វិទ្យាស្ថានពេទ្យយោធា HVQY

04/06/2026

ថ្ងៃស្អែកនេះថ្ងៃដ៏សំខាន់សម្រាប់បងៗសិក្ខាកាមវេជ្ជបណ្ឌិតជំនាន់ទី៥៤ និងសិក្ខាកាមឱសថការីជំនាន់១៥ ក្នុងការប្រលងថ្នាក់ជាតិលើមុខវិជ្ជាទី២! ✨
សូមគោរពជូនពរដល់ សិក្ខាកាមវេជ្ជបណ្ឌិតជំនាន់ទី៥៤ និងសិក្ខាកាមឱសថការីជំនាន់១៥ ទាំងអស់ ក្នុងការប្រឡងបញ្ចប់ថ្នាក់ជាតិ លើមុខវិជ្ជា *កិច្ចការនយោបាយ*។
សូមបងៗឆ្លងកាត់វិញ្ញាសាដ៏សំខាន់មួយនេះដោយរលូន ប្រកបដោយភាពជឿជាក់ ជោគជ័យ និងទទួលបានលទ្ធផលល្អគ្រប់ៗគ្នា! 🩺 🇰🇭💪
តោះបងប្អូនយើង! ចូលរួមជូនពរបងៗម្នាក់មួយមក ដើម្បីជាកម្លាំងចិត្ត!
#វិទ្យាស្ថានពេទ្យយោធា
#សិក្ខាកាមវេជ្ជបណ្ឌិតជំនាន់៥៤🧑‍⚕️
#សិក្ខាកាមឱសថការីជំនាន់១៥ 👩‍⚕️

23/05/2026

កម្មវិធីប្រកួតប្រជែងសិក្ខាកាមមានកាយសម្បទា និងជំនាញ «Hội thi học viên khỏe khéo»!
ថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦ វិទ្យាស្ថានពេទ្យយោធា បានរៀបចំកម្មវិធីប្រកួតប្រជែងសិក្ខាកាមមានកាយសម្បទា និងជំនាញ «Hội thi học viên khỏe khéo» ។
នៅក្នុងនោះផងដែរ ក៏មានក្រុមសិក្ខាកាមយោធាកម្ពុជា ដែលកំពុងសិក្សានៅវិទ្យាស្ថានពេទ្យយោធា បានចូលរួមប្រកួតប្រជែងយ៉ាងសកម្ម ដោយបានបង្ហាញយ៉ាងច្បាស់ពីការខិតខំប្រឹងប្រែង ភាពអង់អាចក្លាហាន ភាពរហ័សរហួន និងស្មារតីសាមគ្គីភាពដ៏ខ្ពង់ខ្ពស់របស់សិក្ខាកាមយើង។
#សិក្ខាកាមពេទ្យយោធា
#វិទ្យាស្ថានពេទ្យយោធា

21/05/2026

ថ្ងៃស្អែកនេះជាថ្ងៃដ៏សំខាន់បំផុតសម្រាប់បងៗសិក្ខាកាមវេជ្ជបណ្ឌិតជំនាន់ទី៥៤ និងសិក្ខាកាមឱសថការីជំនាន់១៥! ✨
សូមគោរពជូនពរដល់ សិក្ខាកាមវេជ្ជបណ្ឌិតជំនាន់ទី៥៤ និងសិក្ខាកាមឱសថការីជំនាន់១៥ ទាំងអស់ ក្នុងការប្រឡងបញ្ចប់ថ្នាក់ជាតិ លើមុខវិជ្ជា *រៀបចំបញ្ជាការវេជ្ជសាស្ត្រយោធា*។
សូមបងៗឆ្លងកាត់វិញ្ញាសាដ៏សំខាន់មួយនេះដោយរលូន ប្រកបដោយភាពជឿជាក់ ជោគជ័យ និងទទួលបានលទ្ធផលល្អគ្រប់ៗគ្នា! 🩺 🇰🇭💪
តោះបងប្អូនយើង! ចូលរួមជូនពរបងៗម្នាក់មួយមក ដើម្បីជាកម្លាំងចិត្ត!
#វិទ្យាស្ថានពេទ្យយោធា
#សិក្ខាកាមវេជ្ជបណ្ឌិតជំនាន់៥៤🧑‍⚕️
#សិក្ខាកាមឱសថការីជំនាន់១៥ 👩‍⚕️

17/05/2026

អបអរសាទរក្រុបបាល់ទះសិក្ខាកាមពេទ្យយោធា នៃវិទ្យាស្ថានពេទ្យយោធា ទទួលបានចំណាត់ថ្នាក់លេខ២!💪🇰🇭❤️

