Department of Forests-Vanuatu

23/12/2025

Dipatmen blong Forestri I stap mekem tok save ia i ko long Pablik se season blong Harvesting mo Exporting blong Sandalwud loks bai klos long namba 31 December 2025 olsem we Minista blong MALFB bin saenem.

Olgeta Sandalwud Laesensi, sapos yu g*t eni kwestin ok kweri koncernem ol' Sandalwud purchases blong yu bifo end blong manis ia, plis fil fri blong kontaktem ofis blong Forestri long Port Vila HQ long 23171.

23/12/2025

Dipatmen blong Forestri bai provaedem minimal/smol seves nomo stat long 22nd December 2025 - 2nd January 2026 olsem we I stap long circular #48 of 2025.

Dipatmen blong Forestri I wantem wishem evriwan "Merry Christmas mo Happy New Year 2026".

16/12/2025

Ms Rebecca Kidson hemi wan Australian volunteer we Konsevesen mo Botany team anda long Dipatmen blong Forestri I welkamem hem tudei mo bai wok wetem seksen ia blong ful yia 2026.

Welkam Rebecca Kidson long Dipatmen blong Forestri and luk fowod blong kat wan gudfala working relationship wetem ol'nara forestri ofisa tu long narafala seksen long niu yia.

16/12/2025

MALFB Commodity Strategy Development Workshop I stap tekem ples long wik ia stat long 15th - 17th December 2025 long Melanesian Hotel, Port Vila.
Long Day 1 I g*t ol' group work/discussions based long ol program' outcomes blong last Forum. Dipatmen blong Forestri I fes sekta blong presentem wanem we oli kamap wetem blong stap insaed long impoten strategy ia based long trifala programs olsem Sandalwud Developmen, Commercial Timba Development mo Non Timba Forest Prodaks long Day 2.

11/12/2025

24/11/2025

Forest Landscape Restoration Strategy (FLRS) I wan impoten komponent blong Sastenabol Lan Manejmen (SLM) mo wan long ol' objektif blong Strategy ia, bai draevem forestri sekta towods self- sufficiency ova long nekis ten yia tru long saed blong bildemap wan strong interes blong komuniti blong paticipet long Fores Landscape Restoresen (FLR) aktiviti olsem Tri planting mo tu SLM spesifik objetifs we I relevant long strategy olsem:-
1. Rehabilitatem mo restorem ol' deforested eria
2. Stekholda mo komuniti involvemen long SLM aktiviti
3. I g*t inaf fores prodaksen mo ekstra blong ekpotem
4. Fores sekta I kam wan praemari sos blong inkam blong komuniti mo nason ia Vanuatu.

I impoten tumas blong Vanuatu I g*t I wan FLRS from Vanuatu I g*t wan frijael ekosistem we I rilae plante long helt blong fores. So taem wan fores oli no protektem o restorem, I kam wan degraded eria, save lusum soel fertiliti tru long soel erosen afta I save afektem stat lo inlan, riva ko kasem marine/kostol ekosistem.

Long wik ia I g*t FLRS wokshop we stap hapen long Ramada Resort long 24th - 25th November 2025 blong kamap wetem ol' weis fowod blong hao nao blong karemaot ol' FLRS aktiviti long fiuja

Dipatmen I aknowledgem presens blong VCAPII SLM Projek koordineta mo Vanuatu FAO SLM Projek we i fundem wokshop ia.


Sos blong infomesen: Presentesen blong Acting Daerekta blong Forestri, Mr Godfrey Bome

19/11/2025

Amassador blong Japan, His Excellency Okuda Naohina I visitem National Herbarium we Dipatmen blong Forestri I hausem mo tu long Sam Chanel Botanical Garden tedei long Tagabe eria long Port Vila. Dipatmen I luk fowod blong wok mo klosap wetem Japanese kavman long fiuja we i kam.

