Primature - Lapan'i Mahazoarivo

03/06/2026

𝟎𝟐 𝐣𝐨𝐧𝐚 𝟐𝟎𝟐𝟔 | 𝐋𝐚𝐩𝐚𝐦-𝐩𝐚𝐧𝐣𝐚𝐤𝐚𝐧𝐚 𝐈𝐚𝐯𝐨𝐥𝐨𝐡𝐚
𝐓𝐚𝐭𝐢𝐭𝐫𝐲 𝐧𝐲 𝐅𝐢𝐥𝐚𝐧𝐤𝐞𝐯𝐢𝐭𝐫𝐲 𝐧𝐲 𝐌𝐢𝐧𝐢𝐬𝐢𝐭𝐫𝐚

02/06/2026

𝐍𝐀𝐇𝐀𝐙𝐎 𝐅𝐈𝐓𝐀𝐎𝐕𝐀𝐍𝐀 𝐕𝐀𝐎𝐕𝐀𝐎 𝐍𝐘 𝐌𝐏𝐈𝐓𝐒𝐎𝐊𝐀 𝐌𝐎𝐙𝐈𝐊𝐀𝐍'𝐍𝐘 𝐆𝐎𝐕𝐄𝐑𝐍𝐄𝐌𝐀𝐍𝐓𝐀

𝑳𝒂𝒑𝒂𝒏'𝒊 𝑴𝒂𝒉𝒂𝒛𝒐𝒂𝒓𝒊𝒗𝒐
[𝑭𝒂𝒉𝒂- 2 𝒋𝒐𝒏𝒂 2026]

Lanonana tsotra no notanterahina teto Mahazoarivo, androany maraina, nandraisana tamin'ny fomba ofisialy ireo fanamiana miisa 32 sy fitaovana samihafa miisa 34 ho an'ny Mpitsoka Mozikan'ny Governemanta, avy tamin'ny Repoblika entim-bahoakan'i Chine. Nanome voninahitra izany ny Praiminisitra, Lehiben'ny Governemanta, RAJAONARISON Mamitiana sy ny Ambasadaoron'i Chine miasa eto Madagasikara, JI Ping.

Nankasitraka ny firenena sinoa, ny Praiminisitra, noho ny fanohanana tsy misy fepetra ny fampandrosoana an'i Madagasikara, fiaraha-miasa izay mahakasika sehatra maro, ary anisan'izany ireto fanomezana ho an'ny Mpitsoka Mozika ireto. Tonga amin'ny fotoana mety izao fampitaovana izao sady nifanojo tamin'ny eritreritry ny Lehiben'ny Governemanta rahateo ny hanavao ny fitaovana hampiasain'izy ireo. Ny Mpitsoka Mozikan'ny Governemanta, izay mariky ny fiandrianan'ny Repoblikan'i Madagasikara sy azo itarafana koa ny tantaran'ny firenena malagasy.

Mialoha izao fandraisana fitaovana izao, dia nitsidika tamim-pomba fanajana ny Praiminisitra, tao amin'ny birao fiasany, eto Mahazoarivo, ny Ambasadaoron'ny Repoblika entim-bahoakan'i Chine. Fihaonana voalohany izay nanehoan'ny Ambasadaoro firariantsoa ho an'ny Praiminisitra amin'ny andraikitra nankinina aminy eto amin'ny firenena.

Nanolotra fisaorana ny Governemanta sinoa, ny Praiminisitra, tamin'ny nanafoanana ny haban-tseranana, ho an'ny firenena afrikanina maro ka anisany i Madagasikara, amin'ireo entana miditra any Chine. Heverina fa samy hisitraka tombontsoa amin'izany ny firenena roa tonta.
Anisan'ny nifantohan'ny dinika koa, ny momba Ilay Fikambanana iraisampirenena miady amin'ny hosoka ( union Internationale anti-fraude) izay anasàn'i Chine an'i Madagasikara hiditra ho mpikambana ao, satria tsy vitan'ny firenena iray izany ady izany fa ilàna fifanomezan-tànana. Efa misy rahateo ny vinam-piaraha-miasa eo amin'i Madagasikara sy Chine mahakasika io ady amin'ny fanaovana hosoka io.

Fanirian'ny Ambasadaoro ny haha matotra bebe kokoa ny fiaraha-miasa eo amin'i Madagasikara sy ny Repoblika entim-bahoakan'i Chine, toy ny fahamatoran'ny fiaraha-miasan'i Madagasikara amin'ireo firenena hafa, toa an'i Rosia, ka nanasàny ny Praiminisitra RAJAONARISON Mamitiana hanatrika ny fankalazana ny andron'ny Fifankatiavana Chine-Rosia izay hotanterahina tsy ho ela.

