مدينة 6 أكتوبر 6th of October City

29/08/2026

الحملة القومية للتطعيم ضد الحصبة والحصبة الألمانية بمحافظة القاهرة

استمرارًا لجهود وزارة الصحة والسكان في الحفاظ على مصر خالية من مرضي الحصبة والحصبة الألمانية، وتنفيذًا لخطة الوقاية والحفاظ على صحة أطفالنا، تحت رعاية الأستاذ الدكتور/ خالد عبد الغفار، وزير الصحة والسكان، والأستاذ الدكتور/ تامر مدكور، رئيس قطاع الشئون الصحية بالقاهرة، تُنفَّذ الحملة القومية للتطعيم ضد الحصبة والحصبة الألمانية خلال شهر أكتوبر 2026 بمحافظة القاهرة.

وتستهدف الحملة تطعيم جميع الأطفال المصريين وغير المصريين من عمر 9 أشهر وحتى 10 سنوات، من خلال فرق طبية مدرَّبة ومجهزة، وفقًا للإجراءات الصحية المعتمدة.

أهم المعلومات التي تهم أولياء الأمور:

التطعيم آمن وفعّال
يتم إعطاء الطُعم المستخدم وفقًا للإجراءات الصحية المعتمدة، ومن خلال فرق طبية مدرَّبة.

التطعيم مجاني تمامًا
يُقدَّم التطعيم بالمجان لجميع الأطفال المستهدفين، المصريين وغير المصريين، دون أي مقابل.

فرق طبية مدرَّبة ومجهزة
تنتشر فرق التطعيم وفق خطة الحملة للوصول إلى الأطفال المستهدفين، من خلال المدارس والحضانات ونقاط التطعيم التابعة للمناطق الطبية.

27/08/2026

الرئيس السيسي: لا موضع بيننا لفاسد ولا مجاملة لمن يتلاعب بحقوق الشعب أو يعبث بمقدرات هذا الوطن العظيم

المصدر: بيان رئاسة الجمهورية عن احتفالية المولد النبوي

10/08/2026

فرصتك لامتلاك بيتك الجديد في قلب حدائق أكتوبر! 🌟
احجز وحدتك الآن في كمبوند بانتيرا (Pantera) واستمتع بأسلوب حياة راقي ومميز يجمع بين الهدوء والخصوصية والخدمات المتكاملة.
مميزات المشـروع:
مساحات متنوعة: تبدأ من 105 متر مربع.
تصميم مميز وقليل الكثافة: عمارات مكونة من 4 أدوار فقط لضمان الخصوصية والهدوء.
أسعار تنافسية: سعر المتر يبدأ من 25,000 جنيه.
أنظمة سداد مريحة: احصل على بيتك بـ أقل مقدم.
خدمات ومرافق الكمبوند:
مساحات خضراء واسعة ولاند سكيب (Landscape).
حمام سباحة لجميع الفئات العمرية.
بوابات ذكية (Smart Gates) وأمن على مدار الساعة.
واجهات معماريّة مودرن عالية الجودة التشطيب.
🔥 عرض خاص لفترة محدودة: احجز الآن واحصل على خصم إضافي!
📞 للحجز والاستفسار:
تواصل معنا الآن عبر الرسائل أو الاتصال بنا مباشرة.‭0114 2501464‬ لمعرفة تفاصيل المساحات وأسعار الوحدات المتاحة.

10/08/2026

الأزهر للفتوى: إن خشيت المرأة فوات وقت الصلاة وهي خارج بيتها بحثت عن مكان تستتر فيه

10/08/2026

06/08/2026

بيك

06/08/2026

تم الاعتذار 👍

06/08/2026

كلنا 😂😂

06/08/2026

روحي صلّي عند الحمامات‼️

دي الجملة اللي قالها مدير مطعم Sizzler لإحدى السيدات في شكوى غريبة من نوعها هزّت السوشيال ميديا كلها، بعد ما اتهمت إحدى السيدات المطعم بمنع الصلاة وطردها هي وأصحابها بسبب إن واحدة منهم قامت تصلي الظهر وهو معجبهوش المنظر في المطعم، ولما أعترضوا قالهم هو دا منظر؟ ترضوا حد يعمل بيبي في نص المكان؟ بيشبه الصلاة بهذا الفعل المشين!!