11/11/2025

Afta long fes launching blong Ethnobotanical buklet volium 1 & 2 mo Lingua Nambanga long Port Vila long las wik, tim i kohed blong distribiutem ol' buklets ia I ko long few ples raon long Tanna we oli bin pat blong documentem. So tim bin visitem:
1. TAFEA Provincial Kaonsel, Lenakel
2. Lamanamileng komuniti (Netwar lanwis), West Tanna
3. Nusumetu, North Tanna
4. Lenhub, mlerutana, Lenemra, South West Tanna
5. High Hill, South Tanna

TAFEA Province oli bin declarem kam olsem Kaljarol Hub blong Vanuatu mo I impoten tumas blong kipim tu oltaem tradisenal save blong olgeta long Ethnobotanical buk ia mo I stap sef olsem wan valiuabol risos blong ol' students, risejas mo jenerol Pablik we I haelaetem kaljarol heritej mo biodiversity konsevesen yus blong "Plants mo Pipol blong TAFEA.


Info & PC: Presley Dovo, Senior Forest Officer, Conservation & Botany.

07/11/2025

Civil Society Organization (CSO) partnership blong Efate Earthquake Rikaveri Projek tru long Dipatmen blong Strategy, Policy, Planning mo AID Coordination (DESPAC) i wok tuketa wetem Urban Forests blong establishem 3 forestri neseri blong Erakor Rod yuts, Erakor vilij mo Anglican jioj komuniti. Projek ia I stat long 26th August kasem 31st December 3025. Mein target hemi 6000 sidlings minim se wanwan neseri bai hemi 200 sidlings.

Wok stap kohed gud finis olsem:
a. Site visit/assessmen
b. Neseri materiel oli pem finis
c. Fes neseri blong Erakor Rod yuts oli bildem finis wael ol' nara 2 bai oli bildem yet bifo end blo manis December.

Dipatmen I acknowledgem kavman blong Pipol long Ripablik blong China from faensiol sapot mo DESPAC long trust blong wok wetem Urban Forests.

Dipatmen I extended tu bikfala tank yu long Urban Forests ofisa (James Samuel) blong tek lid long wok ia wetem assistens blong Research Ofisa (Michael Tabi).

Yumi save wok tugeta blong bildem resiliens long ol' komuniti blong yumi long Vanuatu tru long gudfala working kolaboresen olsem naia mo long fiuja.

06/11/2025

Vanuatu Management Tracking Tool (VAN METT) wokshop long Le Life resort bin tekem 3 days (3-6 November) long wik ia mo Dipatmen blong Forestri tru long Konsevesen mo Botany seksen (Thomas Morris Doro) nao I attendem long bihaf blong Dipatmen.

METT hemi wan tul we I isi mo oli usum raon long wol blong trackem mo monitorem/assessem level blong ol' kastom fores konsevesen long saed blong manejmen effektifnes blong hem ova taim.

Wan samting we I gud long hem se bai save help bikwan long Dipatmen long saed blong reportem Konsevesen status blong Vanuatu I ko long Intanasenal Konvensen olsem CITES, IUCN. etc.

Wan eksampol sapos yumi establishem 10 Botanical Garden, 10 Forest Park, 10 kastom forest konsevesen, yumi save usum tul ia nao blong mekem assesmen mo monitorem.

Dipatmen I acknowledgem Dipatmen blong Envaeromen tru long faensiol sapot long Expand Conservation Areas reach & Effectiveness (ECARE) Projek blong ranem wan impoten workshop olsem blong ol' implementing stekholda blong hem.


Info & PC: Thomas Morris Doro, Forest Conservation Officer

05/11/2025

Launching venue set up insaed long Sam Chanel Botanical Garden.

05/11/2025

Prokram blong launchem tufala documents bai tekem ples ino long taem insaed long Sam Chanel Botanical Garden long National Forestry Nursery eria long Tagabe, Port Vila.