𝗡𝘆 𝗦𝗲𝗿𝗮𝘀𝗲𝗿𝗮

01/06/2026

𝐍𝐀𝐍𝐃𝐑𝐀𝐘 𝐈𝐑𝐄𝐎 𝐌𝐏𝐈𝐓𝐀𝐑𝐈𝐊𝐀 𝐍𝐘 𝐅𝐈𝐊𝐀𝐌𝐁𝐀𝐍𝐀𝐍'𝐈𝐑𝐄𝐎 𝐎𝐋𝐎𝐍𝐀 𝐕𝐀𝐑𝐈𝐑𝐀 𝐄𝐓𝐎 𝐌𝐀𝐃𝐀𝐆𝐀𝐒𝐈𝐊𝐀𝐑𝐀 𝐍𝐘 𝐏𝐑𝐀𝐈𝐌𝐈𝐍𝐈𝐒𝐈𝐓𝐑𝐀

𝑳𝒂𝒑𝒂𝒏'𝒊 𝑴𝒂𝒉𝒂𝒛𝒐𝒂𝒓𝒊𝒗𝒐
[𝑭𝒂𝒉𝒂-1 𝒋𝒐𝒏𝒂 2026]

Nandray ireo mpitarika ny fikambanan' ireo olona varira ny Praiminisitra, Lehiben'ny Governemanta, RAJAONARISON Mamitiana io hariva io. Nandritra izany fihaonana izany no nifampizarana ireo olana sedrain’izy ireo, indrindra taorian’ilay trangan-javatra nampalahelo tany Toliara farany teo.

Nanamafy ny Praiminisitra, fa hijoro sy hanohana hatrany ireo olona varira ny fitondram-panjakana, satria efa tsy azo ekena intsony ny zava-mitranga mahazo azy ireo. Nambarany fa tokony horaisina am-pahamatorana ny adidy hiarovana ny aina sy ny hasin’ny olom-pirenena tsirairay, tsy an-kanavaka.
Nodinihina nandritra ny fihaonana ihany koa ny mahakasika ny lalàna izay manasazy henjana ireo rehetra manao herisetra na mamono olona varira, lalàna efa nolanian’ny Antenimierampirenena sy ny Antenimierandoholona saingy mbola tsy nahazo fankatoavana avy amin’ny Fitsarana Avo momba ny Lalàmpanorenana.

Nangataka kosa ny Filohan’ny Fikambanan’ireo olona varira eto Madagasikara, Andriamatoa Solo Fulgence, mba hanatanterahana fanadihadiana lalina sy mangarahara momba ity raharaha famonoana olona varira ity, ary mba hampahafantarina ny vahoaka malagasy ny marina rehetra, anisan’izany ireo tena tomponandraikitra amin’izao heloka bevava izao.

Nampita teny fampiononana ho an’ny fianakavian’i Landricia (Cia) ihany koa ny Praiminisitra, sady nanamafy fa tsy maintsy hivoaka sy ho fantatra ny marina momba ity raharaha famonoana olona varira eto Madagasikara ity.

𝗡𝘆 𝗦𝗲𝗿𝗮𝘀𝗲𝗿𝗮

01/06/2026

𝐅𝐀𝐍𝐎𝐌𝐁𝐎𝐇𝐀𝐍'𝐍𝐘 𝐅𝐀𝐍𝐊𝐀𝐋𝐀𝐙𝐀𝐍𝐀 𝐍𝐘 𝐅𝐀𝐇𝐀-𝟔𝟔 𝐓𝐀𝐎𝐍𝐀 𝐍𝐈𝐕𝐄𝐑𝐄𝐍𝐀𝐍'𝐍𝐘 𝐅𝐀𝐇𝐀𝐋𝐄𝐎𝐕𝐀𝐍𝐓𝐄𝐍𝐀𝐍'𝐈 𝐌𝐀𝐃𝐀𝐆𝐀𝐒𝐈𝐊𝐀𝐑𝐀

𝑳𝒂𝒑𝒂𝒏'𝒊 𝑴𝒂𝒉𝒂𝒛𝒐𝒂𝒓𝒊𝒗𝒐
[𝑭𝒂𝒉𝒂-1 𝒋𝒐𝒏𝒂 2026]

Fananganan-tsaina niombonana teo amin'ny "Parvis Analakely", tamin'ny folo ora maraina katroka, androany, no nisantarana ny hetsika fankalazana ny faha-66 taona niverenan'ny Fahaleovantenan'i Madagasikara. Nisolo tena ny Filohan'ny Fanavaozana tamin'izao lanonana izao, ireo Mpanolontsaina Avon'ny Fanavaozana ny Repoblika, notronin'ny Praiminisitra RAJAONARISON Mamitiana sy ireo mpikambana ao amin'ny Governemanta ary olo manan-kaja maro, sivily sy miaramila.
"Fanavaozana, ho an'ny fandrosoan'i Madagasikara" no tarakevitra entina ankalazana ny 26 jona 2026, ivoizana ny làlantsaina hoe: Fitiavan-tanindrazana, Firaisankina ary fanehoana ny Kolontsaina maha Malagasy.

