Oromia Occupational Competency Assurance Agency Communication Page

21/08/2026

Miseensonni Paartii Badhaadhinaa Gamtaa EMGOO Konfiraansii Paartii Waggaa Bara 2018 (Kurmaana 4ffaa) Gaggeessaa Jiru.
Kominikeeshinii EMGOO
Hagayya 15/2018 – Adaamaa
Miseensonni Paartii Badhaadhinaa Gamtaa EMGOO Konfiraansii Paartii Waggaa 2018 Kurmaana 4ffaa bakka miseensonni paartichaa argamanitti bifa hoo’aa fi milkaa’inaan gaggeessaa jiru.
Sagantaa kana irratti haasaa baniinsaa kan taasisan Walitti Qabaa Gamtaa EMGOO fi Daarektara Olaanaa Ejensii Mirkaneessa Gahumsa Ogummaa Oromiyaa, Obbo Adam Kamaal, konfiraansichi yeroo filannoo marsaa 7ffaa mootummaan keenya gaggeesse sagalee caalmaan injifate booda gaggeeffamuun isaa adda isa taasisa jedhan.
Obbo Adam, mootummaa Paartii Badhaadhinaan durfamuun waggoota darban keessatti hojiiwwan hawaasa fayyadamaa taasisan hedduu hojjechuu ibsuun, amaanaa ummanni irra deebiin kenne galmaan gahuuf miseensonni paartichaa itti-gaafatamummaa fi kutannoo olaanaan hojjechuu qabu jedhan.
Dabalataan konfiraansicha irratti:-
1. Gabaasni hojii hanga Kurmaana 4ffaa bara 2018
2. Gabaasni Koree Inispeekshinii fi Naamusa Paartii Badhaadhinaa Gamtaa EMGOO
3. Karoora hojii Gamtaa EMGOO bara 2019 dhiyaachuun mariin bal’aan irratti gaggeeffamaa jira.Marii fi gamaaggama gabaasota dhiyaatan booda konfiraansiin kun kan goolabamu ta’a..

20/08/2026

Ogummaafi Lammii Gahumsa Qabu Guddinaafi Badhaadhina Biyyaaf!!!!

20/08/2026

Marii Wiirtuulee Madaallii Bobbii Biyya Alaa Dhuunfaa Waliin Taasifame.

19/08/2026

Ejensichi Sirna Mirkaneessa Gahumsa Ogummaa Cimsaa Jira.
________________________________________________
Kominikeeshinii EMGOO, Hagayya 13/2018 Adaamaa

Ejeensiin Mirkaneessa Gahumsa Ogummaa Oromiyaa (EMGOO), ulaagaalee ISO/IEC 17024:2026 guutuuf hojiiwwan sirna qulqullinaa fi mirkaneessa gahumsa ogummaa cimsan irratti xiyyeeffannoo guddaan hojjechaa jira.

Haaluma kanaan guyyaa har'aa, Management Review gaggeessuun:

🔹 Raawwii sirna management system
🔹 Bu’aa Internal Audit
🔹 Qulqullina fi bu’aa madaallii gahumsa ogummaa
🔹 Komii fi yaada qaamolee dhimmi ilaallatu
🔹 Impartiality fi ittisa loogummaa
🔹 Dandeettii fi gahumsa hojjettootaa madaaltotaa, Supparvaayizarootaafi Wiirtuulee Madaallii
🔹 Hanqinoota jiran, carraa fooyya’iinsaafi tarkaanfii sirreeffamaa
🔹 Raawwii KPI fi karoora hojii fuulduraa irratti gamaaggama bal’aa gaggeessuun murteefi tarkaanfiiwwan fooyya’iinsaa kaa’ameera.

🎯 Kaayyoon guddaan keenya sirna Mirkaneessa Gahumsa Ogummaa qulqullina, amanamummaa, loogummaa irraa bilisa ta’e fi istaandaardii idil-addunyaa guutu diriirsuudha.