14/05/2026

សូមក្រាបបង្គំទូលថ្វាយព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត!
នាថ្ងៃព្រហស្បតិ៍ ១៣រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែឧសភា ឆ្នាំ២០២៦ នេះ គឺជាឱកាសដ៏មហានក្ខត្តឫក្ស ប្រកបដោយក្តីសោមនស្សរីករាយនៃព្រះរាជពិធីបុណ្យចម្រើនព្រះជន្មវស្សា គម្រប់ ៧៣ យាងចូល ៧៤ ព្រះវស្សា របស់ព្រះអង្គ។
ក្នុងនាមទូលព្រះបង្គំជា សិក្ខាកាមយោធាដែលកំពុងសិក្សានៅសាធារណរដ្ឋសង្គមនិយមវៀតណាម ពិតជាមានកិត្តិយស និងសេចក្តីរំភើបយ៉ាងក្រៃលែង ដែលបានចូលរួមក្នុងព្រះរាជពិធីបុណ្យចម្រើនព្រះជន្មវស្សាថ្វាយព្រះអង្គ ដែលបានប្រារព្ធឡើងនៅស្ថានឯកអគ្គរាជទូតកម្ពុជា ប្រចាំសាធារណរដ្ឋសង្គមនិយមវៀតណាម ក្រោមការដឹកនាំដ៏ខ្ពង់ខ្ពស់របស់ លោកជំទាវ ទូច សុផារត្ន ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជា ប្រចាំសាធារណរដ្ឋសង្គមនិយមវៀតណាម និងលោកឧត្តមសេនីយ៍ត្រី លាង សុវណ្ណារ៉ា នាយការិយាល័យអនុព័ន្ធយោធាកម្ពុជា ប្រចាំសាធារណរដ្ឋសង្គមនិយមវៀតណាម។
ទោះបីស្ថិតនៅឆ្ងាយពីមាតុភូមិ ប៉ុន្តែតាមរយៈពិធីដ៏ឧត្តុង្គឧត្តមនេះ ទូលព្រះបង្គំសូមលំឱនកាយវាចាចិត្ត ក្រាបបង្គំទូលថ្វាយនូវព្រះរាជសព្វសាធុការពរជ័យ បវរសួស្តី សិរីវឌ្ឍនា វិបុលសុខ មហាប្រសើរ ថ្វាយព្រះករុណាជាអម្ចាស់ជីវិតលើត្បូង។ សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន និងព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំដល់កូនចៅជាប្រជារាស្ត្រខ្មែរគ្រប់រូប ជ្រកកោនក្នុងសុខសន្តិភាពជានិច្ចនិរន្តរ៍តរៀងទៅ។
សូមក្រាបបង្គំទូលថ្វាយព្រះពរដោយសេចក្តីគោរពសក្ការៈដ៏ខ្ពង់ខ្ពស់បំផុត!
#សិក្ខាកាមពេទ្យយោធា🇰🇭
#វិទ្យាស្ថានពេទ្យយោធា👨‍⚕️

09/05/2026

🎉"សន្និសីទនិស្សិតស្រាវជ្រាវវិទ្យាសាស្ត្រ ឆ្នាំ២០២៦" (Hội nghị sinh viên nghiên cứu khoa học năm 2026) 🎉
ថ្ងៃសៅរ៍ ៨រោច ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៩ ខែឧសភា ឆ្នាំ២០២៦ នេះ នៅវិទ្យាស្ថានពេទ្យយោធា បានរៀបចំ "សន្និសីទនិស្សិតស្រាវជ្រាវវិទ្យាសាស្ត្រ ឆ្នាំ២០២៦"។
កម្មវិធីនេះប្រព្រឹត្តទៅក្រោមវត្តមានដ៏ខ្ពង់ខ្ពស់របស់នាយក និងនាយករងវិទ្យាស្ថាន។ ឆ្លងកាត់ការវាយតម្លៃយ៉ាងម៉ត់ចត់ពីគណៈកម្មការដែលជាសាស្ត្រាចារ្យ និងគ្រូពេទ្យជំនាញៗ យើងបានឃើញនូវការចូលរួមយ៉ាងសកម្មពីនិស្សិតពេទ្យយោធាឆ្នើមចំនួន ៧៩ ក្រុម។ ក្នុងនោះក៏ក្រុមនិស្សិតកម្ពុជា ដែលបានចូលរួមបង្ហាញពីសមត្ថភាពក្នុងសន្និសីទនេះ។
កម្មវិធីនេះរៀបចំឡើងក្នុងគោលបំណងពង្រឹងសមត្ថភាពបច្ចេកទេសព្យាបាល និងផ្លាស់ប្តូរបទពិសោធន៍គ្នាទៅវិញទៅមក ដែលជាមូលដ្ឋានគ្រឹះដ៏មានសារ:សំខាន់សម្រាប់បម្រើក្នុងកិច្ចការ យោធា និងព្យាបាលជូនប្រជាជនផងដែរ។ ទន្ទឹមនិងនេះសង្ឃឹមថាបងប្អូននិស្សិតកម្ពុជាជំនាន់ក្រោយ នឹងបន្តចូលរួមក្នុងការស្រាវជ្រាវវិទ្យាសាស្ត្រអោយបានច្រើន ដើម្បីពង្រឹងសមត្ថភាពផ្នែកស្រាវជ្រាវ ភាសា ហ៊ានបញ្ចេញសមត្ថភាពលើឆាកអន្តរជាតិ។ 👨‍⚕️🩺👩‍⚕️