أحكموا أنتوا ولكن لما تقرأوا الشكوي للأخر..

⛔️ نشرت الشاكية، وقالت:

عمري ما كنت أتخيل إن ييجي يوم اللي اطرد من مكان ويتقالنا: "إنتوا غير مرغوب فيكوا هنا"... علشان قومنا نصلي.

النهارده كنت قاعدة في Sizzler - فرع مول العرب مع جروب من أصحابي، وكان معانا أمهات وأطفال.

إحنا للأسف كنا متأخرين في صلاة الظهر، وكان أذان العصر خلاص هيأذن، فكان لازم نلحق نصلي الظهر قبل ما يخرج وقتها.

صاحبتي قامت تصلي لوحدها في مكان على جنب، بعيد تمامًا عن الترابيزات، وبعيد عن أي عميل، ومن غير ما تعطل حد أو تضايق حد، زي ما باين في الصورة كده.

فجأة فوجئنا بمدير فرع سزلر مول العرب بيجري حرفيًا عليها وهو بيحاول يوقفها ويمنعها تكمل صلاتها.

أنا اتدخلت بهدوء، وحاولت أفهم منه إيه المشكلة، وقلت له إننا عملاء في المطعم، وصاحبتي بتصلي في مكان بعيد عن الناس ومش مضايقة أي حد.

ومن اللحظة دي ساب صاحبتي، وابتدى يوجه كلامه كله ليا أنا بتجاوز شديد.

في أول دقايق، فضلت أكتر من مرة أقوله بمنتهى الهدوء:
"لو سمحت وطي صوتك... ما ينفعش تكلمني بالطريقة دي خالص."

كل ده وأنا حريصة إن الموضوع يخلص بهدوء ومن غير ما حد في المكان يحس أو يتضايق.

لكن هو اللي صعّد الموقف.

ابتدى يعلي صوته، ويشاور بإيده بعصبية، ويتجاوز في الكلام قدام كل الناس، وقال لي:
"روحي صلي عند الحمامات... ماتمشيلكوا خطوتين زيادة لربنا زي ما لسه قايمين للtoilet؟"

قولتله: إنت بتقارن إيه بإيه؟!

حاولت أوضحله إن إحنا موجودين كعملاء في سزلر، أيًا كان حتى لو الفرع جوه مول، وإن طول ما الصلاة في مكان بعيد عن الناس ومش مضايقة أي حد، يبقى مفيش أي مبرر للي بيحصل. وهل لو كنا في فرع تاني هتطردني أصلي في الشارع؟

لكن رده كان:
"صلي عند ربنا... مش عندي."

وبعدها قال لي:
"اتفضلوا اطلعوا برا... إنتوا غير مرغوب فيكوا هنا."

وبعدين طلب الأمن علشان يخرجني من المطعم.

ساعتها لفيت لكل الناس اللي كانوا قاعدين وسألتهم بصوت واضح:
"في حد هنا متضايق أو متضرر من إن صاحبتي كانت بتصلي على جنب؟"

وكان رد الناس تقريبًا بصوت واحد:
"لأ... براحتها. إحنا في بلد مسلمة، ومن حقها تصلي في أي مكان طالما مش مضايقة حد."

اللي حصل بعد كده كان بالنسبة لي مفاجأة...

العملاء الموجودون وقفوا معانا، وشهدوا قدام الأمن إننا ما عملناش أي حاجة غلط، وإن التطاول ورفع الصوت كان من مدير الفرع.

وللأسف، وهو بيتكلم، ابتدى يتجاوز حتى مع الناس اللي كانت بتحاول توقفه عند حده، وقالهم:
"يرضيكم حد مثلًا يقوم يعمل بيبي وسطكم كده وإنتوا قاعدين؟!!"

بيقارن إيه بإيه؟!!