“Gahumsa Mirkaneessuun – Ogummaa Beekamtii Qabu Uumuu!”

18/08/2026

Gahumsi Humna Namaa Waan Hundaaf Bu'uura!

17/08/2026

Marii Qulqullina Madaallii Gahumsa Ogummaa irratti gaggeeffamee fi kallattii fulduraa
Adaamaa | Hagayya 11/2018
Ejensiin Mirkaneessa Gahumsa Ogummaa Oromiyaa wiirtulee madaallii dhuunfaa ogummaa bobbii biyya alaa (Domestic Work) irratti hirmaatan waliin dhimma qulqullina madaallii gahumsa ogummaa fi kallattii gara fuulduraa irratti marii bal’aa gaggeesse.
Marii kana irratti abbootiin qabeenyaa fi bakka bu’oonni wiirtulee madaallii dhuunfaa hirmaachuun, qulqullina madaallii mirkaneessuu, ragaa sobaa hambisuu fi sirna madaallii fooyyeessuuf yaada bala’aa kaasanii jiru.
Dhimmoonni ijoo irratti mari’ataman:
Ragaa sobaa (Forgery) hambisuu
Ragaa madaalamaa yeroo isaa eeggatee online taasisuu irratti
Qulqullina madaallii gahumsa ogummaa mirkaneessuu
Ashaaraa madaalamtootaa (Labour ID) irratti hojjechuu
Karoora madallii bara 2019 waliin hojjechuu irratti
Marii kun qulqullina madaallii gahumsa ogummaa cimsuu, amanamummaa sirnichaa mirkaneessuu fi gara fuulduraatti hojii madaallii bu’a qabeessa ta’e diriirsuuf murteessaa dha.
Marii wiirtulee madaallii dhunfaa waliin taasifame irratti Daarektara Olaanaa Ejensicha Obbo Adaam Kamaal fi I/A Daarektara Olaanaa EMGOO obbo Tubbaa Maammaa irratti argamuun rakkoowwan baroota darban keessa nu muudachaa turan furuuf madaallii keenya gara dijitaalaatti ceesisuun barbaachisaa ta’uu bsan.
Wiirtuleen madaallii dhuunfaa hundis qulqullina madaallii eeguu fi itti gaafatamummaa isaanii bahachuu qabu jedhan.
Rakkoo mudate gara qaama biraatti dabarsuu qofa osoo hin taane, ofii keenyaa furmaata kaa’uun barbaachisaadha.
Kanaafuu qulqullina madaallii keenyaa eeguu egsisuuf gahee keenyaa yaa banu.

17/08/2026

Marii Madaallii Gahumsa Ogummaa Dijitaalaa fi Qulqullina Madaallii Irratti taasifame.

Marii guyyaa har’aa Ejensiin wiirtuulee madaallii gahumsa ogummaa dhuunfaa waliin taasisaa jiru irratti, Ministeera Hojii fi Kalaqaatti Itti-gaafatamaan Deeskii Madaallii Gahumsa Ogummaa, Obbo Mihirat Xigaabee, mata-duree “Automation of Occupational Competency Assessment and Certification Systems” jedhu irratti dhiyeessii taasisaniiru.

Obbo Mihirat akka jedhanitti, qulqullina madaallii gahumsa ogummaa mirkaneessuuf wiirtuulee madaallii, EMGOO fi qaamolee qooda fudhattootaa hunda hirmaachisuun barbaachisaa dha. Mariin kunis qulqullina fi amanamummaa madaallii gahumsa ogummaa eegsisuuf gahee olaanaa qaba.

Gara fuulduraattis madaalliin gahumsa ogummaa gara sirna dijitaalaa fi onlinetti ce’uun, komiiwwan yeroo darbe mudachaa turan furuuf, ragaa sobaa ittisuuf, akkasumas baasii fi yeroo qusachuuf gahee olaanaa qaba.

