Ministria e Mbrojtjes e Republikës së Kosovës

25/08/2026

Ministria e Mbrojtjes shpall konkurs për rekrutimin e personelit profesional, teknik dhe mbështetës që do të angazhohet në Kompleksin për Prodhimin e Municioneve në Jahoc të Gjakovës.

Ky konkurs përfshin fusha të ndryshme, si: inxhinieri, teknikë, prodhim, mirëmbajtje, kontroll i cilësisë, siguri, logjistikë, si dhe fusha të tjera të nevojshme për funksionimin e kompleksit.

Përzgjedhja e aplikantëve do të bëhet në përputhje me legjislacionin në fuqi dhe parimet e transparencës, meritokracisë dhe profesionalizmit.

Aplikantët e përzgjedhur, para se të angazhohen në detyrë, do të ndjekin trajnimet e nevojshme profesionale. Hapja e këtij konkursi shënon një hap të rëndësishëm drejt funksionalizimit të Fabrikës së Municioneve dhe zhvillimit të kapaciteteve vendore për industrinë e mbrojtjes.

Ftohen të gjithë të interesuarit që plotësojnë kriteret për të aplikuar dhe për t’u bërë pjesë e këtij procesi të rëndësishëm.

Afati për aplikim është nga data 24–30 gusht 2026.
Aplikimi realizohet duke klikuar në linkun: https://konkursi.rks-gov.net/jobs?servant=4&institution=28091

24/08/2026

E ARDHMJA JOTE NË UNIFORMË FILLON KËTU🎖️

Nëse je 18–22 vjeç, shtetas i Republikës së Kosovës, ke përfunduar shkollën e mesme dhe i plotëson kriteret e kërkuara, kjo mund të jetë mundësia jote për të nisur një karrierë ushtarake në një nga akademitë më prestigjioze ushtarake në Shtetet e Bashkuara të Amerikës.

📅 Apliko nga 24 gusht deri më 7 shtator 2026
👉 Mëso më shumë: https://mod.rks-gov.net/konkurs-per-nominimin-e-kandidateve-per-studime-ne-akademine-ushtarake-te-shteteve-te-bashkuara-te-amerikes/

18/08/2026

Ministri në detyrë i Mbrojtjes, Ejup Maqedonci, sot në Prizren, mori pjesë në ceremoninë e nderimit të Rrustem Rexhep Kabash*t – Haxhi Rrustë Kabash*t, me rastin e shpalljes së tij “Dëshmor i Atdheut” nga institucionet e Republikës së Shqipërisë. Në ceremoni ishte e pranishme edhe u.d. Presidentja e Republikës së Kosovës, Albulena Haxhiu.

Gjatë ceremonisë u vlerësua lart kontributi dhe sakrifica e Rrustë Kabash*t, i cili i përket brezit të Lidhjes Shqiptare të Prizrenit dhe kryengritjeve shqiptare – një brez që dha gjithçka për lirinë, identitetin kombëtar dhe atdheun.

Ministri Maqedonci theksoi se historia jonë është histori e sakrificës së brezave, nga Lidhja e Prizrenit e deri te Ushtria Çlirimtare e Kosovës, sakrificë që solli lirinë të cilën e gëzojmë sot.

Lavdi jetës, veprës dhe sakrificës së Rrustem Rexhep Kabash*t – Haxhi Rrustë Kabash*t!

18/08/2026

📢 Së shpejti hapet konkursi për nominimin e kandidatëve që do të kenë mundësinë të studiojnë në Akademinë Ushtarake të Shteteve të Bashkuara të Amerikës.

Nëse je shtetas i Republikës së Kosovës, ke përfunduar shkollën e mesme, je 18–22 vjeç dhe i plotëson kriteret shëndetësore, fizike dhe ligjore, kjo është mundësia jote për të ndërtuar një karrierë ushtarake në një nga akademitë më prestigjioze në botë.
🗓️ Aplikimi do të jetë i hapur nga 24 gusht deri më 7 shtator 2026.
👉 Mëso më shumë:https://mod.rks-gov.net/wp-content/uploads/2026/08/Konkurs-per-studime-ne-Akademine-Ushtarake-te-Shteteve-te-Bashkuara-te-Amerikes.pdf

-----------------------------------------------------------------------------------------------

📢 Uskoro se otvara poziv za nominovanje kandidata za studije na Vojnoj Akademiji Sjedinjenih Američkih Država.

Ako ste državljanin Republike Kosovo, završili ste srednju školu, imate između 18 i 22 godine i ispunjavate zdravstvene, fizičke i zakonske kriterijume, ovo je vaša prilika da izgradite vojnu karijeru na jednoj od najprestižnijih akademija na svetu.