#សិក្ខាកាមពេទ្យយោធា
#វិទ្យាស្ថានពេទ្យយោធា

05/05/2026

អបអរសាទរ ព្រះរាជពិធីច្រត់ព្រះនង្គ័ល ថ្ងៃអង្គារ ៤រោច​ ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦🇰🇭

អបអរសាទរ ព្រះរាជពិធីច្រត់ព្រះនង្គ័ល ថ្ងៃអង្គារ ៤រោច​ ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦

03/05/2026

ថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ វរសេនាតូចអន្តរជាតិ វិទ្យាស្ថានពេទ្យយោធា និងគណៈគ្រប់គ្រងសិក្ខាកាមកម្ពុជា បានរៀបចំដំណើរកម្សាន្តសម្រាកលំហែកាយជូនដល់សិក្ខាកាម វេជ្ជបណ្ឌិតជំនាន់ ៥៩ ឱសថជំនាន់ ១៩ និងអនុបណ្ឌិតជំនាន់ ៣៤ នៅតំបន់ទេសចរណ៍ឆ្នេរសមុទ្រ Sầm Sơn ខេត្ត Thanh Hóa។
ដំណើរកម្សាន្តនេះមានរយៈពេល ២យប់ ៣ថ្ងៃ ក្រោមអធិបតីភាពដ៏ខ្ពង់ខ្ពស់របស់ លោកឧត្តមសេនីយ៍ត្រី លាង សុវណ្ណារ៉ា នាយការិយាល័យអនុព័ន្ធយោធាកម្ពុជា ប្រចាំសាធារណរដ្ឋសង្គមនិយមវៀតណាម ក្នុងឱកាសខួបអនុស្សាវរីយ៍លើកទី ៥១ នៃទិវាជ័យជម្នះ ៣០/០៤ និងទិវាពលកម្មអន្តរជាតិ ០១/០៥។
កម្មវិធីនេះដឹកនាំដោយផ្ទាល់ដោយ កម្មាភិបាលវរសេនាតូចអន្តរជាតិ រួមជាមួយគណៈគ្រប់គ្រងសិក្ខាកាមកម្ពុជា និងឡាវ។
ស្របតាមពាក្យស្លោក៖ "សម្រាកដើម្បីពង្រឹងស្មារតី សាមគ្គីដើម្បីភាពជោគជ័យ - មិត្តភាពគ្មានព្រំដែន!"
"Nghỉ ngơi để tiếp thêm năng lượng, đoàn kết để thành công - Tình hữu nghị không biên giới!"
#សិក្ខាកាមពេទ្យយោធា🇰🇭
#វិទ្យាស្ថានពេទ្យយោធា👨‍⚕️

18/04/2026

ក្នុងនាមជាសិក្ខាកាមយោធា កំពុងសិក្សានៅក្រៅប្រទេស ទូលព្រះបង្គំមានសេចក្តីរំភើប និងត្រេកអរជាពន់ពេក ក្រោយពីបានទទួលដំណឹងអំពីព្រះរាជសុខភាពដ៏ល្អប្រសើររបស់ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត បន្ទាប់ពីព្រះអង្គបានទទួលការពិនិត្យ និងព្យាបាលដោយជោគជ័យ។
ទូលព្រះបង្គំសូមលើកហត្ថប្រណម បួងសួងដល់វត្ថុស័ក្តិសិទ្ធិក្នុងលោក សូមជួយប្រោះព្រំសព្ទសាធុការពរជ័យ ថ្វាយព្រះអង្គទ្រង់មានព្រះរាជសុខភាពល្អបរិបូរណ៍ និងព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរជានិច្ចនិរន្តរ៍។ 🙏🙏🙏