Keessattuu, madaallii, ragaa kennuu fi tajaajila ogummaa bobbii biyya alaa (Domestic Work) karaa online ta’een kennuuf qophiin xumuramaa jira. Kanaaf, EMGOOn ogeessota, madaaltota fi suupparvaayizaroota gahumsa qaban qopheessuun irraa eegama.

Wiirtuuleen madaalliis sirna baratame irraa gara sirna dijitaalaatti ce’uuf of qopheessuu, qulqullina madaallii eeguu fi meeshaalee barbaachisan guutuu qabu.

17/08/2026

EMGOO: Qulqullina Madaallii Gahumsa Ogummaa fi Bobbii Biyya Alaa Irratti Marii Gaggeessaa Jira

Adaamaa | Hagayya 11/2018

Ejensii Mirkaneessa Gahumsa Ogummaa Oromiyaa (EMGOO) wiirtulee madaallii dhuunfaa ogummaa bobbii biyya alaa (Domestic Work) irratti hirmaatan waliin dhimma qulqullina madaallii gahumsa ogummaa irratti marii gaggeessaa jira.

Waltajjii marii kana irratti Daarektarri Olaanaa EMGOO, Obbo Adam Kamaal, dhaabbileen leenjii dhuunfaa lammiilee ogummaa horatanii gara biyyoota adda addaatti deemuun carraa hojii akka argatan taasisuu keessatti gahee olaanaa akka qaban ibsan.

“Hojii bobbii biyya alaa keessatti qulqullinni leenjii fi madaallii gahumsa ogummaa lubbuu namaa, nageenya lammiilee fi maqaa gaarii biyya keenyaa waliin walitti hidhata. Kanaaf qaamni hojii kana keessatti hirmaatu hundi itti-gaafatamummaa isa irraa eegamuun hojjechuu qaba,” jechuun dhaamsa dabarsaniiru.

Bara kana:
✅ Ragaa sobaa (Forgery) ittisuuf hojiiwwan fooyya’aan hojjetamaniiru;
✅ Sirna madaallii online cimsuuf tarkaanfiin fudhatameera;
✅ Namoota 410,000 ol carraa hojii biyya alaa argachuuf leenjii fi madaallii keessa darbanii bobbiif qophaa’aniiru.
ISO /IEC 17024:2026 hojiirra oolchuuf haaldureewwan hunda xumurree beekamtii fudhachuuf geenya jirra jedhan

Itti dabaluunis, gara fuulduraatti bobbiin biyya alaa hojii Domestic Work qofa irratti kan daangeffamne osoo hin taane, ogummaalee gara garaa irratti akka babal’atuuf mootummaan hojjechaa jira. Kanaaf dhaabbileen leenjii fi wiirtuleen madaallii hojii isaanii qulqullinaan gaggeessuuf of qopheessuu qabu.

I/A Daarektara Olaanaa EMGOO, Obbo Tubbaa Maammaa, gama isaaniin dhaabbileen leenjii tokko tokko leenjifamtootaaf leenjii gahaa fi odeeffannoo guutuu waa’ee hojii biyya alaa akka hin kennine ibsanii, kunis lammiilee keenya rakkoo adda addaa fi rakkoo xinsammuu saaxiluu akka danda’u hubachiisaniiru.

Qulqullina madaallii eeguu jechuun gahumsa nama tokkoo qofa mirkaneessuu miti; nageenya, kabaja, carraa hojii fi egeree lammii keenyaa eeguudha jedhan.

Kanaafuu dhaabbileen leenjii dhuunfaa kana hubatee dirqama isaa bahachuu qaba jedhan.

Barreeffaama ka’umsaa kan irratti mariin bal’aan erga gaggeeffamee booda waltajjichi kan xummuramu ta’a

15/08/2026

Sagantaa TV Ejensiin keenya OBN waliin qoheesse hordofaa!

13/08/2026