Miara-dalana amin'ny fanombohana ny fankalazana ny fetim-pirenena koa ny fanombohana ny fahatsiarovana ny faha- 66 taona nijoroan'ny Foloalindahy malagasy sy ny fanokafana ny iray volan'ny Teny malagasy. Ny Mpanolontsaina Avo ao amin'ny Fiadidiana ny Fanavaozana, izay nisolo tena ny Filoha, Kolonely Randrianirina Michael, no nanokatra tamin'ny fomba ofisialy ireo lanonana Telo sosona ireo, tetsy Analakely. Hafatra nampitainy ny tsy tokony hahavoatarika ny Malagasy amin'ny làlan-diso, ny hanohizan'ny Foloalindahy ny fahendrena ary ny fampitomboana hasina ny Teny malagasy

Samy nanatanteraka ity fananganan-tsaina niombonana ity koa ny tany amin'ny faritra rehetra manerana ny Nosy, ho fiaraha-mientana sy Firaisankina hahatongavana amin'ny tena Fanavaozana ho fampandrosoana an'i Madagasikara: Fanavaozana ny toe-tsaina, ny fomba fijery ary Fanavaozana ny fomba fiasa.

𝗡𝘆 𝗦𝗲𝗿𝗮𝘀𝗲𝗿𝗮

31/05/2026

31/05/2026

𝐅𝐢𝐭𝐬𝐢𝐝𝐢𝐡𝐚𝐧𝐚 𝐨𝐫𝐢𝐧𝐚𝐬𝐚 𝐧𝐚𝐭𝐚𝐨𝐧'𝐧𝐲 𝐏𝐫𝐚𝐢𝐦𝐢𝐧𝐢𝐬𝐢𝐭𝐫𝐚 𝐭𝐚𝐨 𝐒𝐚𝐢𝐧𝐭 𝐏𝐞𝐭𝐞𝐫𝐬𝐛𝐨𝐮𝐫𝐠

𝑳𝒂𝒑𝒂𝒏'𝒊 𝑴𝒂𝒉𝒂𝒛𝒐𝒂𝒓𝒊𝒗𝒐
[𝑭𝒂𝒉𝒂-31 mey 2026]

Nihaona tamin'ny delegasiaona malagasy notarihin'ny Praiminisitra RAJAONARISON Mamitiana, ireo mpiandraikitra ilay Faritra ara-toekarena manokana -ZES (Zone Économique Spéciale)-ao St Petersburg any avaratra andrefan'ny Federasionan'i Rosia: Victor Volkov, Darya Migunava ary Anastasia Mukha.
Nifantohan'ny dinika ny mahakasika ny ZES ka nahafahana nifampizara traikefa tamin'ny delegasiaona malagasy. Ho an'ity eto Saint Petersbourg ity, dia tsotra ny fidirana aminy satria na orinasa vahiny aza dia afaka mampiasa vola ao. Nohamoraina koa ny fandoavana haban-tseranana. Ary afaka mividy tany ny orinasa vahiny manana "statut juridique" mazava. Sehatra maro no hita ao, toy ny fiompiana bibikely, fambolena, fahasalamana, (fitsaboana sy fanamboarana fanafody), kojakoja momba ny fiaramanidina, sy momba ny Fitaterana hafa.

Orinasa vahiny maro no hita ao amin 'ity ZES ao Saint Petersbourg ity. Ka isan'ny orinasa notsidihin'ny Praiminisitra RAJAONARISON Mamitiana, manokana, ny WERTEKS, izay mampiasa olona hatramin'ny 1700. Vokatra samihafa miisa 400, no mivoaka avy ao amin'ny orinasa ka ny 362 amin'ireo dia fanafody avokoa, ary hita manerana ireo toerana fivarotana fanafody samihafa.

Tombony lehibe ho an'ny delegasiaona malagasy ny fizarana traikefa toy izao, ho entina hampandrosoana an'i Madagasikara.

