Bag-ong Lapasan

Bag-ong Lapasan Serbisyo ang bisyo
(1)

PAHIMANGNO SA PIPILA KA MGA JUNKSHOP SA VALENZUELA ROAD, BRGY. LAPASAN | September 3, 2026Sakit kaayo sa mata ang mangil...
03/09/2026

PAHIMANGNO SA PIPILA KA MGA JUNKSHOP SA VALENZUELA ROAD, BRGY. LAPASAN | September 3, 2026

Sakit kaayo sa mata ang mangil-ad nga hitsura sa atong palibot. Wala magkulang ang Barangay sa kanunay nga paglimpyo sa maong area.

Kung dili man kamo mo-partisipar sa kalimpyo, sayon ra ang solusyon: AYAW PAGLABAY UG AYAW PAGBILIN SA INYONG JUNK MATERIALS SA PAMPUBLIKONG LUNA.

CLENRO CdeO

BARANGAY AT KALINISAN DAY (BARKADA)DILG MC No. 2023-133Makanunayon ang pagpatuman ni KAPITAN JULITO OGSIMER sa programa ...
02/09/2026

BARANGAY AT KALINISAN DAY (BARKADA)
DILG MC No. 2023-133

Makanunayon ang pagpatuman ni KAPITAN JULITO OGSIMER sa programa nga BARKADA, ug karung buntaga gipahigayon kini sa Sitio La Paz 1 Extension – Valenzuela Road.

Sa maong kalihukan, sobra 40 ka sakong basura o mokabat sa 600 kilos ang nakolekta—usa ka tin-aw nga pahinumdom nga dako pa ang atong mahimo aron mapabiling limpyo, hapsay ug luwas ang atong palibot.

Nasuta usab sa atong Barangay Focal Person nga adunay mga karaang TV ug uban pang junk materials nga nasagol sa mga basura ug gituohang gikan mismo sa pipila ka junkshop nga nahimutang sa Valenzuela Road. Bisan pa sa mga pahimangno ug aksyon nga gihimo kaniadto tali sa Barangay ug CLENRO CdeO, adunay pipila nga kanunay gihapon sa paglapas sa hustong pagdumala ug paglabay sa basura.

Apan dili kini rason aron kita mawad-an ug paglaum. Ang matag lakang sa paglimpyo usa ka lihok padulong sa mas maayong komunidad.

Atong sugdan sa atong kaugalingon. Ayaw paglabay kung asa-asa. Ang kalimpyo dili trabaho sa Barangay personnel lamang—responsibilidad kini sa matag usa.

God Bless, Lapasan!





Walamg Gutom Program (WGP) Ang DSWD pinaagi sa Walang Gutom Program (WGP) magpahigayon ug program orientation kabahin sa...
02/09/2026

Walamg Gutom Program (WGP)

Ang DSWD pinaagi sa Walang Gutom Program (WGP) magpahigayon ug program orientation kabahin sa "Kalusugan, Kakayahan, at Kabuhayan (3K)" Sessions Module 5. Lantawa ang detalye:

Petsa: September 10, 2026

GROUP 1 — Alas Diyes (10:00 ang takna hangtud sa alas Dose (12NOON).

GROUP 2 — Ala una (1:00PM) hangtud alas Quatro (4PM).

Tungod niini, nanawagan si KAPITAN JULITO OGSIMER sa mga benepisyaryo alang sa maong programa.

God Bless, Lapasan!

LAING MALAMPUSONG ADLAW NA USAB ANG SERBISYONG OGSIMER. Laing adlaw na usab nga malampuson ug luwas ang paghatod sa aton...
02/09/2026

LAING MALAMPUSONG ADLAW NA USAB ANG SERBISYONG OGSIMER.

Laing adlaw na usab nga malampuson ug luwas ang paghatod sa atong mga kabataan gikan sa tulonghaan paingon sa ilang tagsa-tagsa ka Sitio.

