻrtasida jadidlar hayoti va ularning ijodiy faoliyatini keng targʻib maqsadida axborot -kutubxona markazida
“Qotog’on qurbonlari- tarixning barhayot siymolari”. mavzusida jadid bobolarimiz asarlaridan kitob sharx o’tkazildi.Kitob sharxida ma’rifatparvar jadidlarning Vatanimiz va jahon tarixidagi muhim o‘rni va ahamiyatini, milliy istiqlolimizning ma’naviy asoslarini yaratishdagi fidoyiliklarini, ibratli hayoti va faoliyatini, boy ilmiy-ijodiy merosini chuqur o‘rganish va faol targ‘ib etish hamda ularning xotirasini abadiylashtirish borasidagi ishlarni yanada kengaytirish mamlakatimiz oldidagi ustuvor vazifalardan biri ekanligi aytib o’tildi.

📚 Qo’shko’pirlik Ijodkorlar Qo‘shko‘pir tuman axborot-kutubxona markazida “Kitobsevar millat” shiori ostidagi VI Respubl...
29/04/2026

📚 Qo’shko’pirlik Ijodkorlar

Qo‘shko‘pir tuman axborot-kutubxona markazida “Kitobsevar millat” shiori ostidagi VI Respublika “Kitobxonlik haftaligi” ko‘tarinki ruhda davom etmoqda.
Haftalikning uchinchi kuni “Qo‘shko‘pirlik ijodkorlar” mavzusidagi ijodiy uchrashuvga bag‘ishlandi. Tadbirda tumanimizning taniqli so‘z ustalari va qalam ahli mehmon bo‘lishdi:
✨ Erkin Ermatov – O‘zbekiston Yozuvchilar va Jurnalistlar uyushmasi a’zosi;
✨ Sh. Matkarimov – Yozuvchi va dramaturg;
✨ Y. Eshmuratov – Shoir, Yozuvchilar uyushmasi a’zosi;
✨ O. Tilloyev – Hajvchi shoir;
✨ M. Tillayeva– “Hayot ko‘zgusi” gazetasi muharriri, jurnalist;
✨ Z. Jumamurotova – O‘zbekiston Yozuvchilar va Jurnalistlar uyushmasi a’zosi;

Tadbir davomida yozuvchi va shoirlar o‘z ijod yo‘llari, kitobning inson hayotidagi o‘rni haqida samimiy suhbat qurishdi. Ayniqsa, yosh ijodkorlar tomonidan o‘qilgan she’rlar davraga alohida shukuh bag‘ishladi.
Uchrashuv yakunida o‘quvchilar o‘zlarini qiziqtirgan savollarga javob olib, ijodkorlardan yangi asarlar mutolaasi bo‘yicha tavsiyalar olishdi.

Qo‘shko‘pir tuman axborot-kutubxona markazida “Kitobsevar millat” shiori ostida VI Respublika “Kitobxonlik haftaligi”nin...
29/04/2026

Qo‘shko‘pir tuman axborot-kutubxona markazida “Kitobsevar millat” shiori ostida VI Respublika “Kitobxonlik haftaligi”ning ikkinchi kunida “Mahalla – muommalar yechimi va tashabbuslar markazi” mavzusida davra suhbatu bo‘lib o‘tdi. Davra suhbatida Respublika ma’naviyat va ma’rifat markazi tuman bo‘limi rahbari R. Ismoilova va “Chamanzor” mahalla raisi D. Qobulova, mahalla fuqorolari va Madaniyat uyi hodimlari ishtirok etdilar.
Davra suhbatida D. Qobulova so‘zga chiqib, jamiyatda mahallaning o‘rnini kuchaytirish, aholi muammolarini joyida hal etish va fuqorolarning tashabbuslarini qo‘llab quvvatlashga qaratilganligi hamda mahalla jamiyatning eng quyi, lekin eng muhim bo‘g’ini hisoblanishini, u nafaqat muammolarni aniqlaydi, balki joyida hal qilish, aholini birlashtirish va yangi tashabbuslarni amalga oshirish markazi sifatida xizmat qilishligini e’tirof etib o‘tdi.

O‘zbekiston Respublikasi Prezidentining 2026 - yil 15 – yanvardagi “Kitobxonlik madaniyatini rivojlantirish va ahol...
29/04/2026