𝗡𝘆 𝗦𝗲𝗿𝗮𝘀𝗲𝗿𝗮

30/05/2026

𝐌𝐚𝐧𝐚𝐬𝐚 𝐚𝐧𝐭𝐬𝐢𝐤𝐚 𝐫𝐞𝐡𝐞𝐭𝐫𝐚 𝐡𝐚𝐧𝐚𝐫𝐚𝐤𝐚 𝐧𝐲 𝐟𝐚𝐧𝐝𝐚𝐡𝐚𝐫𝐚𝐧𝐚 𝐦𝐚𝐧𝐨𝐤𝐚𝐧𝐚 𝐢𝐚𝐫𝐚𝐡𝐚𝐧𝐚 𝐚𝐦𝐢𝐧'𝐧𝐲 𝐅𝐢𝐥𝐨𝐡𝐚𝐧'𝐧𝐲 𝐅𝐚𝐧𝐚𝐯𝐚𝐨𝐳𝐚𝐧𝐚, 𝐑𝐀𝐍𝐃𝐑𝐈𝐀𝐍𝐈𝐑𝐈𝐍𝐀 𝐌𝐢𝐜𝐡𝐚𝐞̈𝐥 🇲🇬
📅 Alahady 31 mey 2026
⏰ Amin'ny 8ora Alina
📺 Ao amin'ny TVM sy ny RNM 🔊

29/05/2026

𝐒𝐁𝐄𝐑𝐁𝐀𝐍𝐊 : 𝐇𝐀𝐍𝐎𝐇𝐀𝐍𝐀 𝐍𝐘 𝐒𝐄𝐇𝐀𝐓𝐑𝐘 𝐍𝐘 𝐅𝐀𝐇𝐀𝐒𝐀𝐋𝐀𝐌𝐀𝐍𝐀, 𝐅𝐀𝐍𝐀𝐁𝐄𝐀𝐙𝐀𝐍𝐀 𝐀𝐑𝐘 𝐍𝐘 𝐅𝐈𝐙𝐀𝐇𝐀𝐍𝐓𝐀𝐍𝐘 𝐄𝐓𝐎 𝐌𝐀𝐃𝐀𝐆𝐀𝐒𝐈𝐊𝐀𝐑𝐀

𝑳𝒂𝒑𝒂𝒏'𝒊 𝑴𝒂𝒉𝒂𝒛𝒐𝒂𝒓𝒊𝒗𝒐
[𝑭𝒂𝒉𝒂-29 𝒎𝒆𝒚 2026]

Mamarana ny dia arahin'asa any amin'ny Federasionan'i Rosia, ny delegasiaona tarihin'ny Praiminisitra, Lehiben'ny Governemanta, RAJAONARISON Mamitiana.
Nihaona tamin'ny Praiminisitra malagasy, androany, ny Filoha Tale Jeneralin'ny SBERBANK, Andriamatoa GREF German sy ny Filoha Lefitry ny Filankevi-pitantanana, Ramatoa GOLODETS Olga. Izy ireo izay samy efa nisahana andraikitra amin'ny maha minisitra teo aloha (toekarena sy varotra, raharaha sosialy)

Nivoitra tamin'ny fifampidinihana fa sehatra telo, samy manana ny lanjany, eo amin'ny fampandrosoana no hametrahana fiaraha-miasa: Fahasalamana, Fanabeazana ary Fizahantany. Tsy banky ara-barotra fotsiny ny Sber fa misahana asa fampandrosoana ihany koa. Notsindrian'ny Lehiben'ny Governemanta ny maha zavadehibe ny fiaraha-miasa ikendrena vokatra azo tsapain-tànana, mifanaraka amin'ny laharampahamehana nofaritan'ny Fitondrana Fanavaozana, indrindra mahakasika ny sosialin'ny vahoaka malagasy.

1. Sehatry ny Fahasalamana: hanolotra fitaovam-pitsaboana 230 boaty ho an'i Madagasikara ny Sber; izay azo ampiasaina any amin'ny toerana lavitra any ambanivohitra. Tsy mila "connexion" ny mampiasa azy, no tsy lafo rahateo. Ampiasaina koa ireo fitaovana ireo hanatsarana ny "soins de premier secours" mandra-pahatongan'ilay marary any amin'ny hopitaly. Homena fiofanana ireo Malagasy hampiasa ny fitaovana. Misy fitaovana avo lenta ihany koa izay hahafahana mahafantatra ny fahasalamana anatin'ny 10 segondra monja.

