Klubi Alpin Dardanët

12/07/2026

Në këto çaste të rënda, lutjet tona janë me familjen, miqtë, komunitetin alpin dhe të gjithë ata që pandërprerë po punojnë në gjetjen e E.Likës! 🙏

06/07/2026

Vajushë, Malësia e Madhe🇦🇱

05/07/2026

Maja e Vajushës 2057m/lmd

Këtë fundjavë, dardanët zgjodhën ngjitjen e Majës së Vajushës, nën qiellin plot yje. 🌄

Ecja filloj ora 02:00 pas mesnatës nga lugina e Grebajes 1150m fillimisht drejt majës së Cenit për të arritur më pas në majën e Vajushës në agim.

Kur rrezet e para të diellit përshëndetën horizontin, ne ishim në majë, aty ku rrezet e para ndriçuan shkëmbinjtë dhe majën.

Në atë çast kuptuam një të vërtetë që japonezët e shprehin bukur: 一期一会 (Ichigo Ichie), çdo takim ndodh vetëm një herë dhe nuk do të përsëritet kurrë në të njëjtën mënyrë.
Ai agim mbi Vajushë ishte pikërisht një Ichigo Ichie, një moment i papërsëritshëm, i ndarë mes miqve, malit dhe heshtjes.

Mali na kujtoi edhe një herë se udhëtimet më të bukura nuk maten vetëm me lartësinë e arritur, por me përjetimet që mbartim me vete.

Ta jetosh plotësisht çdo hap, sepse asnjë agim nuk lind dy herë njësoj.

16/06/2026

15/06/2026

Fundjavë në Theth 🏔️

Në fundjavë organizuam kalimin nga Valbona në Theth dhe anasjelltas!
Ky udhëtim ishte një përjetim i jashtëzakonshëm për të gjithë anëtarët e Klubit Alpin Dardanët me
peizazhet madhështore të Alpeve Shqiptare, shoqëria e mirë dhe fryma e ekipit e bënë këtë aktivitet një ngjarje të veçantë.

Vizita në luginën e Thethit, Ujëvarën e Grunasit dhe te Kulla e Ngujimit i shtuan edhe më shumë vlerë këtij udhëtimi, duke na afruar me bukuritë natyrore dhe trashëgiminë historike të zonës të treguar nga banorët vendas.

Një moment që la gjurmë ishte ndihma e ofruar për disa vizitorë gjermanë dhe spanjollë në Qafën e Valbonës që kishin devijuar shtegu dimëror.
Ky veprim pasqyroi vlerat e alpinizmit: solidaritetin, përgjegjësinë dhe gatishmërinë për të ndihmuar çdo njeri në mal. Për anëtarët e klubit, ky ishte një motiv dhe krenari shtesë.

Kthimi nga Thethi të dielën u përmbyll me emocione pozitive, kujtime të bukura dhe bindjen se aventurat më të mira janë ato që ndahen së bashku.

⛰️Mali na sfidon, por edhe na bashkon.

18/05/2026

Urime alpinistit Petrit Kllokoqi per arritjen ne majën më lartë të botës Mount Everest 8848m!

I urojme kthim të sigurt në Kosovë!⛰️

19/04/2026

Shtegu i Lirisë 2026

Sot, me një ecje nga Mareci në Krilevë, përshkuam gjurmët e një beteje që mban peshën e historisë në këto anë. Në atë terren të ashpër, dikur u përballën burra që nuk u tërhoqën përballë asnjë rreziku.
Beteja e Marecit s’ishte vetëm përballje armësh, por përplasje vullneti: një anë me qëllim të pastër për liri, tjetra me forcë për ta shuar atë.

Kjo ecje ishte një rikujtim i asaj që nuk shihet me sy: sakrifica, guximi dhe vendimi për të qëndruar deri në fund. Sepse liria që duket e zakonshme sot, është ndërtuar mbi hapa shumë më të rëndë se këta që bëmë ne!

Organizimi u bë në bashkepunim me Komunën Kamenicë, OVL e UÇK-së dega Kamenicë dhe klubet e ecjeve të Anamoravës!






🇽🇰

09/04/2026

KATANA 刀剣
Koshare Brigada 138 🫡

Katana është shpata tradicionale japoneze me një teh të lakuar, me një anë prerëse, e projektuar për goditje të shpejta dhe të pastra!
Forma e lakuar e bën prerjen më efikase gjatë lëvizjes, ka balancë perfekte, kombinon shpejtësi dhe forcë, vija në teh nuk është vetëm estetikë, por tregues i diferencës së fortësisë.

Katana, kërkon teknikë të saktë, ndryshe është thjesht një copë metali e rrezikshme, lidhet me konceptin japonez të Zanshin:
vetëdije totale edhe pas goditjes.

Në alpinizëm kjo përkthehet qartë:
-Nuk mbaron ngjitja kur prek majën,
-Rreziku është më i madh në zbritje,
-Fokus i vazhdueshëm, mbijetesë.

Katana 刀剣, nuk është armë, është disiplinë, sikurse Kosharja dhe Brigada 138 “Agim Radamani”.

Ky flamur është ngritë në Malin Fuji 🇯🇵 3776m, do ti dhurohet familjes së heroit Agim Ramadani - Katana, si shenjë respekti, përulje dhe nderimi për heroizmin në Koshare dhe gjithë heronjëve të rënë për lirinë e Kosovës!


#刀剣





🇽🇰
🇦🇱