وفي الآخر، عدد من العملاء سابوا المطعم اعتراضًا على اللي حصل، وأكتر من شخص قال قدامي إنه هيقاطع Sizzler بسبب الموقف ده، وكذا شخص صور اللي حصل، وعرفت بعد كده إن في ناس من العملاء قدموا شكاوى رسمية لإدارة مول العرب ضد مدير فرع سزلر مول العرب بسبب أسلوبه وتصرفاته.

ورغم كل ده، كان كل اللي بيردده:
"دي سياسة المكان."

وفي وسط كل ده، كان معانا أطفال.

واحد من الأطفال بدأ يعيط من الخوف بسبب الصوت العالي والزعيق، والإهانة والتجاوز حصلوا قدام ولادنا.

وده من أكتر الأسباب اللي مخلية الموضوع بالنسبة لي أكبر من مجرد موقف في مطعم.

إحنا بنربي ولادنا على إن سجادتك وإسدالك معاكوا في كل حتة، وشغلي كله قائم على التربية، وبعلم الأطفال كل يوم إنهم يحترموا الناس، ويطالبوا بحقوقهم بأدب ومن غير إساءة، لكن في نفس الوقت مايسكتوش عن حقهم.

فإزاي أرجع أقول لولادي أو لأي طفل بعلمه: "دافع عن حقك باحترام"... وأنا أسكت عن حقي وعن حق صاحبتي قدامهم؟

بعد انتهاء الموقف، قلت بوضوح إني مش همشي غير لما حد من إدارة Sizzler يعتذر عن اللي حصل، ووضحتلهم إني لحد الوقت ده مالجأتش للسوشيال ميديا ولا كنت عايزة أصور وهو بيتجاوز، لأن مكانش نيتي خالص أصعد الموضوع.

كل المطلوب كان اعتذار.

ورغم كل ده، مارفضناش ندفع الحساب رغم إن دي كانت أسهل حاجة تحصل، ودفعنا قيمة اللي أخدناه بالكامل من غير Service.

قعدنا حوالي أربع ساعات كاملة مستنيين أي مسؤول من إدارة سزلر يعتذر.

لكن للأسف... ماحصلش.

عدّى اليوم كله، وبرغم إن معاهم تليفوناتنا، ماحدش تواصل معانا عشان يوضحلنا موقف الشركة، اللي إحنا لسه مصرين نعرفه.

وفي المقابل، أشكر إدارة مول العرب، لأنها كانت الجهة الوحيدة اللي تدخلت بسرعة، وحاولت تحتوي الأزمة، وجالنا أكتر من مسؤول، وأبلغتني إنه هيتم اتخاذ الإجراءات اللازمة.

وعشان كده، عندي سؤال واضح لإدارة Sizzler...

هل فعلًا دي سياسة سزلر؟

هل من سياسة سزلر منع عميل من الصلاة، أو محاولة إيقافه أثناء الصلاة، رغم إنه واقف في مكان لا يضايق أحد؟

وهل من سياسة سزلر رفع الصوت والتجاوز والتطاول على العملاء، وإهانتهم، ويُقال لهم: "إنتِ غير مرغوب فيكي"؟

وأحب أوضح حاجة مهمة...

أنا كلامي مش عن كل العاملين في الفرع، لأنني ما شفتش من أي موظف آخر أي إساءة. كلامي كله عن تصرف مدير فرع سزلر مول العرب.

أنا بطلب من إدارة Sizzler:
• توضيح رسمي: هل اللي حصل ده فعلًا سياسة الشركة؟
• اعتذار رسمي عما تعرضت له.
• توضيح موقف الشركة من تصرف مدير فرع سزلر مول العرب.
• هل موفرين مصلى في الفروع اللي برا المولات؟

لأن احترام الإنسان، واحترام حقه في ممارسة شعائره الدينية، طالما لا يعتدي على حق غيره، مش منّة من حد... ده حق طبيعي.

ولو اللي حصل تصرف فردي، أتمنى الشركة تعلن ده بكل وضوح. ولو هو فعلًا سياسة المكان، فمن حق كل الناس تعرف.

وأتمنى من كل شخص يقرأ البوست ده يشاركه، لحد ما يوصل لإدارة Sizzler ونسمع ردهم الرسمي!

01/08/2026

الأسعار الجديدة لشرائح الكهرباء بعد تطبيق زيادة 12%