🗓️ Prijavljivanje će biti otvoreno od 24. avgusta do 7. septembra 2026. godine
👉Saznajte više: https://mod.rks-gov.net/wp-content/uploads/2026/08/Konkurs-za-nominaciju-kandidata-za-studije-na-Vojnoj-Akademiji-Sjedinjenih-Americkih-Drzava.docx

17/08/2026

14/08/2026

Pas situatës së krijuar nga zjarret në Shqipëri dhe Mal të Zi, ministri në detyrë i Mbrojtjes, Ejup Maqedonci, ka shprehur gatishmërinë e Ministrisë së Mbrojtjes për të ofruar mbështetje për autoritetet e këtyre dy vendeve. Në vijim, gjeni deklaratën e plotë të tij:

“Në këto ditë të vështira, kur Shqipëria dhe Mali i Zi po përballen me zjarre në zona të ndryshme të territoreve të tyre, Ministri në detyrë i Mbrojtjes i Republikës së Kosovës u ka përcjellë homologëve të tij, ministrave të Mbrojtjes të të dyja vendeve, gatishmërinë e Ministrisë së Mbrojtjes për të ofruar mbështetje me kapacitetet që Republika e Kosovës ka në dispozicion.

Republika e Kosovës mbetet e gatshme të kontribuojë në mbështetje të autoriteteve përkatëse të Shqipërisë dhe Malit të Zi, nëse një ndihmë e tillë vlerësohet e nevojshme, duke vënë në dispozicion kapacitetet tona për përballimin e situatës së krijuar nga zjarret.

Në këto momente, solidariteti dhe bashkëpunimi ndërmjet vendeve tona marrin një rëndësi të veçantë.

Ministria e Mbrojtjes, Forca e Sigurisë së Kosovës dhe institucionet e tjera të Republikës së Kosovës mbeten të gatshme të ofrojnë mbështetje dhe të kontribuojnë aty ku kapacitetet tona mund të jenë të dobishme.”

13/08/2026

Në kuadër të bashkëpunimit bilateral me Republikën Federale të Gjermanisë, Sekretari i Përgjithshëm i Ministrisë së Mbrojtjes, Gafurr Dugolli dhe atasheu gjerman i mbrojtjes në Kosovë, nënkolonel Guido Altendorf, sot kanë nënshkruar marrëveshjen për projektin e donacionit gjerman Enable & Enhance Initiative.

Në takim ishin të pranishëm edhe drejtori i Departamentit për Logjistikë dhe Infrastrukturë i MM-së, kolonel Imer Avdiu, e ngarkuara me punë në Ambasadën e Gjermanisë në Kosovë, Silke Bellmann, si dhe përfaqësuesit e Ekipit Këshillues dhe Ndërlidhës të NATO-s (NALT), nënkolonel Fabian Vogl dhe major Claus Schumm.

Me këtë rast, Sekretari i Përgjithshëm, Gafurr Dugolli, duke shprehur mirënjohjen për mbështetjen e vazhdueshme të Republikës Federale të Gjermanisë ndaj Republikës së Kosovës, theksoi rëndësinë e këtij bashkëpunimi dhe shprehu besimin se ai do të vazhdojë edhe përmes projekteve të tjera në fushën e sigurisë dhe mbrojtjes.

Ky projekt, me vlerë prej rreth tre milionë eurosh, synon të avancojë kapacitetet operacionale të FSK-së, në përmbushje të misionit të saj. Projekti është vazhdimësi e projekteve të realizuara deri më tani në kuadër të bashkëpunimit dypalësh ndërmjet Republikës së Kosovës dhe Republikës Federale të Gjermanisë.

11/08/2026

Ministri në detyrë i Mbrojtjes, Ejup Maqedonci, mirëpriti sot senatoren e Shteteve të Bashkuara të Amerikës, Joni Ernst, së bashku me delegacionin e Gardës Kombëtare të Iowa-s, të kryesuar nga gjeneral Stephen Osborn.

Gjatë takimit u diskutua për partneritetin ndërmjet Republikës së Kosovës dhe Shteteve të Bashkuara të Amerikës, si dhe për thellimin e mëtejshëm të bashkëpunimit në fushën e mbrojtjes dhe sigurisë.

Në shenjë mirënjohjeje për angazhimin dhe kontributin e vazhdueshëm të senatores Ernst në forcimin e marrëdhënieve ndërmjet Kosovës dhe SHBA-së, si dhe për mbështetjen e saj ndaj Ministrisë së Mbrojtjes dhe Forcës së Sigurisë së Kosovës, ministri Maqedonci nderoi senatoren Joni Ernst me Medaljen për Shërbim të Shquar.

Partneriteti me Shtetet e Bashkuara të Amerikës dhe bashkëpunimi me Gardën Kombëtare të Iowa-s mbeten ndër shtyllat kryesore të zhvillimit dhe fuqizimit të kapaciteteve mbrojtëse.

Ministri Maqedonci theksoi se Republika e Kosovës i çmon miqtë dhe partnerët që kanë qëndruar pranë saj dhe kanë dhënë kontribut të rëndësishëm për forcimin e shtetit dhe të sigurisë së vendit. Miqësia dhe partneriteti me Shtetet e Bashkuara të Amerikës mbeten të pazëvendësueshme për Kosovën. 🇽🇰🇺🇸

11/08/2026

Vizita e senatores së SHBA-së, Joni Ernst, në Ministrinë e Mbrojtjes 🇽🇰🤝🇺🇸