2. Fanabeazana : Nitsidika ny "Ecole 21" ny Praiminisitra, Sekoly izay ny Sber no mpamatsy vola. Marihina fa fampianarana tsy ahitana mpampianatra ny "Ecole21" fa ireo miofana no mifampizara traikefa "peer to peer learning" . Tanjona ny hahitan' ireo mpianatra asa aorian'ny fiofanana indrindra momba ny asa fandraharahana. Misy ny fiaraha-miasan'ny Sekoly amin'ireo orinasa hafa mila ny fahaizan' ireo mpianatra mivoaka ao. Hojerena, araka izany, ny hanohanana bebe kokoa an'i Madagasikara eo amin'ny fanofanana arak'asa sy fampananana asa, indrindra ho an'ireo tanora.

3. Tontolon'ny Fizahantany : azo trandrahina tsara ny fisintonana ireo mpizahatany rosiana ho tonga maro eto Madagasikara. Anisan'ny ezaka ataon'ny fitondrana malagasy, ny fanatsarana ireo fotodrafitrasa mahakasika ny Fizahantany mba hanomezana fahafaham-po kokoa sy hampitombo isa ireo mpitsidika. Mety amin'ny Rosiana rahateo, ny mankaty Madagasikara noho izy ireo tena mpitady masoandro noho ny hatsiaka any amin'ny faritra misy azy ireo.

Miha mahazo vahana ankehitriny ny fampiasana ny Ranitsaina artifisialy (intelligence artificielle -IA) izay voaresaka koa nandritra izao fihaonan'ny Praiminisitra RAJAONARISON Mamitiana tamin'ny mpitantana ny SBERBANK izao. Hojerena, araka izany, ny azo hampiasana ny IA eo amin'ny tontolon'ny Fahasalamana sy ny Fampianarana : cyber médical, cyber santé, robotisation.

𝗡𝘆 𝗦𝗲𝗿𝗮𝘀𝗲𝗿𝗮

27/05/2026

𝐓𝐀𝐅𝐀 𝐍𝐈𝐅𝐀𝐍𝐀𝐎𝐕𝐀𝐍'𝐍𝐘 𝐏𝐑𝐀𝐈𝐌𝐈𝐍𝐈𝐒𝐈𝐓𝐑𝐀 𝐑𝐀𝐉𝐀𝐎𝐍𝐀𝐑𝐈𝐒𝐎𝐍 𝐌𝐀𝐌𝐈𝐓𝐈𝐀𝐍𝐀, 𝐓𝐀𝐌𝐈𝐍'𝐈𝐑𝐄𝐎 𝐌𝐏𝐀𝐍𝐀𝐎 𝐆𝐀𝐙𝐄𝐓𝐘 𝐑𝐎𝐒𝐈𝐀𝐍𝐀

𝑳𝒂𝒑𝒂𝒏'𝒊 𝑴𝒂𝒉𝒂𝒛𝒐𝒂𝒓𝒊𝒗𝒐
[𝑭𝒂𝒉𝒂-27 𝒎𝒆𝒚 2026]

Nahaliana ireo mpanao gazety rosiana, ny mahakasika ny endriky ny fifandraisana sy fiaraha-miasa eo amin'i Madagasikara sy ny Federasionan'i Rosia, amin'izao fotoana izao.
Ankoatr'ireo fanohanana, teo amin'ny maha-olona, nataon'ny Rosiana, taorian'ny fandalovan'ny rivodoza Gezani, dia hotohizana amin'ny fiaraha-miasa ara-siantifika eo amin'ny samy oniversite, sy fiaraha-miasa eo amin'ny sehatry ny fambolena, ny fifandraisan'ny firenena roa tonta, hoy ny Praiminisitra. Hitarina ihany koa amin'ny lafiny fanabeazana sy fanofanana ara- miaramila.
Hisy ny fifanaovan-tsonia fifanarahana hametrahana faritra ara-toekarena iraisana, eo amin'i Madagasikara sy Rosia. Ary hohatsaraina ny tontolon'ny fandraharahana eto Madagasikara, hisarihana ireo mpampiasa vola.
Mahakasika ny vokatry ny olana famatsiana solika noho ny disadisa any Moyen Orient, nilaza ny Lehiben'ny Governemanta malagasy fa efa misy ny fifampiresahana amin'ny tomponandraikitra rosiana momba ny hahafahana manana fitahirizan-tsolika (stockage) bebe kokoa eto Madagasikara.
Resaka demokrasia: demokrasia an'ny Malagasy tsy alaina tahaka amin'ny an'ny hafa no hapetrakay, hoy ny Praiminisitra.

𝗡𝘆 𝗦𝗲𝗿𝗮𝘀𝗲𝗿𝗮