Pinaagi sa LIBRENG SAKAY SA BARANGAY, ubos sa liderato ni KAPITAN JULITO OGSIMER, usa man kini ka yano nga serbisyo, apan dako kaayo og katabang sa atong mga kaigsoonan kay makadaginot sila sa pamasahe. Labaw sa tanan, dili na mabalaka ang mga ginikanan nga basin dili pasakyon o balibaran sa pampublikong sakyanan ang ilang mga anak. Mas importante nga ang atong kabataan makapauli nga luwas, komportable, ug walay kabalaka.

Gamay nga serbisyo, dakong tabang. Para sa kabataan, para sa pamilya, para sa Lapasan.

God Bless, Lapasan!





PAHIBALO SA TANAN: Temporaryong wala sa brgy. Lapasn Fire Station ang fire truck sa Lapasan tungod kay anaa kini sa usa ...
02/09/2026

PAHIBALO SA TANAN: Temporaryong wala sa brgy. Lapasn Fire Station ang fire truck sa Lapasan tungod kay anaa kini sa usa ka activity sa Limketkai hangtod alas-12 karong gabii.

Kung adunay emerhensiya, tawag dayon sa 911.

: BDRRMO Lapasan

God Bless, Lapasan!

MAGSUL-OB OG FACEMASK BATOK SA HAZE | PANAWAGAN NI KAPITAN OGSIMER NGADTO SA KATAWHAN — Giawhag ang tanang katawhan nga ...
02/09/2026

MAGSUL-OB OG FACEMASK BATOK SA HAZE |

PANAWAGAN NI KAPITAN OGSIMER NGADTO SA KATAWHAN — Giawhag ang tanang katawhan nga magsul-ob og facemask ilabina sa paggawas sa panimalay aron mapanalipdan ang kahimsog batok sa haze. Likayi usab ang dugay nga pagpabilin sa gawas ug bantayi ang kahimtang sa kalidad sa hangin. Amping kanunay, mga Lapasanon!

Unsa ang "HAZE" — Usa kini ka hugaw ug lubog nga hangin nga mahimong hinungdan sa ubo, iritasyon sa mata, ug kalisod sa pagginhawa.

God Bless, Lapasan!

ADUNAY FREE CATARACT SCREENING PARA SA SENIOR CITIZEN SA ATONG BRGY. BASAHA ANG DETALYE. Ang BOROUGH LASIK CENTER sa AYA...
02/09/2026

ADUNAY FREE CATARACT SCREENING PARA SA SENIOR CITIZEN SA ATONG BRGY. BASAHA ANG DETALYE.

Ang BOROUGH LASIK CENTER sa AYALA Cagayan de Oro, uban sa BLGU Lapasan ubos sa pagpangulo ni KAPITAN JULITO OGSIMER, naghiusa aron makatabang sa atong mga Lapasanong Senior Citizen nga nakasinati og mga problema sa panan-aw sama sa:

🧡 Clouded, blurred, o dim nga panan-aw
🧡 Dali nga pagkasensitibo sa kahayag ug glare
🧡 Kanunay nga pag-usab sa grado sa eyeglasses o contact lenses
🧡 Pagkakita og “halos” palibot sa mga suga
🧡 Kinahanglan og mas hayag nga suga aron makabasa
🧡 Double vision o duha ang makita

Ayaw pasagdi ang mga timailhan nga makaapekto sa imong adlaw-adlaw nga kinabuhi. Ang klaro nga panan-aw usa ka dakong bahin sa atong kahimsog ug kaluwasan.

🧡 Para sa mga Lapasanon, kanunay ang atong paningkamot sa pagdala sa mga serbisyo nga makatabang sa komunidad—ubos sa pagpangulo ni KAPITAN JULITO OGSIMER.

Busa, ayaw palabya ang usa ka higayon:
Petsa: September 22 2026
Oras: 9am onwards
Lokasyon: Barangay Lapasan Gym

Atimanon nato ang atong mga mata. Klarong panan-aw, mas hayag nga kaugmaon!

God Bless, Lapasan!

DRUG BUST OPERATION SA SITIO SAN ISIDRO LABRADORBARANGAY LAPASAN — Septiyembre 1, 2026, alas 7:20 sa gabii kapin-kulang,...
01/09/2026

DRUG BUST OPERATION SA SITIO SAN ISIDRO LABRADOR

BARANGAY LAPASAN — Septiyembre 1, 2026, alas 7:20 sa gabii kapin-kulang, usa ka drug bust operation ang gipahigayon sa PDEG 10 sa Sitio San Isidro Labrador, diin gibanabana nga 700,000 ang kantidad sa giingong shabu ang nakumpiska sa maong operasyon.

