14/08/2025
Naglabas ang ng mga inamyendahang alituntunin sa wastong paggamit ng mga terminong “qualified r**e” at “statutory r**e” sa mga kaso na kinasasangkutan ng mga batang biktima. Pinapalawak ng desisyon ang saklaw ng terminong "qualified r**e of a minor" at pinapataas ang pinakamababang danyos na maaaring igawad sa mga biktima.
Inilabas ng En Banc ng Korte Suprema ang mga alintuntunin sa isang Resolusyon na isinulat ng noo’y Associate Justice Mario V. Lopez, na tinanggihan ang motion for reconsideration na inihain ng isang lalaking hinatulan ng panggagahasa sa kanyang walong taong gulang na anak na babae.
Pinagtibay ng Korte Suprema ang nauna nitong Desisyon na hinatulan ang akusadong lalaki na nagkasala ng qualified r**e of a minor. Paglilinaw ng Korte Suprema, angkop ang pagtatalagang ito kapag naroroon ang alinman sa sampung special qualifying aggravating circumstances na nakalista sa ilalim ng Article 266-B ng Revised Penal Code (RPC).
Naunang hinatulan ng Regional Trial Court ang lalaki ng qualified r**e batay sa edad ng biktima at relasyon sa akusado. Pinagtibay ng Court of Appeals ang hatol pero binago ang pagtatalaga ng krimen sa qualified statutory r**e.
Itinama ito ng Korte Suprema na nagdesisyon na ang tamang termino ay qualified r**e of a minor. Pinagkasundo nito ang mga hindi pagkakapare-pareho sa mga nakaraang desisyon.
Naglabas din ito ng mga alituntunin na nagsasaad na kapag mayroong mga elemento ng parehong statutory r**e at qualified r**e, qualified r**e of a minor ang tamang termino.
Nalalapat lang ang mga alituntuning ito sa panggagahasa sa pamamagitan ng pakikipagtalik at hindi sa panggagahasa sa pamamagitan ng sexual assault.
Basahin ang mga alituntunin at press release sa https://tinyurl.com/4t3k2pud.
Basahin ang buong Resolusyon sa https://tinyurl.com/bdedkdr6.
Sumunod sa Credit Attribution Policy ng SC PIO: https://sc.judiciary.gov.ph/credit-attribution-policy/.