O‘zbekiston Respublikasi Prezidentining 2026 - yil 15 – yanvardagi “Kitobxonlik madaniyatini rivojlantirish va aholi o‘rtasida kitob o‘qishga qiziqishni oshirish chora – tadbirlari to‘g’risida”gi 9-sonli qarori ijrosini ta’minlash maqsadida Respublikamizning barcha hududlarida joriy yilning 13-17-aprel kunlari “Kitobsevar millat” shiori ostida VI Respublika“Kitobxonlik haftaligi” bo’lib o’tmoqda. Bizning Qo’shko’pir tuman axborot kutubxona markazimizda “Kitobsevar millat” shiori ostida VI Respublika “Kitobxonlik xaftaligi”ni ochilish tadbiri tantanali ravishda o’tkazildi. Tadbirda Respublika Ma’naviyat va ma’rifat markazi tuman bo’limi raxbari R.Ismoilova, ta’lim muassasalari o’qituvchilari, faol yoshlar, kitobxonlar hamda keng jamoat ishtirok etdi.
Tadbir dovamida so’zga chiqqanlar kitobxonlik madaniyatini oshirish, aholi, ayniqsa yoshlar o’rtasida mutolaaga bo’lgan qiziqishni kuchaytirish bugungi kuning muhim vazifalaridan biri ekanligini ta’kitladilar. Tadbir doirasida yangi kitoblar ko’rgazmasi hamda “Kitobxonlik ma’naviyat ko’zgusi” mavzusida davra suhbati tashkil qilinib, adabiy-badiiy chiqishlar nomoish etildi. Shuningdek, kitob mutolaasiga bag’ishlangan tanlovlar va ma’naviy –ma’rifiy tadbirlar haftalik davomida o’tkazilishi rejalashtirilgani ma’lum qilindi.
Mazkur kitobxonlik haftaligi aholi o’rtasida kitobga bo’lgan muhabbatni yanada oshirish, ma’naviy saviyani yuksaltirish va milliy qadiriyatlarni targ’ib etishga xizmat qiladi.

✨ Kichik kitobxonlar kutubxonada! ✨Kutubxonamizga tumanimizdagi 25-sonli maktabning tayyorlov guruhi bolalari tashrif bu...
29/04/2026

✨ Kichik kitobxonlar kutubxonada! ✨

Kutubxonamizga tumanimizdagi 25-sonli maktabning tayyorlov guruhi bolalari tashrif buyurishdi. 🚌📖

🌈 Mutaxassislarimiz mitti mehmonlarni bolalar adabiyoti bo‘limining sehrli dunyosi bilan tanishtirdilar. Rangli rasmlarga boy kitoblar, qiziqarli ertaklar va she’riy to‘plamlar bolajonlar e’tiborini tortdi.

Kitob mutolaasi bolaning tasavvur dunyosini boyitadi. Bugungi tashrif esa ularning bilim sari tashlagan ilk dadil qadamlaridan biri bo‘ldi. 📚🚀

Qo‘shko‘pir tuman axborot-kutubxona markazida ma’rifiy muloqotQo‘shko‘pir tuman axborot-kutubxona markazida mazmunli dav...
29/04/2026

Qo‘shko‘pir tuman axborot-kutubxona markazida ma’rifiy muloqot
Qo‘shko‘pir tuman axborot-kutubxona markazida mazmunli davra suhbati tashkil etildi. Tadbirda quyidagi tashkilotlar vakillari ishtirok etishdi:

Respublika Ma’naviyat va ma’rifat markazi tuman bo‘linmasi;
Oila va xotin-qizlar bo‘limi;
O‘zbekiston mahallalar uyushmasi tuman bo‘limi;
“Nuroniy” jamg‘armasi tuman bo‘limi.

Asosiy mavzular va muhokamalar:
Suhbat davomida ortiqcha isrofgarchilikning salbiy oqibatlari, milliy qadriyatlarimizga xos bo‘lgan kamtarlik va me’yorni saqlashning ahamiyati keng yoritildi.

Tadbir yakunidagi taklif va tavsiyalar:
Ishtirokchilar tomonidan quyidagi muhim jihatlar ta’kidlandi:

Oilaviy marosimlar: To‘y va marosimlarni sodda, mazmunli va tartibli o‘tkazish;
Iste’mol madaniyati: Yoshlar ongiga oqilona iste’mol madaniyatini singdirish;
Jamoatchilik nazorati: Har bir mahallada targ‘ibot ishlarini izchil davom ettirish va jamoatchilik nazoratini kuchaytirish.

KITOBXONLIK OILADAN BOSHLANADI!Qo‘shko‘pir tumani Axborot-kutubxona markazi hamda 25-sonli umumiy o‘rta ta’lim maktabi h...
22/04/2026

KITOBXONLIK OILADAN BOSHLANADI!
Qo‘shko‘pir tumani Axborot-kutubxona markazi hamda 25-sonli umumiy o‘rta ta’lim maktabi hamkorligida “Kitobxon onalar kuni” munosabati bilan “Kitob mutolaasi oiladan boshlanadi” mavzusida davra suhbati tashkil etildi.

Tadbirning asosiy maqsadi — oilada kitobxonlik muhitini shakllantirish, onalarning mutolaaga bo‘lgan qiziqishini orttirish orqali farzandlar tarbiyasida kitobning o‘rnini mustahkamlashdan iborat bo‘ldi.

Address

41°31'36. 8"N 60°21'21. 8"E
Urgench
220600

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 17:00

Website

Alerts

Be the first to know and let us send you an email when Kushkupir tuman axborot kutubxona markazi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category