Kini nga mga pagpaningkamot kabahin sa kanunay nga kampanya batok sa gidili nga droga, ubos sa Komitiba ni Kag. Mark Anthony Bustamante ug sa liderato ni KAPITAN JULITO OGSIMER, alang sa kaluwasan ug kaayuhan sa komunidad.

Mensahe alang sa atong mga kaigsoonang Lapasanon:

Ang gidili nga droga dili lamang makadaot sa lawas ug kaugmaon sa usa ka tawo—makaguba usab kini sa pamilya, relasyon, panginabuhian, ug kalinaw sa komunidad. Ang usa ka sayop nga desisyon mahimong mosangpot sa dakong kasakit ug permanente nga epekto sa kinabuhi.

Busa, atong likayan ang paggamit, pagbaligya, ug pag-apil sa bisan unsang kalihokan nga may kalabotan sa gidili nga droga. Atong panalipdan ang atong kaugalingon, atong pamilya, ug ilabi na ang atong kabataan. Ang pagbatok sa droga dili lamang responsibilidad sa kapulisan ug kagamhanan—responsibilidad kini sa matag usa kanato.

Magtinabangay kita alang sa usa ka komunidad nga luwas, malinawon, ug walay luna alang sa gidili nga droga.

God Bless, Lapasan!

ares


MAKANUNAYON ANG LIBRENG SAKAY SA BARANGAY LAPASAN ALANG SA KABATAANKanunay ang LIBRENG SAKAY SA BARANGAY alang sa mga ba...
01/09/2026

MAKANUNAYON ANG LIBRENG SAKAY SA BARANGAY LAPASAN ALANG SA KABATAAN

Kanunay ang LIBRENG SAKAY SA BARANGAY alang sa mga batang Lapasanon nga padulong sa ilang mga skwelahan ug pauli sa matag Sitio. Apil usab ang mga ginikanan o guardian nga mouban sa ilang mga anak.

Kini nga inisyatibo gitumong aron makatabang sa atong mga pamilya ug makahatag og mas sayon ug luwas nga pagbiyahe alang sa atong mga kabataan, ubos sa suporta ni KAPITAN JULITO OGSIMER.

God Bless, Lapasan!





LAPASAN CARES — Tabang nga adunay kasingkasing. Dili lamang anaa aron moatiman ug moalalay sa mga pamilyang nagbangutan....
01/09/2026

LAPASAN CARES — Tabang nga adunay kasingkasing. Dili lamang anaa aron moatiman ug moalalay sa mga pamilyang nagbangutan. Kini usa usab ka pultahan sa pagtabang ug pagpakita nga sa panahon sa kasakit, dili kita mag-inusara.

Adunay mga gamit sama sa tent, bangko, lamesa, water dispenser, ug uban pang panginahanglanon nga libre nga gipahulam ngadto sa atong mga kaigsoonan aron makatabang sa panahon sa kasub-anan.

Kini nga serbisyo kanunay nga gisuportahan ni KAPITAN JULITO OGSIMER, uban sa tinguha nga ang matag lumulupyo sa Lapasan adunay masandigan sa panahon nga labing gikinahanglan ang tabang.

Kay usahay, ang usa ka yano nga tabang mahimong dakong kahupayan.
Ang usa ka pahulam nga gamit mahimong makapamenos sa kabug-at.
Ug ang usa ka komunidad nga nagtinabangay mahimong mahimong tinubdan sa kusog ug paglaum.

Sa Lapasan, ang kasakit dili kinahanglan atubangon nga mag-inusara.

God Bless, Lapasan!





Address

Misamis Oriental
Cagayan De Oro
9000

Website

Alerts

Be the first to know and let us send you an email when Bag-ong Lapasan posts news and promotions. Your email address will not be used for any other purpose, and you can unsubscribe at any time.

Shortcuts

Share